BRICK LANE Deli (已結業)

好喜歡去沙田新城市行街，行完街指定動作就係美食啦~我地要求高😝價錢實惠,又可以影相呃LIKE,味道當然要好好味啦~哈哈~尼間系我覺得價錢較實惠，環境乾淨企理的，我點左忌廉蘑菇湯（加22蚊）首先份量系OK嘅，可以2份SHARE,蘑菇味好濃啊，加左忌廉一齊好滑好綿，蘑菇味好濃.質地較濃滑，味道岩岩好~黑松露蘑菇天使意粉，賣相好好，意粉上面有芝士，食嘅時候可以趁熱混埋D意粉，好香，黑松味好濃，加埋芝士雙重味蕾，好正到暈，意粉系細條狀，好嚼頭，軟硬度岩岩好，都好適合女生食，份量都系大份的~有D菇做配料，唔錯唔錯~松露薯條又系正正嘅，薯條即整，（PS:窩心嘅帥氣哥哥先會細心問，你朋友到了嗎？可以整你的食物了嗎？我話黎緊，好宜家開始整~）熱辣辣架，好脆，細條嘅，加D松露Cream.再加D茄醬，雙重味道，好味😍主角系烤雞，要左半只，雞系好滑，烤到雞皮脆脆架，烤的時候保留了雞汁，咬落去好多汁，連雞胸都系滑嘅，啖啖肉，正啊~再加多20蚊要左甜玉米，好味道，真係好甜嘅~有牛油味~一定要咖啡嘅我，點左杯熱MOCHA，一到我已經要打卡，因為朱古力醬拉花，唔系度度有，而且飲落去的時候，咀邊有濃濃嘅朱古力醬，落半

諗住食個飽肚嘅下午茶或午餐咁，行過這間，見佢新開張，所以就幫襯吓啦，企喺度睇個燈箱餐牌，睇到一兩樣嘢想食就行入去揾位，點知到在邊邊位度有個唔似counter嘅 counter 位，原來要攞位及要由職員帶位，其實都幾奇怪，佢哋間舖嘅設計無嘢圍封起，人客可以由四方八面行入去舖內坐低，如果唔係睇吓個燈箱餐牌都唔會經過個 counter，所以如果有啲人唔知就咁行入去坐低咗都可以，但坐低後又唔係有職員幫你落單喎，又要自己行返出去收銀排隊先俾錢買嘢，所以食完又唔使叫職員埋單，咁啲職員又會無咁容易留意到張枱係咪用完，所以每次職員帶位前都要望返入去睇吓邊度有位，所以安排上都幾多舊魚，買完嘢後就有人幫你拎個餐嚟，坐低後就叫咗一個下午茶餐$55，蟹肉牛油果牛角包，餐飲熱水果茶。另外叫咗野生豬肉辣汁長通粉，另加$14跟杯凍啡。先講下午茶牛角包係好食嘅蟹肉味突出，$55跟杯嘢飲都合理，但杯熱水果茶拎嚟時，一飲就覺得唔好飲，但飲到底時先發現原來杯低留有糖漿的，之後先知原來職員拎嚟時無俾個匙羹我哋搞，如果有搞到相信會好飲啲。至於碟長通粉，我個人覺得相當揾笨，$88超細碟食又食唔飽，味道普通到。。。佢話野生豬肉，我

Brick lane。英倫清新TSxLife 今天全天下大雨，放工之後到沙田一行，發現很多食店也要排隊。而沙田進行了一連串優化工程，裝修後不少美食及商店進駐及回歸，令人流在大雨之中有增沒減喔。幸好，在眾多食店裏，尋到一間充滿英國簡單感的主打英國菜的 BRICK LANE。細心一看原來它把倫敦東部 Brick Lane 小區的風貌呈現出來。餐廳設計時充滿心思，在磚牆上掛着白色單車，工業風加上黑木佈置及古式燈泡，簡約之中不感到俗套，城市摩登氣息濃厚。置身在內品嚐用料講究、做法地道的英國菜式如英式全日早餐丶黑松露意粉及廚師推介的美味牛肉漢堡，全都比我預期棒呢。推薦: 全日早餐，雞肉，旦，香腸及火腿等。美味喔。推薦: 牛肉漢堡，當中的牛肉有手打之感，建議熱吃推薦: 黑松露意粉，質素算棒，黑松露香氣及芝士是意粉好朋友，配搭好下次會想再嘗班尼廸蛋丶炸魚薯條丶周末烤牛肉及啤酒烤雞，相信也會很棒喔Brick LANE 可見有主打英式全日早餐及班尼迪蛋，亦備一系列英國地道菜，值得一去也

