반찬앤쿡 Banchan and Cook (東薈城名店倉)

营业中

休息中

之前見朋友仔食完話好正，終於忍唔住係呢個疫情嚴重嘅時候都出嚟食飯由於得兩個人，所以食唔到咁多野，唯有叫住三款招牌菜試吓先。牛肉蛋包飯丶韓式厚蛋三文治丶炸雞年糕薯條🍟丶兩杯朱古力飲品（1杯凍丶1杯熱）。我最鍾意就係杯熱朱古力～真係好好味

首先，先讚店員們有禮和耐心介紹食物⭐⭐⭐⭐甜辣炸雞配炸年糕薯條 : 端出來熱腾騰，雞是外脆內嫩，年糕外脆內糯，甜辣適中， 非常惹味。⭐⭐⭐⭐⭐韓式牛肋骨飯 : 端出來不夠熱，飯和牛肋骨都只是和暖，味道偏甜 ， 肉質不夠淋滑。⭐⭐

諗住試新餐廳，見到d相睇落都Ok，叫左個豬肉蛋包飯，凍朱古力同韓式煎餅。講個蛋包飯先，成陣臭腳味，真係唔識形容，好臭好難食，仲好咸，唔知佢加左咩去整，同埋d豬肉似係烚既，唔香，唔覺有煎過凍朱古力中規中矩啦個韓式煎餅，勁油，同煎得唔香口，好似食緊麵粉咁，但又貴又細份同埋唔好意思，本身見佢韓文名 以為好勁，又似係新野。見咁難食先search佢咩集團，原來係富臨集團！原來呢間係富臨集團！

餐廳格調文青， 坐得舒服，食物外觀，質素，味道也讓食客有驚喜，價錢合理，CP值超高，值得一試餐廳開張不久，乾淨衛生，有舒服高雅嘅感覺。招牌牛肉汁蛋包飯~某些餐廳的蛋包飯，你會覺得稍為有些廚藝都可以自家做到 ，但這家餐廳的蛋包飯，切開後，流心蛋漿湧出來，真是很考廚師功力，而再配秘製醬汁加牛肉片，口感味道一流卡邦尼意粉配三文魚~有酒店級數,意粉軟硬適中,醬汁很creamy，食材絕不 偷工減料開胃酸味健康前菜~咖啡賣相， 咖啡味濃淡適中 ,非常精緻， 很滑，很純 ，唯一缺點是不夠熱。法式焦糖燉蛋咖啡綠茶鮮奶咖啡

今次係我三個月內第三次去呢度食lunch, 第一次個時係聽朋友講好味, 就即管試下, 點知真係無令我失望!食物質素非常高, 而且份量好大, 每一次都食唔晒, 最重要係員工服務態度好好, 店長(好似係姓陳既)既服務非常好, 令你覺得好親切, 簡直有賓至如歸既感覺, 雖然我只係第三次去, 但係店長已經認得我, 仲要記得我鐘意既飲品, 非常有記性. 除左店長, 其他同事都好有禮貌, 實在非常難得.今次我食呢個大蝦意粉, 隻蝦好香口又彈牙, 我點左個蜜桃冰沙好足料, 又甜, 入面仲有幾塊蜜桃, 好大杯, 真係好抵飲!我地仲有食炸雞薯條, 同埋甜品, 因為太好味, 食完先發覺無影相!總結我3次既用餐經驗, 試過幾款午餐同甜品後, 發覺真係每樣都好好味.呢間真係真心推介!!!

