BRICK LANE Deli (已結業)

呢日經過新城市, 同屋企人搵野食, 一期地下呢一層開左好多新野都未食過的, 作為沙田友, 就入去食一食佢。brick lane 主打英式西餐, 選擇都唔少。餐牌看最出名既all day breakfast, benedict egg 都有幾款。兩個人, 又有d肚餓, 希望冇眼闊肚窄。第一樣整個湯先啦～是日餐湯係忌簾蘑菇湯。 忌簾味唔係太重, 不過texture 好正, 全部蘑菇係粗粒, 好有口感, 而湯面加左少少橄欖油, 好香。第二樣到既係超級食物沙律~所謂超級食物就係一d營養超高既蔬果。有羽衣甘藍, 藜麥, 南瓜等等。 呢味沙律比較少地食食到, 而且用料超新鮮, 排毒之選啊再黎係牛油果蕃茄班尼迪蛋。我前世同牛油果有仇, 呢個配搭夾到不得了切開蛋汁流出, 味覺一再刺激最後上的是海鮮意粉。用料幾足, 再配蕃茄汁, 比起忌簾感覺fresh 一d。大大隻蝦加青口啖啖肉。有機會再黎。

沙田新城市廣場一期發現開咗一間新嘅Brick Lane Deli, 今日約咗朋友打算去試一試新餐廳。 這間餐廳形式類似半快餐形式， 入座後先落order付款， 之後有侍應送上食物。 餐飲用具和飲用清水，放在一角可自在提取。餐牌選擇雖然唔多，但以快餐形式 都算應有盡有。選擇了超級食物沙律， 有超級健康的紫羽甘藍藜麥南瓜腰豆，非常健康。龍蝦肉班尼迪蛋， 流心蛋剛剛好，加埋龍蝦肉菠菜好滋味。 黑啤酒燉牛肉配麵包， 牛肉軟淋酒味香濃。海鲜意粉，都是不錯選擇。另加25蚊有個南瓜湯。 最後再配埋特濃朱古力 蛋糕和cappuccino。

新城市廣場底層有好多新食肆，見到有Brick lane當然要試呀😍😍早餐下午茶同晚餐嘅餐牌基本上一樣，晚餐餐牌會多左燒雞。我嗌咗蘑菇湯，個湯好濃好多磨菇粒，而且唔鹹👍🏻我亦都叫咗沙律，雖然醬比較多，但食得出出菜係新鮮嘅。Lobster Benedict系重點，配上鹹蛋黃醬，令龍蝦嘅鮮味更突出，又唔會cover左龍蝦味😋😋Benedict做得唔錯，流心嘅感覺好正👍🏻海鮮意粉茄味濃，意粉唔會太硬。我亦都叫咗蛋糕，特濃朱古力蛋糕較甜，紅莓蛋糕有少少酸配上慕絲，味到啱啱好😋

自從沙田新戲院開張，來沙田吃飯的機會也變多了。今天來到新城市廣場的Brick Lane, 吃一個豐富的brunch～煙三文魚凱撒沙律$88煙三文魚不會太鹹，麵包碎幾香脆，加埋凱撒沙律醬，食落好開胃。英式全日早餐$85炒蛋很滑溜， 麵包烤得鬆化，煙肉腸仔都很惹味。巴馬火腿班尼迪蛋$83班尼迪蛋 火候拿捏得剛好一咬開 蛋汁就流曬出嚟 看到都覺得治癒!加上巴馬火腿本來就很好吃， 加埋一齊冇得輸!黑松露蘑菇芝士意粉$98意粉煮得 很creamy，黑松露味夠哂香濃。特色漢堡(頂級美國牛肉)$88這個漢堡值得一讚，厚厚一個很足料，牛肉味道香濃，加上爽口蔬菜，口感一流。紅絲絨蛋糕 +$25（原價$48）賣相漂亮，味道甜美，而且小小一件，食飽飯再食都冇負擔。草莓沙冰$36說是沙冰，其實口感有d似奶昔，好似甜品咁好味～水果茶$26水果主要係莓類，清新解渴。價錢唔貴，主菜同甜品都做得唔錯，服務態度都幾好，值得推薦!

