Bakehouse

营业中

休息中

已經知道呢間店好一段時間亦知佢好人氣如果WEEKEND黎的話可能要排好長龍今日就試下平日黎雖然前面都有大約10人不過都好快呀點左~RASBERRY FRANGIPANE TART雖然RASBERRY酸酸的不過連埋個TART一齊咬又幾夾WOR個TART質感唔會好干好硬算軟熟呀~MATCHA CREAM DOUGHNUT抹茶個CREAM係唔太甜的好啱我呀抹茶味唔算好濃但叫可以呀連埋個甜的外皮一齊食就平行番呀冬甩都幾鬆軟~SOURDOUGH EGG TART呢個好似係SIGNATURE咬落個質感似係葡撻個皮鬆脆唔似一般旦撻可以一試呀

⭐️Bakehouse⭐️身邊太多人同我呢一間店嘅酥皮做得好出色今日我終於有機會試到啦🎈由於我冇特別去search過有邊一款係必食item，咁係我排隊嘅時候我就發覺每一個人都會點：Sourdough Egg Tart 有一個人甚至想大量買入幾十個，但係店員同佢講每人最多只可以買12個…咁我就知道我一定要是呢一樣野啦可能由於係星期日比較晏嘅時間都唔係太長嘅人龍，只不過係排咗大概5至10分鐘而已（因為對我來講，好食同排隊，我寧願遲啲先來試😛）由於第一次試，就買四個試吓先諗住可以分三個方法去食：1。由於係Takeaway⋯⋯但又為食喎所以就急不及待秒速試咗一個😳 サクッサク個酥皮真係好鬆脆，個蛋又好滑，又唔係太甜，細細個，唔會太漏… 果然名不虛傳！2。夜晚返屋企用氣炸鍋180度2分鐘返熱🤩個酥皮仲脆，個蛋好似creme brûlée 咁滑，好好食呀🔊🔊🔊3。放入雪櫃下格，第二朝用氣炸鍋180度兩分半鐘返熱😍個酥皮同個蛋冇因為隔夜而變咗依然係咁正呀！雖然少少一個tart，賣$12一個不過性價比真係超高啊！超級推介🏆

建議： 下午3點出爐，想買既提早排定隊話說去過幾次都唔岩時間，今次終於都買到😎 咁岩 14:40分左右係附近，即刻過埋去排隊。大概等左20分鐘，終於排到。同上次一樣，有好多唔同既面包，成個舖頭充滿左牛油香😋今次試左：▫️Sourdough Egg Tart (HK$12)期待左好耐，終於都食到。可能真係唔係即出爐即食？買到手已經係室溫，食落無想像中「叮」一聲既感覺。不過，整體味道係唔錯，酥皮制既撻皮食落好夠脆，蛋漿雖然濃，但係覺得有啲偏甜。如果講到「叮」一聲既葡撻，會講係澳門路環既安德魯餅店 (原店)。真係一試難忘，就算係其他分店食到既其實都唔錯，但都係原店既最正👍😌▪️Pretzel (HK$18)自從 Auntie Anne's 結業之後，好少係香港面包店會有 Pretzel 🥨 ，所以咁岩見到就即刻買番個😋 一路食既時候，就順手#長知識 。Pretzel食得多，但原來製作過程一啲都唔簡單，重點係要過鹼水。平時食🥨 最鍾意由割包位 (爆開既白色位置) 食起。不過可能每間既做法唔同，所以唔係間間既出品都有依個割包位。第一啖食落好煙韌，慢慢咬到入面軟軟白面包層。整體黎講味道同口感都唔錯，反

《製》《號》酸種蛋撻《貝》$12《品》【酥皮】♦️極酥脆，極分明——呈層疊之態，若層層紫菜。♦️牛油味出色，而上手微黏，似是塗有焦糖——♦️鹹甜滋味，各自香濃，且佳偶天成。————————————————————————【蛋漿】🔸焦糖表層燒得靚麗反光，是為焦糖香最濃之處；🔸蛋味香濃，焦糖甜度與之成正比，可幸非死甜。🔸口感嫩滑如燉蛋，香甜味美——🔸甜於尋常蛋撻，多吃會膩；但小於尋常蛋撻，故一個恰好。🔸確實值得一試，但絕非老饕心目中「最美味蛋撻」——🔸但遑論，代替經典港式蛋撻。————————————————————————🗺️灣仔大王東街14號地舖

