BAKE Cheese Tart (已搬遷) 新店位置

行過好多次，每次見到條長長的人龍就驚，然後走。今次下定決心一定要試，雖然人龍已經排到轉左一圈😱😱😱😱等丫等，足足等左個半鐘先買到😅😅😅，之前剛開的時候每人限買半打，宜家可能貨源充足啦，每人可以買一打。等禁耐無理由買一個就算，要買當然買夠一打同朋友分享❤️一買到即刻拿個出黎試，撻底的曲奇做得好好，有濃濃的牛油味，而且夠硬身，唔會一咬就散。芝士味香濃，唔會太流。剛出爐會係流心狀態，但放耐左就會變返硬身啲，唔流心。總括味道不錯，但未去到要排個幾兩個鐘囉，重要價錢唔係平

放假無嘢做，單拖一早10:05去到已經排長龍，結果等咗70分鐘。返到屋企翻焗食，味道真係一流，芝士有流心，但如果要我再等1粒鐘再買就免問啦。等熱潮過去先會再食。

顧客服務態度差 平時都只係睇openrice，但今日忍唔住即刻要寫食評。主要唔係講個撻，之前喺東京都食過2次，味道如何，參考眾多食評已可了解，水準保持得不錯。但撇開味道，一間食店要顧客再回頭，而服務態度至為重要，是令顧客決定會否回頭的主要因素。就如一間普通做街坊生意的茶餐廳為例，餐廳有著一堆老顧客大都不是因為食物很美味 ，而是顧客在享受食物和服務的過程，還有那份人情味。否則openrice都不會有幾個評分，而不只是要求用家評食店食物的分數。說回來，晚上九點半我開始排隊，排到十點左右就到我地，中途有職員問我地要幾多個撻，我地就話「仲問緊人，可唔可以陣間話你知？」果個男職員話「咁我轉頭過番黎」但到我地付款果陣，佢話有印象頭先有人要問下人但佢唔記得左過番去問。佢都有認錯。問題來了，佢地話要我企喺度等。我：……職員：「因為你岩岩(最後一個)講要幾多個撻，所以要再焗」(因為截左龍，職員過去條龍度逐個問要幾多件，等佢地可以焗岩個數)但原來first come first serve已經冇左一回事，我要默默企喺度睇住啲排我後面嘅人買撻，而個原因就係職員嘅錯所以要顧客等。原則問題？公司規定？見住

真係要好得閒先好去！如果唔係阿媽話要食，我真係唔會屈服於2小時嘅大長龍上平日嘅sogo少左自由行其實唔多人，落到super market嘅芝士味，跟本自然會搵到bake cheese tart....去到見到店前得幾個人，開心到顛啦！以為平日無人買...點知行到玻璃前面，有位先生行埋黎話：小姐，請去對面排隊.....沿住條龍行呀行....龍尾喺賣Parma ham果邊再打哂蛇餅！！！我果刻個係想走，但身體卻不成實走去排隊！排左2個鐘呀！限買12個！多謝哂！即時攞左個黎食，芝士味係香嘅，同文華酒店個芝士蛋糕一樣味，只係佢焗到唔熟流心咁，就係咁多！個撻底係硬嘅曲奇餅底...就係咁多！兩個鐘就係呢個結局，有d嬲自己！去之前諗一諗.....

hit到飛起的BAKE日日都排長龍，次次行過唔係賣哂，就係見到一大班人圍住，所以今次終於的起心肝，決定一大朝早去等！呢間鋪頭源於北海道札幌市一間洋菓子老店KINOTOYA，係日本已經大受歡迎，再經杜小姐介紹一番，識食的香港人又點錯過！軟心芝士餡料由三種芝士配搭而成，當中包括北海道函館產輕味芝士、別海產濃味芝士及法國產鹽味忌廉芝士，一出爐香到隔幾條街都聞到。撻皮方面就牛油曲奇餅底。每人最多買6件。都好，唔怕自己失控食多左，話哂一件卡路里都幾驚人架嘛。芝士內餡既軟綿又濃郁，似慕絲又似泡沫，半流心狀態無得輸。餅底鬆脆香口，牛油味都幾濃，正！

