Bella Shine (已結業)

呢排做野都好忙，難得約左朋友都想食餐好的。bella shine 都有唔少野食叫，主菜有pasta, risotto, 肉類亦有，價錢亦好合理。我地叫左d share 食。 龍葵菇牛肝菌汁闊條面$98 闊條面味道不錯，十分吸汁，整體creamy 士多啤梨鮮果pancake cookies icecream$68 pancake 較厚，如果薄返d 會方便d, 不過味道都ok 估唔到衣加仲有$1既小食，原來呢幫親叫一樣主食可以加錢加配小食。 呢個餃子釀雞亦係$1加配，但味道都好好，燒汁同雞亦好juicy, 餡料好滋味。

係觀塘又發現一間西餐廳。同哥哥影完畢業相，過隔離就有一間幾特別又舒服既西餐廳。因為影相後要揀相遲左，好肚餓，所以都無乜食扒類。直接叫一些意粉同意式飯。但都不錯。雖然餐廳有set dinner 好抵食。但少人就散叫比較好。這碟軟殼蟹意粉。軟殼蟹香脆可口，原隻上，一人份量相當充足。扁意粉，不太乾身，軟硬適中。散叫都有前菜，有蒜香餐包，幾香脆，和暖的餐包，唔錯還有蟹膏汁意大利飯，鮮香蟹膏，頂頭有些蟹籽，有蟹肉絲。

真係好好好開心呀!! 估唔到觀塘都有咁好食既Western food呀!觀塘一直比我感覺係工業味重~附近大多都係茶餐廳~而係呢間餐廳係正工業大廈樓上鋪! 但一入到去環境好有氣氛~無謂係小情侶定一家大細~一班朋友黎都好適合呀~都要讚下既係地點其實絕對唔難搵~觀塘A2出口一出穿過APM經港貿中心穿過對面馬路就係咖啦! 記住係2樓呀~事不宜遲~睇下個餐牌有咩岩食先!有好多都好想食!但我地得2個人!呢到只要你任簡一款main course 就可以+88蚊轉做set dinner~我地嗌左2款main course +埋88蚊2個Set 分別係 羊架同埋海膽汁鰻魚扁意粉! 首先一黎就有個南瓜湯~ 味道夠濃~ 又有南瓜粒~質感打我好好滑最驚喜係竟然有龍蝦肉呀~!!! 雖然唔係話好高質~但都哂滿足呀另外有promotion做緊$10一隻生蠔~嗯~同平時食開既口唔多~唔會特別推介~仲有可能係新張優惠呀! 只要你嗌一個main course就可以加$1 要個小食我同朋友就分別嗌左2個小食! (咁抵緊係唔可以錯過啦)! 1個係雞翼 (即叫即燒!勁香口呀)另一個就砵酒蠔~我覺得都唔錯~可能我朋友唔鍾意果隻味

呢間餐廳真係唔錯 食物質量好 價錢都值同抵食 生蠔都係十蚊隻咋 乾淨衛生 可以放心食 蒜蓉包都好好味 牛油蒜蓉好正另外 飯餐都好值得推介 幾好味 仲有得跟餐配清酒蠔 好抵食呀雖然個甜品等左啲時間先黎到 但真係最值得讚 真係好好味 不枉我地等呀平日去人唔算好多 可以慢慢坐 同朋友傾下計侍應態度都好好 好有禮貌廁所都好乾淨衛生仲好貼心 有個比媽媽幫小朋友換尿片嘅地方整體都好好呀 下次一定會再幫襯

2019年1月23日第一次食呢間印象深刻的餐廳，但將會係呢世最後一次食。早一日訂枱落單，黎到坐左5個字，覺得有啲耐，問下個女店員了解，問一句仲有兩個餐未上，點知女店員惡形相向：「知啦。」再啤我一眼，冇左下文。過多兩個字，再問另一個男店員去追單。原來漏左單，男店員承諾5分鐘內上菜，真係5分鐘，但求其煮，煮熟就上枱。份比目魚完全冇味，又難食。。真係多謝晒。態度咁差又漏單又難食！

