Bella Shine (已結業)

之前在觀塘返工，又住在觀塘，所以差不多早，午，晚三餐都在這區食，好厭倦了！但近呢兩年好多的零售，食店都轉去工廠區開業，所以我都會特登找些工廈去覓食😊！因為始終租金平啲，食物質素都會好啲！地鐵站口一出穿過APM商場，對面就見到迅達商業大廈，都好容易就找到！😊🎅聖誕食品都開始預訂了！裝修都好靚和舒適☺️剛好兩點鐘到！十分鍾前是爆滿的，過了午餐時段，人潮退了，時間來得剛好，直接入坐！我點了E餐，有湯或沙拉🥗及飲品一杯！沙律🥗蔬菜新鮮爽口，有粟米和青瓜粒，感覺更健康！日式照燒鰻魚．三文魚碎茶漬飯！鰻魚甜甜的帶燒香的味道，亦加了三文魚碎在飯中，每一啖更覺得有魚的味道，好多的紫菜，令整碗茶漬飯口感更豐富！不過，一向食開的茶漬飯，是自己加入熱湯的，今次連湯送上，感覺有點像湯飯😅，但是味道是好味的！👍🏻👍🏻

今天在觀塘周圍逛，經過了這間餐廳就進去了，只有一枱客，環境不錯，坐得舒服，服務員也不停給我們悿水，態度也算不錯。當輕煎日本帶子黑松露意大利飯,松葉蟹肉膏汁煮意大利飯和 蒲燒鰻魚海膽忌廉意粉。等了廿分鐘左右才上菜，飯未熟透，食落散而且生骨，意粉也偏硬，鰻魚食落有少許火槍的氣味，而且三碟飯同意粉都唔夠熱。總括而言，環境，服務態度方面還可以，但唔夠熱唔夠熟，食落散而生骨，意粉硬而唔夠熱。所以應該唔會再黎多一次。

朋友相約於觀塘吃飯， 一如最近嘅習慣，當然係食午餐， 最重要貪佢性價比較高， 今次朋友選擇嘅西餐廳位於工廈內， 一向對工廈都有信心， 今次都令我十分期待。餐包，作為餐前小食，最驚喜的事竟然是蒜蓉包，新鮮熱辣送到面前，即時享用，味美滿分。是日餐湯紫薯忌廉湯， 紫薯味豐富，配合淡淡嘅忌廉香，令味道更加昇華。日式鰻魚茶漬飯，份量十足，鰻魚原條上，性價比極高。味道方面， 入口暖意滿滿，最適合冬天之選。餐飲，熱朱古力，水準之作，味道香濃，入口細滑。下次再食過，午餐果然係性價比之王，抵食。

我跟我朋友兩個人去完觀塘工廈交文件就順便去這裏吃東西(≧ω≦)/2個人我們叫了3個餐因為餐牌我我們都很想吃前菜沙律和紫暑湯超好飲入口的味道很有層次澳洲黑安格斯肉眼牛扒配牛肝菌燒汁 HKD 132超好吃5成真的一點都不硬，入口軟軟還保留了肉汁配場牛肝菌汁真的很香焗波士頓龍蝦地獄湯烏冬 HKD 118不會很辣，龍蝦超新鮮，烏冬剛好QQ的超爽口//// *** 必吃*** ////西班牙黑毛豚肩扒配芥末蜜糖燒汁 HKD98這個真的超級驚喜本來預想豚肉應該很普通但是我錯了，因為是黑毛豬它的質地超軟還要豬肉味很濃郁真的很好吃，雖然跟朋友是Share來吃，但最後基本是搶著來吃甜品的陪份真的超棒，很美打卡一流

餐廳環境寛躺，同朋友傾傾食個晚飯👍🏻👍🏻餐牌食物款式仍好多可選擇附送南瓜忌廉蟹肉湯，南瓜忌廉湯幾creamy，但略嫌蟹肉多殻，如果改善一吓就prefect😉😉輕煎帶子黑松露意大利飯 ($128) 帶子好鮮甜，而且好大粒而厚身🥰輕煎時間剛好，帶子中間仍好嫩滑。黑松露份量仍很多，一上枱就飄嚟陣陣松露香，意大利飯有咬口，唔錯唔錯!法式香草寶雲酥焗紐西蘭羊架配紅酒燒汁 ($188) 羊架沒有加過多調味，而且焗的時間恰到好處，羊架上枱時仍粉嫩的！羊架有陣陣羶味，同行愛羊嘅友人直呼好食🤣附送甜點🍮忌廉泡芙好食，而慕絲味道普通吧😛

