Bay's Kitchen & Bar (已結業)

中式菜餚有深度，其中最欣賞杏汁鴨胸。附送的佛跳牆雖然細細盅，但真林實料，有一隻小鮑魚，小朋友吃得很開心。甜品方面，Movenpick雪糕口味多，美中不足是其他甜品味道一般，幸有雪糕搭救。最後，生蠔是必食的，你沒可能不知道吧。美國和愛爾蘭生蠔，我喜歡後者。

之前成日都想試下汀籣居自助餐，因為睇過Youtube曾經有人介紹過超正海景，今次終於有空可以一試，在荃灣地鐵站上有架穿梭巴士直達，如果唔想等都可以坐小巴到，所以交通都叫方便，初初見到好多人排隊等車，都諗住上唔到車，好彩原來唔係小巴，而是大旅遊巴，可能今日閒日，開始人唔係多，但之後接近坐滿，員工態度好好，收碟速度都好快，食物方面，雖然種類唔算多，但食物質素好高，尤其是生蠔，有2款口味，愛爾蘭及美國以咁既價錢有2款即開生蠔比你，仲有黑松露焗薯蓉，雖然咁既價錢，但絕對唔馬虎，真係有好多黑松露，最後甜品就有Mövenpick 雪糕，仲要係有10款口味總結：食物種類唔多，但勝在精，其他食物都係中及中上為多，可以再來一試。

自助餐環境不錯，食物有不同選擇，大多數食物的味道都不錯，不過刺身方面，可以再有多d選擇。另外，員工服務亦很好，好留意得到客人既需要。整體來說，都很好。未試過的人可以試一試！

汀蘭居環境優靜，有海景最啱拍拖或周年紀念晚餐。食物雖少但名貴，有佛跳牆、花膠海參鴨掌、新鮮生蠔、即叫即煮雞粥、湯粉，食物新鮮；甜品方面有moven pick 雪糕、窩夫、pancake 、紅豆沙、朱古力噴泉、水果。。。很享受的一個晚上！優點：易book 位環境清靜服務態度好食物乾淨

一進門口就見到愛爾蘭生𧐢和美國生𧐢待應生說可以任食生𧐢，我是一個生𧐢迷，來來回回拿了應該有七八次生𧐢。bay's kitchen and bar這個禮拜開始做中華御宴，红燒鴨掌燴冬菇海参花膠，鴨掌和冬菇超级入味。每位大人一盅佛跳牆，佛跳牆裏里的鮑魚都幾大只，不比外面中餐廳的差。因為朋友生日，所以來到bay's kitchen&bar 吃饭，同事知道我的有朋友，還特意準備蛋糕幫我朋友慶祝生日，最後重有一雪櫃movenpick雪糕任選任食。另外待應生服務態度很好。價錢不算貴，可以吃到這麼多美食，感覺自己攢到啦，下次再來過。

面對優美海景，舒適寧靜的環境，享受一個半自助式聖誕午餐真不錯！食物不錯、款式多！服務員態度殷勤有禮，食物上碟精緻！由於有專人接送過來，所以尚算方便！優閒半自助午餐都尚算不俗！

餐廳環境不算大，但舒適！賣點是生蠔和龍蝦，生蠔是南非和愛爾蘭兩種，質素合格；龍蝦則尚可接受，其他的熱盤及甜品也可以，以這價錢來評論，我覺得已是不錯！餐廳職員服務殷勤，待客有禮，會再光顧的。

好耐之前黎食過一次自助餐，覺得環境幾好，服務唔錯。到最近想食生蠔自助餐既時候，發覺佢地做緊 promotion, 重有埋龍蝦，即刻約埋男朋友仔去。真係有驚喜，啲生蠔好新鮮,好juicy, 龍蝦既膏多到不得了。而上次黎食既時候最欣賞佢既salad bar, 真係好全面，鼓勵大家黎試下，價錢折左$373，真係抵食。

環境優美，第一次食生蠔係唔腥，咖哩雞好滑，翡翠螺好鮮甜，黑松露薯蓉好味，串燒好味但唔夠熱，燒牛肉過生，烤魚好滑，對住海邊感覺一流，仲有個露台可以食煙，厠所稍為舊。

