Burger Joys (士丹利街) (已結業)

今晚又OT冇得準時收工, 於是就同同事食埋dinner先歸家, 知道士丹利街橫巷, 有間主打Burger既餐廳, 一直都想試試, 今晚終於有機會喇!!餐廳內都為高檯, 平日晚放工時段, 都幾多人幫襯。Burger款式唔多, 可以自選加錢加料, 更能滿足到唔同人喜好。Order Burger 可以+$41升級套餐 (包括有飲品+薯條)想食特色味道薯條, 加錢就可以! 我就加左$11叫左個芝士味薯條薯條即叫即炸, 淋上溶岩芝士, 淡淡芝士香, 好邪惡啊!!每個Burger都以半個紙盒放好, 食既時候唔洗用手接觸到個包, 整潔衛生【Cheese Burger】HK$109Burger為standard size, 熱辣辣既牛肉令芝士半溶為一體, 牛肉keep到原汁原味肉汁, 爽脆洋蔥圈、蕃茄片、青瓜片、生菜, 同時入口, 口感豐富有層次, 雖然沒有額外醬汁, 但黎自青瓜片酸甜+清甜蕃茄片, 令整個burger更為juicy好味。【Fish Burger】HK$89魚柳香脆口不油膩, 配上蕃茄片、生菜、少少沙律醬, 好夾啊。

今日放工之後又忍唔住再去Burger Joys，今次去嘅係中環分店，幾易去但係同西營盤分店一樣都幾隱蔽，大家真係要落足眼力。係Burger Joys叫奶昔飲就梗係must黎啦，今次叫咗曲奇味，唔死甜仲要有曲奇脆脆，好滋味！Burger方面揀左芝士牛肉漢堡($109)同雞肉漢堡($89)，今次想特別介紹雞堡！雞堡可以話係意外驚喜，雞排肉嫩而且個皮係脆嘅，平時食漢堡都好少見店舖咁細心地處理餡料。然後仲有水牛雞翼六隻($59)，酸酸辣辣幾開胃，雖然我唔太好酸野，但係都幾好食，我個人建議一定要加sour and cream醬，都幾match，配薯條一流！

Burger Joys 中環分店Burger 真的有賣點，夾漢堡的「飽」好好味，單食都好味😋鍾意食飽的我大滿足。完全是習慣，食 Burger 必叫芝士牛肉漢堡，第一口便是 Juicy 牛肉堡，穩陣之選👍🏻朋友點了雞肉漢堡😒我心諗 What‼️點知超好食，很有雞味，肉嫩！還要煎得香香的，必試👏🏻下次又要點！加碼再叫水牛雞翼，不太辣 Good，仲要有個醬配合！個醬好好食，配上水牛雞翼，雞翼的辣減了點。薯條好香薯仔味👍🏻如果粗條就好了。之前朋友說奶昔必試，嘩！真的！曲奇妙趣奶昔好綿好滑，不太甜，下次要試朱古力味😬

黎到中環的小巷，被它的霓虹燈招牌吸引到。之前已經有聽過burger joys的大名，但一直未去試過。一行二人，各點了一個漢堡再加套餐，包了一份普通薯條和氣水或啤酒。我們一人升級了黑松露薯條，一人升級點了奶昔。Mushroom cheese burger $89+ set with french fries 🍟 $41+ upgrade to milkshake (cookies & cream ) $31我食第一口就知道點解會咁多人話好食，burger的麵包🥯不是普通白麵包，我覺得係用cream煎香過的，他們家特別出名的brioche buns💗至於雜菌蘑菇，把所有蘑菇剪成漢堡扒的樣子，買一個素食漢堡包整得很好味。剛剛出爐的時候，漢堡包是脆口的，建議大家唔好影咁耐相，要快啲食🤣咁先最好食。至於奶昔方面，認為就比其他店較遜色，CP值一般。Chicken burger $89+ set with soft drinks $41+ upgrade to truffle fries $21我比較喜歡食這個雞漢堡，它的醬汁比較多，比起素食漢堡較juicy，以及有更豐富嘅味道。當然它的漢堡包也是很

中環這間burger joys 地點好特別， 在大排檔隔離，有點fusion 。我們叫了一個combo, 有薯條，氣水和特色雙層芝士牛肉漢堡， 漢堡扒double ，牛肉好juicy又有牛肉味，一共有2塊滿足了食肉獸的要求。包入面有沙律醬和新鮮生菜，特別好食。個包已經用牛油煎香，食得出好重牛油味。漢堡包的大小適中，一個男人食都足夠。12隻經典水牛雞翼，雞翼有少少辣加上blue cheese cream sauce，夾埋一齊好好吃 。最重要的是個汁整得好，味道酸酸辣辣，正！男廚師很主動打招呼，當日入座有7成人，女服務員只有一個，服務有點慢。薯條等了很久才到，不過薯條夠熱，就好好吃！Burger Joys 真的太好吃了，食過都會返轉頭再食。