今日我好高興可以見到這間餐廳終於在新界區有分店了，之前呢間餐廳在尖沙咀好出名，好多時星期六日都要排長龍！今日去開沙田新城市廣場第一期給我遇見了這間分店，二話不說，立即入去幫襯！呢度嘅環境與尖沙咀及其他分店好似，有一種漫活的感覺，環境好乾淨，座位好寬闊，給予一種休息以及放鬆的進食環境！店員服務態度好好，廚師們也是年青又有活力，一入去餐廳就給我們覺得他們是一隊好有熱誠的團隊！餐牌雖然得壹版，但係選擇好多餐廳係需要首先要俾錢買飛，之後侍應就會放到你枱面！我叫咗個Oreo cookie 沙冰，好少見，都唔錯味道，沙冰幼滑，加上曲奇餅增加口感！餐廳使用了不鏽鋼杯，就冇咁易融雪，夏日透心涼選擇，價錢亦都只係$36 ？便宜這是蘑菇忌廉湯，跟餐可以加$25換到，雖然蘑菇不是打得太難，但係食落去亦都因為這樣增加了口感，蘑菇嘅香味佈滿整個口腔！最想推介嘅係呢一個，牛油果蕃茄egg benedict ，超級超級好味，上邊嘅溫泉蛋做得啱啱好，一切落去蛋黃醬已經流晒出嚟，不過下面嘅麵包仍然好鬆脆，配上了牛油果及番茄，清新得來又唔會太肥漏，即使食完一件以及其他食物，麵包仍然保持鬆脆！值得讚，我經常食egg ben

依日係沙田行行下街 見到依間新開既餐廳一睇就知食西餐😍 又勁肚餓就即刻衝入去試下啦黎到既時候係平日下午兩點幾 餐廳入面都唔少人咖😯一坐低環境幾舒服 而且店員仲會過黎推介下有咩食添自助吧自己拎餐具同水個menu 都係好傳統既西餐 不過選擇都唔少咖我地食次嗌左四樣野 因為真係太肚餓啦😹首先第一樣係我 食西式早餐一定要食既egg benedict 😻嗌之前輕輕上openrice 睇過其他人食評話覺得好細件 黎到又反而唔覺～ 其實正常size 😂一拮落去 個蛋仲係流心咖😻加上啲三文魚好新鮮 好好味呀🤤之後黎個松露薯條😍薯條係岩岩炸好咖咋 黎到個陣仲係熱辣辣同埋松露醬真係勁香 而且食完成個都無膩既感覺呀！😋仲有頂級美國牛肉漢堡包依個價錢 依個份量同依個質素 漢堡包真係超值！份量都幾大 而且牛都幾好食 medium 岩岩好最欣賞係有埋酸菜係隔離😻最後仲有一個蟹肉牛油果荷蘭醬牛角包啲蟹肉同牛油果份量都好足而且兩樣野加埋真係配合得好好食😻我地嗌左兩杯咖啡先咖啡唔係淨係得個甜字 而且都幾大杯咖！最尾仲嗌左兩支水果茶攞走一路行街一路飲依支野西柚味比較重 裡面仲要檸檬呀青瓜呀咁清清甜甜幾好味！店員話佢地依支

