Boholic

营业中

休息中

近排都喺長沙灣返工,今日Lunch時間約咗啲同事去附近一間西餐廳食晏。Boholic 西餐廳,地址係福華街561號君凱豪庭地舖,去到餐廳已經坐滿人, 真係好受歡迎。餐廳裝修得非常有格調而且仲好浪漫,喺門口有幾個打卡位,食晏嘅時候呢到呢度食Lunch感覺真係好放鬆。秘製蘇梅蛋黃醬燒焗美國特級豬梅扒 ,豬梅扒上枱好靚仔份量都好多,肉質非常嫩滑入口好嫩腍,肉質細嫩爽甜飽滿肥美,火喉控制得啱啱好一啲都唔會有柴口嘅感覺。香煎法式鵝肝香蔥油流心太陽蛋紫菜飯 ,鵝肝味道好香,入口味道有點香甜,口感幼滑細膩,有入口即溶嘅感覺,另外太陽蛋加紫菜飯真係一絕,無論口感同味道配搭得啱啱好。秘製脆香雞翼,雞翼煎到金黃色,外皮脆卜卜,入口雞肉仲係好嫩滑好juicy,配上蛋黃芥末醬,令到雞翼味道更有層次,真係好好食。泰式班蘭芒果海綿蛋糕,班蘭芒果蛋糕軟綿綿,中間多咗一層好似雪糕,層層相間增添口感,班蘭味道清新同芒果味道好配搭,味道又唔會太甜。

呢幾年長沙灣深水埗一帶開咗好多文青cafe襯住假期嚟呢區搵間靚靚餐廳食吓嘢💓搜尋完一輪，見呢間嘅食物同環境都幾吸引決定試試🤭餐廳門口有兩張室外枱比帶埋寵物嘅客人坐而一入到去已經有兩個好靚嘅位啱晒鐘意打卡嘅人📷📸我哋被安排坐喺上層可能假期去嘅關係，當日係提供Brunch set————————Brunch —————————▶️香煎大啡菇黑松露溫泉蛋忌廉意大利飯▶️追加炸墨魚咀🐙炸墨魚咀一碟都有7-8粒，爽口又大粒配埋個芥末醬，食到停唔到口香煎大啡菇黑松露溫泉蛋忌廉意大利飯🍳粒溫泉蛋坐咗喺粒大啡菇上面吉穿佢嗰吓好治癒☺️☺️意大利飯煮得啱啱好，吸晒啲汁而且份量十足，我哋兩個人share都夠飽————————Dessert—————————甜品選擇都好多，最後揀咗做法式焦糖卡士達梳乎厘班戟🥞一上枱比佢嘅size嚇親，因為好大好高身中間做到流心，旁邊有好多焦糖碎班戟都整得唔錯，夠蛋香，質地夠fluffy 又唔會太甜，食食吓都成個食晒總結💭💭三樣嘢食都色香味俱全，份量十足餐廳嘅環境充滿女心，成功俘虜一眾女生

今日嚟到呢間餐廳有啲驚喜，首先去到職員見到你帶着狗狗就會示意叫你坐出面，出邊環境雖然唔大剩係得三張枱，但係好寬敞影相光線充足環境優雅服務員態度友善和諧值得讚：）我佢仲會問你使唔使開風扇好細心初時諗住一睇個裝修就知道佢純粹係打卡冇諗到坐低叫嘢食原來啲嘢食都幾好味，特別係佢附送嘅蝦餅係泰式風味，咖啡正常，但係算好飲。整體性價比高！大狗狗嘅朋友值得去幫襯吓：）因為地點方便我，所以我一定會再返嚟香港搵個同狗狗一齊enjoy a meal, 都唔容易. 佢絕對係一個好選擇 我今日係平日星期四下午12點至1點時段餐廳裏面大約坐滿七成人出邊位置就得我一台，最鍾意冇人騷擾