11月30嘅星期五, 收咗工，左諗右諗，揀咗食呢間，一入去已經唔多鐘意了，唔好意思，因個人問題。 好怕唔夠抽氣，呢度有串燒食，所以個個味道勁濃烈🙊🙊坐低，睇睇睇，啲set唔多啱食，價錢亦都唔算平。。。之後，又覺得不太餓，亦一向夜晚個餐都唔想食太飽，終於只係選了一個主菜- ‘輕煎帶子黑菘露意大利飯’，如果肯加88蚊可變餐。。。但總覺得，要加成88，咪成個主菜價錢🧐 會唔會過份咗啲啲🤨 以我哋嘅原則問題，所以唔會加，加上我哋又唔係一定要飲嘢嘅人，更加唔需要！之後叫多兩個小吃，因為都好鐘意食蟹餅，見到個 $58 ’吉烈忌廉蟹肉餅(2個)’ 就點咗，另外就係 $48嘅3隻芝麻雞翼。無叫餐都有餐前包送，讚👍🏼但⋯⋯但可惜唔熱兼太脆，我地就覺得麻麻地，不過都多謝😅個飯到先⋯⋯帶子煎得幾好味，但個飯，一個字，一個味，咸🥴。 一啲黑菘露味都無，同埋個飯濕咗啲，都係👎🏼食咗一陣，芝麻雞翼同蟹餅到，買相是靚的👍🏼但⋯⋯你地一定認得雞翼先生，但⋯⋯  個蟹肉餅呢，餅喎🧐唔係條囉😪  兩條切開有四粒咁，仲咩可以咁？ 再食埋，話哂都收58，得兩件，真係唔該哂，完全唔係個樣嘢，亦好食😕👎🏼👎🏼👎🏼總結，唔會再來，

觀塘工廈西餐廳地點非常方便，位於APM後面，易搵。餐牌種類選擇非常之多，有特別啲嘅食物選擇。今日餐湯是龍蝦湯，龍龍嘅龍蝦味打得又滑，有少量龍蝦肉。蒜蓉包非常之香，不太油膩，烘得香脆。主菜方面叫咗春雞同埋軟殼蟹鹹蛋扁意粉。軟殼蟹天富羅鹹蛋黃扁意粉$118呢個意粉我期待左好耐。軟殼蟹天富羅有原隻，切開一半，入面滿滿嘅蟹膏，炸得好香脆。鹹蛋黃， 軟殼蟹同扁意粉配合得好好食，非常之唔錯！春雞質素唔差，肉質鮮嫩多汁，可惜並唔係期待嘅一整隻雞，適合一人份量。小小鹽調味不太鹹。 最後嘅tiramisu配曲奇雪糕非常之有驚喜。芝士味好突出好好味，沒有酒味，整體軟滑。再配上曲奇雪糕，大滿足。

【工廈cafe】#🍋👧🏻-這裏環境不錯 夠清靜 適合一大班朋友-🔻頭盤、是日餐湯、甜品、飲品（$88）湯很足料 有青瓜 洋蔥 紅蘿蔔🥕兩塊麵包很脆-🔻吉列忌廉蟹肉薯餅（$58）比想像中腍 有蟹肉-🔻雞肉棒（$32）有軟骨系入面 表面香脆 調味很足夠 推介👍🏻👍🏻-🔻軟殻蟹天婦羅咸蛋黃扁意粉🍤（$118）軟殻蟹有蟹味 跟咸蛋黃很夾 咸蛋黃份量好多 沾滿每條麵-🔻蒲燒鰻魚海膽忌廉汁扁意粉（$108）三色椒味很重 海膽味慢慢滲出黎 雖然見吾到有一舊舊海膽-🔻朱古力（$24）味不夠濃 頗甜 cream更多會更好-🔻蘆薈蜂蜜花茶（$24）夠甜 有蘆薈味 聞下去花香更棒－－－－－－－－－

