Burger Joys (士丹利街) (已結業)

Burger Joys (中環)中環士丹利街82號地舖-----星期六總係特別適合食啲令人心情愉快嘅食物，Burger就係其中一種B仔最愛嘅Saturday food。呢間得獎嘅漢堡包店相信大家都唔陌生，中環分店比較近我屋企，所以時不時都會嚟呢度買外賣返屋企，同屋企人一齊食。🐟魚柳漢堡 （$89）我對魚柳漢堡嘅認識黎自M記，記得細細個第一次食魚柳包嘅時候，真係覺得佢好正，個包又軟，中間嘅魚柳又脆。但當我食過Burger Joys 嘅魚柳包之後，我就發現，原來好食嘅魚柳包味道可以同M記差咁遠。先講一講個包，M記係就咁一塊包，完全冇額外加工過，但係呢度嘅包就唔同，有落牛油先輕煎過，令到成個包都非常香，就算冇餡，齋食個包我都覺得好好食。中間嘅魚柳亦係非常驚艷，Juicy到不得了，魚質滑溜，而且重點係真係非常大條，連個麵包都cover唔曬，非常正。🐥蒜香雞翼 （$99-12隻）香香甜甜嘅泰式醬汁配搭嫩口嘅蒜香雞翼，惹味非常，而且經醬汁煮過之後，感覺香口得來又唔會好熱氣，屋企大人細路都鍾意。🐥奇津辣味雞翼 （$59-6隻）辣味頗強勁，屋企嘅小朋友食唔到，但係大人就好鍾意。獨特嘅辣粉，雖然頗嗆喉，

今次去了中環士丹利街82號地下Burger Joys，估不到晚上6點幾左右去到都好多人，店舖不算大。看店名就知道這裡一定要食Burger，Mushroom Cheese Burger $89，包皮同平時的漢堡包口感不同，好軟熟，好juicy，又大個！另外叫了一個Caesar Salad $69，菜好新鮮。再加了一個小食洋蔥圈，雖然外賣食已經凍了少少，但外層都仲係脆卜卜，洋蔥外脆內軟，好好味。因為方便外賣，叫了罐裝Coconut Water，配burger食都唔錯。

Burger joy喺漢堡包界已經好出名，出名用料新鮮好食🥰本身有三間分店，今次我黎中環分店一探究竟😁中環分店 店面不大，但裏面美國風嘅裝修卻吸引我嘅眼球😍，今日同老公二人order左兩款Combo～漢堡包價錢+$41就有（薯條+汽水）不得不提呢度嘅麵包，夠晒厚身，上枱前明顯有特別烤過，包身夠厚外脆內軟，有淡淡嘅甜味和牛油香味魚🐟~並不是普通嘅炸魚柳，是啖啖嘅魚肉❤️，用吉列嘅方法黎炸，外脆內軟，一試難忘，暫時排上小妹最喜愛嘅魚柳包頭三位😍牛肉🐮～配料有紫洋蔥、生、蕃茄芝士，牛肉漢堡夠晒份量，咬落去咇汁，食一個已經非常滿足!回頭率100分😍😍

今日去咗中環行人天橋底下的漢堡包店Burger joys ，漢堡包店在大排檔的旁邊，門口紅黑色招牌及外牆都幾搶眼，幾吸引。之前朋友食過此店漢堡包，覺得水準不錯，所以今日來試一試。店面裝修簡單，有點美式風格，店員都是外籍服務員，門口兩邊都有窗，坐在窗旁邊食嘢，過一個下午感覺幾舒服， 應該係情侶的最佳位置。今日點了一個芝士漢堡，炸魚柳漢堡及一杯奶昔，後來發覺其實點套餐價錢差不多，如果大家鍾意吃薯條，都係跟餐比較化算。芝士漢堡外層的麵包十分鬆軟，形狀似是店家訂做的，厚厚的包身有我喜歡甜餐包的味道，安格斯牛肉漢堡扒煎得香口有肉汁，肉味不錯，當然唔少得漢堡包裏面的蕃茄生菜洋蔥酸瓜及醬汁，每樣味道都好配合。另外朋友點的炸魚柳漢堡，炸魚柳外皮酥脆香口，雖然唔知是什麼魚，但魚柳十分大塊，魚味不錯又夠滑，而他他醬調味剛好，份量又夠多。我在漢堡包店通常都會點奶昔，係小時候的習慣，此店奶昔十分香滑有奶味，再加上忌廉及一些朱古力醬點綴，非常滿足，暫時就忘記卡路里，盡情享受一下吧！此店漢堡包份量不算大，跟薯條飲品比較適合一般男士的食量。另外每台都有茄汁，芥辣，辣椒仔辣汁及辣椒醬料，客人可以根據自己口味去添加。此