由於女友一直都好想試食呢間既芝士撻。今日見時間尚早，就諗住買兩個試下。 每人限買12個，但係我得兩個人，買左6個就算。 盒有特別設計防止打翻，下層更可以拉出黎，方便一班人一齊拎黎食。表面焗到微焦，一開盒有小小芝士味飄出黎。食既時候仲有微溫，外層用曲奇皮，鬆鬆脆脆一咬落去仲係流心，除左好香既芝士味外，仲有一股好濃既奶味。今次排隊排左2個鐘，3點排，排到5點，好老實講句，我對啲sogo係排隊方面簡單無得彈，有人話你聽排邊到，又有人拎住個牌比你知個龍尾係邊。但係我對班店員都超不滿，傾計多過做，企我前面果個客，要12個，入果兩盒嘢，已經帶手套直接用手拎，都要搞成5分鐘，計埋比錢，入埋袋，一個客就用左8，9分鐘咁滯，排得咁耐，有無人會淨係買一兩個就算，咁入定6個一盒入定3，4盒，會唔會快啲呢！基本上唔需要排咁耐!

我好鍾意食嘢，不過份人好懶，成日都唔願郁；近排見到好多人排隊去食嘅BAKE，講咗好耐都因為太懶唔想排隊，今日放工突然有人送上門，真係好開心呀～ 等左咁耐終於可以食到，仲連隊都唔使排，滿心期待！呢間舖頭應該唔使多介紹啦，係人都知佢賣嘅係日本北海道札幌最出名嘅芝士撻。佢嘅芝士唔會太濃，就算平時唔鍾意食芝士嘅朋友都應該會喜歡。今次我食嘅時候已經係買咗返嚟差唔多一個鐘之後嚕，如果即買即食應該仲正！最鍾意見到佢個撻邊焗得好香脆，中間嘅芝士脹脹的多到滿瀉！好喇，唔講咁多，等我試下先～由於外賣返屋企嘅關係，啲芝士撻已經涼咗，本來諗住用焗爐bake一bake佢，點知原來個焗爐壞咗，於是我就用微波爐叮一叮啦。第一次我用咗45秒，諗住熱啲好味啲，點知...一開個爐真係唔知好嬲定好笑，佢裡面啲芝士由於太飽滿太軟熟嘅關係，爆哂出嚟，彈哂落隻碟度... 咬開一半仲好笑，得返個彎彎嘅撻皮同一層薄薄嘅芝士衣喺面頭；不過講真，雖然呢個賣相唔係幾好，但以味道嚟講，都真係算唔錯啊！跟住到第二個，今次唔敢叮咁耐喇，20秒，剛剛好，撻邊嘅芝士啱啱喺要爆未爆嘅狀態；咬一啖，含苞待放嘅溶芝士傾瀉出嚟，連鬆脆嘅撻皮都抵受唔住衝擊，

最近的排隊熱潮莫過於這個cheese tart. 這個杜如風在日本也介紹過既cheese tart到底有幾好味, 我一直都想解答這個問題. 可惜我不喜歡排隊, 所以遲遲未試. 直到早前友人去開買, 我就順片叫佢幫我買多幾個. 聽說之前都是每人限買6個, 每日只售3000個. 現在每人可買12個, 每日限售6000個~  $20一個~ 我朋友排了2個鐘, 不過佢話其實唔洗排咁耐, 只係工作人員手腳勁慢? 是marketing察略?朋友送到比我時, 已經凍左, 可能第一啖食落去既時候, 係帶住極期待既心情, 咦, 都唔係好味到要排2個鐘jei~ 可能凍左D既關係啦~ 味道係的確唔錯既, 濃濃既芝士味, 中間既芝士仲好似cream咁係流質既~ 非常邪惡~ 朋友比左6個我~ 我同其他友人食左4個, 另外2個拎左返屋企, 第2日再焗返佢, 果然熱辣辣係好味D既~ 

由於衝著佢而來，兩小時都排啦，賣相像葡撻，皮是曲奇皮，中間烘到金黃色的主角「芝士」，咬開後裏面是白色的，厚厚的芝士香，味道不太濃，由於我很喜歡吃芝士制品，這個一定要試啦，又是我最愛的日本國來，不過廿蚊一個，感覺不便宜，又要排咁耐，下次應該都係無咩人排我先會買。

每日限3000個，星期一至五限十二個，星期六日六個。今今次平日去等一個鐘買左十二個，多謝屋企人買返黎比我食先🌼🌼放左雪櫃返黎食，但好好味，佢的半熟沒有流出黎，但外面少少燶而入面超軟熟感覺絕對食到，底厚身但吾硬，如果室溫食我諗更加半熟感覺絕對流出。期待有再食😃😃😃

