Burger Joys (君悅居)

营业中

休息中

港島區其實有很多專食漢堡包的食店，今次便來到這間Burger Joys一嚐，店鋪位置都比較便利，出灣仔站行五分鐘已經可以到達，我今次叫了一個餐和單點一個包，分別是芝士牛肉漢堡套餐和雜菌蘑菇芝士漢堡(素食)，由於店鋪用紙盒置載漢堡，並不會令到個包一拿上手會出現壓平的情況，依點十分細心，先講一講素食漢堡，包身不算太大，但足夠一個人食飽，中間有脆口生菜和芝士作為一個配菜，其次素食漢堡食落感覺都十份像牛肉，味道黎講都比較香，對比真正牛肉，亦都不會遜色，另外芝士牛肉漢堡，咬下去肉汁很多，邊位都煎到有香脆位，呎吋同素食漢堡相若，薯條不過不失，一個紙盒都裝得滿滿，未拆紙盒都聞到剛剛炸的香脆味。

2020年8月10日 星期一今晚又要諗食乜嘢，已經諗到頭都爆，最後決定喺灣仔搵間餐廳買外賣返屋企食經過見到呢一間burger joys，突然好想食漢堡包，於是入去睇吓有咩外賣見到餐牌都有好多選擇，分別有小食、漢堡同沙律，如果叫漢堡嘅話，仲可以要combo，配埋薯條同汽水，價錢會抵好多添於是我就要做一個combo，加12隻雞翼，返屋企同老婆一齊share返到屋企一打開雞翼，除咗熱辣辣之外，仲有好濃烈嘅泰式辣醬味，未食都已經知道落足料，咬落去嘅時候外皮仲要脆卜卜，連裏面既肉都吸收左泰式辣醬嘅味道，十分惹味至於combo薯條嘅部分，我要左薯寶，相信而家香港冇乜地方仲有得食，同薯條最大嘅分別就係薯寶咬落去可以食到一粒粒薯仔，口感更加豐富，點埋茄汁簡直係一流最後當然要講吓餐廳嘅招牌菜式，芝士牛肉漢堡，包住餡料嘅漢堡包好鬆軟，而且有燒過黎既跡象。至於牛肉，見到好厚身，仲有充滿肉汁，同其他配料好配合，果然係推薦菜式可能係太耐冇食過漢堡包，所以覺得呢一餐特別滋味

堂食漢堡包和薯條一定是會比較熱騰騰，但在疫情底下，感覺上還是買外賣會安全一點，所以我便選擇到此買外賣。其實已經不是第一次吃”Burger Joys”的食物，總覺得他們的食物非常有水準，加上我最近又特別想吃漢堡包，所以今次的外賣實在是非買不可! 芝士牛肉漢堡套餐我點芝士牛肉漢堡的同時加了$41轉成套餐，這套餐除了芝士牛肉漢堡外，我還選了可樂和薯堡。芝士牛肉漢堡十分有份量，香甜又鬆軟的麵包夾著肉汁豐富又充滿牛肉香的牛肉漢堡、清甜多汁的蕃茄、鹹香的芝士、爽脆清新的紫洋蔥和生菜實在是一絕! 單是吃這個漢堡我已經感到開心又滿足，但配上冰凍的可樂和香脆可口得來薯味又濃郁的薯堡就令這個漢堡更為圓滿，給予我幸福的感覺! 雞肉漢堡至於朋友的雞肉漢堡也不錯，雞肉漢堡同樣用上香甜又鬆軟的麵包，麵包內還有紫洋蔥、蕃茄、生菜、甜甜酸酸的醬汁和厚身又嫩滑的雞肉，它們都配搭得宜又美味，難怪朋友吃得津津有味! 雖然今次吃的是外賣，但是水準依然，沒有因此而影響食物的味道，加上等候時間又不用多久，難怪他們客似雲來!