《近期灣仔名物💙葡撻🥧 》 包痴難得過黎灣仔梗係要拜一拜訪下烘焙天堂， 每一樣都好吸引，下次想試下炸冬甩。 🥧酸種葡撻$12本身中意食葡撻多過蛋撻。所以睇樣都知岩我心水。(其實任何酥皮類都岩)入面既蛋漿蛋味同焦糖味都好香濃，似食焦糖燉蛋，甜度如果唔係食好多舊都接受到既，撻皮咬落酥脆帶啲煙韌感，比想像中薄身。 🍔Egg sandwish $78-以為係酸種toast，點知係burger黎。不過佢既麵包既獨有香氣同平時食既burger係有唔同的。滑蛋同牛油果都冇咩調味，比較清淡，中間有d類似轉蜂蜜芥末醬，不過唔多，岩當早餐食多d。  

同朋友咁啱經過灣仔 走去試吓想試好耐嘅Bakehouse 去到一定要影佢個透明櫃打卡 勁多款式嘅items display左係度 咁我同朋友就叫左個牛角包$20 🥐 同埋4件佢好出名嘅蛋撻$12。蛋撻個皮係似牛角包 蛋味甜度都啱啱好 整體味道未去到好驚艷 不過依個價錢都係抵食。 反而牛角包🥐味道就average 唔知係咪食左個蛋撻先 我寧願食多個蛋撻都唔會叫個牛角包🥐 不過見到啲人好似係叫黎配熱朱咁食 感覺應該都可以一試。整體經過 係可以一試 7.6/10 🍞

平時黎呢度主要買蛋撻今日嚟呢度係食早餐淨係睇個賣相都夠吸引啦隻蛋真係好正流晒蛋黃連埋啲煙肉牛油果夾住個包食係滿足嘅感覺啊蘑菇嘅感覺較為健康有好多菜同埋好多菜咖啡方面 少飲唔識品嚐淨係覺得拉花好靚

之前太晏去，無左堂食，外賣面包選擇都不多，今次難得路過灣仔，當然要坐低食！雖然堂食都可以試放外面既面包或酥餅，但既然可外賣走，當然要食堂食既早餐，一定不會令你失望！🥣Waffle 外脆內軟，脆得黎吾會硬，藍莓大而甜，最令人驚喜是上面的nuts，焦糖香脆，超水準！Egg Benedict 要成個放入口，材料新鮮，面包夠香，但用刀較難分開，用口就好了。番茄湯茄蓉足料，加了一些香料，個人認為這香料與肉會較合襯呢。Dirty，重nutty味，不過一上枱，都係凍熱吾太分明，但味道夠濃香。堂食位置較少，所以與隔離枱的距離不遠。裝修設計以磚牆為主，帶有工業風。外賣了著名的蛋撻，有點似葡撻，先叮一叮，好鬼正呀😍

特別推薦大家✅Cubano ✅Crispy Portobello Mushroom ✅Sourdough Egg Tart《Cubano》Cuban Bread非常出色🍞，又脆又熱辣辣🔥，齋食包都好食😎Cubano好足料，口感好豐富，pork味道好又嫩🐽，ham冇根，半溶cheese🧀勁正，pickles唔會過酸，所有嘢一齊食好好食😋覺得唔夠味可以額外加mustard，不過我覺得唔洗加都好夠味😋建議share食，因為係會好飽🤰🏻💰$118《Crispy Portobello Mushroom》麵包糠包住mushroom🍞🍄，好match，又完全唔會覺得油，mushroom都幾juicy☺️，個醬都唔錯，辣辣哋💰$58《Sourdough Egg Tart》之前我哋介紹過😌，egg tart都係一如既往咁好食，堂食冇得輸🥧😭💰$12*依家有新排隊方法🤩，留電話，有條link可以睇到大約等幾耐➕等幾多張枱，有位會再sd msg比你📱🚶🏻🚶🏻‍♀️🚶🏻🚶🏻‍♀️**食咁耐嘢，外賣嗰條隊都係冇停過😂

作為一個為食嘅肥仔😌 對於甜品都係愛不釋手的😂 Bakehouse係由前四季餅廚創辦👍信心一定有保證啦😍 每次行過都想試下佢個葡撻😀但每次見到條隊都掉頭走😂有次終於排到入去 但原來D葡撻已經比人預約左🥲為左一嚐心願 今次真係一早去排隊😎Sourdough Egg Tart ($12)真係好香 佢比一般葡撻較高身外層酥皮好酥脆 好有蛋香味再加上有焦糖感覺😍😍係蛋撻同焦糖燉蛋嘅混合體必須熱食 可以發揮到佢最好味程度👍望見佢店內玻璃櫃放滿哂麵包同甜點🍮真係睇見都開心🤤 想買哂返去😌

