Butlery

营业中

休息中

朋友話每次經過呢間餐廳，都有好多人排隊。既然咁多人排隊，應該係好嘢，咁我就話不如等吓啦。餐廳裡面已坐滿人，地方唔細。歐陸式裝修，簡約光猛，環境乾淨。有梳化位，都坐得舒服架。餐牌嘢食都幾多，樣樣嘢都好吸引，尤其係甜品。我哋叫左個牛扒同意粉，另外仲有兩個甜品。Iron Grilled Flank Steak：叫左7成熟，牛扒淋上白蒜青醬，口感厚實，無筋容易咬開，點埋旁邊牛扒汁幾好味。配菜有翠肉瓜同薯條，翠肉瓜煎得幾香，薯條剛炸起，整體係唔錯。Calamari Squid Ink Pasta：意粉爽口，醬汁係墨汁同芥末忌廉汁，入口creamy較滑，味道好好。配料有魷魚，咬落同樣爽口，另外有蓄茄莎莎，洋蔥同紅椒等，甜甜地，幾好食。Matcha Cream Pancake：見到佢已經心心眼，厚pancake軟棉棉，有層次感，好有空氣感，但又好實在，上面灑左脆玄米，抹茶醬味道好夠濃，配埋旁邊紅豆食就最夾。另外抹茶蕨餅煙煙韌韌，呢個甜品真係超級好食，唔太甜，係我至愛甜品之一。Peanut Butter Banana Waffle：賣相絕對吸引，窩夫鬆化，配上雲呢拿雪榚食就有冷熱交溶感覺；而配上花生醬

今日在沙田開會，順便在新城市廣場覓食…見到間橙色大牆有個B字的餐廳幾靚，再望一望佢嘅餐牌，被海膽帶子忌廉汁意粉吸引咗，於是就入去試吓🥰餐廳叫「Butlery」裝修行外國復古風，幾特別，適合喜歡打卡呃like 的我👻新鮮海膽、香煎帶子、蟹肉海膽忌廉意粉，海膽夠鮮，新鮮，味道唔錯，帶子大大粒，煎得非常香口，忌廉汁夠濃夠多，每條意粉也掛到汁😍青口，小蕃茄，茴香，紫蘇蕃茄魷汁墨汁意粉， 好creamy ，青口份量不少，味道不錯！墨汁意粉軟硬適中！

之前這間店都很多人排隊, 所以今次朋友訂了座很快就能入座💖環境:座位很寛趟及漂亮💖食物:這間應主打甜品及食品, 所以熱食質素是OK, 但沒太大特別反而是有意外驚喜, 甜品"梳乎厘"變成了蛋糕上菜!看見時還以為朋友特別ORDER, 因為當中有2人生日, 原來大家都沒特別要求, 應該是我們說慶祝生日, 服待員聽到後, 特別為我們預備, 這個真的超級貼身!大讚!💖服務:服務員細心, 特別為我們甜品寫上HAPPY BIRTHDAY!!也常整埋我們枱面上的垃圾!🌟推薦菜:"梳乎厘", 有幾款味道, 很好吃!☘️今次晚飯很偷快, 會推薦朋友來這間細心的店~

今日走到新城市廣場中的「Butlery」，他們走著歐陸式復古設計，以墨綠及橙色為主調，配搭綠色植物復古之餘，空間感十足！Buttermilk Chicken Salad爽脆的羅馬生菜配上烤雞扒及煙肉，相當惹味，再配上軟腍的牛油果、嫩滑的溫泉蛋及醒胃的蛋黄沙律醬，味道豐富，清新開胃。White Wine Mussels藍青口肉厚嫩滑入味，忌廉汁香濃滑溜，蘸著多士享用，滋味無窮。Sea Urchin & Scallop Linguine海膽忌廉汁濃稠，意粉軟硬適中，彈牙又有嚼勁，十分掛汁，質感creamy，入口香濃，每一口都是鮮味，味道一流，叫人食得津津有味！Earl Grey Pancake伯爵茶梳乎厘班戟，口感鬆軟輕盈，入口散發陣陣芬芳茶香，加上新鮮無花果，味道更添清新。

