Burgerman (欽州街) (已結業)

招牌的至尊漢堡,真的太巨大,黎到,我都要諗諗可以點樣食最後都係無形像地,個口有幾大開幾大黎咬但每一啖都好豐富,係滿足的食完個至尊漢堡好飽食完覺得點解，俾咁多薯條同薯格我雞翼黎到,都有D已經唔想食,好彩雞翼唔算多,慢慢食都可以食哂

啱啱去完深水埗買嘢趕住返工，搜尋附近有一間漢堡包店好多推介所以就去買個外賣！去到發現店舖細細只有兩張枱左右，如果有時間坐喺度食的話感覺就會好逼夾，不過我當然選擇外賣啦趕時間，不過不要提她小小店舖超多選擇我就叫咗和牛漢堡：和牛真係好大塊，咬落去好多汁，雖然過左差唔多10分鐘先食仍然覺得熱辣辣，＄100都唔使仲有超多薯條，薯條就稍為林左少少，不過都正常嘅我同事就叫咗個至尊漢堡，超級大份，牛味的確冇我的那麼香，但係多咗脆脆的煙肉，口感又不同！芝士仲係半溶狀態，其實睇見都想食他餐一樣更超多薯條，一樣食唔晒唔記得咗講，每個餐仲跟一杯汽水！超級抵食，相比附近同類型的確平好多

是日的午餐，想不到吃甚麼好，同事介紹之下，勸說小人工作身處的沙漠地帶，不如走遠一點，找家好的。於是小人一於尋寶去也，沒料到走著走著，竟然發現有驚世美食。店子的漢堡選擇著實不少，有牛有魚有豬之類，小人選擇了一個鵝肝和牛漢堡加薯格。漢堡肉感非凡，肉是挺豐腴的，啖啖嫩肉，滿口的軟軟鵝肝加牛，非同凡響！再配上厚厚薯肉的薯角，真的做到外脆內裡飽滿，卻又不油膩，一定要講句好食到無朋友！看似簡單，實則不凡，小人必再回頭。

今日用了團購卷去深水埗買外賣回家好好品嚐！這餐廳之前成日經過，已經好想試，今日終於有機會！小小的店一位員工做 佢都幾有效率 態度都唔錯！這裡都好多食物選擇，如：沙拉、意粉、漢堡....我選了2個漢堡餐1.和牛漢堡包好厚好大、又熱騰騰，好香口；牛肉腍、汁可以多一點；有菜苗中和膩的感覺，幾好食！2. 炸雞菠蘿堡餐好正！好多汁、好夾雞肉，好軟雞肉，外脆內軟，菠蘿好酸甜，令人好開胃；好夾的配合，有菜又有蕃茄；喜歡這個，好好食薯條薯格：即叫即做，是粗薯條，好有薯味！薯格好多，好香口😝😝有汽水：夠凍、夏天就好好啦！清爽！外賣：店員幫忙放好外賣，雖然唔少野，但用紙盒將漢堡放好、另一紙盒放薯條薯格；再放汽水；最後放入紙袋內，好方便！貼心服務（外賣+2）

夜晚專登過黎呢度食burger 來到門口，別以為自己眼花，店舖就是這麼小，只可坐下四個人！然而已經有七八個人在外面等候！只是星期四就已經咁多人，難以想像星期六日要等幾耐。好多人都大讚和牛漢堡 那我當然要試試據說是日本的草飼和牛，牛味特別濃。我迫不及待咬一口，肉汁bi曬出黎，配上日式芝麻醬，非常獨特，負擔不重，不會感到油膩，反而感覺有點「小清新」芝士包圍著漢堡扒，基本食唔出芝士嘅存在，因為濃郁的肉味同芝麻醬味已經蓋過了它的味道！我覺得有點可惜，本人非常愛吃芝士。沙律幾好食，沙律醬應該係蜜糖芥末醬，如果少醬d會好d。和牛漢堡做的不錯但未算出色，屬於中上，可以一試沒有其他人講到那麼好食。另外，我們叫了一份脆炸雞烤蘑菇漢堡炸雞非常巨大，好夠誠意！雞肉肉質鮮嫩，菠蘿烤過的甜味加上獨家醬汁，非常match只是雞肉炸得稍稍過火，影響了味道配上的薯格反而帶來驚喜！邊位脆卜卜，夠鹽味！食完burger 再食佢依然keep住咁脆！讚整體而言，呢間面積小小的店舖，值得一試！雖然未至於好食到感動嘅程度，但質素中上，價錢可以接受。如果坐得舒服，我會再去。