晚晚沒堂食, 只限外賣, 生活都變得很乏味, 要食返D開心嘅食物令自己開心薯條漢堡包是其中一樣會令自己開心的食物男友接放工後來到灣仔Burger Joys回家吃六時後所有餐廳, 就連街道都覺得有點冷清,住起香港咁多年, 都從未遇過落完order就在門外等了大約十分鐘便可取餐了~點了 Cheese burger w ComboChicken Caesar SaladCajun Wings 6pcs外藉職員將佢地包裝得妥當, 然後放入外賣紙袋回到家食物都還可以靚靚仔仔~Burger好厚好大個, 料又十足, 用上真牛肉打碎而成的漢堡, 食落有肉的層次, 而且也有鮮肉的味道紫洋蔥和蕃茄片都是厚切的burger的包皮回到家還是軟軟的辣味雞翼都好好味, 比buffalo乾身, 也不夠buffalo辣, 也是辣得來很惹味的Combo加的扭扭薯條份量也很多, 食完很滿足又開心!加了$20雞扒的Chicken Caesar Salad茶上面加了很多芝士碎, 超正調得到味又唔使話齋食生菜咁寡

灣仔地鐵站C出口轉左一直前行3分鐘就到，沿途都是酒吧餐廳。疫情下6點後沒有堂食，18:30左右來到～就唯有外賣回家嘆！因我不會飲汽水和啤酒，所以沒有點combo套餐，因為心水必叫黑松露薯條，單點與combo只差$3。雙層芝士牛肉漢堡$139麵包很鬆軟，牛肉漢堡並不是平時的漢堡扒，真的是真材實料的牛肉餡～但少少乾身！另外再點了辣味雞翼$59/6隻少少辣，適合不可吃太辣的人，咬落去都juicy黑松露薯條$59飄來香香的黑松露味，味道不是太濃！正所謂寶物沉歸底，表面看似不太多，但裏面暗藏滿滿的黑松露堂食應該比外賣更好味，回到家已不是熱辣辣了。等候食物大約10-15分鐘，其間因站在店內等，店員工作中看到我都會有點不好意思似的，隔著口罩都感受到她的微笑，而整個過程服務態度都非常好

為了支持抗疫大家盡量少堂食，今日我到burger Joys 亦外賣在車內慢慢食。選擇這間店其中一個重要原因，是這裏的心思包裝，露出半個包的半盒仔成盛載方法，方便進食，又唔會漏汁到成手，對於我來講是很重要。我揀了芝士漢堡包，基本完美的組合，半溶芝士倍增潤澤，本身漢堡牛肉都唔乾，再配合爽脆的生菜蕃茄，組合令口感非常理想，誰說漢堡包不是佳餚。亦買了蒜香雞翼12隻，酸甜香口，多吃蒜對身體好。我揀了炸甜薯，不及一般薯條脆，但我欣賞它更甜，不同的享受。

灣仔酒吧街的Burger joys，傳聞話連吳彥祖都好鍾意食，難得最近常到灣仔工作，一睹風采。當日下午來到以為日頭無咩人嘅酒吧街，偏偏最多人的就是Burger joys，雖然只係等好幾個人頭，由於店舖細小，所以都花上半小姐排隊，方可入座。Cheese Burger $109 (6.5/10)🧀🐮傳聞話漢堡包都係自家搓制麵團，口感軟化，不過味道帶點甜，個人就不太喜歡甜嘅漢堡包。手打牛漢堡味道正常，正規中矩，芝士夾在熱辣辣嘅牛漢堡上，有半溶化嘅口味，值得一讚！👍🏻Chicken Burger $89 (6.5/10)🐔炸雞口感十分香脆，並沒有過火，保留咗肉汁，十分juncy，配搭咗蕃茄、洋蔥、生菜等蔬菜類，唔會好膩。😋除咗漢堡，每個套餐仲跟咗一款小食，炸薯粒係我小食中推薦之一，香脆惹味，薯仔粒加咗鹽，幾入味。

今天又要諗吃的，突然懷念在灣仔吃過的一間漢堡包店，那裏的漢堡包差不多$100一個，但係麵包🥯好鬆軟，配菜包括蕃茄、青瓜都好新鮮多汁；最重要當然就係魚柳同埋漢堡，又香脆又入味，所以總括就係雖然比連鎖店貴，但十分值。另外值得高度表揚的是蒜蓉薯條，帶進車廂🚇的時候，整個車廂都充滿着蒜蓉嘅香味。打開一看😍真係好多好多好新鮮嘅蒜蓉，吃落去真係好到不得了👍🏻我下次會試吓佢其他嘅薯條，因為上次是黑松露今次是蒜蓉，都覺得好正，佢仲有好多其他款式，好期待好期待。