最近好想食得放縱一啲，去咗中環一間漢堡包店，連個名都叫做Burger Joys. 好易記。我叫咗一個牛肉漢堡，但係會轉Combo。天氣勁熱，成32度，所以帶咗罐冰凍可樂。我將個Combo upgrade咗少少， 轉黑松露薯條，因為我係好鍾意黑松露嗰隻香味。本身以為會比黑松露醬，原來係將黑松露同薯條一齊炸。幾香口，唔錯。我個妹今晚突然之間想食齋，竟然漢堡包店會滿足到佢，佢叫咗個雜菌蘑菇芝士漢堡，佢話食落都幾似肉。漢堡包店嘅環境，裝修得令人置身美國一樣，趁而家唔可以去旅行，可以去呢一間漢堡包店，幻想下自己出國旅行，食漢堡包。

一路有聽朋友講 漢堡嚟講呢間係香港係數一數二好食 今次終於嚟到一試🤪事先講明 我去之前嘅期望係超高 可能係因為咁嘅關係 變咗最後又冇我想像中咁好食 (不過唔好誤會 佢都係好食嘅 只係同我想像有啲出入🤣)-✏️牛肉漢堡 ($99)🍻(+$41轉為combo:汽水/啤酒&薯條)🍠(+$11升級蕃薯條)〰️為咗試佢嘅原汁原味 揀咗最經典嘅牛肉漢堡 外貌真係好靚仔 無論包定內裏嘅餡料都非常豐盛 勁厚切嘅樣🥳佢嘅包比較特別 應該係佢哋賣點之一係好鬆軟嗰種 仲帶微微甜嘅感覺 好濃嘅牛油香 食落似丹麥麵包 但本身我唔係特別鍾意食呢類形嘅麵包 同埋我麻麻地牛油香🤣所以呢啲真係純屬個人口味我相信都會有好多人鍾意😛牛肉漢堡肉味幾濃 食落口感唔錯 唔會太油膩 而且脂肪同肉嘅分佈都好平均 配埋生菜 番茄同埋唔會過多嘅醬汁 整體漢堡包黎講食落幾清新 唔會好滯膩🤓另外想大讚佢嘅番薯條🍠炸到每條都好香脆 而且佢揀嘅番薯都幾甜😻對比下薯條實在遜色太多 好似冇咩味咁😂建議大家都加錢轉番薯條! 唯一要挑剔嘅係如果佢粗身啲口感會更加好 但真心好食😛

Burger Joys被列入全球五十大最佳漢堡店，賣漢堡賣到有全球排名，緊係揾機會去試下嫁啦！今次終於可以去試下佢地嘅漢堡，睇下到底有咩咁特別🤨**********<特色雙層芝士牛肉漢堡> $139叫左個double cheese burger，亦都係店內嘅signature，個漢堡扒好多汁唔會乾，個醬汁都調較得好好味，值得一提嘅係個包好鬆軟，而且好香牛油味！店員仲好好咁問我地要唔要切開一半，可以食得方便啲！😍**********<經典水牛城雞翼(6隻)> $59雞翼方便叫左個經典水牛城味，醬汁方面味道係偏辣，唔食得辣嘅話叫蒜香雞翼比較好！而且醬汁嘅份量都偏多，所以都幾咸下，相對上重口味！**********<草莓奶昔> $69去食美式漢堡再叫一杯奶昔都係經典配搭，依杯草莓奶昔夠曬大杯，兩個人share都完全足夠，味道就唔係話好特別，感覺都係用草莓雪糕加奶打出黎🤔

工作地方附近有間唔錯既burger, 收工同朋友黎食下都幾正。環境幾chill, 重播住多首熟悉既音樂，讓人放鬆。朋友點左Chicken burger $89Burger 份量岩岩好，雞肉啖啖肉好吸引。Single burger $99牛肉軟腍又juicy, 外面麵包都相當鬆軟，中間加左蕃茄洋蔥好fresh，整體好有咬口。Black truffle fries $59薯條香脆，配黑松露醬夠濃郁惹味。中環小店黎講幾高質，值得一試。

以前食過西環分店，嗰陣都覺得質素唔錯。最近，起網上和朋友口中都再次聽到burger joys 呢個名字，人氣上升，令我心思思又去試下，希望人氣高左，都依然可以保持水準！今次，就去左中環分店。雖然疫情開始放緩，不過餐廳都有提供酒精搓手液供客人使用！始終食burger ，難免要用手掂到，食前用酒精搓手液食得更安心。Cheese burger $109 + combo $41 （薯條+飲品）加左$11轉芝士薯條Cheese burger 係hot pick，所以揀咗佢好多料，有洋蔥蕃茄生菜，要有的都有，芝士俾牛肉既熱力整溶，食落更cheesyBurger 好juicy，好香牛肉味，都幾厚，咬落啖啖肉包用牛油烘熱，好香，包既質感較為鬆軟，所以吸到好多牛油，唔怕乾硬硬。芝士薯條combo 熱辣辣嘅薯條上面淋上溶岩般既芝士，芝士味濃，食到最後感覺有點膩，兩個人share 會較好想試多啲菜式，所以同男朋友share 一個burger ，再叫兩個小食美式炸雞配車打芝士醬$59份量出乎意料的多！雞炸到幾脆，配上芝士醬，確實有點像美國南部的炸雞！Buffalo wings (6pcs) $59呢個同剛才的

Had the cheeseburger and unfortunately the patty was well-done and not juicy at all. The brioche bun was however very fluffy and soft, which I think is the only redeeming quality of the burger. Quite mediocre overall, and does not justify the price of $109 per cheeseburger. The cheese fries were also not hot or crispy enough. Seeing all the positive reviews I have to say this place was rather disappointing.