新城市有新餐廳就同閏蜜去試下。餐廳迫夾，枱與枱之間好窄，如果攞個大袋都唔知可以放邊。餐廳指示唔清晰，餐牌又令人誤會，唔怪得咁多負評。好多人都唔知原來要等帶位，同埋combo唔係$25有齊湯，沙律，薯條。B1英式全日早餐($85)。星期六午飯時間多人，廚房好明顯不勝負荷。所有食物都未煎香。蘑菇同薯仔真係無煎過咁。係個炒蛋好滑，加返啲分。C3煙三文魚班尼迪蛋($83)。落單後30分鐘先上egg benedict，好彩朋友願意俾我食下佢果碟，唔係實餓死。流心蛋做得唔錯，仲有菠菜墊底，算係咁。熱英式紅茶(跟餐$14)，熱檸水(跟餐$14)。唔算大杯，不過不失。總結係，餐廳講到明係試業，難免有啲亂，希望遲啲會好啲。

新城市廣場竟然會有如此差劣的快餐, 食品完全冇質素，蛋凍、塊多士好似bb手掌大，價錢一啲都唔值，沒有飲品都沒所謂，但為何可以差到一打開個盒所有嘢亂哂，由拎食物到打開盒只係5分鐘路程，非常差

放LUNCH TIME 就去左食brick lane deli 之前見佢裝修緊未開都已經好想入去食 期待佢快D開,咁今日就終於試到啦 價錢算係中等價位 都接受到 因為而家食個LUNCH都五十幾 差唔多啦 叫左個Guinnessbeef stew with bread 本身都有飲開酒 所以都知係黑啤黎 見佢呢個都幾特別就叫左呢個食 牛肉都容易入口 整得幾好食 個牛肉都有Guinness既味道 麵包就夠軟 飲品方面就叫左個湯 今日既湯係蘑菇湯 都有蘑菇粒係湯入面 幾有質素既 不過LUNCH都幾多人下 需要排一陣隊 最好就早D去啦 下次可以試下佢個all day breakfast 先 

這天去新城市廣場行街，見到很多新餐廳開咗其中一間係Brick Lane。之前一向有去他們尖沙咀的分店，最鍾意食那裏嘅eggs benedict同pancake。沙田新店走比較年青路線及自助形式，有多個梳化位置坐得幾舒服。可能是快餐形式價錢好像比其他分店便宜一些。這裏好像沒有我最喜歡食的pancake 好吧, 就order eggs benedict, 素漢堡及炸魚薯條。egg benedict 味道幾乎同尖沙嘴分店一樣出色。但炸魚薯條就好像份量比較少了一點。但最有驚喜的竟然是素漢堡非常美味，食素朋友在沙田可以多一個選擇。雖然整體上食物質素水準保持，但出品時間真有點慢，可能是新開張關係，有代改進。員工亦是相當生手，對餐牌不了解，這方面雖要進步空間很大。

食物方面有頭盤,小食,湯,主菜、意粉野飲，每一道菜式都非常吸引。整體食物水準唔錯，而且食材感覺新鮮，烹調手法亦能夠將食物既精髓比到食客。我就叫左個Classiceggs Benedict 就係鍾意食佢個Egg Benedict 因為個蛋流心同埋我杠人都好鐘意食火腿 之後我就叫左個英式紅茶 茶包都OK我就少飲咖啡 不過見格黎台叫左杯咖啡都幾香 因為我都聞到 慢慢嘆個早餐 呢到都坐得幾舒服 環境幾好~!裝修方面都幾有英式既風格 發現brick lane deli都有擺到個單車係WALL到 呢到都有個打卡位WOR!!

