Burgeroom (Fashion Walk)

营业中

休息中

銅記食burger一定喺burgers room，由當年嘅加路連山道食到呢到，自問唔係忠心，總之想食個好嘅就要番黎呢度食。早排做完手術未開工，心思思，好想落黎飲咖啡，落到黎，見到burger room，有啲餓，望下佢有冇咖啡，原來有，咁好啦。真係好掙扎，而家胃口細左，又戒緊口，唉，唯有，唔食double decker啦。Order左cappuccino，portobello cheese burger，fish finger因為好想食tartar sauce。咖啡比想像中更加好，好濃，奶泡香，厚，亦都比想像中大杯。好滿足。Burger水準依然，厚厚一塊patty，有肉汁，有肉味，有焦香，麵包脆，温暖，配菜新鮮，呢啲咪burger囉！不過一定要用刀叉食！實在太大個嘞。舒舒服服~ 好味，心情好！

我呢個人真係好特別，又想注重健康又間唔中會想食下垃圾食物。Burgeroom 真係成日聽朋友講，都未食過，今次就黎見識一下佢地有幾咁猛料。首先，佢地嘅burger 選擇真係好多好多，我地揀食咩嘅時候真係揀左一D時間，有選擇困難可能會花更多時間HAHA ！ANYWAYs，我地叫左一個雙層漢堡，連埋一樽外國入口嘅soft drink。呢個burger 嘅size 真係唔係講笑，胃口唔大D 都真係唔會食得哂，如果兩個女仔去真係可以兩人個share 黎食。餐廳都好細心知道我地share 所以切開左一半比我地。D fries 好新鮮好似真係成個薯仔即切即炸咁，而D burgers好juicy, juicy 到D 包都比佢地整濕哂。其實整體唔會話好有咩令人驚訝，味道就普通burger 咁，不過不失，勝在選擇多，可能有其他burger 會好好食但就冇試。

好一陣子冇黎食burgeroom，今次又同好朋友一齊黎食👭6點幾黎到都未係好多人。呢間有室外同室內，呢排都仲係熱熱地☀️所以我地都係坐室內😆呢度係半自助形式，要自己出去counter點餐，之後野食就佢地會送過黎😜.🍔黑松露芝士大烤菇煙肉牛肉漢堡 $130 漢堡包好鬆軟，面頭有好多芝麻😋塊牛肉超級厚😱牛肉味都幾濃，仲好juicy，肉質好嫩一啲都唔韌。中間有塊長長既煙肉🥓夠哂香脆🥰大烤菇都係好鬼厚，又香又多汁，加埋半溶既芝士，不得了🤤個底仲有啲生菜同蕃茄，感覺冇咁油膩👍🏻.🍗香辣雞塊配芝士醬 $70/6件 熱辣辣既雞塊，加上重點既芝士醬😏勁多勁香濃！面頭有落左少少香草，更能帶出芝士既香味👍🏻芝士fans既我表示好滿足😜邪惡度爆燈💡💡💡.🥔黑松露薯蓉寶 $58 食落外皮脆脆地，而內裡既薯蓉口感非常軟滑👍🏻每一啖都感受到黑松露既香味🥰.🍑蜜桃冰茶 $38 唔想飲酒可以考慮冰茶，佢有三款口味，蜜桃、菠蘿同荔枝。我就揀左蜜桃，甜甜地，都唔錯💕🍸伏特加青檸梳打 $68 呢杯伏特加青檸梳打味道好清新，青檸味幾重，所以好易入口。好啱女仔或者想飲少少酒輕鬆下既朋友😉

📍Burgeroom 呢間店好多人排隊食，所以我同朋友一放工狗沖去食，我一直都勁勁勁中意食佢個鵝干burger ,諗起都流哂口水，我又食喇！雖然少貴、但物超所值🤩 打緊食評都口水沖緊上黎🔻鵝肝牛肉漢堡😍厚厚既鵝肝煎得外皮焦香，入口即溶。牛肉漢堡扒肉質鬆軟，鮮嫩多汁，配上半溶芝士、新鮮既蕃茄生菜真係一流 .🔻牛油果醬芝士薯條 creamy 既牛油果醬同蕃茄蓉果醬混入薯條中，食落清新，再加上半溶既芝士，食落香甜可口.推介指數：😇😇😇😇😇😇😇8.76/10人均消費：$150地址：銅鑼灣Fashion Walk食街百德新街50-56號地下D舖（港鐵銅鑼灣站 E 出口）

我成日比佢既鵝肝牛肉漢堡吸引住..但永遠都無去食到..早前,朋友終於同我去一試..由於朋友唔食鵝肝..咁唯有簡第2樣簡左好耐...最終簡左龍蝦漢堡未食已經漢堡既賣相吸引, 咩都唔理, 相機食先...漢堡內既龍蝦肉味道好重而且新味彈牙..  仲配有番茄,生菜,牛油果,芝士等等.. 食落去時可以有層次地食到主角以及配料既味道,口感豐富! 一流雖然唔係話去過好多地方食burger!但暫時黎講..burger room 都我試過而覺得最好食既一間漢堡店!