想搵一間性價比高既cafe並唔容易, 今次就俾我係長沙灣搵到間食物好, 環境靚, 又適合打卡既cafe喇💘 🫕🥘Set Dinner Menu ($588/2)💡香醋欖油無花果巴馬火腿沙律沙律菜用左唔同既健康食材: 巴馬火腿、無花果、黑水欖、藍莓、蕃茄仔等, 巴馬火腿既鹹味同肉質既柔軟口感為沙律帶黎豐富既層次感, 而且用咗合適既黑醋汁作調味, 成為一道簡單, 健康, 又美味既前菜 💡烤金文拔芝士伴香草麵包烤至融化既金文拔芝士質地柔軟, 口感豐潤, 帶有濃郁既奶香味道, 配上金黃色既超脆香草麵包, 一道極邪惡既前菜簡直令人流哂口水 !!!😋 💡是日餐湯x2 - 南瓜湯🎃唔好以為係普通既南瓜湯, 有質感得黎食得出有甘筍, 薑既味道, 加上忌廉入口順滑, 成為一碗無可挑剔既餐湯 💡法式紅燒牛肋肉松露意大利飯🍛牛肋肉煮至柔軟多汁, 加上紅酒紅燒醬汁令牛肉入味得黎亦口感豐潤, 而且粒粒分明既意大利飯加入左松露更令呢道菜餚更加添香, 但份量跟醬油頗多, 比較易膩喔 💡香煎慢煮美國牛板腱伴虎蝦配黑松露燒汁🦐慢煮既牛板腱肉質柔軟, 肉味香濃, 可惜因較少油脂並不太香口, 不過有黑松露燒汁畫龍點睛, 提

以前係荔枝角返工經常都會星期五黎食個lunch, 一直都覺得佢地啲野食高水準,尤其係啲Risotto隔左年幾約返舊同事一齊黎食飯, 餐廳裝修過但係食物水準仍然高, 但係啲嘢飲難飲左好多, 以前就算跟lunch set有個水果茶好好飲; 重點係啲waiter態度比起以前既staff真係差左好多, 尤其係門口負責接客同埋單嗰位男仔.最離譜係我其中一個同事等左成個鐘份lunch都冇出現, 啲waiter見到其他人已經食緊野有一個人乜都冇, 都唔識主動黎跟單, 連上住個前菜同湯先都唔識做, 最後係搞到我個朋友因為趕時間食唔到lunch所以餐廳offer打包俾佢走;埋單嗰陣唔係我出聲話餐廳上少份lunch需要作出啲補償都唔識俾返個折頭我地, 最嬲係因為趕時間冇特登再check單, 之後睇單先發現餐廳照收左外賣盒費! (唔係餐廳出錯我朋友根本唔需要打包返公司食) 裝修左之後其實唔覺得特別打卡-able,如果食呢間有心理準備真係啲服務唔會好得去邊, 要形容的話我直程覺得啲waiter係做到好厭世咁款, 又咩都唔識跟進, 會影響你食嘢心情。

叫了到個東坡溫泉蛋套餐，D 肉又唔入味，肉又唔淋，唔知嗰啲係蠔油汁定秘製汁，想像中唔係咁夾，上到枱東坡肉有點凍，賣相就真係幾靚，隻雞蛋撈落飯度好好味，整體嚟計，因主菜是東坡肉，差評！

餐廳位置唔係超方便，但早上開門時段已經有好多客人，餐廳真係好受歡迎，原因可能係有靚靚打卡位，食物質素都唔錯，不過我自己略厭座位比較窄，同隔離枱亦好近，用餐舒適程度差咗啲● 招牌磯煮鮑魚手撕口水雞配日式珍珠飯為咗畀客人打卡靚，特別加咗朵藍色食用花，鮑魚爽口，日式珍珠飯亦都軟綿綿，口水雞辣度適中● 香煎慢煮美國牛板腱伴虎蝦配燒汁牛板腱用慢煮肉質比較嫩滑，虎蝦亦爽口彈牙，最靚攞盤，嗰道黃色醬汁好吸睛● 士多啤梨牛油果沙冰奶油偏多嘅沙冰，感覺奇怪，小編麻麻地

小店經營，算是有誠意了，迷你芝士火鍋夠好玩，risotto可以，生壕也可，甘荀湯吾得，比目魚其實可以但可惜做得太咸了，整體環境地下好靚，二樓好一般，服務員可以再學下有禮貌的，不要乜都話吾知，埋單過千，略慊服務有待改善，Tiramisu 非常好食，好creamy, 廚房有誠意！可以一試

