Butlery

营业中

休息中

差唔多每年都會同依個朋友食一次飯因為佢每一年都幫我買年花特意要多謝佢，今次約佢食間新開又好似唔錯既餐廳見之前食飯時間黎都好多人排隊咁呢日難得我收早，所以就約左佢六點食呢個early dinner餐廳環境好靚我地坐底後點左個薯條食先再慢慢邊食再一邊睇下再點咩「辣味芝士牛肉汁薯條 」$58薯條都鋪滿車打芝士同肉醬夠晒熱，芝士肉醬太好吃簡直食唔停口食完薯條點個沙律食先「Buttermilk Chicken Salad 」$118個沙律份量都大份而且材料好豐富除左主要既羅馬生菜之外配料仲有烤雞扒、牛油果、煙肉平時食呢啲沙律，雞扒可能得少少呢度就有好多舊將沙律上既溫泉蛋篤穿再拌勻整個沙律食夠晒滋味至於主菜，我地點左「Le Foie Gras Burger 」$138用左鵝肝同埋安格斯牛肉黎做餡料，夠晒邪惡鵝肝煎到好香，安格斯牛肉好juicy芝士完美地溶晒係個牛肉上面鵝肝同牛肉味道真係好夾醬汁佢用左無花果醬唔算好甜，估唔到個味道都清清地可以中和左牛肉同鵝肝味「Grilled Salmon, Onsen Egg Risotto 」$168本身自己好鍾意食Risotto所以見到有都即刻點左個Risot

沙田美食攻略2023新開餐廳介紹 新城市廣場西餐/CAFE類/甜品店呢度主打甜品/西餐類晚市選了今期推介既牛扒薯條餐5/7成熟 澳洲/美國牛,肉質細嫩牛味濃郁!!5成熟仍呈粉嫩,油脂感豐厚,配埋煎蔬菜和薯條,飽足感十足!配上青醬有D似蔥油,香氣特別濃郁~個牛肉醬汁都好提味,仲可以試埋佢自家特調飲品~鮮橙梳打,服務環境都唔錯晚市平均消費$300一個人評分8/10沙田沙田正街18-19號新城市廣場1期4樓479A號舖Shop 479A, 4/F, New Town Plaza Phase I, 18-19 Sha Tin Centre Street, Sha Tin#HELLOHONGKONG #你好香港#EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食 #香港自由行 #香港旅行

好日都唔去沙田真係唔知有咩好食行到攰攰地是但入咗一間點知好驚喜喎!!南瓜湯幾香 仲有少少南瓜蓉 味道好真實嘅唔係沖出嚟嗰啲質素本身個意粉嚟到見到個樣我略嫌佢太多汁不過撈完之後發現每一條都掛滿晒汁啱啱好個意粉係linguine 咬落去嗰下 喂都係唔好講個汁住 我勁鍾意個口感!! 勁煙靭勁有口感處理得好好直到食到最後一條麵嘅時候嗰啲係完全冇晒汁嘅所有嘢都好似計算好哂🤍🤍🤍Bailey Milkshake好特別唔係度度有又即刻叫咗 超好味🤍🤍🤍🤍🤍薯條係同行朋友叫嘅自己就唔係好好不過都有食完全係非常印度風味好似同緊印度人打緊茄輪咁正總括而言呢間鋪頭食材質素好亦都係好用心咁料理食物不過如果佢嘅實物同相片可以更接近就更加好啦或者唔好整到個餐牌咁靚哈哈哈應該有好多甜品不過真係勁飽啦下次有機會再試佢啲甜品！！！

今日約咗個朋友去沙田食飯，揀咗呢間主打歐陸式美食嘅餐廳嚟試吓。賣相同埋味道都唔錯，尤其是窩夫，非常出色。食物種類都好多選擇！份量比較少，可以同朋友分享，叫多幾款試吓其他食物！環境都好舒服，適合同朋友嚟敘舊。整體來講，我會比7/10餐廳：Butlery地址：沙田沙田正街18-19號新城市廣場1期4樓 479A號舖人均消費：$150-$200營業時間：星期一至日 11:30-22:00電話：24511688