深水埗咁多野食，上Openrice又車仔麵又蝦子面又豬潤面咁... 花多眼亂都唔知邊間好，唯有行到邊食到邊。經過Bugerman之前已經好想試，但見價錢唔多經濟咁......點知見到Lunch set都係58蚊有薯條有可樂!唔駛諗即刻入去!小店鋪位細細，有8個「面壁思過」位Openkitchen即叫即整，即煎煙肉、煎漢堡、炸薯條等5-10分鐘有得食總括而言，58蚊即叫即做價錢經濟~下次我會試鵝肝漢堡!

心血來潮想食漢堡，之前睇到有人介紹就黎左食啦，鋪頭細細但係真係有好多人，短短等人既半個鐘過程，我都見好多人黎等位or買外賣朋友黎到 企左陣諗住算啦買外賣企係出面食 點解等外賣個陣有位 所以坐企左佢點左個至尊漢堡 我叫左個和牛漢堡1咬落去 嘩 有蛋汁既 原來佢個蛋唔係熟哂，蛋黃仲會有少少流漿 好正牛肉好有肉汁同油 所以食落唔會食到好乾 而且肉質唔好柴皮，加埋芝士 溶溶地，每啖都好滿足呀 水牛城雞翼唔錯 辣辣地夠惹味 而且本身雞翼底已經整得唔錯 雞翼皮脆口得啦 肉質唔乾仲會食到有啲啲雞翼油係裡面我地配左薯格，2個餐加埋啲薯格好多食漢堡配佢一流，size仲要塊塊都好大塊

團購發現哩個好抵 $88 有二人餐 兩個burger +薯格 沙律 或者薯條+飲品，抱住一腔期待既心情黎食位置唔算難搵，但原來間鋪好細鋪面得六個位講反野食個burger +薯條/沙律都幾大份基本上食完個包或者單食薯條都好飽，性價比都算高今次小妹試既係和牛漢堡同波蘿雞腿包講真，和牛漢堡食唔出係和牛，係有少少失望既至於雞腿呢，炸得幾酥脆，唔錯！如果個包再多啲配菜就好下次應該會試佢招牌—飛彈牛/鵝肝和牛同埋鋪面太細啦 拎走食應該會開心啲

位於深水埗嘅Burgerman分店，交通便利，最啱行完電腦商場就過嚟食。話明Burger"man"，中午一到竟然係一個女仔經營。平日中午冇客，入面坐位雖然只得幾個面壁位，都算甚為舒服。店舖更設有手套，方便大家衛生地食堡。坐低叫咗個藍芝士堡，套餐連沙律，十分鐘左右就嚟到。首先個堡其實唔大，塊肉雖然有一定厚度，但其實比較細塊。如果食量大可能要叫個雙層堡。包身有烘過，脆脆地。煙肉煎到脆晒，口感極佳。塊牛肉patty肉質唔算頂級，但係仍有明顯肉香，加上冇被完全煎熟，內有紅肉，咬落有肉汁，算係不錯。煙肉同牛肉中間夾咗層藍芝士同紅菜頭，令到成個堡嘅味道非常有層次感，不過呢個配搭，芝士味極重，有時會喧賓奪主，蓋過作為主角嘅牛肉。整體而言，幾好食，對其他味亦有期待。跟餐沙律份量唔算太少，做得幾認真唔hea，值得一讚。

今日特登出深水埗就係為咗嚟呢間漢堡店食嘢，不過第一印象就有啲失望我去到嘅時候鋪頭只係得兩個客人，而裏面有三個店員，但係居然冇一個店員同我打招呼，連眼神接觸都冇，我覺得自己就好似被透明講返食物先，漢堡嘅款式選擇都算多嘅，除咗一般嘅牛肉漢堡，仲有雞肉，甚至乎係鵝肝，黑松露呢d高級嘅食材配搭佢都有； 但價錢方面，喺深水埗呢個比較平民嘅區域裏面，佢嘅價格就相當唔平民我就試咗一個基本款嘅經典芝士漢堡，配料有車打芝士，生菜，同埋蕃茄$58，另外再加＄20轉做套餐，有薯格同埋一罐椰青水（+$5），一共係$83。薯格嘅份量比我想像中多，而且幾好味外面香脆，裡面嘅薯仔亦夠軟。相反個漢堡就無我預期中咁好味，實屬普通漢堡係煎得香嘅，亦都算係juicy，但係呢塊漢堡我覺得同老麥個芝味磨菇安格斯漢堡可以話係差唔多，而且漢堡size同麵包嘅比例有d失衡；而配料生菜同蕃茄都只係各有一塊，調低晒整個漢堡嘅豐富度實在有d失望。