新城市廣場雖然有好多餐廳，但成日都唔知食咩好～呢日早收工想食個下午茶，醒起Butley就決定過嚟chill下啦🤣 打開menu～決定今次只食甜品，唔食咸食！Strawberry & Custard Waffle🍓🧇 $115好似每次都會叫的😝 真係太好食，無計水準依然好～食到幸福的味道Earl Grey Pancake🫖🥞 $125唔想食太濃味的🍫🍫，所以清清地揀了伯爵茶🫖 茶味都夠濃，無花果好好食😆個pancake 真係好震騰騰的，不過個人都係不太喜歡一陣風的口感🙈

其中一個女侍應全程黑口黑面，翹埋雙手，不停同企喺隔離嗰個都係女侍應傾偈，唔知以為佢哋係客，自得其樂嚟餐廳食嘢享受暢談，仲好似返工唔做嘢係理所當然咁，你咁嘅姿態，邊有客人敢勞煩你呀？！明明行過你張枱，見到成張枱都係空碟，擺明係食完哂，水杯又空哂，完全當睇唔到，直行直過，我同屋企人眼都大埋，講咗句咁都得，嘩！佢好似癲咗咁行返轉頭，要執枱呀？跟住就發住爛渣一路執一路大力掟碟， 嘩，呢間餐廳可以請啲癲到自己唔做嘢，俾人發現仲惡人先好狀，會請啲同俾啲咁垃圾嚟serve客人嘅餐廳，你哋仲繼續去食，咁以後就唔好再問香港點解會變成咁！！

🚸 中產cafe 沙田新城市有間人龍cafe，幸好朋友有book位，不然等20分鐘或以上。食物水準👌🏻，但座位好密，同埋職員製作時冇戴手套，唔知大家接唔接受到bare hand 擺碟呢？🥞Earl grey pancake, 焦糖燉蛋pancake（$125）: 黎呢度都係為左佢，脆焦糖➕蛋香🥚吉士，好味呀！Earl grey 就普通，唔夠茶香。🍴煎帶子海膽意粉（$178）：帶子嫩滑，海膽新鮮，同忌廉汁意粉味道好夾👍🏻🍴喇沙大蝦risotto（$178）：海蝦好大但質地少少淋，喇沙汁同risotto唔夾，飯粒太硬同埋醬汁幾辣 🥵🍴忌廉青口（$78）：忌廉汁好濃郁👍🏻，青口冇異味。味道：🔅🔅🔅新鮮：🔅🔅🔅衛生：🔅🔅分量：🔅🔅🔅速度：🔅🔅

早聞這店的梳乎厘班戟超掂,這晚非假日放工即刻與友人去捧場,竟也要等十多分鐘才有位,而且發覺週邊的食客,有很多更是自由行的年青人慕名而來。說回食物,價錢也很貼地,更重要的是質素絕對對得任捧場客,先由頭盆烤鷄扒沙律,份量大而且雞肉汁豐富配上牛油果煙肉粒"正",另一小吃雞肉芝士墨西哥薄餅沾上酸忌廉及牛油果醬,好醒胃。继續白酒忌廉藍青口,更惹味。主菜煎牛扒配什菜,更有超大份炸薯條絕對超值。今日的主角出場啦！抹茶紅荳及日本蕨餅襯上香厚班戟,簡直美味無窮,這頓晚餐雖然食量大了,但實在大滿足。

