Burger Joys (君悅居)

营业中

休息中

Went there due to the good reviews here on open rice.Had a cheeseburger menu which included fries and a beer for $138 which is reasonable.Good part of it is the meat is quite nice and the vegetables fresh.The mayonaise was unfortunately tasteless, but my main point is the burger bun is really not good. It seemed as if it came from the freezer. Soggy, nearly wet, when touching it, it fell apart.The aftertaste of the whole meal was unfortunately bland.Would come back if these things would have bee

朋友係外國回流番香港，已經大半年，今日終於約到出黎食飯，我地都住港島區，所以約左灣仔等。灣仔條駱克道好多酒吧式既餐廳，食客多數外國人或講英文既華人，朋友見到呢類型餐廳雙眼發光，於是就入左呢間「BURGER JOYS」。侍應係講英文，甫進內便熱情地招呼我們。四周既人客都是英文交談，我覺得好似去左外國甘。我點左「雜菌蘑菇芝士漢堡」，朋友則點了Hot pick「芝士牛肉漢堡」，另外又點了「蒜香雞翼」及「黑松露薯條」。「雜菌蘑菇芝士漢堡」 $88漢堡的包質感很特別，有點像牛油千層包，每口也是濃香牛油味，令人食指大動。雜菌蘑菇餡料調得份外惹味，對比肉類毫不遜色，是我吃個最好味的素漢堡。「芝士牛肉漢堡」 $108朋友對他的「芝士牛肉漢堡」讚不絕口，這種包裝食起上來十分方便，使我可以優雅地吃畢整個漢堡。「蒜香雞翼」 $58「蒜香雞翼」用蒜蓉煎得香噴噴，皮脆肉嫩，雞翼澆上了酸辣汁，酸酸甜甜的十分滋味。這小食配上冰涼啤酒是人生一大樂事。「黑松露薯條」 $58「黑松露薯條」裡灑上了大量黑松露，香氣撲鼻。它用上了幼身薯條，過足口癮之餘又唔會太滯，又係送啤酒既佳品。漢堡包質素十分高，用料講究，難怪客似雲來

全場最好食係個漢堡包 整體所有野都好味 入口好香 但係個漢堡好細 唔夠飽跟餐叫咗杯紅莓汁 可能係真材實料嘅關係 超級無敵酸 但當食緊大量熱氣野就會覺得都幾夾一上枱果下其實好開心 未試過見到有咁多黑松露通常都係俾個撈咗黑松露嘅蛋黃醬你點佢依個係超大量嘅黑松露蓉！不過一放入口就知咩事 完全冇黑松露味 唔香但薯條食得出係新鮮炸起個炸雞其實好少肉 啲皮勁厚 勁粉試過夾到一舊 九成係粉 得一成係雞肉唔講初頭仲以為自己夾到粉點知食落其實好多都偏冇肉不過佢好係 調味粉好惹味不過好熱氣！！

傳統漢堡包店的套餐都是漢堡包、薯條配汽水，黃金組合食慣了非常夾，其實亦因為價錢問題，愈經濟愈能吸引客人，我的理想配搭需升級，漢堡包增加煙肉，配朱古力奶昔，還需配埋洋蔥圈，而在衆多漢堡包店之中我最喜歡 Burger Joys，一來就脚，二來包裝設計方便，唔會弄污手，亦唔怕漏汁。Single Burger, Cheese Burger 各有千秋，個包比上次進步，新鮮軟熟，漢堡牛肉汁水足，$12 有煙肉，增加香脆口感，味道豐富。洋蔥圈非常有水準，炸得香脆唔膩。我唔喜歡奶類製品，但朱古力奶昔例外，而且這個朱古力味濃，蓋過奶味，好飲。

天氣熱，Burger Joy 正正公司對面，外賣返公司食就最好。入到餐廳，幫我哋order嘢食既小姐，提提我哋，HSBC 信用咭有9折，立即開心咗 叫咗個雙層芝士牛肉 burger set，有薯條，又有汽水。個 burger 好大，呢個餐，兩個女仔 share 食就剛剛好 Burger 有肉汁，又唔太油，好好味喔 順便一提，買 burger 有印仔 card，買6個就送1個，又再開心咗。預計下星期試其他 burger，相信同樣好味

漢堡同薯條永遠係最佳拍檔。單食一樣總好似少咗d 嘢咁。。。 漢堡我鍾意呢間，雖然唔係平但what you see is what you get. 個個burger 都同menu 上見到嘅一樣，讚！今日點咗mushroom burger(左） 同 cheese burger (右）, cheese 明顯比較優勝（可能因為我都算係食肉獸）， mushroom 其實唔係咁差，只不過菇味炸過後不太突出。 而Cheese burger 嘅牛肉煮得剛好，食時仲有肉汁，正！仲有truffle fries, 感覺好高級， truffle,幾香， 就咁食已經好好，唔駛點任何汁 . 食熱氣嘢加杯ice cold drink 是常式吧！ 老闆應該好鍾意睇波，餐廳細已經有三個電視，佢班食客有福了

