Burgerman (欽州街) (已結業)

Affordable Luxury - 「能夠負擔得起的奢華」，現時最興盛的消費潮流。點解流行？原因好簡單，當人越來越進化，越來越講求「態度」而不只是「維生」，但我們人工仍然保持低賤的時候，我們需要一些「奢華感」，因而引入不少輕奢侈品的出現。除了用品、旅行，當然餐廳也是。以前食下好野（都只不過是西餐、壽司、燒肉），要等到出糧當「獎勵」下自己。今日多得世界化的出現，令我們更容易以平民價錢享用高級美食。今日就想同大家分享呢間<$100的飛驒牛漢堡，好讓大家咀巴窮風流一下。麻雀雖小但五臟俱全。鋪頭細細但廚房同堂食並備。大家點餐後可以親見自己的漢堡包即叫即製的過程。那裡的菜式不論漢堡、麵食及配菜，都是即點即烹，保證新鮮。那裡選擇也不少，漢堡都有約十款，還有麵食、前菜等，牆上更貼上等等限時或季節推介的炸物，相當吸引。而我早已有心水了。就是它了！飛驒牛堡 + 薯格，等左廿分鐘左右，新鮮即製，熱辣辣咁，睇落非常吸引！先講講主角-漢堡，用上了「日本三大牛種」的飛驒牛肉，鹽、胡椒的調味，煎香後肉汁豐富，外面仍帶焦香；而漢堡包本已烘烤，吸收肉汁後香脆又惹味。中間有熱溶芝士、煎蛋及新鮮菜苗，比平時用

黎到見到有個新出既餐,所以專登試下。宮崎牛漢堡套餐包身好軟熟，牛肉有牛味，多汁。好少食burger無芝士，但蘑菇 雞蛋呢個配搭都幾新鮮。最讚個薯格，好新鮮，好味道！buffalo wings一樣好新鮮，熱辣辣，可一試

之前在大角咀吃過Burgerman回味無窮，這星期發現有團購即刻帶老婆去試，之後後悔到不得了。1 隔離中藥店煲中藥勁大浸味，非戰之罪。2 職員態度非常差，明明右邊有吉枱，呼喝般説團購的話要坐左邊，無位又不等的話要當外賣。3 廚房一停手就睇片，明明冇壓力但對客人啲態度都唔好。4 薯條冇大角咀啲咁好食，漢堡一啲都唔juicy，可以説是半乾，也吃不出醬汁。5 面包烤過頭，硬得刺口。希望不是團購關係影響了食物的質素，不過深水埗店應該永遠不會再去。

今日12月22日晚上七點左右，用Yahoo 團購購買了三張宮崎和牛漢堡，店員（短髮戴眼鏡)的態度10分不友善，我太太在店等我五數分鐘，那位店員問我太太「咩事呀」，我太太話等我，之後我到order三份宮崎和牛漢堡，汽水本來是叫兩Coke和一雪碧，已經説想轉三罐可樂，她說「又點呀」，我的餐是有鹹蛋黃醬，我問一下，她說「沒有」，其實點解要咁燥底，之前也說過最間餐廳覺得漢堡包不錯才幫襯購買團購，食物再好也不會介紹朋友去食。

之前通過團購優惠價買了個日本飛驒牛漢堡套餐試試,可以選大角咀店或深水埗店,大角咀離地鐵站太FAR了所以選了深水埗吃,環境比想像中來得更迫,舖頭係好細,因為只有4-5個位就滿了,而且門外的汽車廢氣很近,沙拉有沙拉同栗米千島醬,沙拉清清地易入口,配上千島醬重味可以平衡返~日本飛驒牛漢堡包當中的牛肉味濃厚一些,但牛肉如何可以再大塊小小就好了,內裡加了蛋,蛋有蛋香,店面衛生真是普通,客人最好要靠自己清潔坐面,因為店員都很忙

Easy and better alternative to any other burger fast food restaurants! The price is affordable and yet nice and meaty for a hole in a wall joint! A bit oily but thats what a hold in the wall burger shop should be! Although sometimes the shopkeeper (auntie) can be a bit forgetful but can be forgiven, as like most most staff there are welcoming! Even lacking a bit of English I see that they're trying and truly treasure their shop!

突然心癢癢想食burger，唔想過海食five guys 就去咗深水埗嘅burgerman 去到坐低覺得好暗好逼，坐得好唔舒服😂諗住食啲高質啲嘅burger 就忍下啦同男朋友👫叫咗二人餐和牛漢堡同藍芝士漢堡🍔再揀番薯條🍠同炸芝士條🧀睇落好似好好味然後正文開始藍芝士漢堡🍔個扒一咬落去乾爭爭，一啲肉汁都冇，啲肉又鞋又散舊扒大小剛好，如果大啲嘅話，咁嘅質素我情願唔要😂😂😂😂煙肉就算啦個包凍咗，一啲烘熱微熱嘅感覺都冇🍔和牛漢堡舊扒比藍芝士好食啲，有返啲肉汁但係都係凍🍠番薯條比較滿意脆脆地又甜甜地幾好食份量適中但係都唔夠熱🧀芝士條正常味道但係稍嫌太實心，如果熱多少少就可以冇咁硬考慮到環境都好麻麻，仲有啲烏蠅飛嚟飛去🙈都係冇下次啦死死地氣過海去試其他burger 算🙃