放假約咗舊同學食野~我哋約咗嚟呢間人氣餐廳食晏打卡🤣🤣中午時段有套餐供應，選擇都唔少😚😚舊同學要左一份burger set，我就要左份pasta🤤🤤套餐可選餐湯或沙律～我哋都要左餐湯，當日既係蕃茄雜菜湯，味道酸甜開胃✨lunch set內已有兩款burger可選，舊同學要左牛肉嗰款～佢大讚burger包身好好食，burger整體食落既味道都唔錯💕仲有香脆既粗身薯條做伴菜添🤗🤗而我要個款pasta係明太子吉列大蝦意粉～一份有兩大條酥脆既吉列大蝦！！意粉掛滿濃郁既明太子忌廉汁醬，雖然食多幾啖會有啲膩，但真係好好食😆😆不過嚟呢度既重點係要食甜品！！！所以我哋每人揀咗一款齊齊share❤️我哋要左一份榛子朱古力法式多士同原味signature既梳乎厘pancake～兩款既口感都好fluffy ，富有蛋香！！加上賣相精美，打卡一流XPP我哋仲將餐飲加錢轉配做奶昔～奶昔濃厚，入口香滑，大滿足😍😍

俾pancake同薯條吸引左，晚飯時間要排一個鐘左右，建議係新城市廣場app拎定飛。French toast $98玉桂味好香，多士外脆內軟，配埋朱古力醬同雪糕口感一流，賣相好靚。。Black Truffle Cheese Chips $59一睇個Menu俾個薯條吸引左，除左原味薯條，有六款醬可以揀。今次揀左黑松露醬，黑松露味唔算好勁，醬料足夠，但同時都浸林左啲薯條。。Iron Grilled Flank Steak $192叫左七成熟成熟，煎得啱啱好，肉質鮮嫩，幾腍好易咬配香蒜青醬好特別，配菜有翠玉瓜粟米芯蕃茄，跟粗薯條有誠意。Black Truffle Mushroom Onsen Egg Linguine $145黑松路味濃過薯條，意粉煙韌度得啱啱好，配埋菇同流心蛋好食。不過CP值有啲低推介指數：8/10

今日揀去Butlery食野主要係俾佢個pancake吸引咗🤭我地揀咗Banoffee Cream Brulee 🥞 面有層焦糖 pamcake之間都仲有香蕉🍌重點係空氣感超正‼️😍😍個三層芝士醬薯條🍟都食唔停口～啲芝士好邪惡😈我地仲試咗幾個main dish都好好食😋用尼打卡都好靚👍🏻無論同另一半定閨密去都一流❤️·📍 Butlery (沙田)沙田沙田正街18-19號新城市廣場1期4樓479A號舖#hkfoodie #hkfood #hkgirl #foodie #foodstagram #hkig #相機食先 #美食推薦 #香港美食 #沙田 #沙田美食 #pancakes #空氣感班戟

歐陸式復古風餐廳🥰以橙綠色為主色 勁sharp嘅橙色牆身 配上金色 “B”字 加埋 BUTLERY 靚靚燈牌 門口已經係打卡位📸裡面有唔少綠色植物 同 鏡嘅裝飾🪴🪞而且餐廳嘅樓底好高 整體感覺休閒舒服🧚‍♀️๑ 海膽扇貝扁麵條🍝 • $178海膽忌廉汁好creamy扇貝厚身彈牙 煎得剛好👌🏻配上鮮甜海膽 驚喜係有埋蟹肉🦀令成個主食更加鮮味🤩๑ 魷魚忌廉汁墨汁意粉🐙 • $142有成6個魷魚圈 而且好彈牙🦑加上番茄沙沙🍅 fresh๑ 黑松露芝士薯條🍟 • $59好邪惡 滿滿芝士🧀🧀黑松露味頗濃覺得另外一款~酸忌廉牛油果醬🥑都好吸引下次有機會試試๑ 伯爵茶梳乎厘班戟🥞 • $125另外必食梳乎厘班戟有多款口味 例如 Tiramisu、抹茶🍵我就試咗Earl Grey!Souffle pancake非常之fluffyfluffy🥳配上Earl Grey醬、新鮮無花果、果仁脆餅、白朱古力脆米震震震震震～(๑>◡<๑)