還記得電視早前播放杜如風的東京旅遊節目，當中最有深刻印象的，絕對是當地大熱品牌BAKE的半熟芝士撻。BAKE「巴閉」的地方，是成功保持在日本年賣10,000,000個芝士撻！原本打算今年假期特地朝聖，怎料芝士撻已經悄悄地即登陸香港。趁著晚上往銅鑼灣吃飯，順道往SOGO滿足一下私慾吧！即使是平日晚上，赫然發現排隊的人龍非常長，在SOGO地庫裡可謂佔了一大片的面積。粗略估計，於我之前的客人有二百多個，很是誇張。除了是貪新鮮和受潮流的感染外，眼見排隊的客人中不乏中年的在職人士，相信芝士撻定必有其他令人入魔之處。排隊一個多小時後，終於到我選購了。原來店子有一政策，客人於星期一到五每次最多可買十二個，而週末則只可買最多六個，日售三千個，售完即止。第一次購買，見一盒六個有少許優惠（$20一個，六個$110），試試吧！芝士撻精美非常，撻面上是焗焦了的芝士，隱約見得到綿綿流心、白雪雪的流心芝士內餡。芝士撻散發出陣陣濃郁芝士味的，真是從未如此吸引，簡直令人垂涎三尺。購買後，我已急不及待打開包裝盒偷吃一個。微暖的芝士撻，內裡的芝士流心程度一百分，且柔軟滑溜。芝士餡的味道濃而不膩，富有奶香，亦帶有一點點的鹹

好多人排!!! 夜D 去都要等個幾鐘!!我食果陣已經差不多凍哂, 個皮太硬! 個餡就正, 好香, 半流心狀, 好多餡, 唔怕甜, 唔怕漏! 不過叮番熱應該更好LAW, D 人話佢用3種CHEESE 整成, 我食唔出啊, 如果個皮燒濃D 應該更正!但個皮就失望LAW, 太硬, 如果係普通牛油EGG TART皮果隻質感就好了

尋日去左Sogo 超市樓層排隊買Bake一去到，已經排到sushi 果邊凍櫃人龍起碼50人 Lol好彩Sogo 有冷氣，都叫做等得好舒適足足排左兩個鐘先等到員工一D 都唔急，仲慢慢準備每pack 好六個一盒，就比我check check即時收錢，可用八達通/信用咭付款每人最多買十二個，$20@六個 $110番屋企即食室溫-牛油皮，撻皮好脆芝士芯軟軟，少酸焗熱-撻皮更脆一咬，芝士餡流晒出黎差D 跌晒落枱

堪稱係最好食既Bake流心芝士tart開左黎香港喇!!!!Vi 9:45去到sogo地鐵站既入口已經見到有幾十人排緊等開門!!!1到10點，大家即刻衝衝衝落B2, 一路排芝士tart既香味一路漂出黎最後Vi 10:40就買到了買完仲有成百人o係後面建議大家要由地鐵站入口排同埋假日10點前要到呀!!!之前每日限賣3000個,而家已經加到6000,一人可買12個($20/1,$110/6)Lam脷: 6/5爆分抵食: 3/5相機: 4/5真係好好食，好流心，芝士濃Vi試左3個食法都係好正 ，熱食(用180度焗8分鐘): Vi最愛熱食一咬落去d流心芝士標哂出黎!!咸咸地好正，個曲奇tart皮好脆好香牛油味，正但有少少漏室溫食: 芝士tart呈半流心狀態，好似cream cheese咁，無咁漏，都係好正雪凍食:估唔到凍食都好正好似食cheese cake咁，芝士味更濃郁tim!總知點食都咁正

今日去開銅鑼灣咪順便去sogo諗住買新開嘅芝士撻試吓，去到當然要排隊，足足等咗1.5hrs先買到，真係好誇張。而且每人限買12件，我排得咁辛苦當然買足12件啦。至於味道如何呢...我第一口咬落去，個撻好香脆又夠硬淨，咬開一口，D芝士巳經流出來，其實味道吾係好重芝士味，比較似yogurt味，奶味重，略嫌太稀，稀到有少許好似水咁流出來，整體味道可以，但冇想像中咁好食。未試過可以一試。見到流口水買咗12個好香呀