BRICK LANE Gallery

营业中

休息中

brick lane之前係新城市食過覺得好ok, 今日去tst食飯見到有分店就決定同朋友去食下!tst分店比起沙田氣氛好好多,適合同朋友傾計,飲下酒,如果食煙都可以坐室外,唔錯睇下meun, 原來同沙田唔同架!前菜叫左個薯條,雖然幼身,但炸到脆卜卜,配上大量芝士,仲熱辣辣既時候就食晒,好好食!主菜叫左安格斯肉眼5成熟,我鍾意食肉,通常西餐點都會叫一份扒,整得幾有水準,真係5成,唔硬身有肉汁,配菜亦唔錯當日啤酒regular價有買一送一,但留意係唔可以同人share, 覺得太多可以用happy hour價錢叫一杯就得,啤酒杯有雪過,所以keep到凍

和朋友預祝生日，他說想吃西餐，在沙田我吃過Brick Lane Deli，上網看到尖沙咀也有Brick Lane，於是選擇了尖沙咀這間Brick Lane Gallery。餐廳氣氛舒適，職員亦非常有禮。之前在沙田吃過龍蝦班尼迪蛋，但在這裡的餐牌不見，一問之下原來每間分店都有一款限定班尼迪蛋，而今次尖沙咀限定就是星際班尼迪蛋配墨汁荷蘭醬。黑色醬汁是墨魚汁荷蘭醬，而半熟蛋下是熱騰騰的炸軟殼蟹！有流心蛋汁，加上脆卜卜軟殼蟹，還有少許配菜，口感豐富！龍蝦扁意粉，整個貌相吸引，連扁意粉的擺位都像是精心設計過一樣，龍蝦肉很容易就可以整塊起出，啖啖肉！澳洲穀飼安格斯肉眼扒，份量十足，切開牛扒裡面顏色仍是粉嫩，不會太韌又不會太硬。最後還是忍不住點了一個甜品，香草雪糕蘋果鐵鍋班㦸，整個小鐵鍋一起上桌，蛋味濃郁的班㦸上有蘋果粒和凍冰冰的雪糕，是不同層次的口感享受！

呢款係跟餐餐湯龍蝦湯比起我平時飲嘅龍蝦湯味道濃D，湯入面亦有唔少嘅龍蝦肉喺度，而表面嘅幾圈忌廉除左令相片影出黎嘅效果更好睇之外，亦可以令湯嘅口感更滑。蟹餅很鮮味，配埋WASABI 蛋黃醬食清爽醒胃。三文魚魚肉味濃，帶子大粒鮮味，呢2樣都煎得火候好好，外脆內嫩。每間分店都有唔同嘅限定egg benedict，而尖沙咀分店嘅就係墨魚汁軟殻蟹egg benedict，成個egg benedict賣相好靚，最岩就係用黎影相打卡呃like ，而味道黎講亦都算係唔錯，蛋下面嘅軟殻蟹炸得夠脆之餘，裡面依然仲keep 到水份，而流心黃整穿左之後，連埋墨魚汁一齊流落去下面嘅MUFFIN 一齊食，正！炸雞翼外皮好脆，好少可以食到咁大隻而又咁滑嘅雞翼，一咬落去D肉汁就湧出黎，勁正！

SET DINNER嘅餐湯係羅宋湯，湯嘅旁邊再配上一塊餐飽而頭盤就係蟹肉餅蕃茄青菜沙律，蟹餅金黃香脆，輕點Wasabi蛋黃醬一齊食都唔會搶晒蟹餅的味道蟹肉餅十分足料主菜香煎三文魚帶子配薯蓉伴西洋菜忌廉汁，魚皮煎得香脆，魚肉係岩岩熟，所以食落好滑。西洋菜忌廉汁嘅西洋菜味道唔太突出，但味道都唔錯嘅。帶子大粒而且厚身，上面仲舖左魚子醬，更顯貴氣。由於SET DINNER 嘅餐湯唔太岩我地口味，所以我地就另外叫左一個龍蝦湯，呢個龍蝦湯非常濃味，估計應該係加埋龍蝦嘅膏一齊煮，所以先會有咁濃嘅味道。近期興環保，所以呢間餐廳都用上左環保嘅飲管，值得一讚！

今晚約左朋友去尖沙咀棉登徑的Brick Lane Gallery 晚餐。餐廳有室外同室內的座位，不過今晚落雨，我地又唔食煙，所以坐室內。店員推介尖沙咀分店限定Black Galaxy Eggs Benedict，係新出品黎，所以即刻點黎試。依道菜是依照傳統的Eggs Benedict做法，配上墨汁荷蘭醬，中間除左半流心蛋 (有少少失手，蛋汁未能完美流出)，仲有炸得香脆又非常大隻的軟殼蟹，口感層次都好豐富~又叫左個煙三文魚蝴蝶粉，賣相一流，仲有五舊花形的煙三文魚，用左唔同的香料黎烹調，幾特別。甜品點左雲呢拿雪糕蘋果pancake, pancake 用熱鑊上，煎得香脆配上濃郁蛋味，仲有好多嘅蘋果粒，加一舊大雪糕，冷冷熱熱，味覺享受。

