Bay's Kitchen & Bar (已結業)

外父生日梗係帶佢食好啲啦 , 一直對呢一間嘅印像都好唔錯改咗名之後就冇嚟過 , 訂位嘅時候都冇特別留意 , 原來佢而家做緊優惠買一送一 開頭都唔係好信呢個世界仲有買一送一O既 Buffet 咁我當然打去 Double confirm, 原來係真O既 !!!!咁就唔使諗喇 , 過嚟hea返四個鐘先啦 ! 因為呢度嘅早午餐係十一點食到三點嘅😄環境從來喺呢間餐廳贏嘅其中一個優點 首先唔知點解佢永遠都係唔爆滿 (雖然咁對間餐廳唔知係好定唔好) 但係幽靜 , 悠閒 , 美景 ,  絕對係呢間餐廳超級加分嘅地方先講冷盤今日係愛爾蘭生蠔同埋美國生蠔 呢度啲生蠔普遍細隻 , 每次攞兩隻 但係今日生蠔超級鮮甜 , 一啲啲嘅腥味都冇 同埋攞兩隻都唔使好排隊 , 好快 凍蟹仔啲膏好香 , 肉就比較差少少 海中蝦非常好食甜味 , 而螺同埋青口我就冇食刺身方面 , 不嬲係呢度比較弱嘅地方 之前係切曬出嚟任你自己夾 , 而家有個專人幫你切 不過都唔係重點 , 重點係三款刺身 , 三文魚 , 立魚同埋吞拿魚 我呢幾件就好多根 , 同埋員工都比較闊佬 , 非常厚切 但有時物極必反 , 太厚亦不是一定好 , 我就覺得可

生蠔、刺身、海鮮全部超級新鮮，很有意外驚喜。熱盤的菜式也很鮮味，食材非常豐富。刺身又以蝦最美味，清甜之餘還附上綠色蝦籽，即開生蠔個人較喜歡美國貨，沒太鹹味道較為清新，抵讚。

今日係第3次黎食，估唔到仲可以keep到同第一次一樣咁好既質素，款式都算多選擇，熱盆款式唔算多 但係味道比一般既自助餐好食好多 ，冷盆D嘢新鮮 刺身會keep住有唔同款，D嘢食新鮮，D員工會keep住fill嘢食 唔洗驚唔夠食！值得一提係每次黎都會有新嘢食 。仲有playroom 比小朋友 唔洗煩 正！環境安靜 有無敵大海景 坐位夠大坐得十分舒服 餐廳空間夠大 客人與客人之間唔會撞到 間唔時佢地仲有做團購 圍番比平時平成百蚊 認真抵食

從未試過有一間酒店的自助餐這樣差勁，自助晚餐兩位連加一共$830，連長腳蟹也沒有，真的絕對不便宜，我和朋友6:30pm已到達，當時有4至5名職員在接待處停留，但後來只見有一名女侍應在收碟;  熱盤的白烚腸仔，白烚瀨尿蝦，粉絲蒸扇貝也是冇味，另一邊放在鐵板上的腸仔、羊架、串燒，pizza都係凍，飲品只有一人一杯，並沒有任飲，行去粉麵檔問阿姐有冇米粉，佢話只有銀針粉;  燒牛仔肉和燒雞肉、沙律全部也只剩好小量，食物沒有了亦沒有職員添加，只有刺身壽司及生蠔位置有職員留守，雪糕和甜品不是自助形式，需要由職員拿出來才可有得攞，但我已多次出去等候亦沒有職員企在這個位置，很多人因此不再等候，未到7:30已經無野食，攪到我地連平平無奇的曲奇餅也要走去拎黎食，未試過只食了過半鐘就走人，真係好失望。第二日自助早餐都不敢想像，全程得一個侍應執枱及到Reception招待客人，而食物方面真係只有方包，生果，炒蛋，烚蛋，豬柳漢堡扒，茄汁豆，白粥，咖啡，橙汁，連鮮奶和炒麵都無。近沙灘那邊的酒店也幫襯過自助早餐和晚餐無數次，每次也滿足地離開並期待下一次再去食，但這間酒店比我的感覺真係算到盡，冇啖好食，沒有可能再有下