今次男朋友帶咗我嚟食自助晚餐🤤仲要坐海景位 特別開胃🤤又肥咗幾磅了🐷黎緊聖誕節🎄記得帶埋屋企人同埋男/女朋友嚟慶祝👍🏻👍🏻———————————————————1️⃣海鮮方面有龍蝦，生蠔，青口，蝦，翡翠螺～🌟推介: 每一款都唔錯！好新鮮，定時會有職員換一批新嘅海鮮🦐龍蝦唔會好似橡筋咁，亦都幾多膏。生蠔即叫即開，唔使排隊就有得食😋2️⃣熟食方面有肉眼，燒春雞，芝士龍蝦意大利飯，避風塘龍蝦鉗等～🌟推介: 燒春雞- 雞肉好嫩口🤤仲俾咗隻雞脾我黑松露薯蓉- 呢個encore左好多次！因為薯蓉好滑好香，黑松露味。配埋燒比目魚一流🤪避風塘龍蝦鉗夠重口味🤩不過試左龍蝦湯唔係太能夠，中式湯比較好😂3️⃣魚生方面有劍魚腩，三文魚，立魚～🌟款式較少，唔係話好新鮮，但份量好多😙4️⃣甜品有近10款movenpick雪糕，窩夫，朱古力噴泉🤤🌟推介: 雪糕配窩夫冇得頂😍仲有得自己加配料(👦🏻食左5球😂)

是日嘗試汀蘭居的半自助午餐，甫入餐廳已經看見餐廳坐落於海旁邊，琳琅滿目的沙律🥗吧已擺在眼前。當日試了肉眼扒、魚柳和燒春雞，每碟也很大碟，前兩個主菜也有很多薯條🍟伴碟。最好吃的是燒春雞，感覺雞肉很嫩滑，肉眼扒略有點過燶。加上有多達12款美味自助的Movenpick雪糕作尾聲，實在令人食指大動。但最可惜的是雪糕球只提供有限量供應，每人原來只可享用兩球，所以一定要選定最喜歡的味道才不會錯過喇🥳

第二次嚟，地方小小，種類唔算太多，不過真係好食，特別係海鮮類，愛爾蘭生蠔，波士頓龍蝦，翡翠螺，青口，全部都好乾淨，幾新鮮，有鮮味無臭味。熟食都唔錯，比目魚成條分批上，魚油都好香又新鮮，非常難得，熱湯唔錯，樣樣少鹽無鹽鮮味為主，燒烤類都唔錯，燒牛肉幾香唔硬，甜品雪糕種類算多，又造得好，唔會比500蚊嘅5星大酒店差。

原本想吃他們的Buffet，但是太早了還沒開始，所以改成單點。但是單點也沒有讓我失望！這次點了義大利麵 Ink Linguine with prawns。味道很好，蝦子肥大而鮮美，而且很貼心的已經幫忙剝好殼，吃蝦不沾手。搭配奶油醬很順口且不膩！以往對奶油醬沒那麼喜愛的我，有驚豔到。這裡的環境幽美舒適，服務人員專業又親切，是一個很愜意很放鬆的餐廳！吃著義大利麵，邊欣賞海景，可說是視覺與味覺的雙重享受！非常推薦來這裡用餐！

不枉一班好朋友山長水遠過來，餐廳的環境超乎想像的好，汀九橋旁邊，有落地大玻璃窗，窗外是波光水影，還有遠處萬家燈火的夜景，給人就是休閒放鬆的感覺。點了中西式不同菜式，無論是傳統燒雞驚，或新穎的填鴨薄餅，上枱時候全部是熱辣辣，味徍而中西合璧，充分表現香港特色。

老公生日，見食評不錯就去試1試。訂枱表明慶祝生日，想不到去到話不是正日不送生日蛋糕慶祝，反正都無乜所謂。場內服務認真麻麻，環境一般。就食物來說，沒有什么選擇，話明龍蝦宴，龍蝦出得很慢，連隔離客人都說等了很久才有。龍蝦的確彈牙，不錯。燒牛肉一般有點硬。生蠔有兩款，但見服務員清洗求奇，不敢多食，但都鮮味。魚生得3款，一般。熱盤不多，一般。甜品還可以。