新城巿開左間復古風既Cafe 好搶眼橙色既店面必食打卡梳乎厘班戟 超級多人推薦 睇番原來係The Pantry既姊妹店 Menu大致都相同 但環境就沙田靚小小🤭✎奇尊粉蝦&香蒜蛋黃醬薯條 $64呢度既薯條有好多款 試下呢個奇尊粉蝦原來係辣辣地既調味粉 灑係蝦肉上面薯條比較粗身 炸到好香脆 蛋黃醬加入左蒜香超惹味但食到最尾已經無哂啲醬😂如果可以轉做碟上啲醬會更平均燒法國春雞意大利飯 $172主要係雞髀既部位 雞肉嫩滑多汁意大利飯應該係用左黃薑粉調味 軟硬適中伴碟既蔬菜都好好食 有小小東南亞既味道魷魚芥茉忌廉汁墨汁意粉&蕃茄莎莎 $142芥茉忌廉汁好特別 亦都好creamy 魷魚彈牙有嚼口 意粉唔會煮到太腍另外蕃茄莎莎仲可以中和番個意粉醬既膩感所以成個意粉都唔會太漏 幾清新Baileys & Cream Milkshake $70質地好幼滑 奶香濃郁 Baileys味突出飲落都幾有酒味 仲有白朱古力碎成杯奶昔層次好豐富 真係超級滿足Matcha Cream Pancake $119黎呢度一定要試下呢個梳乎厘班戟口味有好多選擇 今次試下抹茶先班戟面有抹茶吉士醬同玄米脆脆 吉士醬茶味濃而不苦

今晚去新城市食飯，揀咗四樓角落位嘅Butlery，好適合打卡嘅餐廳～以打卡餐廳嚟講水準唔錯，而且價錢都唔貴，叫咗一個頭盤、兩個主菜加一個甜品，再加多杯milkshake share，飽到傻😂😂😂頭盤我地揀咗白酒忌廉青口，忌廉汁非常香濃，用嚟點嗰兩塊包好正，麵包本身都非常鬆軟又有牛油香～主菜叫咗flank steak同buttermilk chicken waffle，兩個比較會鍾意後者多啲，窩夫同薯條一樣咁出色，但炸雞juicy d 個汁亦都match d～甜品叫咗creme brulee pancake，作為The Pantry姊妹店兩家舖頭嘅pancake水準都好一致，合乎期望，焦糖脆面亦都唔會過燶～相比甜品，杯milkshake就更有驚喜，啲crumble好脆，同幼滑milkshake形成強烈對比，入面仲撈咗蘋果粒，飲完好滿足～

餐廳裝修既年代感有種藝術品- Nighthawks 夜鷹裡面既餐廳一樣有強烈既視覺效果, 色彩對比. 大量既鏡, 金屬邊框 帶一種復古感覺通常咁好打卡既餐廳排長龍一D都唔意外既, 但意外既係排隊既大部份唔係著得靚靚黎影相而係普通行街/打工仔放工/附近住客咁一入到餐廳裡面除左係俾鏡做出黎既空間感吸引眼球之外, 就係一股好creamy既意粉香氣行過發現唔少人都叫左同一款既海膽帶子扁意粉 Sea urchin and scallop linguine, 香味應該就係呢到黎今日當然就係叫左海膽帶子扁意粉, 黑松露溫泉蛋扁意粉, 伯爵茶味pancakeSea urchin and scallop linguine  $178呢個價位食到咁高質素既海膽實在係太高CP海膽鮮味沒有被濃厚既sauce蓋住帶子同海膽雙重既鮮甜胃仔真係好幸福黑松露溫泉蛋扁意粉扁意粉吸收滿滿既醬汁除左黑松露醬裡面既顆粒, 上面仲有黑松露既刨片然後再加埋淡淡的蛋香伯爵茶味pancakeearl grey獨特帶柑橘清香, 香中帶甜但甜而不漏pancake係偏空氣感個種入口仲係有少少moist飲品ginger ale, pomeg