Pulled pork Lasagna🌚得鹹同埋酸，不過係無層次嗰種😞因為用左pulled pork 所以肉都有啲嚡😞芝士望落好多但無乜芝士味，同埋比較流質🙈三文魚温泉蛋味噌risottoRisotto 都ok，飯粒偏硬，味道偏日式，幾啱我口味😋不過三文魚質素一般😟同埋無乜魚香抹茶pancake🌟幾好食😋抹茶唔係重茶但唔會太甜Pancake 有蛋香夠空氣感MilkshakeCreamy but not thick🙈sweet but afterall its a milkshake🤣can give it a go!

如果係沙田食飯又想傾吓計，幾乎都會黎呢到好，鐘意佢食物多元化Buttermilk chicken salad 份量唔少配料亦豐富有牛油果，烤過雞肉，蕃茄仔羅馬生菜新鮮爽口用上黃醬同溫泉蛋撈埋做醬汁，加上香日煙肉碎一齊，成件事好夾白酒藍青口香濃忌廉好creamy，蒜香同奶香味十足，配上香脆多士，唔錯燒法國春雞&Risotto賣相非常唔錯，而且好大份配料有牛油果，大啡菇小蕃茄等春雞燒到金黃香脆，肉質亦夠嫩，再配上碟上自家製酸辣醬更加惹味 Risotto有少少東南亞風味，個人非常鐘意Pancetta Carbonara呢到意粉次次都唔會失望忌廉汁非常濃稠creamy，意粉煙煙韌韌掛汁力強，邪惡十足

第二次去沙田新城市廣場食依間帶點復古歐陸風情嘅餐廳，今次叫咗三個主食一個小食兩個甜食四杯奶昔，朋友推介依度嘅雲尼拿Oreo 曲奇奶昔$68，話甜度適中，又夠凍，我自己就比較鍾意焦糖脆脆奶昔$69，鍾意佢啲焦糖脆脆有咬口，連埋啲奶昔一齊食好味，主食份量唔算好多，但味道不錯，不過唔係幾夠熱，黑松露薯條個醬幾好味，但有朋友話多食個味有啲苦，甜品賣相又靚又好味，又唔會過甜過膩，價錢方面唔係平，服務有啲參差不一，不過整體來講也ok.#沙田#新城市廣場#dinner#晚飯#甜品#pancake#窩夫#sweets#dessert#スイーツ#デザート

同朋友行完街想食個dinner+dessert 於是揀左呢間位於沙田新城市廣場嘅Butlery。Sesame Salmon & Kale Salad $125三文魚沾滿黑白芝麻，入口芝麻香同三文魚鮮味一拍即合，蔬菜新鮮爽口好refreshing。Chicken & Cheese Quesadilla $79香烤薄餅皮，夾起簡單嘅配料加上半溶芝士就已經好好味，沾點sour cream同牛油果醬就更上一層樓。Burger揀左Mo $99, +$25配薯條，漢堡扒鬆軟多汁肉味香濃， 麵包皮夠柔軟，薯條金黃香脆。Apple Crumble French Toast $98French toast上有一層軟滑蛋漿，配上甜酸蘋果粒甜而不膩。Strawberry & Custard Waffle $115窩夫皮夠脆，Custard綿密細緻，士多啤梨份量十足而且非常香甜。

覺得呢間係新城市入面中環境同味道都唔錯嘅餐廳，今次去留意到餐廳多左啲限定餐牌。🍴鵝肝牛肉burger+薯條繼上次食完double mac覺得好食，今次encore burger。呢款用左無花果醬汁，相信係想減少鵝肝嘅油膩感。好鐘意個包皮，用左brioche，夠軟身又香牛油味，夾埋鵝肝同牛肉，滋味同卡路里都爆錶。🍴煎牛排餐牌英文寫flank steak，中文就簡單寫係煎牛排。呢個部位嘅肉會比較少脂肪，肉質緊實啲，千祈唔好抱住平時食肉眼個心態叫佢。最傻仔係無留意呢個牛有薯條做伴菜，叫burger時又加左錢要薯條，好彩啲薯條炸得好食。🍴Butter milk chicken salad本身想試芝麻三文魚個款沙律，可惜當日無。呢款中間有粒溫泉蛋，配雞肉同沙律菜，正常。🍴抹茶pancake上面個cream幾香茶味，甜度唔算高，側邊個蕨餅都煙韌。可惜可惜，當日個pancake中間熟度差啲啲，有陣生蛋味。整體味道唔錯，環境又舒服，去新城市都應該會返黎食，但留意返餐廳有限時架。

