Burgerman (欽州街) (已結業)

身為漢堡狂迷嘅我今日嚟到深水埗搵嘢食 見到一間非常有格調嘅本地漢堡餐廳 呢間餐廳嘅裝修係一個urban 嘅設計加上半開放式廚房 店內坐位就唔係好多 大概只有八個左右🍻餐牌上面有好多唔同種類嘅漢堡 但最令到我有衝動嘅感覺嘅就係呢份至尊漢堡 所以我就嗌咗一份至尊漢堡 再加20蚊要一個薯格 飲品嘅套餐😜😜漢堡即叫即製 大概15分鐘左右就有得食 至尊漢堡一嚟到嘅樣子非常震撼 係有兩大塊安格斯漢堡扒 加上兩層芝士 煙肉 煎蛋 生菜 蕃茄 呢個combination 極度邪惡 真係一見到個下就已經流曬口水😋😋感受完視角嘅衝擊 就開始有味覺上的衝擊 雙層牛肉漢堡扒非常有肉質 每一啖嘅牛肉味都係非常出 😋呢一種芝士咸度亦都係控制得宜 唔似得其他漢堡包店 啲芝士係特別咸 至尊漢堡入面嘅煙肉 亦都非常香脆。 包底下嘅生菜同埋蕃茄 為成個包減去油膩嘅感覺 每一啖都係有清新嘅餘韻 至尊漢堡簡直係男人嘅象徵 成日有種狂放暴走嘅感覺欣賞呢間舖頭食薯格唔使加錢 薯格脆卜卜 比起薯條更加好食 個人認為食完今餐後 我絕對會返嚟再食 下次嗌下其他種類嘅漢堡包先👍

我朋友食勻港九新界既漢堡，今日約佢下午食飯，佢就帶我嚟左burgerman。店舖對比其他漢堡店都幾細，大約容納9-10人。不過餐廳定位係快餐店，所以餐廳大唔大都唔構成任何問題。我個人幾鍾意餐廳入面嘅磚牆，另外，吊櫃旁邊亦有兩個screen顯示餐單。「愛我請留言」：餐廳可以俾客人將感受寫喺memo紙上，然後貼喺櫃上。餐廳有提供手套，咁就唔驚整污糟隻手。漢堡應該係用手攞起然後大啖大啖咁食，並唔係用刀叉。Burgerman既價錢中等，轉套餐要加$20，總共$100左右。經過一輪思考下，我揀左丹麥藍芝士漢堡配薯條。 藍芝士好唔好味真係好主觀，之前食肉眼扒配冇熔既藍芝士，口感非常怪。但今次漢堡入面嘅藍芝士呈半熔狀態，同紅洋蔥圈味道好夾，麵包烘過後幾脆口，加上香口既煙肉同juicy既牛肉，整體味道令我喜出望外，值得再試。套餐亦包埋飲品，我叫左無糖可口可樂。朋友作為漢堡達人果然冇介紹錯，期待下次再試其他款式嘅漢堡。

深藏不露漢堡包🍔舖頭，至尊漢堡好食到傻😍😍😍肉質除左豐厚，仲保留到大量肉汁，一般快餐連鎖店，佢地嘅漢堡都比較乾身同梗，就算一啲標榜漢堡專家嘅舖頭，佢地做出黎嘅漢堡都不及呢間嘅質素來得完美，呢到個至尊漢堡差不多手掌咁高，成個包所有部分都係非常之熱辣辣，就算分開兩層食，食完第一層到食第二層都保持到個溫度，食嘅時候仲要小心肉排有油濺出，仲有流心蛋黃，配埋芝士，煙肉，磨菇，另外加埋生菜，新鮮多汁嘅蕃茄，洋蔥去中和飽滯度😍😍😍真心！推介！！初初見到有人寫話呢到係香港最好食嘅漢堡包店仲以為佢收左錢咁誇張，但so far暫時食過真係最好食同最滿意係佢。價錢雖然唔平，呢到一個餐$100，但絕對值得一試，會被驚呆。🍔👅

Burgerman之前我同細妹喺深水埗食過一次。今次再嚟，因為我覺得係深水埗要搵到比較好食又有質素嘅hamburger，就非佢莫屬。我叫咗至尊漢堡套餐take away。佢係用兩大塊好juicy的安格斯牛肉，用咗好多芝士，加咗蕃茄煙肉厚蛋等等，口感豐富，yummy yummy。如果係糖心蛋仲正。薯格調味唔錯，件件好有份量，但返到屋企已經唔脆。下次都係堂食好了。排在我後面兩位靚女，分别買咗黑松露和牛漢堡同鵝肝漢堡，佢哋就堂食，慢慢嘆。在深水埗，Burgerman可能屬於貴，但係真係物有所值。