舊店去過兩次， 新店更就脚， 所以都想一試，加上評價甚好。依時到達， 正等待安排位置時， 就聽到由半開放式廚房中傳出一句好大聲的"DNLM", 我都講粗口， 亦唔反對， 但係一個裝修同環境都咁好嘅地方，就有點格格不入， 就算去茶餐廳都未必咁突兀。點了三款午餐： 卡邦尼寬麵、焗魚柳、海南雞卡邦尼寬麵入面有超多生蒜， 係白色未炒熟生蒜，蛋接近全熟， 只值5分焗魚柳， 用嘅係x寶10蚊一條果種鯰魚柳， 即係有陣梳打味果種， 加上麵包糠焗， 墊底係好重奶味薯蓉，跟一碟青辣椒泰汁， 怪怪的， 只值5分海南雞飯， 雞當然唔會有味，但油飯不錯， 薑蓉係加埋葱用攪拌機打成綠色， 葱味全失， 值6分全餐最好係前菜， 其他都非常失色

今日完成presentation後，大家同意食埋晏先搭車走，同事隨意於網上搵左一間西餐食，因為餐牌都繼幾多款式，所以就響度食埋。南瓜湯同蒜蓉多士味道不錯，但肉眼扒是驚喜，濃牛味，真係煎到七成熟，唔係果啲話繼幾多成都係十成熟，肉厚無筋，配菜薯條就普普通通，$138連飲品都值的，不過唔係presentation大成功我都唔會破費，平時都係頑飯午餐開，好在無收加一，唔係就肉。。。環境方面，因為樓底有點低，枱與枱之間又不是太遠，所以有點嘈，不過個令鐘食個晏，尚可接受的

籃天白雲下的街道上人來人往, 好不容易離開了大街的人群, 走進了橫街. 在橫街再多行數步, 鑽入一個潔淨光猛的大堂, 乘升降機到二樓, 便到了這間朋友多次推介的西餐廳了. 這時還未到中午飯的時間, 人煙比較疏落, 正好細意了解一番.  一入眼簾的是簡約雅緻的裝潢, 光線適中, 坐位寬敞. 細看之下, 場內擺設別具特色, 獨具匠心.  精簡的菜單,好讓廚師更能掌握及確保食物的質素. 餐廳隨午餐附送麪包小片, 微暖麪包加上牛油, 揭開了這個午餐的序幕. 是日餐湯為菠菜忌廉濃湯. 湯顏色翠綠加上心思的點綴, 看上去已經宜神. 同時散發着陣陣菠菜香氣. 口感細嫩, 菠菜味濃. 除了濃湯以外, 可選藜麥沙律作為前菜. 火箭菜, 羅馬生菜及青瓜粒新鮮青翠, 加上黑醋入口爽甜開胃. 賓尼迪蛋煙肉卡邦尼濶麪賣相美觀. 蛋滑, 煙肉香脆, 還有少量蒜蓉炒菠菜及蘑菇夾雜其中, 濶麪多汁嫩滑.  另外還點了美式和牛肉漢堡伴香草燒薯角. 這個主菜份量相當大.  漢堡內有芝士, 牛肉, 蕃茄及生菜. 漢堡有牛油烘底, 入口特別香口. 牛肉十分厚, 雖8-9成熟, 但仍保留豐厚肉汁. 薯角香軟. 伴菜口感亦十分新

今次已經第三次encore <Bella Shine>觀塘雖然工廈西餐多，但值得食多次嘅冇幾多間，Bella Shine好處之一係可以訂位，同埋坐得舒服。係APM後嘅巧明街，上一層工廈就到。等好耐，走個陣都係行樓梯仲快啲。店內燈光偏暗，每張枱相隔離距離算遠，可以同同事暢談。餐單每一兩星期就轉下，又有多國菜~中日韓印美，唔驚食到悶咗。 每日有6個餐可以揀，必定有意粉、飯、扒，有時會有輕食沙律。價錢$80-100左右，包餐湯/沙律+主食，免加一同事問完先知原來有飲品餐單，跟餐基本可以揀汽水咖啡奶茶等，其他就再加錢，都係簡單要咗杯檸水。是日餐湯係南瓜忌廉湯，南瓜攪到非常幼滑清甜，飲完好有飽肚感。配埋中式湯碗，湯上有忌廉畫圈，幾有藝術感。蒜蓉包上面抹上厚厚嘅蒜蓉醬，焗到好香脆，好啱沾點軟滑嘅南瓜湯食想食得清淡啲，嗌咗青囗南瓜汁扁意粉，賣相都幾吸引。意粉份量唔多(碟就好大)，如果係男仔食應該唔夠飽。南瓜汁清淡帶甜味，有啲似餐湯個味，係濃少少，配埋少量青紅黃椒一齊食，感覺清新。汁嘅份量好多，每條意粉都掛到汁係上面。青囗就比較失望，唔係同意粉一齊兜過，青囗只係用水煮熟再放係面，入囗