收工同朋友食飯， Menu 都幾多野揀。衣加做緊優惠，原來叫主食就加$1就有小食。迷你關東煮，只係加$1就可以了食到了。雖然係小優惠但一d 都唔hea 。湯底好濃郁，仲有吸晒湯既魚蛋，腐皮，腸仔等等，味道唔錯呢。蒜蓉包係免費送既，但係味道都唔錯，好香牛油同蒜蓉味架。仲係岩岩焗出黎，都幾脆下的。叫左法國燒春雞配蜜糖芥末燒汁$178面頭有好多大板燒的配料，原來咁樣食都幾特別架。燒春雞份量都幾多，仲係雞比黎架Tim, 雞肉有鹽味，仲有黑椒薯蓉，十分推介。

真係估唔到，原來觀塘區咁多間工廠裏面，都會有一間特色嘅西餐廳，晚上人流唔算多，所以地方環境都比較清靜，好適合三五知己約出嚟飯局，選擇嘅好地方。餐廳嘅大門口好特別，有兩個模型嘅士兵餐廳裏面嘅環境舒適，十分整潔，整齊亦好有酒吧嘅感覺！呢個係蒜蓉多士，唔使套餐都可以免費贈送嘅，好抵食！呢個係照燒汁芝士薯條，係小食之一，份量都足夠三至四人享用！呢個係主菜，份量啱啱好，都可以足夠二人分享，味道香濃，而且材料十分豐富！甜品方面，餐廳主推窩夫，價錢亦唔貴份量可以選擇全份或者半份，賣相十分吸引，睇得出係用心製作！

我之前在bella shine食過一次lunch覺得不錯。今天帶友人重臨舊地食dinner。餐牌毎枱也送上蒜蓉包，十分香口。蒲燒鰻魚海膽忌廉汁扁意粉$118蒲燒鰻魚十分大條,闊身。鰻魚面上灑了紫菜。望落去已令人垂涎欲滴。先嚐一口, 蒲燒鰻魚肉質細嫩肥美，鮮嫩多汁,齒頰留香。我們未食意粉前，已先食完鰻魚。真是好想再吃多一條蒲燒鰻魚。扁意粉軟硬適中,配上海膽忌廉汁也美味。這個意粉, 我會再encore。軟殼蟹天婦羅咸蛋黃扁意粉$128軟殼蟹, 天婦羅皆炸得香脆。這個意粉出色在配上咸蛋黃。估不到扁意粉撈上咸蛋黃是出奇地夾。鹽燒雞中翼2隻$28鹽燒雞中翼都不錯, 味道偏淡。

之前朋友介紹觀塘有間性價比高的工廈西餐，今日就同友人前來一試。 餐廳裝修走工業風，環境舒適。餐廳會定時轉換午餐款式，每款午餐可選擇湯或沙律。是日餐湯是忌廉西蘭花湯，餐湯用料足，西蘭花味豐富，配合淡淡的忌廉香，令味道提升。小餐包也夠鬆脆香口。沙律菜新鮮爽甜，有很多蟹籽，配搭黑醋汁，味道一流。芝士焗意式番茄醬雞扒拌蘭度豆， 雞扒尺寸很大， 煎得外脆內軟，烤焗過的蔬菜香甜爽脆。泰式海鮮冬陰公大蝦配飯，蝦膏的精華都滲入冬陰公湯中，藍青口新鮮。甜品還有窩夫配搭紅豆糕，窩夫外脆內軟，紅豆糕豆味香濃。 總括來說，餐廳食物的份量偏大，性價比高。

觀塘有很多工厦內的特色食肆，上網見有間Bella shine 的食物賣相吸引，在apm附近，就訂位約朋友上去食lunch。餐廳環境很舒適，侍應很有禮貌地帶我們到座位餐廳西，日食品也有供應，我們分別點了芝士焗意式茄醬雞扒和日式滑蛋鳗魚飯午市套餐。套餐先来餐湯，什菜沙律和蒜蓉，蒜蓉包很香脆👍沙律菜夠新鮮，添加黑醋調味，開胃👍主食雞扒很夠份量，大胃王都夠食😅，雞扒醃得夠入味，濃濃的芝士醬鋪面👍，底部有焗薯蓉墊底，混合了香草味道，很特別😋日式滑蛋鳗魚飯鳗魚夠肥美厚身，有微微的炭燒味😋，滑蛋夠嫩滑😋吃完主食已經很飽了，侍應很有效率地替我們清理枱面，兼且奉上兩份甜品，三款不同口味的芝士蛋糕😍，第三個胃即發揮作用，三款口味各有特色，不太濃的芝士味👍，好食😋

