Bellevue Bar and Grill (已結業)

今日係尼慶祝朋友嘅生日，網上見到呢間餐廳啲嘢食好似好正咁，就嚟試一試啦！ 果然係冇令我失望呀！首先環境就好安靜，每張枱上面都有小蠟燭，有啲浪漫嘅氣氛hehe下面就係小食嘅圖，主食呢我就大頭蝦唔記得咗影， 但係真心要講一句:真係幾好食呀！ 我覺得好適合情侶拍拖或者係慶祝生日， 人少少氣氛幾好。服務員service 好細心，會主動幫你斟水， 而果啲水唔係普通嘅白開水，而係外國及玻璃樽水啊啊啊啊， 即刻覺得高級曬。P.S. 個甜品係有寫到happy birthday㗎，好貼心

覺得自己真係好有口福！😋成日朋友生日既飯局都可以出席到！🥰今日又到老友生日啦！✌🏻今次朋友仔想食西餐！🥘今次我唔係負責幫佢揀餐廳，而係另外一個朋友負責！🙋🏼‍♀️呢個朋友雖然唔係特登揀，但係都俾佢揀到間好餐廳！👍🏼❤️呢度係位於油麻地既Bellevue Bar And Grill西餐廳，玻璃出面係望彌敦道街景！😀雖然係油麻地近旺角區域，食物都有返水準！👍🏼而且每道菜式擺位都擺得好靚！👍🏼侍應員工都好有禮貌！😃👍🏼講得係Bellevue Bar🥂當然都會有少量雞尾酒！🍸問到侍應有咩好推介，侍應都會好詳細解釋返有咩係公司特飲！🍹至於生日迷你蛋糕拼盤都好吸引！🍰🎂都係一樣有得寫名！👍🏼🥰就咁四個女人就過咗一個嘻嘻哈哈既晚上！🥰#BellevueBarandGrill

已經唔係第一次嚟呢間餐廳啦，好鍾意呢間餐廳既環境同氣氛，Service亦都好好，食物價錢合理好食！Semi Buffet（$98）～也算應有盡有，沙律水果甜品🍮湯，每樣都有水準！樣樣都新鮮，不停refill，湯仲好好飲！甜品亦不錯！香煎左口魚柳配香草忌廉汁（+$128）啱啱煎好嘅左口魚，肉質真係非常之鮮嫩，汁多～仲好滑口！擺碟、煎煮都睇得出廚師好用心！👍🏻Bellevue 位於旺角鬧市23樓，絕對係旺中帶靜！180度開揚景致，心情都開闊啲，食得多啲！😎

在openrice 看到這個地方，便被這個地方的外牆吸引雖然在油麻地附近，想不到會有這樣的落地玻璃的餐廳，環境十分舒服這裏是半自助午餐，在另選𝚖𝚊𝚒𝚗 𝚌𝚘𝚞𝚛𝚜𝚎Starters 很豐富Main course 有烤美國豬柳伴蜜餞菠蘿配洋蔥燒汁，豬柳不會過韌，可惜不夠入味香辣雞試卡邦尼扁意粉，芝士味十分濃，因為用正宗傳統方法烹調，因此意粉硬度剛剛好。最後亦有甜品任添甜品很有誠意木糠布甸奶味很濃，不會過甜， 十分好吃。New York cheesecake 比較起來較普通朱古力蛋糕，朱古力味超濃又有𝚗𝚞𝚝𝚜

諗左去邊度慶祝生日好耐，一直都搵唔到一間心儀嘅，因為不斷不斷咁食生日飯，對好多食物都已經厭咗。一個朋友搵到呢間，見到佢個幅門口靚靚嘅的話，就俾佢吸引左啦，一上到去，佢落地玻璃窗望到旺角成個鬧市，雖然唔係好璀燦嘅景色，但別有一番風味。咁呢間野啲嘢食都幾好食啦，唯一唔好嘅就係份量有小小少。不過係個甜品拼盤就好靚，集都唔算貴，生日影相一流呀。中間個粉紅色盒仔，你影完相之後，先會幫你淋一啲熱嘅朱古力落去，融化左佢，配合入邊個蛋糕就一齊食，又靚，又特別。