終於有時間可以試吓沙田充滿復古風尚的Butlery西式咖啡店，店子以橙綠配的對比用色，帶來輕鬆愉快的用餐氣氛。Butlery是受歡迎的餐廳，平日的晚餐時段需要等位入座。Buttermilk Chicken Salad $118烤雞扒、 牛油果、煙肉、溫泉蛋、羅馬生菜、蛋黃沙律醬前菜先點了一客開胃沙律，烤香的雞肉，新鮮的羅馬生菜，以粒粒牛油果和煙肉點綴，再配上滑溜的溫泉蛋，清新的田園系沙津打開了豐富晚餐的序幕!Sea Urchin & Scallop Linguine $178 新鮮海膽、香煎帶子、蟹肉海鹽忌廉汁意粉Butlery不只是一間咖啡店，fusion 的海膽意粉也讓味蕾有了新突破，質感細膩甘甜的海膽，入口即溶! 加上啖啖肉帶子，整碟意粉充滿海鮮滋味。Sour Cream Works Chips $55酸忌廉牛油果醬薯條香脆的粗薯條不容易找得到，酸忌廉拼搭牛油果醬原來是完美絕配，惹味必試推介! Tiramisu Pancake $122Ricotta 厚班戟，Tiramisu，燕麥松子仁，咖啡糖漿私心喜愛班戟甜點，一件等於三層厚度的Ricotta 厚班戟，淡淡咖啡的輕甜班戟，鬆鬆

Butlery開張半年多啲，餐廳走歐陸式裝修風格係，白色基調牆身襯托橙綠色部件、典雅階磚、高樓底設計，令人覺得置身異國西餐廳。食物選擇唔少、賣相都不錯。Calamari Squid Ink Pasta $142大量芥末忌廉汁令意粉整體好Creamy，但個汁質地唔算厚，唔會太有飽濟感，加上有新鮮檸檬汁、蕃茄莎莎提味，味道豐富又清新！Spicy Sunshine $99由麵包到餡料都唔錯嘅漢堡包，手打半熟安格斯牛肉、多汁菠蘿、半熔芝士、酸瓜醬、微辣辣椒醬汁、烘過脆邊嘅麵包，加埋一齊好好味！Cajun Prawn Aioli Chips $64剛炸完嘅厚切薯條加上蛋黃醬好可口，炸過嘅鮮蝦外皮脆、蝦肉彈牙，蒜香粉味突出，好香！Honeycomb Caramel Milkshake $69/Crumble & Apple Milkshake $70見到網上唔少人推介呢間餐廳嘅奶昔，好味又份量十足！奶昔又滑又香，入邊仲有雪糕，頂層有cream、焦糖脆脆/果肉餅碎，食得出濃厚嘅烘烤香，又有多重口感，唔似一般飲品咁單調！Earl Grey Pancake$125女仔有另外一個胃係消化甜品嘅，呢度嘅pa