一向都冇同男人慶祝懲人節嘅習慣，不過今年大家都work from home，可以好準時扮完工，所以就去食個便飯賀下佢啦😂😂係OpenRice 訂座有分送，梗係唔好錯過啦！又話說男人因為唔食紫菜（勁奇怪囉🙄）所以通常唔會食韓國嘢，但我同佢講，呢間係冇紫菜嘅韓國嘢，佢即刻話咁又一試無妨😆8點去到，唔滿坐，不過去到8點半就full晒了～每位食客入座前都要量體溫同洗手，侍應們都帶晒口罩，呢個非常時間都係食得安心穩陣～我地兩條友慳家，冇叫懲人節大餐，叫左佢地出名嘅安格斯牛扒蛋包飯、青醬大蝦意粉同埋士多啤梨忌廉卷，水準不錯，男人好滿意😋安格斯牛扒蛋包飯，上枱時侍應會𠝹開隻蛋，蛋汁就會覆蓋成碟飯，amazing ~ 侍應妹妹仲提我要唔要影相先😂，so sweet～個汁好好味，唔係一般嘅茄汁炒飯，而係牛肉汁炒飯，少少韓式甜味，幾特別。安格斯牛扒做到medium rare，有肉味。青醬大蝦意粉，青醬有香嘅香草味，隻大蝦肉質幾爽～最後有我最愛甜品，啲cream 稍微太濃，不過係滑嘅

這間banchan and cook門面有點隱秘，花了點時間才找到!店內裝潢走韓式小清新路線， 新年期間推出了新年套餐應節， 可以一次過品嚐蛋包飯、韓式厚蛋三文治等招牌菜！而且每樣賣相都很吸睛。蛋包飯賣相非常棒 ，蛋漿好厚好鬆軟的樣子， 上菜後店員在我們面前把蛋切開， 有幾層厚的半熟蛋漿除除流下來， 煞是吸引，蛋味不算很濃但口感鬆軟。 主菜牛肉肉質較硬， 主要靠醬汁提味。青醬大蝦意粉用上大量青醬，店員即席磨芝士粉磨到你叫停！ 另一道菜選了水牛芝士甜辣炸雞， 我還以為是芝士炸雞，原來是蕃茄水牛芝士伴炸雞， 這個配搭不錯，幾清新， 但是炸雞比較乾硬，這裡還是蛋料理較強喔。套餐用上當造的士多啤梨入饌，提供士多啤梨限定盛盒。相對於主菜，我更喜歡另點的士多啤梨飲品，凍士多啤梨奶及熱士多啤梨茶，莓味香濃。PS. 食完先知這裡和炑八一樣，也是富臨集團旗下的呢，難怪我覺得個士多啤梨甜品有點似曾相識。

好似好耐無嚟東薈城，感覺耳目一新。 樓上多左好多店舖同餐廳，行得舒服，食嘢又多選擇。要預祝新年，當然要食返啲應節野，但新年拜年多數都會食中餐，唔想咁寡，就試吓新派韓式餐廳Banchan & Cook嘅農曆新年 Red Dinner Set，「鴻」運當頭，好好意頭！「鰻」事勝意嘅【鰻魚蛋包飯】 招牌瀑布蛋包飯，切開蛋皮，蛋漿就會湧出嚟，好吸睛。 原條鰻魚亦夠大條厚肉。「青」春常駐嘅【青醬大蝦意粉】 青醬係我好鍾意嘅醬汁，羅勒味道清新，滿滿香氣，仲加上即刨芝士。 伴有原隻大蝦肉同沙律菜，食落感覺輕盈。出入平「安」嘅【安格斯牛扒配薯菜】 叫左七成但嚟到有點生，脂肪亦偏多，好在牛味幾濃又加上香草調味。 炒菇菌我都好鍾意食。大吉大「梨」嘅【士多啤梨限定盛合】 有兩款甜品：布甸同手工忌廉蛋卷配士多啤梨，有甜品先夠完美嘛！Strawberry Cream Milk 香甜美味，士多啤梨I like it！最後祝大家新年快樂，身體健康，日日有食神。🤤🤤