家住長沙灣, 成日都會經過深水埗. 有時行過高登, 都會見到依間Burgerman, 今日終於有機會試吓喇.正值早lunch時候, 人唔多, 坐在高椅上, 點餐先埋單.叫咗個巴瑪火腿雞胸漢堡, 同埋漁夫之堡. 兩個都轉set, 一個要薯格, 一個要薯條.先來了巴瑪火腿雞胸漢堡, 雞胸出符意料地軟滑. 依吓有少少嚇親, 有少少慢煮feel, 因為我expect佢一定係鞋的, 結果幾juicy同軟滑, 估唔到. 個芝士片用咗cheddar cheese, 有少少blue cheese味... (居然), 我個人好喜歡.漁夫之堡黎喇, 炸得好脆, 好香好味, 不過稍稍少咗D汁. 同枱覺得好食, 但如果係我食我話一定要求加汁. 因為我係一個鐘意食汁多過食肉既人. 我真心覺得汁可以多D.薯格我唔好, 同枱話好食, 仲少有地食晒, 我要的薯條正常好食.埋單130, 我覺得都幾抵食.

呢間漢堡包店位於深水埗，店鋪細細只提供幾個坐位讓人在店內食用，同朋友唔係第一次食，因為真心覺得抵食同好食先會食完又食😋😋 佢既至尊漢堡好豐富有煎蛋、煙肉、芝士、漢堡扒$80加$20就會有薯條🍟/薯格/沙律同飲品，個薯條非常好食，佢係粗薯條食落去啖啖薯仔味好正 今日仲試咗個和牛漢堡，個人就覺得一半半，無咩特別對比下覺得至尊仲好味過和牛漢堡。 今次去仲有貼心服務就係有紙巾同膠手套提供，非常體貼！呢間小店快要成為每次去深水埗都要食既店鋪啦！

睇到IG呢間BURGER店好好食甘, 一於約左朋友落去試食. 去到店裹都有6個位, 睇落整齊乾淨. 仲有電視睇TIM. 首先問下老闆咩係最出名, 佢話至尊最多人叫, 我個朋友又話好餓甘佢就試呢個, 而我就試個VEGETABLE BURGER. 都等左6-8分鐘, 就睇下你有幾好味. 食落D牛肉沖出悶黎 (提提大家食時要帶手套, 放心店內會提供). 外表都放得好靚, 睇落好似唔大件, 但食完真係好飽. 我地唔使10分鐘就KO 左啦. 之後問老闆先知原來轉左手, 牛肉係老闆親手打, 所以俾之前更多肉汁同埋更有牛肉咪. 佢地仲有薯格tim, 個薯格都唔差, 甘既價錢有甘既質素, 性價比高, 值得一試啵. 之後我地再試左個卡邦尼意粉, 味道可以, 係油左小小. 唔夠食+30蚊就有一個啦. 其後就到我既vegetable burger 啦, 我就好滿意啦, 以為佢冇咩味, 但佢特別用左紅椒加大啡<故>, 味道真係好fresh 好鬼好味. 食素既人可以一試, 叫個餐仲有salad 係都唔好話唔飽囉. 

個日陪女朋友行過深水埗，又唔知食咩好，見到有間Burger 店，入去試下，叫左個至尊漢堡，女朋友就叫左個大菇包。兩個字，出色。牛肉多汁，好味，好小見到牛肉可以有甘多汁。大菇配上紅椒，新奇清新。

響開舖嘅初時， 高質素的漢堡飽曾經吸引過我雖然當時已七十幾蚊一個漢堡飽算比較貴但當時嘅漢堡包裏面嗰隻炒蛋都會係熱辣辣嘅今次因為雅虎團購再次去食漢堡包嘅時候十分之失望漢堡扒已經唔再一咬會噴肉汁， 漢堡扒的肉味比以前淡了許多，仲要只是微暖。佢已經無咗開鋪初時的出色表現， 我諗我都唔會再幫襯的了

今日返工之前好口痕想食漢堡包，但係想食好食夠嗰包唔想食麥當當，就search下周圍有咩漢堡包店！就比我搵到呢間人氣都幾高嘅漢堡包小店！位置正正就喺高登對面，唔係嘅話好容易就搵到！店舖細細，可以坐到六七個人左右啦，因為我講時間返工就決定叫外賣返公司食！他們選擇都好多有10幾個款，價錢大約60至到去百幾蚊都有，睇你想食咩級數，豐儉由人！我叫外賣大約都係等左唔夠10分鐘，一路睇住佢整，睇見都流口水我叫咗個黑松露和牛漢堡包$98，呢個價錢好合理！全部都見住佢新鮮製造，絕對唔馬虎！牛好多肉汁，牛味也很重，入口即溶，加上少少黑松露醬，提升咗整個漢堡包嘅味道！裏面仲有炸洋蔥豐富左成個包嘅口感！加$20跟餐有薯條有嘢飲，我就揀咗薯格！都係睇到佢即刻炸出嚟，外賣返到公司食，林左少少，但係都仍然脆口，而且份量也很多！最後梗係要配返杯可樂絕配啦！

點了和牛漢堡,不跟餐78蚊, 店舖細細, 店員只有2名, 一個負責煮, 另一個人負責收錢, 等了5分鐘左右, 和牛漢堡就在白色塑膠盒上了, 個包沒有烘烤的, 有點失望, 和牛是JUICY及軟身的, 但配料多些會好點, 不竟呢個包要78蚊, 整體算合格, 但以這價錢便不會ENCORE.

