BAKE Cheese Tart (已搬遷) 新店位置

好耐無試過排隊買樣野,今日好似有預感一樣,走去排左set芝士批,剛好趕得及小比外遊前比佢試到,總算了左自己心願,今日聽聞算少人,排左1個鐘多d就入手,店員都細心,用盒入好,說明書說有三種食法我試了室温,皮我覺得比較厚,但芝士味十分香濃,應該話排隊食都值得

傳說中嘅流心芝士撻終於降臨銅鑼灣，話說有日路過Sogo超市，經過新開張的人山人海後，八卦一下傳說中的芝士撻啦，咦，唔係太長龍咁喎，好彩睇真啲，差啲失禮哂，原來條人龍喺超市入面打蛇餅，不過為咗唔好阻住想行超市嘅顧客，係一截截咁排，當然走人。今日之所以有幸一試，多得同事買返嚟，哈！流心蛋撻原來只要一凍咗變室溫就唔流心，要放入焗爐或微波爐叮叮佢。叮熱咗嘅撻好香，味道不錯，撻皮香䤥嘅，可惜撻仔細細，話哂要排咁耐，$20一個，應該整大個少少嘛！

啱啱打完篇食評唔見咗 😭好啦，再打過！芝士tart方面其實之前食評都講晒，好濃芝士味+酸酸的檸檬味，感覺不會膩，而餅底亦好香脆，overall係💯!!但速度方面，本人感覺真係有進步嘅空間，其實當時不是太多人，龍尾只係去到飲品柜多少少，但已經要排1個多小時？！不是吧。。。加上d tart已經焗好晒，只係包裝姐。。。都要咁耐？！

來自日本的BAKE Cheese Tart, 剛開業, 已經是全城熱話的店子. 帶著小晴晴, 要排大隊, 又好像不太可行. 這天上完playgroup, 早上十一點許, 心想應該不會太長龍吧, 就拉著文迪及小晴晴來朝聖.怎知道還是有條大長龍, 那先叫文迪在Cafe那裡找個位置坐下, 讓小晴晴先吃午餐, 我就到龍尾慢慢等, 最後等了一小時終於有得食.新鮮烘焙芝士撻 Freshly Baked Cheese Cart $20: 8.5分, 每人限買十二件, 但我們不打算派街坊, 只買兩件, 一人一件好了. 大家要注意的是, 買半打或以上才有紙盒去盛載, 如我們只買兩件, 就是用紙袋散裝, 要走遠路的話, 很容易散哂.先說賣相, 呈金黃色的, 蠻吸引. 撻皮是比較硬身的, 不夠鬆化. 芝士味道鹹香十足, 混合三種芝士, 味道自是複雜一點. 質感是半溶, 相當滑溜, 有流心的效果.BAKE Cheese Tart的新鮮烘焙芝士撻, 強在芝士的部份, 混合三種芝士, 鹹香突出而複雜, 而且質感是半溶, 帶流心, 精彩. 但撻皮實在比較硬身, 不夠鬆化, 跟本地的出品相比, 是各有優勢. 但如果要

近日終於試到大熱的BAKE芝士撻，艾琳熊一向不喜歡排隊，剛好星期日逛街時見到無之前那麼多人，就即管一試，最終都要排半個小時。難得排到，我一口氣買了一打芝士撻，其中六個用來送禮。單買每個$20，半打則收費$110。買完後即場食了一個，仍然微暖，中間部份真是流心的，咬下去芝士漿即刻湧出來，質感柔滑、芝味和奶味香濃，餅底又鬆脆，真的很好味，果然名不虛傳!之後我將芝士撻放入雪櫃雪了一日，雪凍後的它變了芝士蛋糕。凝固了的凍芝士撻都好味，但就失去了特色，艾琳熊還是較喜愛即買即食的流心狀態。