餐廳🍴位於鬧市大廈既二十三樓一出𨋢就見到幅歐陸風情大壁畫再入到餐廳眼球已經被落地玻璃前成個融合咗高樓大廈，又能夠遠眺海景嘅黃昏景觀所吸引被安排坐窗口位望住個景食野真係賞心樂事餐包好鬆軟入面加入左少少蒜蓉，好香餐湯入邊有啲薯仔蓉，食落有口感煙三文魚沙律菜除咗西式沙律菜，仲有蘋果片，好清新煙三文魚好大片又有質感呢間餐廳出名熟成牛扒我叫左medium rare熟度ok，好鮮嫩，而且唔洗加紅酒汁都好夠味👍🏻牛肉味好濃郁個甜品係火焰雪山伴焦糖蛋糕蛋白烘過既外皮香滑入面係朱古力脆脆同雪糕甜品擺得好靚仲可以用朱古力醬寫祝福字句同點蠟燭當日有好幾枱客都係黎呢度慶生如果男女朋友黎慶祝都幾浪漫既🌹💕應該會幾驚喜🎇

開心星期五要食個悠閒午餐，黎到二十三樓高嘅餐廳，一出Lift就見到大大幅壁畫，而入面係全落地玻璃，望住出面繁忙嘅街道，顯得更寧靜悠閒，環境一流。而係Openrice 訂枱有主菜買一送一優惠，主菜分量比較少，必須配自助先食得飽，但味道好好，叫左兩個主菜加自助，每人平均$120。自助嘅選擇唔算好多，有火腿青瓜蕃茄仔幾款生菜幾款醬汁幾樣沙律配料。湯就只有南瓜湯，味道香濃，口感好滑口。仲有幾款生果揀，新鮮多汁。而甜品就只有三款，但相當有水準，而Brownie比較特出，朱古力好濃，口感偏實但夠濕潤。＊芝士伴三文魚柳茄蓉醬 $58三文魚中間好嫩滑，煮到岩岩熟，無煮過頭變鞋，中間保持到原有魚油濕度，一啲都唔乾，而面嘅芝士香濃，底嘅魚皮煎到好脆，難得可以吸引到我食魚皮。揀左配薯蓉，滑口唔乾唔會漿住，好好食，係分量少左啲啲，幾啖就無哂。＊香煎海鱸魚伴檸檬忌廉汁 $78都係面頭煎到脆卜卜，入面中間保持滑又唔乾，加上檸檬味清新更能食到魚原味。

已經收藏這間店很久但係次次未食但今日食應該不會再來。首先一讚，係侍應嘅服務很好很細心首先係龍蝦沙律龍蝦明天定雪藏,沙律明顯地少呢個價錢完全唔值$198平時食法國餐廳嘅田螺呢食法係好新穎，嘅但可能我接受唔到油味深重我諗食完有少少會反胃，有啲似厚粉炸一樣扒係OK嘅，因為有dry age 但係個意大利飯好期待但係竟然有一大敗筆啲飯煮到半生熟應該係完全接受唔到，不過如果鍾意食半生熟米嘅口感爽爽聲就鍾意唧！其實都幾唔值呢個價錢對距既食物兩個人千一蚊。