長沙灣!就不嬲多打卡cafe，但boholic 無論門口 地下 定還是一樓都咁多打卡位 而且係行波西米亞風 好岩文青既我 知道佢地最近推出左個Earl Grey 鳥籠下午茶 約埋朋友去tea tea鳥籠下午茶($328)先講下上層，有唔同特色既甜品好鐘佢個士多啤梨musses 中間係凍 好似食緊雪糕咁而馬卡龍都好高質 有裙邊 唔會太甜另外仲有檸檬撻同tiramisu 等下層就主要係咸點幾鐘意佢知吉列炸蝦 外面炸得好脆 蝦肉都好彈牙牛油果撻都好清新 正呀小食我地叫左個炸魷魚 份量都幾多 好惹味！整體體驗唔錯

見到波希米亞風就打算黎試下，相信好多人都同我一樣，主要可以打卡，環境是不錯的。我閒日過黎，大約下午4-5pm無乜人。我就坐圖片位置，但打卡請入內😂老實講樓面員工同埋佢哋嘅制服，比我感覺好似茶餐廳😂😂😂咖啡打卡都可以，但味道一般，有D淡。食物份量唔算多，兩個人食當Tea都Ok，食物質素幾好👍🏻不過選擇有D少、加上我本身想食all day breakfast，黎到先發覺無咗🥲但你問我我未必會再黎🤭

﹆ ﹆ ﹆ 打卡必去嘅波希米亞風Cafe ﹆ ﹆ ﹆成日係Ig見到好多靚女去呢間餐廳打卡但一路都聽講佢嘅食物麻麻地所以都無太想去呢到食飯點知最尾竟然係我地嘅男性朋友選擇咗呢到餐廳係真係幾靚, 門口仲有個大大嘅打卡位💁🏻食物賣相靚, 但味道方面就真係算普通長沙灣嚟講, 價錢應該都唔算平(?)整體Cp值比較低, 甜品Okay但都幾貴p.s. Stay tuned for desserts review✨𓂅 香煎北海道刺身帶子香草醬意大利麵 (ᴴᴷᴰ 148)𓂅 法式紅燒牛肋肉松露意大利飯 (ᴴᴷᴰ 138)𓂅 黑松露炸薯條配松露蛋黃醬 (ᴴᴷᴰ 88)𓂅 Black Sesame Latte (ᴴᴷᴰ 45)𓂅 Strawberry Avocado Smoothie (ᴴᴷᴰ 58)𓂅 Matcha Latte/ Iced (ᴴᴷᴰ 50)𓂅 提拉米蘇梳乎厘 (ᴴᴷᴰ 128)

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 想搵間充滿仙氣,可以同三五知已打個靚卡既餐廳，可以考慮黎到位於長沙灣既BoholicBoholic裝潢亮麗，有唔少位置專設計黎比各位影返張靚相 ❤️ 未食野前好好善用一下等食物上菜既時間都好呀 💕 🌼《冬日暖意》特濃芝士火鍋呢個特濃芝士🧀火鍋用左濃郁既車打芝士做鍋底，非常香濃 🤩同平時食到白雪雪既芝士火鍋又唔同感覺。濃郁得黎可能會膩少少，但係就更易包裹住配料。配料都幾豐富，每樣都唔少份量，同埋佢地既包係用近期大熱既碳包架。鍋同碟都好靚，咁就一定又係相機食先啦 📷🌼 Boholic 小食拼盤呢個小食拼盤包括Boholic幾款精選小食包括有炸蝦，炸雞翼同埋炸魷魚圈 🦑有兩款醬汁隨你配搭，仲有沙律伴碟🥗🌼 香蒜欖油羊肚菌意式煙肉菠菜意大利麵滿滿既橄欖油，每一條麵條都比香噴噴既橄欖油包裹住 🫒意粉入面配有大量既菌類同火腿，同橄欖油配搭得好好，非常香口 😚令人充滿食慾，好開胃👍🏻🌈服務 ⭐️ 張枱有啲啲細而碗碟有啲大，唔係好夠位。⭐️ 臨近廁所個位開始，地板有少少污糟同濕。廁所都係⭐️ 唔suggest 坐近打卡位，事關都幾多塵😂ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Boho