見過報道，老細係美國返嚟話香港食唔到最出色嘅漢堡所以佢就自己開咗間鋪整漢堡點了牛肉芝士漢堡同埋炸雞漢堡麵包報道話佢哋係自己生產唔係街邊買到，食得出好龍嘅蛋香牛油味質感有啲似蛋糕，我自己就覺得呢種質感配上漢堡包就唔係太夾感覺有啲似食muffin咁樣，牛肉唔係10分Juicy,肉質欠缺有點趕，配上生菜蕃茄酸瓜洋蔥，而最大問題係佢欠缺醬汁亦唔係10分特別炸雞漢堡配了相同炸雞還可以，加上蜜糖芥茉醬汁口感有啲唔似食漢堡包，整體唔係太夾反觀炸物都尚算唔錯，最好食係薯波粒感覺就好似將好多塊薯餅拆細咁樣我諗要衝出國際做上香港第一呢個名銜應該都唔係咁易，加上有咁多過江龍開始過到嚟，要加油哦

Burger joys 一直都想試好耐，但係好少過去港島，今晚朋友聚會約喺嗰邊，睇吓係真材實料，定係名過於實🙈.⭐️牛肉漢堡首先麵包好鬆軟，牛油都好香，之前睇過報道話塊扒係用新鮮嘅美國牛肉，所以品質會比坊間嘅好，但係今日食落我自己覺得牛肉嘅部份唔係好出色，咬落去唔覺好juicy，不過都中規中矩。不過我鍾意佢用一個盒仔裝住，食起上嚟唔會整污糟手！.⭐️薯條/薯堡薯條正正常常，冇乜特別，啲朋友話似麥當勞薯條，我自己就覺得又冇咁誇張嘅😂因為真係食得出有薯仔味。之後再食薯堡，就好似發現新大陸咁，因為好出色，外脆內軟，中間保持軟綿嘅質感，就好似粒版嘅薯餅咁，好得意🥰 不過無論薯條定薯堡，份量都好多。.唔知係咪我本身對佢expectation 太高，所以我自己覺得有少少失望，冇想像中咁好食。.環境方面其實舖頭唔算好大，而且我哋坐窗口位，對住出面大排檔，其實一路食緊都一路聞到好大陣油煙味。.總括而言，值得一試啦，而且而家Openrice做緊coupon優惠，$109就已經可以買到本身價值$171嘅set，其實都幾抵！ ________________________食物：⭐️⭐️⭐️環境：⭐️⭐️服務：⭐️⭐️⭐️抵食

前幾日阿女考完DSE，為咗慶祝完試特登同佢去行街食好嘢😚 見到呢間Burger Joys，阿女又話想食burger咁就入去試下啦~有好多明星都食過！大讚👍🏻！嗌左兩個burger，Cheese burger 舊肉扒又厚又Juicy🤤麵包鬆軟超好味👏🏻Fish burger 入面嘅炸魚柳外皮好~鬆脆😻 我哋嗌左combo 揀咗薯條同埋汽水 呢啲絕對唔係M記薯條😜好有薯味👍🏻美式炸雞都特別好食😋非常推薦Fish burger🥰好好味👍🏻下次一定要再嚟食❤️

今天跟男朋友度中環逛街，晚餐突然想吃漢堡，於是便來到了這間Burger Joys。餐廳距離地鐵站稍為少遠，需要行10分鐘左右及走斜路才到達。入店後，見到木製的牆壁上貼滿不同藝人的相片，給人挺星級的感覺。背景音樂是流行的英文歌，店員大多數都是外籍人士。座位都是吧台高椅，地方不大，但整潔的。我點了一個芝士牛肉漢堡，跟套餐連飲品和薯條便要加$41。麵包十分鬆軟，而且很厚。牛肉有很香的牛味，不過有點薄，漢堡的配料有酸瓜，番茄，生菜和芝士。牛肉的生熟度都還可以，不會過熟或過生。黑松露薯條跟餐加$21。薯條即炸的，上枱後有溫熱感。黑松露量多，薯條幼身，吃下去軟淋淋的，有很香黑松露味道。不過我們坐在風口位，冷氣直吹薯條會很快變涼，所以我們之後轉了吧枱位。飲品點了雪糕特飲，跟餐加$21。就是雲呢拿雪糕加可樂。到了可樂後，賣相好像還可以很多泡泡雲呢拿雪糕與可樂融為一體後，口感變得更加順滑。而男朋友點了魚堡，魚肉外層炸得非常厚，脆卜卜，包和配料跟芝士牛堡一樣。不錯。醬汁也非常齊全，還有酒精手部消毒啫喱供人使用。