呢間餐廳居高臨下，黃昏嘅時候可以遠眺附近開揚嘅日落景觀，仲有埋遠處嘅海景襯托，令人覺得夕陽無限好。Appetiser有煙三文魚沙律，煙燻過嘅三文魚透出淡淡的香味，肉質唔鬆散，味道濃郁。呢度比較出名嘅有熟成牛扒，我點左medium rare，對於我來講熟度啱啱好，肉質好幼嫩，而且好有肉香。另外，露筍野菌辣椒乾炒長通粉，用橄欖油同辣椒炒，越食會覺得越辣，啱晒鍾意食辣嘅朋友，通粉好煙韌，用料又充足。甜品有焗迷你火焰雪山伴野莓焦糖燉蛋，又係口感好豐富嘅甜品，「火焰雪山」外皮好滑，內裏係朱古力脆脆同雪糕，好有層次感，焦糖燉蛋份量啱啱好，被燒過甜甜嘅焦糖片同淡淡嘅燉蛋味道好混和，唔會太甜。

今日約了我一位好久不見的朋友一聚，上網找到一間樓上的酒吧餐廳，見到的餐廳中介紹的地方都好傻雅，食物方面都多選擇，細想後決定要到這間餐廳。Bellevue Bar and Grill位於在油麻地的譽發廣場23樓，一出升降機就見到充滿藝術感的塗鴉，繪畫了在鬧市中一位正在享用杯cocktail 的女士，紅色做background base ，真是非常鮮艷奪目。牆身同樣地繪畫了不少充滿藝術的塗鴉，除此之外餐廳內落地玻璃窗旁掛上一串串的電燈泡，店內以白色為基調，讓顧客感到輕鬆舒適的感覺，同時配上紅色、白色枱布、皮製的椅子，打出浪漫高雅的氣氛。在繁榮的鬧市中有一片寧靜的土地，居高臨下可以欣賞窗外的街景，日落黃昏，在天空上掛了一個橙紅色的太陽，真是好美的一個鹹蛋黃，日落西沉，不久夕陽的時間就好快地消失......夜幕低垂，在高空俯瞰那條繁榮的彌敦道，燈火閃爍輝煌的鬧市又再出現，正是欣賞此美麗的夜景，感受到香港有東方之珠之魅力。食物方面，餐廳都有供應set dinner ，也有散點，散點方面分別有乾式熟成牛肉、頭盤及沙律、湯、海鮮、家禽及肉類、主菜、甜品等......店員奉上了兩個麵包，剛焗香都微熱，

近期返工太辛苦，好想趁住假期食返餐好，於是搵下邊個地方有long lunch 食嘅時候，搵到呢間油麻地嘅餐廳，同埋依家出旺角呢啲地方感覺好咗好多，少咗人行得嚟都舒服d, 所以唔介意去油尖旺💪🏻💪🏻💪🏻💪🏻嚟到位於譽發廣場嘅呢間餐廳，喜歡餐廳差唔多全部嘅位都係窗口位，望住街外景特別醒神，呢到嘅brunch 自助沙律同甜品嘢食98蚊一位，再加自己要咩主菜同飲品主菜叫左芝士柏爾馬火腿焗雞扒，雞扒表面微微脆口，中間夾住火腿同芝士，切起上嚟每一口都吃到3樣嘢入口，同埋味道都幾match及嫰口，好食、個人較欣賞整得好似月亮嘅薯蓉，牛油味重滑口👍🏻👍🏻👍🏻至於講到semi-buffet, 有唔同嘅沙律同湯，呢個可能話brunch一定有，開心嘅有all day breakfast嘅材料，三角薯餅喺個人至愛，另外仲有生果同甜品，同朋友一路傾計一路分step慢慢食，樣樣試晒最後加錢加埋杯cappuccino作最後飲品，同有人坐足差唔多3個鐘，嘢食環境都吸引，好滿足