1. 座位開放式但要人拎飛，好多人都直接行入去坐2. 價錢貴，食物分量少，質素相當一般3. 好多位無人坐但仲要㩒飛攞位，等成8-9張，擺明做勢4. 要自己去counter點菜，要記住自己坐幾號枱。比原先嘅超級三文治仲要落後5. combo加$25只係沙律，湯，薯條揀一樣，貴到離奇

其實我都好少咁harsh，不過如果你收40蚊整d咁既野食都算，但你收成100蚊左右賣d 40蚊都嫌貴既食物，真係完全係伏。今日晚上係新城市搵餐廳，見到呢間新既餐廳，裝修好似唔錯，一於去試下。因為都9點，無咁多人等，等左10分鐘左右就入坐，。呢度係自行去櫃台點餐既，因為新開試業，收銀時有d混亂都尚可接受。不過，到d野食黎，就知中曬伏。見到d蛋咁結實都覺得有d怪食落……切開/咬開係完全無蛋汁bit出黎！！！你睇下！係唔係食緊烚蛋？！佢只係一隻咁啱d蛋白有少少不規則，可以扮Benedict egg既烚蛋！！！完全唔值80蚊我同朋友每人一個，我食剩左好多蛋白同蛋黃，因為我根本就唔鐘意食烚蛋呢d仲要無味。上圖可見，蛋黃係可以原粒拎出黎我係唔係食緊月餅？下面d菠菜又難食，全碟得個包個口感係可取其實唔止我地覺得難食！我地係聽到隔離台，四圍既人都講緊食過一次就知以後唔洗再黎 / 又貴又少又難食 etc.真係標價100蚊一碟既劣食！！食完都無曬心情再搵其他野醫肚，胃口都無埋！

好耐都冇去新城市行街，因為真係好怕人多。但係見到戲院做promotion 有打卡位就去影下相，發現開左一間新嘅餐廳Brick Lane Deli，即管去試下。我同朋友係平日夜晚去，但係都幾多人等位，等左大概半個鐘就可以入座。 餐廳暫時係半自助形式，首先要去counter買飛然後等staff送餐。我地點左野生豬肉蕃茄辣汁長通粉($118) 同埋芝士煙肉意粉($98)。我地大概等左20分鐘左右先有野食。首先講下個長通粉，本身我去譚仔都只係食「實」小辣，呢個辣汁長通粉嘅辣度剛剛好，起碼唔會食到我標晒汗，加左蕃茄有少少中和左個辣味，所以我覺得好醒胃。 朋友點左個經典Carbonara，食過好多間餐廳嘅Carbonara，其實係好易失手，但係呢份好creamy ，芝士真係好香，又唔會覺得好漏，份量適中，我地兩個女仔食就啱啱好。 其實Menu 仲有好多野想試，下次會同朋友再黎試下。(P.S 見到Operation 未係好順暢，但係Staff都好親切友善，始終新開業有個緩衝期，希望下次黎會再好啲，同埋食物會一直keep 到水準啦！)

難得去沙田行街，梗係睇下有咩新餐廳試啦，結果Movie LAB 隔離開左間BRICK LANE，以前個位係Super Sandwich黎嘅，咁我就去試下啦！可能係暑假嘅關係，平日下晝都係人頭湧湧，等左差唔多半個鐘先入得。原來同出面TST 唔同，要自己去點餐。我點左杯咖啡同埋海鮮意粉，本身我以為個海鮮意粉係白汁，原來今日係茄醬，食落都幾好味，雖然都明知海鮮係急凍，但係又唔會有太雪嘅味道，隻蝦都幾大隻。至於份量方面呢，男仔就未必足夠喇，可能要點多個小食會比較好。小食都有雞翼呀、薯條咁，傳統英式格局。特別想提下佢地嘅裝修，又真係幾有英倫風喎！唔錯！

之前係金鐘食過一次，係新城市見到都有分店，入去試左個松露炒蛋多士做早餐，炒蛋都OK唔錯，多士都算香口，個人口味上就喜歡再烘黑啲脆啲，不過呢到冇話烘到好黑，早餐嘛，都係健康啲好🤪早餐黎講唔算平唔算貴，中位價錢份量正常，有時出開去做野，咪當食個靚早餐獎勵自己囉✨ 餐廳啲位都坐得幾舒服，下次同朋友食飯或者afternoon tea都會考慮再黎嘅！整體黎講，食物、服務、環境都算可以，係可能岩岩新開所以要排隊等位囉 (不過係新城市食野其實都預左等位🤭）