係觀塘出job，中午一起同同事一行6人一起外出食lunch。呢間店鋪環境舒適，坐得舒服，不覺擁擠。我哋叫了三個意粉三個軟殼蟹buger lunch set，有蒜蓉包，湯/沙律，飲品，甜品跟餐。我哋揀咗湯，係煙肉西蘭花湯，好特別好好味，個湯好似BB食物咁，材料全部攪碎變成流質狀，食落有feel到西蘭花一粒粒咁，好得意。到主食，個意粉味道太濃，開始食覺得幾好味，但食多兩啖就覺得滯，自己加咗水入去溝稀佢，先覺得冇咁濃味。 個軟殼蟹包就幾好味，大大份，薯條炸到香脆可口。最後佢上咗個好靚嘅雪糕窩夫甜品俾我哋。總體來講，都係唔錯既。

觀塘工廠大廈西餐有幾多，多到你都數唔到，要乾淨，食物質素高，真係冇乜幾多間，呢幾年一直喺觀塘返工，自問真係肯去食嘅冇乜幾多間，今日同啲同事聚會，有個同事就推介Bella Shine，我第一時間贊成，因為以前喺AXA building返工已經成日去食，搬咗去呢個地方之後都冇嚟過。四個人，我食雞，一個食豬，兩個食泡飯。唔知係因為我病定係細食咗，我覺得佢啲份量仲大過以前舊舖！香草栗子燒春雞配金巴利汁 - 雖然話係燒春雞，但係份量一啲都唔細，雞肉嫩滑，味道醃得唔錯，上面嗰個汁唔會太咸，底嗰個薯蓉好好味，但係份量真係太大，太抵食！日式生薑燒豚角煮定食 - 我個同事話佢個豬肉好入味，我偷食咗半舊，睇落去有啲肥，但係入口好鬆化，重點係佢配左成大碗白飯，結果比我個男同事全部清晒！日式照燒鰻魚三文魚碎茶漬飯 - 呢個真係好好味，雖然佢唔係熱辣辣嗰種，但係嗰啲三文魚肉碎，同埋茶漬飯真係好夾，上面嗰塊鰻魚香香甜甜，到最後佢哋都食唔晒成成碗飯！講真，以佢嘅裝修價錢質素，真心覺得好抵食！

第N次來這裏食午餐，今次聖誕team lunch 揀左Bella shine, 想坐得舒適同食得豐富點換了一個聖誕節menu, 我二話不說就點了日式照燒鰻魚.三文魚碎茶漬飯。個餐先來有湯或沙律，湯是磨菇湯，沙律配上酸醋汁，正呀好開胃鰻魚茶漬飯，賣相好吸引，鰻魚好大條，而且厚切。茶漬飯有三文魚碎，增加飯的鮮味，茶漬飯甜甜地，味噌香氣，日式味道大愛。飯好大碗，食完仲暖洋洋。同事叫了燒春雞，我當然會偷食一口，香草味夠，雞都好嫩滑，仲有兩粒栗子及配菜。日式生薑燒豚角煮定食，賣相都係一流，同事話味道唔錯呀。最後當然有餐飲啦！豐富午餐，每次來Bella shine 都滿足感大增

今日朋友約左預早食聖誕飯，近近地就係觀塘食我地選擇左食西餐，呢間係朋友簡嘅，佢話上網見到環境唔錯一入門口已經見到有聖誕裝飾，仲有2隻大鐵人D位都幾大，坐得舒服！環境暗暗地都幾有浪漫氣氛我地唔食套餐，選擇散叫我地點完餐後，侍應就拎左2塊蒜蓉多士俾我地，食落去好脆，蒜味勁香 日本帶子黑松露意大利飯，睇個樣應該幾好食，未食已經聞到好大陣黑松露味帶子都幾大粒，煎到剛好，好味！飯唔算太重味，但勝在配菜多鰻魚海膽忌廉汁扁意粉，大大塊鰻魚，滿足！每一條扁意粉都充滿海膽嘅香味同甜味，真係好過癮，值得叫來食，好好味吉列忌廉蟹肉餅，食落去好軟身，忌廉份量都幾多外面好脆口，入面就軟綿綿

和好友慶祝 食物合理 價錢ok 調味可以進一步加強 牛肉欠d 鹹味唯獨不滿是晚飯不是客滿 還要把顧客塞在一起 旁邊談話大聲 音樂又大聲 我不知道自己怎麼和朋友慶祝呢⋯⋯希望可以改善入座安排 不是peak time 不用把客人擺那麼密吧