今日去開中環，經過哩間burger joys，所以去試試。我叫左個芝士漢堡餐，飲品跟啤酒（因為我本人麻麻地飲汽水），不過外賣啤酒係冇蓋，所以我即時飲，順便等外賣。放工時間都多人叫外賣，我等左大約十五分鐘先有。首先要讚下個包，淨係食個包已經覺得超好味！包本身有好香牛油味，而且好鬆軟，有啲似食緊厚身pancake。牛肉都算厚身，但唔會好實，廚師煎得唔會過熟，食嘅時候有口感兼且有好重牛味。包𥚃面仲有啲配菜：紫洋葱丶生菜，蕃茄丶酸瓜丶芝士。薯條唔係連鎖店咁，炸好先落鹽，而係本身條薯條已經有咸味，不過外賣嘅薯條的確爭啲，我諗即炸即食會好啲！下次會再試其他食物。

全港唯一一間入選全球頭50既Burger！ -🍔芝士牛肉漢堡($109) 1️⃣安格斯牛肉牛味濃，啖啖都有香濃肉汁，加埋塊溶溶地芝士真係超邪惡！蔬菜配搭經典夠清新，食哂成個都唔會膩。 2️⃣田中上網睇，發現呢到既牛油包好有名堂，係法國米芝蓮餅廚研製既Brioche Buns，有彈性又鬆軟，仲有陣陣牛油香！ 👍🏻8/10 - 🍗雞肉漢堡($89) 雞扒輕輕炸過，超香脆，鎖緊哂入邊既肉汁，一咬啲雞油出哂黎，而且個醬甜甜酸酸好開胃！ 👍🏻7.5/10 - 🍟 黑松露薯條 Truffle Fries($59) 唔好睇好似好少黑松露醬咁，但其實佢每層薯條都有落醬，而且個醬好濃，脆兼帶有鹹香。👍🏻7/10

今日去左中環做野，收工同同事一齊晚餐，經過中環士丹利街，見到人氣漢堡店Burger Joys，好耐無食過Burger啦，一於叫返個外賣歎下先!芝士牛肉漢堡必點之選，牛肉厚度十足，口感扎實，充滿牛脂香，味道濃郁多肉汁，配以超甜洋葱、新鮮生菜、蕃茄及酸青瓜，口感層次極豐富!再加半溶芝士，極邪惡!而且麵包搽上牛油後再烘底，鬆軟又脆口，正!魚柳漢堡炸至金黄酥脆既魚柳咬落啖啖肉，內裡魚肉嫩滑可口，真正外脆內軟，配以新鮮生菜、蕃茄等，減低油膩感，麵包同樣外酥內軟，推薦~芝士薯條即叫即炸薯條，入口熱辣辣，偏幼身薯條香脆可口唔油膩，淋上芝士醬，既濃郁又邪惡，超正!

去了朋友公司幫忙做義工，晚飯時分朋友外賣了burger給我醫肚.......咦？！😳這不就是被評為香港第一及入選全球Top50漢堡店之一的美式burger shop🤩🤩🤩我未曾品嚐過這享負盛名的burger，頓時令我倍感興趣😆🍔特色雙層芝士牛肉漢堡漢堡選料講究，麵包是由米芝蓮得獎主廚提供配方給Burger Joys自製，並以牛油烤烘，故特別鬆軟而富彈性，牛油味香氣四溢😋 漢堡扒則選用USDA美國優質黑安格斯牛肉手打而成，肉質鬆軟味濃之餘，雙份的牛肉令肉汁更為充盈🤤另搭配番茄、生菜、酸瓜及洋蔥，中和了整體油膩感👍🏻這質素配這價錢，真的無得輸💯🍗美式炸雞配車打芝士醬炸雞份量都幾多，而且炸得非常香脆乾身，灑了一點調味粉，配上車打芝士醬後真的吃不停口，讚👍🏻真不愧為有排名的burger shop👍🏻👍🏻

最正美國漢堡早排睇片見到有介紹Burger joys,被吸引了,所以黎...原本想約埋成班朋友,可惜疫情,諗住人少少都得,但限聚令,好彩都有外賣!入到黎有位靚女問我食嘜,餐牌上樣樣都好吸引,揀左一陣,就揀左以下幾款美食牛肉漢堡$99份量十足,牛肉口感豐富,又多汁,新鮮蕃茄同菜好夾!整個漢堡好好食加$41升級要餐食漢堡一定要有薯條同汽水,幼幼既薯條好得意,食完一條又一條!由於我地都好鐘意食薯條,額外再加多一個薯條,咁就唔怕爭經典水牛雞翼 $59 6隻有少少辣,好好食,肉汁豐富,食左6隻覺得唔夠唉,想再食！

在這幾天經常到公司工作時，因為工作比較忙碌，所以經常都會在公司附近買外帶到公司吃。今次選擇了漢堡包，這裡的漢堡選擇及小食吸引了我。今次點了好多唔同嘅小食，點了一個雞漢堡，雞漢堡肉質非常嫩滑，食下去一點也不覺得很肥膩，而且醬汁都好好味。點了個前菜沙律，沙律菜當然系新鮮，但最重要系店裡自家調制嘅沙律汁系好味。Buffalo wings ,店員推介，當然要點，不像普通街食到的一樣，雞翼肉質好入味，再加埋自己調嘅醬汁點。好好味另外薯圈，現在很少地方可以得到，香脆可口。加埋杯非常消暑嘅可樂 。美味享受