今日同老婆去對面海剪頭髮，順便去灣仔行下玩具街，差不多每次過去灣仔都會行一次搵下車仔，所以附近嘅食店都已經差不多試過哂，今次我地決定行遠少少，突然諗起之前都去過D間BURGER，附近一帶原來係酒吧區而且仲好多外國人，四周圍有好多外國餐廳，行到尾見到有間食burger嘅小店，因為我一向都十分喜愛食BURGER，所以老婆真係好好很陪我去食BURGER。【Signature double cheese burger 】特色雙層芝士牛肉漢堡 $138店家非常貼心地幫我們cut 開一半方便share 共享，Burger 用料非常之多，內裡有紫洋蔥，生菜，酸瓜，芝士等等，重點係佢有兩塊厚厚牛肉漢堡！他們自己整嘅牛肉漢堡最正既地方係唔肥之餘又不會好乾，牛肉煎得脆脆地，小小窿，除咗一般漢堡都會有嘅番茄同酸瓜之外，我最鍾意就係熔左嘅芝士！超正！！【Vanilla Milk Shake】雲尼拿奶昔 $58Vanilla 味超香濃，加上雪糕一起搞成，雖然極度邪惡，但真是太美味了，而且唔太甜，好美指數爆燈。【Tater Tots】前：炸薯寶 $38炸薯寶是我最愛的食物，即叫即炸，香脆可口，薯餅的細粒版。【Ba

悶悶地約左朋友灣仔行街，食左早餐唔係好餓，試試burger都唔錯.間嘢響駱克道，離地鐵站都幾近，附近都係酒吧，幾多鬼過黎食，咁旺場睇黎都幾好食.仲有波睇添.嗌左招牌cheese burger，蕃薯薯條，仲有雞翅.個包賣相都幾靚仔，包身煎得幾香，金黃色，仲好厚身添.咬開睇到一層番茄一層oinion，cucumber，生菜，有齊曬，而且好新鮮.舊牛煎得好香，加埋個千島醬，味道好濃郁.炸蕃薯條都幾特別，同平時食開既薯仔味道好唔同.脆身d，咬落去實淨d，甜甜地，同d椒鹽撞埋一齊幾過癮.最後仲試埋個雞翅，酸酸甜甜.幾惹味.肉質都幾滑.整體都唔錯，行過灣仔可以試下

今日同男朋友去澳門玩，經過Burger Joys見到開左門，就決定入去食個早餐！我叫左Fish Burger，男朋友叫左Chicken Burger。魚肉非常香脆香嫩，入口無雪藏味，配上他他醬味道非常香口！雞肉嫩滑，我試左一啖入口充滿肉汁！麵包先煎香加入蔬菜和蕃茄，口感清新清香完全唔覺油膩，雞肉煎香黎更加滋味！我叫左cookies and cream milkshake，幼滑充滿忌廉香氣，奶味唔會太膩，甜度剛好！

其實我都幾鐘意食漢堡，叫做食過好多間漢堡店，burger joy都算唔錯，可以返轉頭encore.話佢好juicy又唔係，但overall 全部都唔錯～逐樣講講黑松露薯條份量足夠，有輕輕既黑松露香味，見到佢潵滿左黑松露醬，但味道唔重，有點點失望，薯條夠脆夠熱的。麵包好細心切開左兩邊，岩女仔慢慢食～麵包少少脆脆的，唔係軟「腍」果隻，加分！材料清晰可見，蔬菜新鮮，芝士牛肉，牛肉沒有好厚身好肥鋪滿醬汁，但咬落去層次分明，有淡淡既牛肉香。加啤酒combo有平，好開心～收工咁食，好relax店面好細，高椅坐得好逼，7點去到已經要等位，相當有人氣～

已經唔係第一次來Burger Joys，上個月lunch經過，買左個外賣試下，非常驚喜，一直對佢念念不忘。今次決定帶埋同事一齊去食個late lunch。餐廳位於灣仔酒吧區，所以裝潢與酒吧相似，另外更有酒精飲品提供給顧客選擇。我地點左一份特式雙層芝士牛肉漢堡、芝士薯條、經典水牛雞翼、一杯朱古力奶昔和橙汁。漢堡上層有酸瓜、紫洋蔥、番茄和生菜，蔬菜非常新鮮；牛肉漢堡以100％美國安格斯自家製成，而且火候十足，所以外皮微脆而內裡嫩滑，super juicy。加埋濃濃芝士片，非常惹味！ 入到去有得食漢堡包嘅店，又點少得薯條。芝士醬非常濃郁，份量剛剛好，唔會太少芝士 (因為食到一半通常就會冇晒芝士醬，得返啲薯條)。但最令我覺得好食既，仲有佢既水牛雞翼，醬汁非常濃烈，味道酸中帶辣，係美式傳統味道，香口惹味，包你食到停不到口。朱古力奶昔有一層厚厚既cream，唔係好甜，但又做到濃濃朱古力既感覺，而且仲要好滑！