其實我平時都幾鐘意BRICK LANE 呢間野, 今次咁岩朋友住沙田, 又見到佢新開, 就黎試下. 呢度好似FOOD COURT 咁, 不過其實都要羅位先既~唔係就咁WALKIN自己坐.點餐就自助D, 走輕食路線~SALAD, 意粉, 等等小食我地叫左.龍蝦班尼廸蛋配咸蛋黃醬LOBSTER EGGS BENEDICT $168賣相唔錯, 我食完見返其他食評, 其實我又唔覺得有咁差WRO?!咁岩今日約左個半年冇見既朋友, 真係一坐低就傾唔停~ 叫小食可加$18 要凍檸茶, 我就試左右手呢樽鮮果蒸餾泡茶.$29, 應該係無糖既~~~ 未試過幾得意~松露薯條$45 佢係幼薯條黎, 同埋整得有D 油.. 建議收返乾脆口D 先正~蟹肉牛油果荷蘭醬牛角包. $58呢個大愛呀! 本身好中意牛油果醬, 再加埋蟹肉同牛角包, 呢個配搭真係冇得輸!價錢都唔貴..我覺得係要必嗌呀!呢個係出餐時聞到好香就追加既~~巴馬火腿火箭菜薄餅. $60係好薄身既PIZZA, 唔會太HEAVY 又唔會覺得好罪惡, 2個女仔食都好夠, 又可食多幾款野, 唔會食完好膩咁~重有D 甜品蛋糕可選, 不過我地就夠喇~下次先試~呢度

話說今日癮起，好想食all day breakfast,好彩男友知道我呢個人，一癮起就一定要食到，平時都會幫我留意定邊度有得食。佢話沙田開左間新餐廳有得食，就帶左我呢個吃貨出門了唔知係味暑假，2點幾都8成滿除左all day breakfast仲有好多好食架野生豬肉蕃茄辣汁長通粉微辣，長通粉軟硬適中，加左芝士碎令口感更加豐富英式全日早餐個薯仔超級好食。all day breakfast應有既都有齊，滿足哂我呢個吃貨既需求脆香雞翼多汁香脆，佢個茄汁仲好似加左少少BBQ 醬，酸酸甜甜龍蝦班尼迪蛋配咸蛋黃荷蘭醬最治癒既一刻，配清新既青蘋果龍蝦沙律，馬上解膩個個禮拜都咁食法，到底幾時先減到肥丫😣

Happy Friday~Brick Lane Deli 在沙田開店，我沙田友當然急不及待去光顧吧！先在reception等帶位，再到reception落單付款，然後等待食物奉上檯。還有自家製鮮果蒸餾泡茶、蛋糕等等。草莓沙冰 $36，色彩的粉紅色好吸引，而味道甜中帶酸好開胃，好似在吃雪糕。脆香雞翼 $48外皮相當香脆夠味，而雞肉仍可保持嫩滑。菠菜班尼迪蛋 $75是Brick Lane出名的菜式之一，不過荷蘭汁有點甜，而菠菜是生的有點怪，但整體味道還可以。頂級美國牛肉漢堡 $88牛肉相當厚肉多汁，有生菜、芝士、蕃茄配料等，如果麵包可以再烤香脆點更好。最後是甜點小蛋糕Raspberry蛋糕：鮮紅色光滑的外表好吸引，內裡是慕絲甜酸好美味。特濃朱古力蛋糕：光滑的長條形，好似一架車，內裡是慕絲，朱古力味香中帶點苦，很不錯。

本來是尖沙咀分店的粉絲，一心歡喜沙田要開了但是質素是非常的失望，因為場地限制而變得質感都變差了，最重要是食物都變得很差。 晚餐食的時候選擇變得很少，點了一個烤春雞，黑啤酒燉牛肉，龍蝦湯，黑松露薯條和兩杯冰沙。除了黑松露醬汁之外，其實沒有什麼是滿意的。首先烤春雞沒有很嫩，就很一般也沒什麼味道黑啤酒燉牛肉，牛肉是可以，但醬汁就不好吃龍蝦湯就有一種苦澀的味道薯條是凍的，是凍的，是凍的！薯條凍的大概比麥當勞還要可惡跟朋友點了奧利奧冰沙和草莓冰沙，還真的喝到一半就算了，淡而無味仲敢收350$ 就完全不推薦