外賣：我們點了1份芝士牛肉漢堡 套餐（$109+41）＋ 1份 雜菌蘑菇芝士漢堡 （$89）。回家途中一直聞到烤麵包、肉和蘑菇的香味，好吸引。雜菌蘑菇芝士漢堡中的雜菇排是各種蘑菇切碎後壓製而成，口感非常好 不太難咬不太糊 很鬆軟。蘑菇本來的味道濃厚，再加上調味料的香味 夾在少量的蔬菜和鬆軟的法式甜麵包之間， 是我們吃過最高質的素食漢堡。芝士牛肉漢堡材料豐富，牛肉夠厚夠嫩夠多汁 不會太油膩，醬汁不太多 不會蓋過牛肉的鮮甜，一層芝士味道夠重 跟牛肉很搭配。漢堡裡面還藏著酸瓜和洋蔥 很開胃！套餐裡包 飲品 （我們要零可樂）和 我們喜歡的薯條！我們點了扭扭條 ：）很脆很香 裡面還是軟的！我們吃得很飽 覺得這裏CP值很高 又方便 很滿意

🍔Burger joys嘅漢堡包好好食，以前都食過幾次，真係好令人回味😋 突然間想食，就去咗中環分店外賣自取，回家做晚餐。老公食cheese burger（$109） ，加$41轉咗套餐，有汽水同薯條。試咗幾啖老公嘅cheese burger，漢堡扒好juicy，啖啖牛肉。芝士味香濃，好有份量。另外再加11蚊轉甜蕃薯條， 番薯條脆卜卜，好香甜，正過薯條🤤 我就食cheese 🧀 burger ( $89) ， 漢堡包好大個食完超飽超滿足。個sauce好惹味，入邊有啲蔬菜，配搭完美👍

每次諗唔到食咩好，burger就係一個好選擇。今次都係揀返burger joys，因為之前食過，覺得好高質。我同朋友share食，試左兩款burger，依然好好食。Chicken burger第一次試呢度嘅雞肉漢堡，個包就一貫的鬆軟牛油香，雞扒好有驚喜，皮煎得焦香，肉厚多汁，肉質嫩唔嚡，配上蜜糖芥茉醬和一些生菜、紫洋蔥、酸青瓜，感覺清新。Cheese burger呢個就每次都會食，芝士加上牛肉漢堡扒果種牛香的油脂，絕對冇得抗拒。雖然呢度塊漢堡扒唔係特別厚，但係煎得焦香，牛肉配上洋蔥、酸瓜好惹味，再加上爽口生菜、蕃茄，唔會覺得好油膩。我地轉左一個做combo，有一個薯條同埋飲品。薯條方面我哋upgrade咗做番薯條，雖然都係炸，但番薯感覺比較健康。番薯條炸粉唔厚，食完個番薯切條，識落外脆內軟，仲有番薯的甜甜清香，配上茄汁食到冇停口。

之前從朋友口中及報章知道Burger Joys食品好好味而且好有特色，今日終於有機會到中環店初次品嚐。 Order咗特色雙層芝士牛肉漢堡🍔combo餐， 除漢堡外有一罐汽水同埋我揀咗熱溶芝士🧀薯條 🍟，另外嗌咗蒜香雞翼六隻做小食。😍 個漢堡🍔係King size 超大份，入面有兩 大嚿厚厚嘅牛肉加埋double cheese🧀超好味，因為牛味極重而且超有肉汁，連埋漢堡包同埋入面嘅生菜、洋蔥、番茄一齊食別有一番風味。薯條🍟上面有濃芝士🧀啱曬我鍾意食芝士同埋薯條嘅人😍，可以點埋茄汁食係絕佳配搭。最想講係嗰個蒜香雞翼😍，估唔到整得咁好味， 雞翼鋪滿炸蒜粒，點埋甜酸醬，我可以一口氣食曬6隻都冇問題。🥰 如果下次有機會去港島區，我會再去中環或者其他分店試埋佢哋其他嘅特色小食同漢堡。😋

人在中環 , 肚餓又想食個 burger, 就想起這間被譽為 全球50大必食漢堡包店 之一的 Burger Joys ~Menu ~Vanilla Milk Shake 香草奶昔 : 奶昔冰涼濃郁，質感軟滑，與 burger 同吃是絶配 ~Classic Buffalo Wings 經典水牛城雞翼 (6 pcs) : 鹹辣惹味的水牛城雞翼，每人吃6隻都嫌不夠喉，配菜竟然是甘荀條＋西芹條，點藍芝士醬，絶對正宗 ~Cheese Burger 芝士牛肉漢堡 : 兩塊超鬆軟的bun夾着豐富的餡料，牛肉漢堡扒是用 CHOICE 級的黑安格斯牛肉打成再煎香，熱溶了的芝士份量是剛剛好，因為吃着吃着並不覺得油膩，yummy ~本篇完 ~