🐹肥老鼠約了朋友在銅鑼灣開餐，食m記以外的漢堡。六點左右到，沒有人排隊，餐廳都空盪盪的，相反之前週末過來排很長龍。又是自助下單形式，到櫃台下單付款，然後再回去等餐到。某些支裝和罐裝飲料要自行出去雪櫃拿。Bundaberg ($30)薑啤要自己去雪櫃拿，這牌的薑啤棒棒的有薑味不會太苦又不會太辣，有少少梳打的口感，很易入口很適合女士們飲用。配零食一起飲，十分舒暢。Iced Pineapple Fruit Tea  （$38）這杯菠蘿冷茶相當失色，其一不夠凍，其二不夠味，其三不好喝真的是不要點，不值這個價，叫啤酒喝更好。Melted Cheese Twister Burger  （$55）芝士扭紋薯條剛上台時，十分香脆，配合芝士的咸香，送酒一流炸得剛剛好，不會過乾過焦。不過要盡快食用，待到食完漢堡才食的薯條變軟了。Soft Shell Crab Burger （$108）軟殼蟹漢堡又是很失色的一道，整個包太乾太少醬汁，而且蟹小粉漿多，很容易食滯不過蟹味的確很重，只是沙拉醬少很可憐，食完整個口淡淡。Portobello Cheese Burger（$110）皇牌出場了，大啡菇牛肉芝士漢堡真是十

最近我愛上食漢堡， 這店處於靜中帶旺既點地， 最適合傾下計， 整體食物都不錯， 可惜上菜太快， 令食物凍了，下次再食要分開order較好。   🥢雙鵝肝牛肉漢堡 $248霸氣雙鵝肝牛肉漢堡， 鵝肝與牛肉漢堡比例一比一咁厚， 肥厚雙鵝肝入口甘香軟棉， 牛肉肉汁豐富， 食落啖啖肉， 好滋味。 🥢雙層牛肉芝士漢堡 $145  大大塊牛肉，肉汁豐富， 但肉味偏咸 牛油果醬芝士薯條 $65 薯條外脆內軟， 牛油果醬夠特別，輕易拉出芝士絲， 食落酸酸咸咸，好惹味。🥢荔枝冰茶 (左) $38 自家製嘅冰茶， 好舒服潤喉。🥢凍鮮奶綠茶 (右) $42 鮮奶與綠茶比例剛好，好香濃。------------------------------

同朋友行行下街又心思思想食burger，咁岩身處喺銅鑼灣，就黎burgeroom食下先！其實佢係有啲outdoor位既，但我太怕熱所以都係入去食算😂佢呢度鵝肝牛肉burger同軟殼蟹burger都好出名～諗左諗都係想食鵝肝🤤個包超級大個！！鵝肝煎得唔錯，外面唔會話煎太少好淋一pat咁，而入面又好嫩，用條脷輕輕壓一壓已經滲出好大陣油香🤤🤤牛肉亦都非常juicy好有牛味🤤🤤🤤呢個黑松露芝士薯條一上枱既時候脆卜卜熱辣辣，配埋個芝士醬真係好好食🤤芝士醬有淡淡黑松露香味🤤🤤真係好鬼死奢侈既組合😂但記得一上枱要趁熱食，唔係啲芝士醬就會凝固左影響口感😏最後配返支蘋果酒簡直係一絕！飲完真係gur晒！如果喺銅鑼灣好想食快餐又想有水準既話，burgeroom真係我既不二之選😋😋

之前同朋友提起，想食鵝肝漢堡， 可惜曾食過既漢堡店已經結業了，今日朋友帶我食Burgeroom， 為左彌補我對鵝肝嘅思念， 我決定任性一下。雙鵝肝牛肉漢堡 $248好細心， 會把漢堡切開1半， 方便share食，邪惡的雙鵝肝，外面煎得好香口， 內裡好細嫩，入口充滿油香味，牛肉漢堡好juicy，牛味濃郁。牛油果醬芝士薯條 $65好特別， 用近年最興既牛油果做醬， 混埋芝士食，好夾好creamy。香辣單骨雞翼配蜜糖芥末醬 $60單骨方便食， 雞翼炸得好出色，配上香甜既蜜糖芥末醬，充滿熱氣感。