Burgerman係正黃金斜對面,啱哂我呢D毒L,行完黃金過去依下肚舖頭只有6-7個位,外面有兩張小BAR圓枱,都係1-2人坐,環境都相當擠迫,同埋唔夠冷氣,一方面係開放廚房,所以D油煙都會攻哂出尼;堂食既多數好似我咁一枝公,大多數人都係外賣.Burger就即叫即做,落單後約十至十五分鐘先有得食.食burger緊係一定要食牛肉啦,所以叫左個至尊,睇相都幾多料至尊漢堡配薯條$80burger一上枱,目測約有5-6寸高,無可能一啖咬哂全個,裏面包括有煙肉,煎蛋,牛肉兩塊,番茄,生菜;牛肉好有肉汁,但肉味略嫌不夠.成個burger都非常足料,同menu上既一模一樣;粗薯條超大份,新鮮出爐呢度既份量多,我一個大男人都食唔哂

之前在大角咀試過burger man感覺不錯，某天在深水埗再嚐。漁夫之堡，本來想吃牛肉，但心想沒吃過這間的魚柳即管試試。薯格新鮮即炸，熱燙非常，外皮脆香，炸粉不厚，一樂也。這兒的漢堡，麵包輕烤，塗上牛油，微脆還好。魚柳不太厚身，炸粉不薄但魚肉也不太多，魚味普通而已。小小膠盤盛著漢堡及薯格，還提供手套，衛生。環境較差，個人來可能還好，面壁思過。兩人來也還好，但三四人排排坐，擠迫而且不太涼快，只有風機的少許風，近街邊亦炎熱。

黑松露burger配薯格:超香黑松露味，牛肉好juicy,不過牛肉味唔算太濃郁薯格勁多，夠脆，不過好快淋至尊burger配薯條:兩大塊牛肉，煎蛋，煙肉，係無可能一啖咬哂，超級大個，一個人係食唔哂，都係牛肉juicy,但牛味唔夠薯條超多，夠脆夠粗總括:收得呢個價錢，比返咁既份量同質素，確係抵食建議:女女去食，可以一個兩份share,唔好浪費

有日去開深水埗，就專登去搵呢間好多人推介嘅漢堡包店。鋪頭唔大，只有7-8個座位，好彩去個陣11點半左右，剛剛開鋪唔算太多人，所以可以堂食。同朋友兩個人叫左燒菠蘿雞腿漢堡（$68）、經典芝士漢堡（$58）同煙燻燒烤雞翼（$35）。其中一個加左＄18升級做套餐。食物到咗之後，我同朋友都有啲意外，估唔到個漢堡會咁大個，兩個漢堡嘅用料都非常充足，燒菠蘿雞腿漢堡中間會有生菜、蕃茄、菠蘿、炸雞腿。蕃茄非常鮮甜，而個雞腿雖然炸過但唔會好油膩，加上自己本身好鍾意食菠蘿，所以我覺得成個漢堡嘅配搭都非常之好，所以都值得推介。另外個煙燻燒烤雞翼都建議大家試一試，雞翼非常入味，加上剛剛炸起，非常香口，配埋茄汁，會令人忍唔住食多幾隻！

在深水埗呢邊返工多時，又聽到好多呢間餐廳嘅報道，所以放工同老婆來試吓！鋪位細細以為7，8個人就滿，還以為客滿嘅時候，竟然仲有人擔圓椅在店中間座，所以夏天天氣熱時未必會嚟食。6:00pm左右來不用等位，座下點左個至尊漢堡同埋和牛漢堡再加左格薯同埋薯條兩罐汽水。等十多分鐘所有食物送到，至尊漢堡兩塊牛肉厚身但牛味一般，蔬菜新鮮，煙肉煎得香口，煎蛋，整體味道頗好但不算突出。和牛漢堡則牛味較重。格薯同薯條都係新鮮炸嘅味道不錯。整體食物尚算不錯👍。但未算非常出眾。必須要encore。