今日響長沙灣辦事，辦完之後約咗女仔朋友響附近嘅打卡Cafe晚飯，餐廳門口就有個打卡位，好靚，我哋都打卡打咗好耐。之後，我哋叫咗幾樣嘢一齊share食。《冬日暖意》 特濃芝士火鍋呢個又係一個IGable嘅item，芝士味道都頗濃厚，咸香咸香。每款配料沾上暖暖的芝士，全部都好滋味又好玩，鮮蝦肉質爽彈，薯仔香口，麵包配芝士係絕配。柚子醋漬茄子刺身帶子沙律呢個沙律造型好靚，仲有食用花做裝飾。食材配搭都好特別。茄子用柚子醋，味道清新醒胃。沙律菜，配合南瓜蓉，味道好好。帶子超大隻，煎到金黃，內裏半熟，鮮味十足。法式紅燒牛肋肉松露意大利飯呢個飯好有驚喜，意大利飯軟硬適中，質地creamy ，松露味淡淡滲出嚟，加上芝士。紅燒牛肋肉係外脆內嫩，肉質好腍，有牛味，而且份量好足。

🍴香煎北海道刺身帶子香草醬意大利粉 $148 另收加一 (7/10)意粉比較幼身，青醬味道比較淡，入邊有松子，食到有橄欖油嘅香，帶子煎向左兩邊，都係生嘅狀態，幾鮮甜。🍴磯煮鮑魚龍蝦湯意大利飯 $158 另收加一 (8/10)意大利飯比較偏腍，入邊有青豆蕃茄，有少少龍蝦湯嘅香味，但唔算好濃郁，有芝士香味，屬於比較清淡，鮑魚到爽口彈牙，有少少烤焦嘅香同醬油味道。🥞法式焦糖卡士達梳乎厘班戟 $128 另收加一 (9.5/10)疏乎厘班戟好鬆軟，唔算好有空氣感，唔會覺得食緊空氣，有蛋香，唔會太甜，焦糖卡士達有少少奶香味，唔算好香濃，餅碎就好香，增加左口感！🍴牛油果士多啤梨沙冰 $58 另收加一 (7.5/0)士多啤梨同牛油果配搭，好神奇，飲到士多啤梨嘅香，同時又有牛油果嘅清新，口感係比較濃郁creamy嘅，飲唔到沙冰質感，食到士多啤梨籽！推薦指數: 8/10甜品非常出色，煮菜都唔錯，打到卡又好食嘅Cafe！

二訪長沙灣打卡cafe Boholic🌸唔洗返工當然要得閒同朋友仔去嘆下tea☕️上一次就帶埋肥Boo🐶黎坐室外食lunch🍝大份好食又唔貴 都坐得幾舒服而且好多靚靚打卡位📷門口、地下、一樓 到處都係打卡位今次就放棄肥Boo坐室內試試佢地嘅下午茶🫖🍰˜”*°•鳥籠下午茶拼盤 ($328)•°*”˜呢個tea platter總共有6款甜點🍮、3款鹹點🥪 同埋兩壺熱earl grey☕️份量唔算好heavy 輕食黎講啱啱好上層甜點：檸檬撻🍋Tiramisu🧀Macaron抹茶芝士蛋糕🍵牛油曲奇🍪士多啤梨mousse cake🍓下層鹹點：黑松露沙律醬炸蝦🍤巴馬火腿芝士竹炭多士🧀大蝦魚子牛油果撻🥑甜點黎講tiramisu唔會太甜 咖啡味濃郁☕️比我預期中好食抹茶芝士蛋糕茶味極重 偏甘🍵個人最喜歡味道清新微酸嘅檸檬撻同軟綿綿嘅草莓慕斯蛋糕🍰第一次食tea有牛油曲奇 都幾鬆化鹹點方面竹炭多士幾厚幾大件🍞牛油果撻加左檸檬汁味道酸酸的🥧下次有機會再試埋佢地嘅dinner先🍽️⭕️ Boholic (長沙灣)長沙灣福華街561號君凱豪庭地舖及1樓