慶祝生日一流，有折扣。食品種類也算多，人流不算太多，服務態度亦不錯。如果是慶祝生日，預先寫下，會有服務員拿著一件蛋糕，點著蠟燭過來。設有車位，有泊車優惠，絕對適合和方便駕車人士。

同朋友去食半自助午餐！望住汀九橋食！呢個景真係一流有任食甜品沙律吧，沙律bar好豐富！其實就甘食個沙律吧已經好飽，有芝士，火腿，好想多菜可以揀。menu只食沙律，可以$128任食冇main。我點左安格斯肉眼蘑菇忌廉汁$248肉眼煎到好香，而且肉味好重，蘑菇忌廉汁好濃，一點都不稀。半隻法國黃油春雞 $168雞身不算好大，但一人份量剛好。切開有雞油流出，雞入面肉汁好豐富。點汁的話味道再出d ！薯條剛炸好！幾脆。overall可以望住個境食的話，又不太貴，沙律吧好高質！可以再來！

食物品種雖然唔多，但d嘢食幾好，海鮮幾新鮮，生蠔正，有蟹、蝦、翡翠螺👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻餐廳環境👍🏻青馬大橋海景👍🏻

今次係第一次黎食 荃灣區呢間算唔錯 環境衛生 又唔洗同人逼 餐廳好靜 食得好舒服 每人亦送反一杯野飲 海鮮款式方面都比較多而且幾好食 唔錯 再加上外面有個大海景 食完飯仲可以出去睇風景 值得再去

這裡有美國及愛爾蘭蠔。好新鮮美味。還有焗龍蝦㖭。蝦同其他海鮮都好好食。還有啤酒送呀！超低食。還有螺呀。。環境都很美。可以看到青馬大橋同日落呀！仲有7折㖭😁😁😁

依個價錢有仲有sea view, 算ok 啦6:30到場， 食物滿滿， 但refill 比較慢。食物方面有生蠔， 冷盤，熱盤質素都算平均， 仲有烤芝士， 最吸引當然係movenpick雪糕， 有9種味道供選擇， 好好味

這裏有無敵靚海景，海鮮豐富，如生蠔(來自美國和愛爾蘭)，蝦，蟹，大瀨尿蝦，帚花 螺，青口，煙三文魚，各式魚生如三文魚、吞拿魚等，都很新鮮。另外有各式熱食，如牛排燒魚等。我們各人都很滿意。

冷盆新鮮美味，品種種類繁多，生𧐢十分鮮味可口，有美國及愛爾蘭兩種不同款式任君選擇，熱葷亦比同級的豐富，沙律吧的配搭亦多樣化，我們一家人也十分最喜愛他們的芝士，香味夾配餅干，可真回味無窮。

dinner buffet有兩款生蠔，新鮮，前菜有蝦，蟹，蟹鉗，青口，翡翠螺，熱食不多選擇，有濑尿蝦，薯蓉，沙律選擇多，即溶芝士有驚喜，甜品要待應才能吃到，雪糕有多款口味，

好好食，雪糕好多味，可惜只可以限拎兩舊，環境幾靚優美。壽司雪凍左有啲硬，主菜唔錯。好多前菜簡，有芝士，有西瓜,有冷麵,有湯,有飯,有蝦,有甜品, 有沙律!!!!!!!!!

好耐無食自助餐，適逢家嫂生日。他們推介這間偏遠的自助晚餐。他們試過覺得不錯。有海景有生蠔。一於試試佢。6:30準時入坐。食物種類不算多。生蠔不錯。有送龍蝦。小朋友都有唔錯既選擇推介。