又來了...每當想起英國生活時,就會想來這裡,今日同朋友黎慶祝一下先點了一個黑松露薯條, 炸得好香口, 黑松露醬份量不少,每條薯條都可以有黑松露的味道仲叫左兩杯Oreo奶昔...味道不錯,我自己覺得甜了一點必食的班尼迪蛋, d蛋漿好正,好似岩漿咁流落黎麵包又軟熟第一個主菜,龍蝦扁意粉, 意粉十分彈牙.又夠奶油!龍蝦好新鮮,肉質鮮甜,第二個主菜就係豬肋骨配炸魷魚鬚豬肋骨個醬實在太好食了!d肉又夠淋,入味而炸魷魚鬚就好脆口,配左少少沙律,好清新的感覺最後就係vanilla pancake, pancake好好味, 不會太甜

周末放假訓到10點鐘先醒, 11點鐘呢D時間食早餐又太晏, 食lunch又早左啲...加上想食個醒神Brunch, 就去左Bricklane啦, 其實之前都梨過, 覺得食物份量大又好味, 所以就再encore啦 今次同老公梨到叫左個Egg Benedict + All Day Breakfast share!! Egg Benedict有兩件, 個蛋一切開做到流心效果, 溝埋塊Ham一齊食, 口感好豐富, 好juicy至於All Day Breakfast, 份量十足, 兩個人share綽綽有餘, 種類都好多, 我仲有我最愛既炒蛋同埋薯餅, 薯餅真係唔係間間餐廳既All Day Breakfast都有架至於滑蛋, 都炒得好滑, 唔會太乾身或者太油膩!! 大大碟仲有茄汁豆, 腸仔, HAM, 煙三文魚, 兩個人share食唒飽到上心口至於飲品, 我就叫左杯熱既Rose latte, 配上簡簡單單既拉花, 味道都唔錯, 值得再encore!! 

之前已經嚟過呢間餐廳食飯，好滿意，所以今日朋友生日，特登book呢間餐廳同佢慶祝🎂我哋未睇餐牌就講定一定要叫黑松露薯條，上次食過非常好味。今日再叫，依家係好食到停唔到口。薯條外脆內軟，炸得啱啱好，唔會乾爭爭，餐廳仲好貼心附送埋番茄醬，薯條沾番茄醬開胃，沾黑松露醬味蕾同嗅覺就好享受☺️我地仲叫咗班尼迪蛋，Egg Florentine，蛋半生熟，配合埋新鮮嘅菜，唔錯。主菜係龍蝦扁意粉，龍蝦非常新鮮，肉質彈牙👍🏻意粉軟硬適中，但係唔知點解有D苦味，八卦問下職員，原來裡面加咗圖片上面紅色一條條嘅調味料，所以有苦味，我同朋友唔係好食得慣🤣豬肋骨又係食過再食嘅菜式，豬肋骨肉質好腍，加埋燒烤汁，好惹味！最後叫咗個vanilla pancake，非常美味！唔會太甜，酸酸甜甜🥰職員仲好好人，幫我點了一支蠟燭，將佢成為另類嘅生日蛋糕。💕

同幾個朋友食個下午茶傾計，bricklane絕對係好地方！去個日係平日，同朋友四點幾坐到六點幾七點，都無比人趕走。😆我地叫左杯hot chocolate, rose latte, jasmine tea. (圖係rose tea latte 並不是rose latte)小插曲:朋友飲飲下發覺無咖啡味，了解完原來黎錯左rose tea latte, 服務生態度好好，即刻換番比我地👍🏻👍🏻👍🏻仲有叫左fish and chips呢個好多人都推薦就知唔錯👍🏻👍🏻👍🏻👍🏻👍🏻夠熱，好味👍🏻👍🏻👍🏻

星期二晚上八點幾放工，去了brick lane開餐，平時lunch食開causeway bay分店，去到tst見到,諗都唔洗諗就入左去。餐廳都幾大，有十幾張台，空間感好大，環境十分舒適，燈光適中。今次dinner我簡左豬手dinner set ，有沙律，南瓜湯及蜜糖豬手，平時食德國咸豬手食得多，甜豬手都係第一次試，仲有半條粟米及紅羅白泥。女友就要左個燒春雞加沙律，燒春雞食物份量岩岩好，肉質好嫩，都推得推介。價錢黎講，呢個價位係尖沙咀黎講係值回票價。