放工時間又想過嚟burgeroom chill一chill啦，特別掛住個大burger😋 今次嚟到係銅鑼灣嘅分店，位置係fashion walk嗰頭，地鐵岀嚟大概行十分鐘就到。 分店比尖沙咀大小小，仲多咗室外吸煙區。 今次算係自己diy咗一個大burger岀嚟😂 係pineapple barbecue sauce chicken burger，外加軟殼蟹😍 酸甜開胃之餘仲成個burger豐富咗。 切開裹面，除咗主要材料外配料都加得好足，絕對一啖咬唔哂😋 barbecue sauce都好多，令到個包十分juicy，唔會因爲太多肉而好乾。 黑松露薯條，呢到嘅黑松露醬仲加咗芝士，令到感覺full啲。我覺得適中，唔會太漏，但就小咗黑松露嘅味道😢 anyway，薯條都仲係熱辣辣好脆口嘅。 Somersby 蘋果酒，我諗唔洗多講地好飲。呢到啤酒選擇都幾齊，如果只叫小食再加飲下啤酒傾下計都ok。

Twister fries 30久違了的圈圈薯條，十分新鮮，調味很match，溫度夠熱脆身。Pineapple barbecue sauce burger $98牛肉勁厚身，外脆內嫩，成個burger份量十足。但我唔鍾意食生洋蔥，下次一定要記得走洋蔥。cheese portobello burger $110朋友點既呢個，有cheese同牛肉係絕配。佢好欣賞舊牛肉夠大份，我就很like個包，脆身同有芝麻。Iced peach fruit tea $38呢個係手工調配，比起包裝飲品更新鮮，冇咁甜，同pure d. 朋友點左支血橙汽水，係比較甜和易入口。

眼闊肚窄，樣樣都想食，同朋友各點一個開心share之前每次都係食鵝肝牛肉漢堡今次就試左「蜜糖芥茉大烤菇芝士牛肉漢堡」，個菇吸收牛肉既肉汁令成件事昇華左，再加埋蜜糖芥茉酸酸甜甜好惹味😋朋友就點左「菠蘿煙肉漢堡」，菠蘿嘅酸甜中和煙肉既油膩感，不過比較之下都係鍾意自己果個多啲😂「魚手指」炸得好乾身好正👍🏻，下次必點小食食漢堡就一定要有薯條先完整🍟，所以加左份薯條，可惜兩個女仔高估自己既食量，好彩加咗一份如果唔係實食唔晒

wanted to try burgeroom for sometimes already, tried their mushroom burger today, the burger was very big, having a lot of ingredients, including cheese, mushroom, beef and lettuce, the beef itself is very juicy, and with the melty cheese, it's a perfect match, now I understand why so many people came here, definitely worth a try

成日話想去Burgeroom食嘢, 但係成日都見到排長龍， 最記得嗰陣，銅鑼灣店剛剛開幕，人龍超長！見到條人龍都嚇親！完全嚇走咗！今日終於都唔使排，時間仲早，有得食！ Yeah!揀到眼花，樣樣都想食。。。今日叫咗兩個Burger, 一個係蜜糖芥末大烤菇煙肉牛肉漢堡另一個係 大烤菇香脆鱈魚柳漢堡漢堡真係好厚，聞名不如見面！好Juicy, 一咬落去好多肉汁出嚟!烤菇真係好大塊，牛肉真係好厚，蕃茄又大塊！大菇鱈魚柳漢堡，鱈魚外層用炸漿包住炸過，外脆內軟，肉質嫩滑且肉厚。 澳洲出嘅Bundaberg 真係好好飲，一流！雖然價錢比一般burger店貴，但份量十足！推！

呢次嚟咗銅鑼灣食burger，地鐵出咗行幾分鐘入條食街就到，去到有得揀坐出面或者入面，天氣涼爽坐出面應該都幾正。入到去坐低之後就叫咗個墨西哥辣椒牛肉漢堡同軟殼蟹漢堡，兩個都加咗30蚊set有薯條有嘢飲，嘢飲選擇都幾多，叫咗homemade tea，荔枝冰茶同菠蘿冰茶，杯底到係見到果肉嘅，整體嚟講杯嘢唔會太甜，幾好。到burger方面，牛肉漢堡夠厚身，有肉汁，食落都鬆軟，而軟殼蟹望落就知好大舊，出面食落真係好脆，好有驚喜。另外仲叫多咗個小食，芝士雞塊，每塊雞都好大塊，點埋芝士醬食好夾，餐廳環境都好有feel，一個人嚟食都會好enjoy。