今日下午去左食漢堡包，雖然唔平，但係好食，好足料。要左個芝士牛肉漢堡，牛肉係重點，肉厚多汁，配有芝士、番茄、黃瓜、洋蔥同生菜，加上沙律醬，認真滋味。另外要左六隻雞翼，選左蒜蓉味，雞翼好香脆，肉質好實下，面頭有一層類似泰式辣醬嘅醬料，所以幾惹味。飲品要左凍檸茶，可以無限添飲，添飲個陣仲會俾多塊檸檬，幾好。間餐廳其實好細，而且好多高枱，坐位之間好少空間，但幾有氣氛，仲可以有好幾部電視機可以睇波。今天去了灣仔吃漢堡，餐廳細小，主打漢堡包，除了漢堡包，還有薯條、沙律、雞翼、全日早餐和飲品。又可以同時間欣賞體育賽事。

b仔夜收工，特登走去灣仔接佢。佢話好肚餓，要即刻食嘢，行過見到間burger幾好生意，佢就話呢度啦，lunch食過一次wor。叫咗一個cheese burger plus 煙肉 $120飽好鬆軟，暖暖地漢堡扒肉味十足，且十分juicy，滴到一手都係！芝士同煙肉令個飽層次更豐富！餐廳好細心咁幫我醬burger切半Cajun Fries $48薯條炸得通透，外脆內軟，亦無油淋淋！辣辣地，好惹味！陪埋無敵藍芝士醬炸雞塊 $58份量十足，每塊都脆卜卜，唔覺得厚粉！好味！雞肉保持嫩滑濕潤！配芝士醬固然好味！配藍芝士醬更加係無敵！難怪餐廳可以係勁出名嘅Outbxxk樓下開鋪，都大把生意！叫咗杯Peachy沙冰，超解渴！有粒車厘子裝飾，好有美國feel～

終於又到星期五晚，我哋番香港島開飯，幾年前去過Burger joy一次，我哋好鍾意呢個小小嘅地方。隔咗幾年環境一啲都無變過，佢喺成條街最唔嘈雜嘅角落，以前我哋就係因為想喺灣仔食完飯方便搭車返屋企所以嚟呢左呢度食漢堡包。放工做完嘢，原本諗住差唔多10點幾叫小小嘢食就算，想快啲返屋企瞓覺，點知為食嘅我都係忍唔住，見到隔離枱食緊雞翼就叫咗一份，最乖嘅係努力戒緊酒嘅我只係叫咗一杯生啤兩份飲。原本諗住叫一個漢堡包兩份食結果都係叫咗一人一個。Revel IPA - 冰涼爽快甜甜地太易入口，大啖大啖就飲咗半杯，呢個味道嘅啤酒實在太容易入口，生啤佢哋只有生力同埋呢個。Signature double cheese burger - 貪心嘅我一定要食呢個先至夠飽，重點係佢有兩塊牛肉漢堡！佢哋自己整嘅牛肉漢堡最底站嘅地方係唔肥之餘唔會鞋霎霎，牛肉煎得脆脆地，小小窿，除咗一般漢堡都會有嘅番茄同酸瓜之外，我最鍾意就係熔左嘅嘅芝士！令到成件事好易入口，好似將成個班融入左一齊，不過最蠢係我唔記得叫佢幫我切開一半，搞到我食得好論盡！Single burger - 細食嘅朋友仔一早就彈左要呢個最簡單嘅組合，因為佢個包

今次係我第一次用中文打食評，心情有啲緊張希望大家唔好怪我中文麻麻地啦。今次去嘅餐廳係灣仔，個名叫做burger joy。鋪面好細，平時行過真係唔會特別留意度。但係好奇怪，鋪頭咁細，居然有好多人喺門口排隊。咁我心諗：「係咪真係咁正呀？」所以就試吓。坐低先發現原來真係咁姐。啲漢堡包全部好新鮮、好好食。講真，食漢堡包呢啲就真係間間差唔多，款式唔係牛就係雞，唔係雞就係魚。所以要贏一定要新鮮同埋彈牙，你間鋪頭做到晒。可以嘅話記住食埋個雞翼非常抵而且味道好好、好惹味，雞翼唔係嗰啲好細隻個種，好有肉汁，絕對值得一試。當中一定唔少得嘅就係要試吓佢哋嘅奶昔，完全係外國人size，香港人都唔知點飲得晒，抵到呢。同埋佢唔係一味死甜嗰隻甜，佢真係有水果味個喎，所以正啊！我食晒成餐覺得最amazing係佢嘅店員，我開頭以為佢哋係菲律賓人，所以係咁同佢哋講英文，點知講完一輪英文之後佢突然間答我一句廣東話，我窒咗，哈哈，好親切，又好搞笑。