今日去食既Bricklane! 尖沙咀區好方便，都好近K11,岩晒行完街過黎食！店員推介 Galaxy Egg Benedict! 是軟殼蟹放係egg Benedict 上，要加上黑墨墨的蛋黃sauce! 好有星際味道，打卡一道，是配合某movie?! Haha! 新鮮炸好的軟殼蟹係加晒分！熱辣辣幾好食！都叫左烤南瓜苦白菜沙律 refresh一下先！ 份量2人share剛好的！Main course 就order Roast Chicken 烤雞，出場既時候係用一把刀插係雞件到，影相一流！ 要讚既係即叫即整，食物好夠熱，不用翻熱的！ 雞肉好juicy 好入味！ 沒有雪味！正！iced Latte呢到可以order Skimmed milk! 岩晒我好怕肥！ 正正！

好食嘅英國菜餐廳唔容易搵呢間都可以算係值得推介佢環境比較幽靜好適合慢慢坐低傾計而且店長嘅態度都好好有詳細咁推薦我哋應該啲咩菜我哋首先點左一個美國肉眼扒份量都幾大以肉眼部份黎講牛肉味道真係唔錯熟成度都係比較偏生鍾意食生嘅就岩哂佢另外仲有一串燒既甜椒炸蒜同煎薯仔令到成道菜冇咁單調另外點左分店限定既墨魚汁軟殻蟹egg benedict賣相好靚打卡一流更重要嘅係味道都真係好唔錯軟殻蟹炸得好香但裡面依然保存到水份雞蛋十分咁軟同流心一定要一啖食哂玫瑰latte唔會太濃花味但好飲Tiramisu coffee就好香咖啡都唔失色

參觀完K11 art space既藝術展覽，就同朋友過來Brick Lane Gallery食個晚餐。可能撞啱第日母親節，縱使係星期六，無預約到都唔需要等位，到達餐廳時己經可以即時入座。選擇唔算好多，但食物頗為吸引，所以好快已經揀到想食啲咩。Smoke Salmon Egg Benedict係呢晚最喜歡既食物，水波蛋煮得啱啱好，蛋黃流心，醬汁都配合得好好，整體不錯。熱溶芝士薯條 及 龍蝦扁意粉對薯條有啲感到失望，薯條係幼身薯條，口感同味道同麥當勞無分別，"熱溶芝士"亦一啲都唔熱，係披住溶完又硬返芝士既薯條。龍蝦扁意粉可以一試，扁意粉相當creamy，如果喜歡creamy口感既朋友應該會好鐘意。但個人口味而言，整體稍為覺得有啲腥味，反而龍蝦意外地有鮮甜味。份量偏少，大胃少少可以要加其他野食先可以填飽肚仔。Berry Pancake呢個我認為一般，唯一較為可取係pancake邊皮幾鬆脆，其他只可以形容為落咗糖漿有啲berry既一塊皮，無乜驚喜。另外值得一讚，待應對顧客要求反應快，好多時客人需要都好快滿足到，例如加水或需要餐具等等。

今天在尖沙咀放工，約了朋友在主打英國菜的BRICK LANE吃晚餐。Black Galaxy Eggs Benedict是BRICK LANE新出品，而且是尖沙咀分店限定，當然要一試。這道菜是傳統的Eggs Benedict作為藍本，食材採用了非常大隻的軟殼蟹，炸得香脆，再配上墨汁荷蘭醬，非常creamy，充滿奶油香味。外表看起來吸引之餘，味道也同樣豐富，一口咬下去，幸福感滿溢。安格斯肉眼扒，五成熟，表面煎得香，內𥚃仍保持了牛扒的肉汁，肉質鮮嫩juicy，非常美味。配有燒汁、芥末、岩鹽三種不同的調味，令同一塊牛扒也可以吃出不一樣的風味。牛扒份量十足，絕對足夠兩個人share。鮮莓鐵鍋班戟，pancake先煎後焗，口感似是傳統中式的薄罉，外圍焦脆，pancake煙韌，搭配糖漿以及酸酸甜甜的草莓和藍莓，是一道不錯的飯後甜品。Oreo 奶昔，味道非常香滑濃郁。另外值得一讚的是餐廳服務生非常細心，經常留意我們有沒有需要換碟，服務態度滿分。

Food: just ok- Omelette: taste ok- chicken and mushroom skillet: taste good but my mum had diarrhea after eating- fish and chips: the fish has no seasoning- grill sea bass: taste ok but the fish is just so so. The vegetables and the sweet potato were better- cafe mocha: ok. - hot chocolate: looks nice but the marshmallows couldn’t be melted and thus the chocolate was not sweetServices: poor- booked through openrice and indicated ‘birthday’ as the theme. While others have free cake for birthday,