近排減少咗出街，盡量留喺屋企煮飯仔，不過住家飯食得多有時都會厭，唯一解決的方法就是買外賣。見好耐無食過漢堡包，趁今日出開灣仔，就順便來「Burger Joys」買外賣。餐廳一向人氣高企，於 2015 年在灣仔酒吧區中心的駱克道開設首家店舖，其後更於 2018 年將服務擴展至西營盤第一街和中環士丹利街，加上被評為香港 No.1 的漢堡包店，足證實力非凡。幸好今日不算人多，不用排隊輪候，揀左兩個漢堡包同一客蒜香雞翼。雖然係外賣，但包裝一啲都唔馬虎，非常整齊企理，而且店員很有心，在每個餐盒上都寫上祝福和打氣字句。牛肉漢堡 ($99)  以小紙盒盛載，包裝既穩妥又美觀，就算唔係即場食，回到家時，個漢堡包亦完全沒走樣，仍然非常靚仔。漢堡扒用美國黑安格斯牛肉製成，再加上以紅酒和牛油烹製，食落牛味很香濃，肉質豐富，配埋生菜、番茄、紫洋蔥及醃青瓜等吃，入口清爽不油。麵包亦非常講究，用上法國牛油包 Brioche Buns，入口香氣濃郁，夠挺身之餘食落亦十分鬆軟。至於雞肉漢堡 ($89)  水準亦唔錯，既大個又足料，雞扒有掌心般大，肉質十分嫩滑，外層帶點酥脆，入口充滿肉汁，細嚼下更可吃到油香，啖啖肉，相

每隔一段時間又會想食肥仔嘢🤤識食既我一定係去Burger Joys🍔抗疫期間我為左頂頂癮好曳地過海食完就即刻返屋企了·▪芝士牛肉漢堡  HKD$109一如之前吃到的一樣juicy😋真的十分喜歡手打牛肉🐮的質感打成既碎牛肉搽成大片漢堡牛肉口感真實且實在 肉味亦非常濃郁真的令人感覺好幸福呀💓·▪雞肉漢堡  HKD$89今次簡左未食過既雞肉漢堡🐓估唔到都咁有驚喜🤩雞肉超級大塊 炸起熱烘烘脆卜卜咬開仲見到雞肉中間既脂肪炸起成油咇出嚟絕對唔比牛肉遜色 唔食牛既一個好選擇👍·另外仲點左6隻經典水牛雞翼🍗 2個人每人食3隻加1個burger份量剛剛好 十分飽足

今日行過灣仔這間店舖，想起之前在這裡返工的同事提及過這間的漢堡包做得頗出色，所以今日經過這間店就沒有想就進去了。這裡環境雖少，但充滿美式快餐風格，裡面的店員全部都是外國人，但笑容滿面，很有禮貎。我點了三個漢堡包，加了一個雞翼外賣回家同家人分享。我點完餐，坐了一回，做好了的包，店員將它一個個的用盒包起，還很細心在盒上寫上包名，不會令客人調亂。漢堡包份量都算大，雞肉漢堡裡面有生菜，蕃茄，洋蔥，芝士，雞肉，酸瓜等等材料，雖然外賣，但回到家再吃時雞扒表面還脆的，裡面的雞肉很有肉汁，一點都不會乾，雞肉味道香脆且帶點甜味，麵包也是很軟，見它應該將麵包輕輕烘過面頭，所以感覺有點脆，果然不錯！另一個漢堡包是芝士牛肉漢堡，裡面的牛肉味很濃，裡面還有芝士，生菜，蕃茄，酸瓜等材料，入口味道豐富，漢堡牛肉不會煎得過熟，肉厚多汁，煎得很香，生菜，蕃茄等材料也很新鮮爽脆，最喜歡這裡加入酸瓜，我覺得酸瓜是漢堡包不可少的，酸瓜能帶出牛肉香味，和中和漢堡包的油膩感！本人最欣賞的是這個雜菌磨菇芝士漢堡，一聽個名就知是素食者都可以吃的漢堡包，淨看外表和一個普通漢堡包沒有分別，但吃上去完全不同，咬了一口，見面裡面全部都菇，很