🌟餐廳：Butlery📍地址：沙田沙田正街18-19號新城市廣場1期4樓479A號舖💰價位：～$100 - $200⏰營業時間：星期一至日 11:30 - 22:00📱電話：24511688難得今日準時收工，約同事落沙田食埋飯先返屋企😌😌新城市廣場一向都多野食，我就揀左呢間 「Butlery」，主打歐陸式美食，即刻試下———————————————————🔹Buttermilk Chicken Salad沙律材料夠哂豐富十足，有齊烤雞扒、牛油果、煙肉、溫泉蛋、羅馬生菜~沙律菜新鮮爽脆，上邊鋪滿香滑既牛油果同埋嫩滑多汁既烤雞扒，加埋自家制蛋黃沙律醬，每一啖食落都超滿足💕———————————————————🔹Wild Wings炸雞翼外皮炸至香脆，肉質保持嫩滑~重點係搭配左蜜糖是拉差醬及青瓜酸忌廉醬，兩款醬各有特色，令雞翼食落更惹味😬———————————————————🔹Salmon Waffle BenedictWaffle係呢間餐廳主打菜式之一🌟上層既溫泉蛋一切開後，濃濃既蛋汁慢慢流出黎，打卡一流~窩夫焗至外脆內軟，趁熱食一流，搭配埋鮮味既三文魚及濃稠既荷蘭醬，好夾❤️———————

入嚟沙田食嘢及踏單車，老婆最鍾意食甜品，網上都幾多人推介呢度，所以平日午市都幾乎爆滿。午市套餐由$128起，價錢尚算合理。燒三文魚柳配薯蓉及芒果蟹肉他他$188，蟹肉他他內蟹肉份量算好多，食落口淡淡蟹肉。三文魚柳燒的火喉剛剛好，中間位置剛剛熟，整體上唔會太鞋口。白酒藍青口配多士$79，藍青口的肉好厚身，白酒汁又無忌廉汁的肥膩感，多士質素高。黑松露芝士薯條$59，薯條夠厚身，烤得脆身，配合黑松露芝士汁，好吸引！伯爵茶疏乎厘班戟$125，疏乎厘質感鬆軟及有彈性，上枱時會見到三層的疏乎厘班戟震動維持幾秒鐘，伯爵茶茶味突出，唔會太甜，好的配搭。士多啤梨奶昔跟餐只係加$25，士多啤梨味味道濃烈，奶昔順滑。Affogato 唔係太多餐廳提供，咖啡味濃，雪糕份量比其他地方多，$46算抵飲。

香港剛剛通關，約咗朋友由大陸過來於沙田新城市廣場相聚，朋友話聽聞Butlery 幾好，我以前曾經食過，都不錯，咁就帶佢去試吓。餐廳唔算大，但服務員都好 nice，用餐時間為90分鐘，我哋先order雞沙律，有牛油果，煙肉，温泉蛋，羅馬生菜，雞扒撈蛋黃沙律醬。雞扒嫩滑，生菜新鮮加蛋黃醬提鮮，入口爽脆，係一道開胃菜。主菜order咗芥末忌廉墨魚意粉同煎牛扒。廚師用魷魚加蕃茄莎莎炒意粉，每條意粉都掛滿芥末忌廉醬，非常惹味。牛扒有濃牛肉味及 juicy ，簡直係我朋友至愛。最後叫咗個我至愛的 pancake，這個我覺得係這餐廳必食之選，入口鬆化，香濃蛋白味，加上每款不同配料，真係食極都唔厭，結賬都係六百多元，朋友話抵食，一定會推介給朋友來香港食！

難得同媽咪兩個撐枱腳，就帶媽咪去呢間復古橙綠色調歐陸式餐廳 Butlery🧡⭐️ Burger MO 漢堡入面夾住安格斯牛肉，炒洋蔥磨菇同芝士。芝士微融，口感好好。安格斯牛肉煎得外層焦香，肉質都算滑嫩。洋蔥炒到焦糖化，好香甜。加咗side chips同Sour Cream Works醬汁。酸忌廉牛油果醬好有墨西哥風味。⭐️ Calamari Squid Ink Pasta意粉用咗芥末忌廉汁，味道好特別，微酸微辛。魷魚圈彈牙有嚼口。⭐️ Banoffee Creme Brulee Pancake見到好多人推薦Pancake🥞即叫即製，食完主菜就可以熱騰騰上枱。賣相吸引，有蛋香，口感鬆軟。唔會甜到膩。⭐️ Strawberry Milksha好好味道🍓媽味好快飲曬🥰⭐️ Honeycomb Caramel Milksha奶昔加上焦糖，味道香甜不膩。