想當年首次光顧BRICK LANE係位於尖沙咀棉登徑嘅店鋪。時光荏苒，今日BRICK LANE嘅分店已經遍佈港九新界，連沙田都食到，真係令人感慨呢😌。一如既往主打英式美食，All-Day Breakfast、Eggs Benedict、Pasta、Burger、Salad，乃至烤雞、Snacks，一應俱全😊。今晚我地有3個人，所以有本錢試多款美食😏只能說BRICK LANE永冇失手，款款都好食。🥓英式全日早餐 名副其實非常豐盛，有煙肉、火腿、蘑菇、烤番茄、烤馬鈴薯、香腸、多士，雞蛋則可以選擇太陽蛋或炒蛋🍳每一種食材都經過精心炮製，款款精緻，食得出絕非馬虎之作👍🏻。🍝黑松露蘑菇芝士意粉$98意粉偏幼身，但質感保持得到，醬汁濃稠，散發黑松露香味，芝士味亦濃郁，好好食☺️。🍰紅絲絨蛋糕 我係被佢嘅賣相吸引的😍紅白相間，食落一層滑潤一層粗糙，好得意😘。🥗煙三文魚凱撒沙律$88🍳巴馬火腿班尼迪蛋$83🍔特色漢堡(頂級美國牛肉)$88🍓草莓沙冰$36🍊水果茶$26是次用餐體驗非常好，唔單止食物有質素，店員嘅服務態度亦好好，好有禮貌好殷勤😀能夠不斷擴張版圖，果然係有原因呢🉐❗️

我中學在馬鞍山讀書，放學就會和同學一齊到沙田公共圖書館和自修室溫習，沙田這地方好多回憶。今天和中學同學來到舊地重遊，去到新城市廣場逛逛，選了這間Brick Lane Deli 食英國菜。兩時入座，三人坐到沙發位置，座位寬敞，正適合舒舒服服傾下計。我們點了煙三文魚凱撒沙律，上枱非常大碟，沙律菜好爽甜，芝士片帶咸香。醬汁不會過多，剛剛好每一片菜都沾有沙律醬汁，撈得好平均。店家把煙三文魚做成三朵花，每朵花由兩大片煙三文魚捲成，煙三文魚少少咸，配沙律一齊食好夾。蟹肉牛油果荷蘭醬牛角包牛油果健康有益，一直是我大愛的食物。牛角包中間夾住的牛油果蟹肉餡，多到爆出來，每一口都是牛油果醬蟹肉，蟹味好重，食落質感好滑，好健康又飽肚龍蝦班尼迪蛋配鹹蛋黃荷蘭醬單是賣相已經好美，這碟真的要相機食先，單是龍蝦頭擺設已經好吸引。班尼迪蛋一層層，一切開蛋黃就流出來，由頂層慢慢流到下面的龍蝦肉，菠菜和烘包。㕑師好功夫，蛋煮得好滑，蛋黃汁撈上龍蝦肉，甘香又不失海鮮味，最底的麵包吸曬上層的汁，好棒黑啤酒燉牛肉配麵包牛肉燉得好軟，肉質好稔，除了有原整的牛肉塊，連汁都充滿一絲絲的牛肉細絲，牛肉塊入口即溶。沒有酒味，醬汁味道好濃

聽說英國有一紅磚巷，是英國最有趣的二手市集，吃吃喝喝任君選擇。我沒去過英國，也未有打算去，唯有在香港一嘗英國菜的滋味。沙田新城市近年開了不少食店，可惜愈開愈貴，這間brick lane deli算是比較親民的一間。餐廳用開放式設計，採用黑色格調，十分有型。一間餐廳環境再型，食物質素才是重點。食物選擇頗多，而且看起來也幾吸引。這晚點了烤雞，烤雞很香。吃起來頗嫩滑，如果醬汁多點會更好。黑松露蘑菇意粉，和友人一致認為是這晚最出色的，芝士味很濃，很creamy,份量不少，兩個女仔share剛好。在這裡，不點一份all day breakfast 對不起自己。炒蛋香滑，雞扒夠肉汁。特別值得一贊是這裡的多士，又脆又有煙un，很香麵粉味。龍蝦湯也不錯，頗濃最後要說說這裡的飲品，冷泡果茶夠特別，清甜而開胃，檸檬茶有心思，打卡一流，而且用環保飲管，值得一贊。最後的最後，想贊贊這種的侍應，有禮貌，做事夠爽手。去不了英國，在沙田也不錯。