搜尋見到有這間漢堡包店，見圖片都幾吸引去試一次，點知原來中晒伏，牛肉有筋又乾身，份量同價錢亦不成正比，又貴又細份，店內環境比較細，所以想堂食的話，要等其他食客結賬先有位。

good food, good hygiene, service needs more improvement, bought food here since I was 14, burgers were satisfactory, although I am questioning the waffle fries order. My dad asked for one order of waffle fries and when he received it, the staff only gave him 6 pieces which is not equivalent to an order of waffle fries, I don’t understand why the staffs would serve such little amount of fries in one order and charge us the same amount of money. I’m starting to think my dad is getting scammed by t

途經見哩間burger店好多人食緊，相信應該唔太差，我都買返個和牛漢堡試下先，點知令我好失望囉，個包好細個，牛肉似係普通牛，鞋口好難食，價錢已經唔係平，我覺得有d伏。

好耐無食過Burger ，突然間好想食，行完黃金商場後覺得肚餓，行行下禁岩比我見到呢間位於大馬路旁既Burger店，就入左去店鋪好細，只有幾個坐位，垃圾要自己清理，醬汁都要自己加😂- 至尊漢堡 $80 + 薯條 $20價錢方面，成個餐加埋要一百蚊，但係好彩份量夠大，感覺抵返漢堡包上撒滿芝麻，令個包更加香，而且表面係脆既，唔會好似快餐店個d軟淋淋配料方面有煙肉，煎蛋，洋蔥，生菜，芝士，同兩塊Juicy既漢堡，一啖過好惹味，超出我預期薯條方面，唔係cheap cheap薯條，好厚實，而且脆脆地，不會過油，炸得岩岩好，表面仲有d薯皮，感覺上係真材實料既薯條如果服務方面可以改善下就好，例如主動遞下醬汁，唔洗下下要客人自己去攞，好唔方便。

成日經過深水埗見到呢間小店都係入去試下，呢日經過見到無人排隊又啱啱到下午茶時間咁就試下啦小店環境真係好細，兩邊靠牆吧檯，門口都放左一張高腳小圓檯，大約只容納到8個人堂食。order左menu上最豐富既至尊漢堡加左份薯條🍟漢堡有兩大塊手打漢堡扒，煎蛋，中間夾有洋蔥、番茄同生菜，麵包都有烘過。坐係吧檯仲可以見到廚房炮製美食，好享受睇住食物既烹飪過程，呢d就係難得既小店特色！薯條只屬普通，夠熱，有d鹽調味！下次經過可以再戰

先講環境，成間舖好暗，好污糟！除咗張枱、櫈、地下，周圍全部都係塵！電線係塵，喇叭係塵，總之見到嘅嘢都係塵！嗌咗個燒菠蘿雞腿漢堡，個醬嘅味道還牀，但塊雞扒炸到好燶！👉🏾👈🏼比深色手指更加深色，食落去每一啖都覺得會刮損個喉嚨咁！跟餐個薯條吸晒啲油益味，估計啲油好舊，好污糟！總括嚟講，好！污！糟！任何一間街邊小店都比佢乾淨！究竟店主同店員係幾無心機先會令一間原本咁出名嘅漢堡店攪到一塌糊塗呢？？？如果環境同衛可以俾負分，我一定俾-100000000分！

團購做緊優惠，買左個日本宮崎和牛漢堡套餐同日本飛驒牛漢堡套餐，上網見到相同介紹又唔錯，咁就抱住期待既心去食啦。有一樣唔方便既係佢兌換時間要星期一至五， 11:00am – 8:00pm 先可以換，所以我一放工就急急腳要去深水埗啦。 Burgerman 係係西九龍中心附近，但招牌唔起眼，要細心留意先見到。一早已經有心理準備，舖頭係好細，所以去到見到咁狹窄都接受到。由於果陣得我一枱客，所以都未算好迫，但之後黎多左人，就幾迫啦入面有個mon 不停影住舖頭賣既漢堡，望落都好好食。Menu 都有成11 款漢寶揀，又有少少小食。日本宮崎和牛漢堡套餐 ($88)係新推出，Menu 冇，原價應該係$138,塊牛肉都幾大，另外有一片芝士同蛋，仲有蘑菇幾塊，望落唔錯食落牛肉都好多肉汁,而且入口即融，都幾肥美，但係食多幾啖會覺得幾膩下，鐘意食和牛果種好重油脂眉人應該會幾岩口味但我略嫌太多油脂，牛味太淡。跟餐既薯條好新鮮，岩岩炸好，而且夠粗，好好食 日本飛驒牛漢堡套餐（$78)原價係$118, 飛驒牛冇頭先宮崎牛咁肥，牛肉味會重少少，所以我鐘意呢個多啲。 漢堡夾既蛋係打散過，蛋香有少少搶左和牛既味道，但都好味

家在深水埗，路過此店無數次，今天終於首次光顧。由於店面面積較小，只有數張高腳椅和吧枱，感覺座位不太舒適，決定還是外賣回家吃吧！買了兩份和牛漢堡午餐跟家人享用，一份選了沙律，一份選了薯條，午餐還附送罐裝飲品。看見雪櫃有薑啤，本來想選這款試一下，但此款要另加5元，所以最後還是選回不用加錢的可樂😅。下單後店員會開始製作食品，因此需要等一會兒。當時店內客人不多，所以坐在高腳椅上玩了一會兒手機，沒有留心製作過程😅，但感覺也不是等了很久。由於回家後沒有立即享用，所以吃的時候已經不熱了。但我仍覺得是美味的😋和牛份量十足，沙律味道也不錯，薯條是粗薯條😋但感覺售價有點兒略貴。