Bakehouse嘅威名我耳聞已久，求其係ig search都見到一大堆人推介。無奈佢六點就收舖，我實在趕唔切去試。終於比我等到呢一日係六點之前趕到去灣仔，一去到，不得了，條龍排到去出邊條街到，重見到有啲係普通話人，睇黎Bakehouse真係出名到遊客都會專登過黎食。見到舖頭係有堂食座位嘅，仲要係靚裝修，有些少異國風情feel，打卡起上黎一定有唔少like。我當下都有啲心郁郁想堂食，不過諗諗下都係買外賣去同朋友一齊開心share過癮啲，而眼見多數人都係外賣嘅。買到返去全部人都讚不絕口。佢係酥皮底嘅，但食起上黎又唔似港式蛋撻又唔似葡撻，蛋更有多一重嘅咬口，面頭嘅焦糖香都重啲，重有多個洋蔥scone朋友都話好食。

🥖🥨🥐🍰🍘🥪🥙🥯🍞🍞🥯🥖🥖我終於肯排隊買bakehouse🤤🤤🤤次次見到條隊咁長都唔想排面包蛋撻界嘅名牌店🤣🤣今次買左3個egg tart 同一個scone下次再試其他野1️⃣ 「皇牌蛋撻」$12 ⭐️⭐️⭐️⭐️⭐️個個都會買蛋撻所以啱啱出爐 仲係熱架佢嘅酥皮有別一般嘅酥皮脆口啲 香濃蛋漿 加小小焦糖味 勁似雞蛋布甸🤤2️⃣ 芝士洋蔥鬆餅 $20洋蔥鬆餅原來食落有啲怪下次都係食返原味Bakehouse (灣仔)灣仔大王東街14號地舖#灣仔美食 #蛋撻關注組 #麵包店 #bakehousehk #bakehouse #sconehk #scones #eggtart #sourdougheggtart #wanchai #foodie #鬆餅

Bakehouse 開咗一段時間都未去食，原因係好少去港島 依家多咗機會去，當然要趁機試試係咪真係傳說中香港最好食嘅egg tart!基本上每個人都會買佢地嘅蛋撻，我當然都打算試下！佢地嘅蛋撻每小時都會新鮮出爐，好彩排到我嗰陣仲有少量，後面嘅顧客好擔心買唔到呀蛋撻食落好似燉蛋，酥皮夠脆夠香，熱辣辣食真係好唔錯，雖然未到好驚艷，但佢用sourdough 整，價錢都合理，我好滿意，以後時不時會買黎食架喇難得黎到當然買多少少一次過試，呢個Crumble Apple Danish 頭幾啖嚇死我！硬到七彩呀！可能係啱啱食完蛋撻個口感相差太遠 食落又硬又韌，好彩食多幾啖就食到好香甜嘅蘋果吉士蓉同埋有好香嘅肉桂味，其實都好食，而且好大個，都會再encore外賣咗蛋撻同牛角包俾媽媽，佢話都好好食，而且唔貴，要我以後keep住買返屋企食

灣仔人氣長龍店Bake House，最出名的牛角包，其實慕名而來嘅人非常多，今日包括埋我一試係有料到真材實料呢。牛角包 - 酸種酥皮底，食落真心有驚喜，唔單止食到牛油嘅香，第一次食牛角包炣以鬆化得嚟有咬口又有Q彈嘅感覺，同一般嘅牛角包淨係感覺食空氣感好唔同，但重點係一定要熱辣辣先夠好食呢。葡撻 - 雖然佢嘅葡撻都係好食，但可能我有食過金源嘅蛋撻有啲比較，Bake House係用酸種皮底有韌性得嚟叫做鬆化，蛋亦夠蛋香，但我個人認為略為太甜，個平衡可以做得更加好。

_近期大熱蛋撻🎉酥皮好鬆厚蛋漿好滑👍🏻有少少甜嘅焦糖味其實係似葡撻😆$12@1個唔算平但高質嘅整體4/5士多啤梨酥皮🍓整體3.5/5個人覺得性價比唔算高不過好多人灣仔起碼排一個鐘建議去中環分店買都要排20至30分鐘🙈整體值得一試但就未必會再排🤪_