Banchan & Cook 新年限定．Red Dinner大家收爐未呀？Mandy預祝大家新年快樂！鼠年行大運🧧Banchan & Cook係今個新年推出左Red Dinner Set以香甜的草莓🍓為主題。套餐可以自選一款蛋包飯、Staple Food及主菜，仲包埋草莓甜品🍮🍓🌟鰻魚蛋包飯 👉🏻蛋包滑蛋有流心效果，非常正！鰻魚又大又厚，啖啖肉，好彈牙😋😋🌟安格斯牛肉漢堡配炸薯條👉🏻牛肉漢堡好大份，牛扒漢堡非常juicy。薯條出色，外脆內軟，面頭加上一點herbs, 非常香口😋🌟水牛芝士甜辣炸雞👉🏻炸雞不會太辣，甜甜地，皮脆肉又嫩～加埋水牛芝士，中和返雞肉的炸物的油膩👍🏻好食😋🌟草莓特飲👉🏻有熱/凍選擇。熱是草莓茶，凍是草莓奶，兩款各有風味🥰熱茶較酸，中和油膩～凍飲較香甜。兩者各有特色😋二人份套餐：$528 (需另加一)總括：環境挺大，座位寬敞～食物大份，質素中上，好岩同朋友聚餐既地方🥰而且呢個新年Set, 食物真係好多選擇👍🏻尾圖有菜單😊大家快d趁新年去試試啦🥰📍반찬앤쿡 (銅鑼灣)銅鑼灣勿地臣街1號時代廣場9樓922-923號舖📍

最近去左東涌買完嘢之後，忍唔住去左間好有文青風嘅韓國餐廳食飯 반찬앤쿡 BANCHAN & COOK🇰🇷叫左個農曆新年套餐🧧🐭青醬大蝦意粉🦐🍝上枱嘅時候店員會按照客人需求刨芝士曬喺意粉上🧀大蝦肉質比較結實🍤 意粉充滿青醬嘅羅勒味同大量嘅芝士，意粉軟硬適中，旁邊仲有沙律🥗整體而言係好清新☘️ 和牛漢堡扒蛋包飯🐂店員一𠝹開塊蛋🥚半熟狀態嘅蛋嫩滑🍳所以蛋漿即刻爆發晒🌋而且每塊和牛漢堡都係大廚新鮮親手剁成🔪口感比較好，而且燒汁同和牛漢堡好夾，飯底係甜醬油炒飯😋芝士炸豬扒鍋🐖迷你鐵爐上佈滿芝士🧀粟米🌽泡菜同一大塊切開左嘅炸豬扒🐷等芝士燒到半溶狀態嘅時候，就可以將拉絲芝士卷住炸豬扒同粟米一齊食，超級過癮🤤士多啤梨限定盛合🙈士多啤梨手工忌廉蛋捲🍓非常鬆軟，空氣感十足👍🏻忌廉唔會過甜，奶味濃郁，連埋士多啤梨食，甜中帶微酸🥰士多啤梨牛奶奶凍🍓🍮奶味超濃🍼質感滑溜溜，仲好有動感😍士多啤梨果茶🍓🌸清香嘅果茶連埋香甜嘅士多啤梨一齊飲，每一口都好清新同好 warm❤士多啤梨奶油牛奶🍓🥛賣相夢幻，奶味濃郁，攪拌後士多啤梨甜味溶入牛奶中

在機場/東涌上班的員工午餐又多個好選擇了! 今次是第2次光顧, 整體用餐體驗同第1次一樣咁我們一行5人, 點了不同款式的蛋包飯及青醬大蝦意粉, 餐廳職員上菜時會即場為你介開蛋包飯, 見到軟滑的蛋汁流出;另外職員更會即場為意粉磨上芝士粉, 服務貼心我們更試了幾款士多啤梨甜品, 款款都好好味加上 的一流服務態度, 令我們食得開心又滿足這裡不論裝潢, 食物賣相、味道及服務都值得一讚! 真心推介!