曾經試過幾次係Bella Shine呢度食lunch!食物質素唔錯，所以Happy Friday 岀開去食都會揀呢度！今次食嘅lunch set 分別係豬手，而同事就叫咖喱羊腩配薄餅！先講個豬手，真係好大隻！亦由於本人極愛食豬手，我特別欣賞佢個皮，煎得好香，但肉質亦無太實或”un”喎！入面嘅肉都唔少，啖啖肉又有少許根，充滿骨膠原！女仔真係要食多啲補下需然本身肉已經夠飽，加埋薯蓉就無咁齋，而且點汁好好食，好滑！同事嘅羊腩好lum身！鍾意食辣嘅朋友一定要試吓，屬於中辣，比日本咖喱辣少少。我都有試過啲薄餅，熱辣辣再加埋咖喱汁味道不錯而且廚房中非常注重健康，伴菜亦有一點咖啡豆大小的豆，識落有點像紅豆嘅口感，有點點硬身但一定屬於健康嘅類別！最值得推介竟然是個餐湯， 非常大碗而且加家味精。今次飲嘅係西蘭花薯仔湯，希望下次都可以再飲過！不過有點奇怪就是侍應忘記給我們餐包差不多湯飲完她才給我們餐包

已聽說過觀塘有很多商廈，有高質素的西餐，今次就試其中一間，可能早下班原故，來到時候只有一兩張枱，可以自行選擇想坐的位置，與友人就選擇了一角的位置，比較舒服一點餐牌見到都頗多選擇的！花多眼亂，出現選擇困難症，最後好辛苦選了以下三款🌟松葉蟹肉沙律配胡麻汁🌟$88很足料的松葉蟹，不是零碎的，再配埋胡麻醬，無得輸🌟蒲燒鰻魚海膽忌廉汁扁意粉🌟$108鰻魚是以條狀方式上碟的，不是切粒的，這個價錢來說，相當抵食，還有鋪滿了滿滿的紫菜，賣相好吸引期間限定的新鮮生蠔，只需$10咋！🌟西京燒銀鱈魚配紅菜頭乳酪汁🌟$168忘記了已經點了鰻魚意粉，主菜又點了銀鱈魚，魚，全部都係魚銀鱈魚對比鰻魚就滑身很多，都好好食！還配有一塊橙肉，辟除魚腥味。

同朋友放左工一齊食返餐先覺得放鬆返少少！咁辛苦返工為咩？楔係為放工食餐好啦！上菜係有次序既先係前菜、小菜、湯等之後先主菜🥦🥜🌰叫返個晚餐C先忌廉湯用左蟹湯去煮🦀濃度剛好,有絲絲蟹肉前菜分別有Smoked Tuna, 栗子同肉腸🐟魚子醬下面個cream幾正,咸咸地栗子質感有d散而蔬菜落得太多sauce,好酸呢個沙律有d似食緊甜品個杏脯醬好特別🍑第一次食類似既dressing最加分係個琥珀合桃不但提味而且增強咬口,正!燒茄子無連皮燒有d可惜但好彩水份得以保存不過面頭太多木魚🍆似乎蓋過左茄子獨有鮮甜南瓜餅一絕!!!!!!!!雖然切開個面好似唔夠脆但食落絕對品會內裡熱度十足南瓜餡好甜好綿滑甜入心得黎味道自然🥗🥙🌮闊條麵都好食除左菇入味之外，麵條都十分爽彈🍄🍄🍄雖然汁有少許偏酸同唔夠咸但只要自己加芝士粉就無曬問題啦講起芝士粉,我又要講下奇趣事件話說有請某位職員攞芝士粉佢應左我之後就去左做自己野搞到我等左10分鐘🧀🧀🧀我一心以為佢做完野會攞俾我結果都係無…最後要搵另一位幫手主菜終於到啦不枉我地等左咁耐!切開酥皮,陣陣非法濃郁既牛味就飄出黎啦🐮仲好多肉汁添咁多汁都無整淋個皮,認真厲害其他配菜有部分都