之前趁酒店大減價，喺北角租左一晚黎玩下，酒店只包左一餐，所以黃昏冇咁熱就搭叮叮過黎灣仔行下順便買埋外賣返去當晚餐。Burger Joys已經食過幾次，啲burger都唔錯，侍應同廚房全部都係菲律賓藉人士，所以落單要用英文。唔洗等好耐，侍應已經pack好晒放落紙袋。喺Burger Joys叫任何burger加$41可以轉套餐，有埋汽水同薯條，我地兩個人就叫左一個套餐再散叫多個小食。特式雙層芝士牛肉漢堡($139) - 牛肉漢堡好大份，有兩塊牛肉，醬汁亦足夠唔會太乾，不過外賣時醬汁令麵包有啲濕左，建議盡可能堂食或外賣都盡快食。之前提到加$41可以轉套餐有薯條同汽水，薯條係普通薯條，如果想轉其他口味要另外加錢，我地加左$11轉加津辣粉薯條，辣辣地幾惹味。汽水除左可樂外，亦有薑啤。薯堡($39) - 薯堡份量比想像中多，炸得香脆，就咁蘸茄汁已經好食。總結，burger joys雖然幫趁過幾次，但之前都係堂食，外賣都係第一次。輪味道當然唔及得堂食咁熱辣辣同好味，不過套餐確係抵食，加多個小食已經夠兩個人食到飽。

我真係未食過咁好食嘅burger，超正，個味至少有3個層次，真心一流如果可以再嚟就好，可惜都係咁啱經過，希望可以開多啲分店芝士如果可以無限加就好啦，好想要勁厚cheese!

The signature double cheese burger is just drive me crazy! The double cheese melted like American style. Sometime double cheese in a burger can be too much and overwhelming, but for this one, it is just right here😋😋. Every topping inside the burger was fresh and crispy especially the lettuce 🥬 and onion 🧅 !For the black truffle fries, their aroma is so strong all my friends surrounding me knew I’m eating black truffle thing🤣🤣no joke the fries are so crunchy! As they put real truffle on the top

疫情又開始再爆發，人心惶惶，大家也不是太想四處去，最後兩天可以晚市堂食了。今天逛了一會兒商場，很多店也沒有開，餐廳入面的人也不是很多，我看到這家漢堡店，好像曾經來過，今天就在這裏回味一下，在外吃飯大家記緊消毒，小心謹慎。今天來到這一家burger Joys，平常人山人海的小店竟然沒有很多人，方便我這一種討厭排隊的人，我們點了一個芝士牛肉漢堡，芝士炸雞，洋蔥圈和薯圈，今天晚餐是炸物天堂。車打芝士炸雞有一點咸，但是加上車打芝士醬後就沖淡了，原來是上面的辣椒鹽很多，多吃幾件之後發覺其實很好吃，非常香口。薯圈有一半美式餐廳的水準，外脆內軟，外面的麵漿第一點調味，我真的喜歡薯圈多於薯條，這裏的套餐可以有薯條轉薯圈，也不用加錢。洋蔥圈的麵漿一點都不厚，洋蔥圈炸至通透，沒有生洋蔥的味道，反之洋蔥很鬆軟，這是我吃過的高分洋蔥圈，很多時候的炸洋蔥圈都是皮太厚，要不然就是沒有炸通透，洋蔥會比較散，不好吃，這一間拿捏得剛剛好。我們點了一杯凍檸茶，茶味很濃，沒加糖很好喝也比較健康，還可以無限添飲。芝士牛肉漢堡，麵包非常鬆軟，有紫洋蔥酸瓜番茄和生菜，我最喜歡他的紫洋蔥，平常比較少吃到，免治牛肉煎得香，但也有一點