呢日同朋友繼續食盡全香港既🍔離到深水埗呢間小店一試，不過地方較細小，冇咩位坐，就揀左坐鋪頭出面既枱🙃值得一讚既係🍔店好貼心咁提供手套🧤比大家，吾洗整到隻手污糟哂👁‍🗨 宮崎牛漢堡套餐(7/10)💲 138呢個宮崎牛算係新產品，裡面有青豆苗，宮崎牛漢堡，蘑菇同埋煎蛋，宮崎牛既牛味明顯比平時既濃郁香口，十分juicy🤤套餐有得揀要薯格定薯條，同朋友決定一個揀薯格一個揀薯條🍟冇諗過佢既薯格咁有驚喜，炸得相當脆身，熱辣辣吾太油膩☺️就算食哂成個🍔既時候都仲保持倒脆卜卜既口感，啖啖薯🥔👁‍🗨 黑松露和牛漢堡套餐(7/10)💲98黑松露迷離到緊係叫番個黑松露既漢堡啦🍔入面有青豆苗，煎蛋，和牛漢堡同埋黑松露醬😜煎蛋不過不失，和牛漢堡算係juicy，牛味未算好濃郁，但勝在漢堡結實吾鞋口🙃雖則黑松露搽得吾夠均勻，望落同食到一大半都未覺得有咩黑松露味😳但係食到最尾就會見倒黑松露既存在，即刻有滿滿黑松露既味道，加番分🤤至於薯條同薯格一樣非常出色，粗薯加上啖啖薯🥔薯仔控最愛😍😍🔛 整體評分（7/10）

當日工作關係覺得好肚餓，自己特登去試這個新開的，快餐店。我期待其他排球朋友一齊食下。因為深水埗有特色的快餐店不多。😊和牛漢堡入口即溶，他們的和牛漢堡非常新鮮，跟在日本餐館食到的一樣。最主要是入口即溶，牛肉漢堡上有炸的洋蔥絲，這可以將色香味提昇。再配上特有的日式芝麻沙律，以及意大利芝士，可以講是深水埗一絕。他們的獨有沙律在深水埗很多快餐店都沒有沙律供應。偏偏這間快餐店有沙律其他美食提供。最主要是非常好吃。跟一般低劣的快餐店不同。希望3月排球，比賽嘅時候再吃

大約年幾兩年前同朋友食過佢ge漢堡(唔記得邊款)，外賣ge，唔錯。近排見到有團購和牛漢堡，諗住試下而家質素仲保唔保持到先再食其他款。同我女朋友一去到，個短髮戴眼鏡女店員已經粗聲粗氣冇咩禮貌，已經由佢。落完單，坐低周圍望，發現好多地方都有塵。天花嗰D咁高就算，D客食野張檯對上(唔太高)ge電箱，電視嗰D位都有塵，要食客漢堡撈塵食？之後見張檯有D油，檯面有放紙巾我就拎張黎抹，抹完張紙巾黑色ge，即係張檯又有油又甩油漆。落單嗰時佢問左薯條定沙律冇問飲咩，(我坐ge位左邊係廚房，右邊係我女朋友)之後我就望環境，抹檯，同我女朋友講緊個環境麻麻，然後個店員(短髮戴眼鏡女店員)突然問"飲咩阿?"，當時我背住佢同我女朋友傾緊計，我擰過去同佢講"等等"，問我女朋友飲咩，過左大約十秒再聽到佢大聲+悔氣再問"飲咩阿?"，態度勁差！為左唔會食到D咩特別加料，我忍。不過見到兩個店員唔使收錢唔使整漢堡嗰時就睇電話，就算食客食完係自己掉垃圾，但張檯都應該再抹下掛？而且大家都知手機上面細菌超多，我就冇留意佢地有冇戴手套整野食。同埋周圍咁多塵，佢兩個都唔理。之後個餐到啦，諗住起碼質素補救，但係事與願違。塊牛有D鞋，有D

去完深水埗黃金商場買嘢，順便喺呢頭覓食。見周圍啲嘢食都貴咗好多，直逼尖沙咀價。款式都唔同咗好多，仲搵到呢間漢堡專門店。宮崎牛漢堡餐，包薯條同飲品，$138，Snapper加$15。宮崎牛成日攞日本牛肉比賽嘅冠軍，當然同作嘅油脂分佈，肉質，同鮮味有關。其實用佢嚟做漢堡都係第一次試，試吓係品係同喺日本食一樣咁正先。知漢堡裡都夾咗香菇，有一大隻蕉蛋，少旺翡翠苗，仲有主角漢堡扒。漢堡扒都算幾大塊，厚實，肉汁飽滿，配埋蛋同菇將個肉鮮味帶出嚟，如果價錢平啲就好，不過呢頭啲租似乎都升咗唔少，要生存都唔易。