瞓個夠起身食咩好？梗係食lunch 同breakfast 嘅融合加強版brunch 啦！老婆搵到呢間Bellevue Bar & Grill 感覺好似好chill，一於試下！藍天白雲去到咁高嘅地方食brunch，淨係睇實獅子山嶺線食嘢都夠晒香港人feel啦！鋪頭好有格調好啱傾計，自助bar嘅嘢食都幾decent，正！例如個湯南瓜湯好有水準，味道好濃厚但湯嘅質地好清爽，無話好杰身，食自助餐又好brunch都好，最欣賞無飽脹感嘅湯！至於其他食物都好開心，有薯餅、蜜味豆之餘，個炒蛋質素都唔錯，好香蛋味又有口感！之後上Main course，我叫咗煎左口魚，老婆叫咗青胡椒雞排，兩樣都好好味！左口魚魚皮煎到好脆口好惹味，但肉身白雪雪又好爽口唔「鞋」，夾埋食好有趣！雞排就更香口，所以我哋都係share咗個魚先，唔係就俾雞肉掩蓋咗啲味喇。另外伴碟嘅薯蓉都高質，而且擺碟都靚架。食完梗係要傾計嘆多陣啦！自助bar有cheese cake、朱古力蛋糕，可以食埋high tea添！叫埋杯cappuccino，一流享受！周末要嘆陣唔想周圍行，真係可以嚟坐下！

Cocktail 同 Mocktail 味道不是太好又不太差，一分錢一分貨。可以一讚的是Lobster Bisqu ，Crab Meat Chowder 同Seabass Fillet味道不錯，但也是合情合理因價錢係旺角區來說也屬貴價了。這餐廳的signature dishes 是Dry aged Steak, 那我們就叫了一個Dry Aged Rib Eye，侍應也問了我們要幾多成熟，我們要五成熟，最後我們得到的是十成全熟的肉眼扒，那當然是即場反映，怎料得到的回應是: 小姐，Dry Aged牛扒係比一般熟架喎！ 而且態度非常差劣，如果你餐廳提供的Dry Aged牛扒只能煮到全熟，那當初不用問要幾多成熟了，直截了當說全熟好了，而且以往在其他餐廳點的Dry Aged Steak也沒有全熟的問題，那是你火喉控制的問題，因為我的那塊全熟的肉眼扒是左右兩邊全熟，中間有一小部分是五成熟的！ 最後那男侍應說不過去只抛下一句: 咁你想點丫？ 然後就掟回那全熟的牛扒在枱上，服務態度真的強差人意！最後要注意這餐廳上菜十分的慢

#中意嘅請分享請點讚🍻----------😋半自助早午餐 $98自助餐選擇唔算好多，但基本食物都有齊 ，沙律菜、水果、薯仔沙律、長通粉、特色醬汁、湯、All Day Breakfast配料、炸薯餅、煙肉、炒蛋、德國腸、茄汁豆、甜品，全部都係無限添加，一定可以食到飽。另包一杯飲品。-😋烤美國豬柳伴蜜餞菠蘿配洋蔥燒汁 $88食完半自助餐如果唔夠可以另加Main Course。-估唔到油麻地都有靚景餐廳🌃，一面望到彌敦道 ，一面望到海景，喺繁華鬧市入面都可以慢慢歎嘢食、睇靚景。我同朋友傾下計，慢慢食下野，咁就坐左2個幾鐘。所以食半自助餐唔一定揀酒店，仲有好多其他選擇架🥰。------------🔎Bellevue Bar and Grill🚩油麻地彌敦道558-560號譽發廣場23樓

今日同朋友去左油麻地食晚飯，我地揀左一間大廈頂樓既西餐廳食飯。呢度既裝修好有品味，一出電梯就見到一幅好有藝術感既油畫牆。餐廳入面亦都有好靚既燈飾，營造浪漫既氣氛。點左餐之後就有新鮮熱辣既香草牛油餐包。我地點左個凱薩沙拉，沙律菜好新鮮，成日出街食飯，食返份沙拉清下腸胃都幾好。另外，我地亦都點左個燒春雞，春雞既外皮燒得超香脆，而且肉質又嫩滑，好有水準。最後，當然要食返個甜品啦，我地點左個火焰雪山配焦糖燉蛋，一熱一凍，好夾啊！