Bricklane 係沙田開張，其實都既期待。得閒食個早餐都正啊。點知去到，發現價錢都幾貴。相比之前間Oliver Supersandwich，Bricklane都貴一截。心想bricklane 都應該好食一截既。叫左個allday breakfast 同fish and chips。allday breakfast size 細，男士唔會飽，我老婆都係剛剛好夠。fish and chips係災難。唔脆，魚肉淋patpat，好難食。總結黎講，貴得黎難食。

好耐之前食過尖沙咀果間，整體表現唔錯，見沙田開左就諗住試下，點知中曬伏。食物質數只可以用2個字嚟形容─垃圾今晚8點去到，唔使等我嗌左2 樣野：1.) all the breakfast $85-上枱個下所有野都係微暖偏涼-條煙肉係凍嘅，可能廚房冷氣大-塊多士有邊係好燶2.) 頂級美國牛肉漢堡$88 依個 buger 真係世界級 hea 同難食- 個塊頂級牛肉佢可能想俾你知真係牛肉嚟，所以勁多硬到咬唔爛嘅根👍🏻成塊野淡而無味，完全無牛味。 唯一亮點塊肉係熱嘅👏🏻- 成個burger 一d 醬汁都冇，係得塊牛肉嘅油同蕃茄d 水（留意返唔係汁）。我都食過其他餐廳嘅burger ，都會有d 茄汁或者沙律醬係入面，可能係依間野先咁特別？定咁樣先係正宗？3.) side dish 炸薯條 $25大家以為炸薯條咁普通嘅野好難會難食（我初時都係咁諗） 就大錯特錯啦- d 薯條應該係反炸左唔知幾多次，因為外面已經變到深啡色，薯條入面係乾爭爭，仲要有d 苦味。- 可能佢覺得佢地有提供茄汁同鹽，所以d 薯條係冇味嘅。呀！唔好意思，係有味嘅！苦味囉P.S 公平d ! 可能我依個係 side dish ，$2

難得一個美好嘅星期五放假就同朋友好姊妹一齊去chill下一到下午茶時間就去左一間好靚嘅cafe位置有多而且我哋仲揀到個沙發位行到攰仲可以嘆下英式豐盛全日早餐$89All day breakfast 不會輸🤤🤤好滿足呀❤️一定要揀太陽蛋呀仲叫咗個煙三文魚凱撒沙律$88味道好新鮮蔬菜仲有加芝士片芝士煙肉意粉 $85味道濃郁 而且意粉亦都唔會太硬身 剛好我食光光龍蝦班尼迪蛋配鹹蛋黃荷蘭醬 $168性價比極高放咗個龍蝦頭而且入邊個荷蘭醬係極佳好味真係有龍蝦肉好正之後叫咗個水果茶飲都好好味一定多果肉

上個月同友人去新城市廣場吃生日飯時已發現Brick lane在此快將開幕，估不到時隔不夠一個月便開張了，既然今晚咁岩行過，咁就咪錯過。開放式的門面，設計成流線形，外形挺優美。地方都幾大，寬敞闊落，設有多張二至四人枱，還有幾張大枱和長高枱，枱子的數量不少，但擺放得較為密集一點，幸好配上寬闊的軟櫈子，感覺舒適自在。餐廳半自助形式，自行在收銀處下單，並講下枱號，服務員便會送餐到客人枱上。至於如要任何醬料、調味料或部分餐具也可到出餐處旁邊自取，都幾齊備呀！先看看餐牌，選擇不算多，相信是新開張原故。分別有Grilled Chicken、Healthy Green、All Day Breakfast、Egg Benedict、Pasta、Classics、Snacks、Soup、Drinks & Dessert。************************先在Healthy Green中挑選一客沙律清新一下，要了一客超級食物沙律 Super Food Salad ($88)，一聽個名就知集合了多種超級食物而成，不單止用料豐富，還色彩繽紛，單單賣相已令人喜悅，胃口大開。有那些超級食物呢？仔細數數