東薈城開咗二期多咗好多食店，守得雲開😄 話說餐廳開的第二日就和朋友來，大家都是韓粉，看看這間韓名字餐廳是什麼來頭嘛。😜頭一個月去了4次，然後就成為了常客，無論肚餓或只想要一杯咖啡☕️🍵🥤，這裡幾乎是首選，原因...環境裝修舒適，店員親切，尤其是通常會第一眼就望到佢的妹妹，第一次第一眼由佢帶我入座開始到今日，佢都係笑笑口的，令人好舒服，店內還有個瘦瘦馬尾妹妹，好醒目，Jack好細心接受我們曾給過的小小意見，餐廳成為我和老公跟友人放鬆食嘢的一個熟識的舒適區。味道，其實是很個人的，即使我講到好好食亦有不合胃口的人。所以我發現了，用心情和眼睛先食，舌頭自然不再食出尖酸味，我不是食家，用不着點評每個食物細節了，個人口味最愛青醬大蝦意粉，幾乎都是食佢，咖啡是大愛，玫瑰Latte ，Crème brûlée Latte是首選，行完山熱辣辣愛來杯凍玫瑰Latte。今天星期三發現一個超驚喜，放工回來剛好還是下午茶時段，老公吃蛋包飯，我本來只點了咖啡，但居然今天飲品送韓式炸雞😱不。是。嘛。😬⋯⋯其實一直想試，現在送我一客😲而且不求其的，食炸雞不追求口感滑，但驚喜是內裡仍然有肉汁不乾身，薯條是軟軟的，不是食乾

東薈城3樓，雖然成個商場都好多唔同既食肆，但都係俾佢既蛋包飯吸引左。一行到門口，已經有位男待應做介紹，服務態度好好。入到去環境唔錯，坐低之後，就已經送上一碟酸蘿蔔。食物選擇唔係好多，主打蛋包飯。兩個人叫咗一客蛋包飯，一客意粉，跟餐加多$65就有多個炸雞薯條小食同埋一杯特飲。叫咗個推介牛肉汁蛋包飯，雞胸意大利粉，炸雞小食加多兩杯飲品，一杯係水蜜桃梳打另一杯係熱嘅榛子咖啡。先講食物質素，係試過最好食嘅蛋包飯，個男侍應上左蛋包飯之後，會俾我哋影完相我先再用刀幫我地𠝹開個蛋包飯。𠝹開個蛋包飯之後，快蛋隨即就包住左下面嘅飯，蛋滑鮮甜，碟邊無醬汁漬，賣相真係唔錯。意粉上菜時會由待應將芝士粉刨到意粉上，直到客人叫停，同樣賣相都幾吸引，可能主打蛋包飯關係，麵質一般，味道都還好。炸雞同薯條就普通炸野，有茄汁同芥末醬點。飲品熱既榛子咖啡出色，幾粒咖啡豆係面，加埋拉花，色香味俱全。食物質素不俗，蛋包飯及飲品出色，值得一試。不過全店其實服裝不太講究，除左剛才講既男店員注重禮貌同服務質素之外，女店員既頭髮一般都不算很整理，程度未能接受。只有男店員較整潔，收碟，上菜服務較為優勝。燈光裝飾鋪設唔錯，幾有情調既韓式餐

The Citygate outlet has extended and more shops and restaurants are opened. We were arranged to sit at the outside of the restaurant, it’s pretty spacious, mostly two-seaters. The side dish was sour kimchi and it increased my appetite! So I ordered three dishes! Omurice with kimchi and pork— it’s so YUMMY! The egg was creamy, buttery and few drops of chilli sauce were added on top of the egg. The rice beneath was fried rice and it’s so flavourful. The kimchi and pork were really delicious. The k

芝士炸雞啲雞唔脆，而且芝士醬沒有芝士味。烤牛肉蛋包飯，賣相不錯，但選用有筋的肥牛和沒有蛋味的蛋，只有啲汁味道是合格。玫瑰花茶，味道竟然沒半有半點花茶味，失望至極。