開左咁耐，終於抽到時間嚟朝聖抱住排到死嘅覺悟嚟到見到條龍真係感覺想死...心諗上次去尖咀果間芝士撻唔洗點排...不如食返佢算...但反正得閒，死就死啦結果排左整整一個鐘收工去到排到差唔多8點先有得食外觀上呢個撻邊比較闊芝士比較少，但感覺升得比較高食落口，真係唔同級別呢個真真正正係店脆唔係鬆化咁簡單，係堅脆！脆得嚟唔易散開，唔會食到天一半地一半芝士口感好好，好軟滑，比起尖咀嘅濃芝士味面層焦香果層亦好特別，會有少少煙韌嘅口感攞幾個鐘依然好味，隔左夜雪凍左感覺就似芝士蛋糕再用焗爐翻熱又再次外脆內軟但已經唔再有"流"嘅感覺整體都比尖咀果間高一班無論新鮮，隔夜，翻熱後嘅質素都係無得比20蚊個，110蚊半打，我就覺得幾抵食啦真係沒有最好，只有更好

近排大熱芝士撻，點都要一試日本過江龍嘅芝士撻一去到，見到要大排長龍 大約等左一個鐘終於排到去到見到一個個撻響櫥窗度已經勁想食！ 一個個撻係新鮮即製，保持佢流心狀態，舖面雖然細但干淨企理外賣返屋企食，雖然凍左，但食落都係好滑，芝士味好濃郁之餘，帶一點酸，令到入口不會過膩，會再想食熱食會更加好～餅皮好鬆脆，唔會過多牛油而覺滯真係值得一試但每人只係俾買12個

近期大熱的芝士撻, 其實我本人並沒有打算試.我不好芝士蛋糕這類產品, 但我家姐(佢自己都唔鐘意)竟然買左返屋企- -我地6個人, 有4個人都唔食既, 但佢買左半打返黎...唔知比咩反應好.既然佢買左返黎唯有試食下啦.佢買完已經即刻坐車返黎, 芝士撻只餘下微溫,但聽朋友講,就算一買完即食都唔係熱辣辣個種.聽到咁樣我係非常之失望, 點解即焗完出黎都唔係熱架呢,難道咁樣先可以有流心效果?以下食評可以參考下啦, 芝士撻的味道不重, 我尚算可以接受, 亦不會過酸.流心效果是有的. 撻皮很脆,  幾好味. 價錢比較貴.買半打以上會平少少.不過要排1個鐘以上絕對不值得.叫做試過就夠

唔流心嘅流心Cheese tart，今日行過見唔使點排隊就買來試吓啦，條龍咁短都要排左足足排咗二十分鐘應該係史上排得時最短時間勉強可以接受，其實幾好食都無用，冇諗過排隊買個撻食，期待左咁耐梗係好想快啲試啦，返到公司路程4分鐘都冇一打開攞上手一啲微暖嘅感覺都冇仲要冇流心～原來流心芝士撻要自己返叮先會流心，真心失望～真心冇下次，怪只怪包裝過程太慢卡係熱辣辣先至最好食嘅，係等嘅過程已經由超熱變到凍冰冰

約左BB一齊去銅記行街街, 佢一直想試芝士撻既然佢早到, 就早啲落去排隊啦佢一落去, 就只係排左小貓三四隻, 唔通咁快熱潮而過?!BB見無咩人排, 就走去第度行陣先啦,3個字之後, 我行到落SOGO地庫, 都發現得幾多人係櫥窗出面排, 正想跟隊尾之際, SECURE妹妹話畀我知, 收錢附近先至係龍尾OMG!!!條龍超長咯, 結果等等等, 等左45分鐘先買到由櫥櫃望入裏面, 黃金一樣都芝士撻, 好靚,終於買到啦, 我同BB一人一個, 皮好鬆化, 本身我對蛋TART麻, 但這個芝士TART令我喜出望外!!少少酸酸地既芝士, 同個酥皮非常之夾, 我未食過咁好食既TARTBB都話OK, 但佢話口感同PIE & TART差不多, 咁下次都要食PIE & TART比較一下啦!!總括黎講, 排9個字係值得, 但要再番卓, 要諗諗先, 因為都排得多奈咯

一早有約左朋友CWB等 點知人地遲到 見冇野做住就落左SOGO BAKE朝聖等完又等 盼完又盼 個朋友到左仲等緊終於等左個幾鐘到我地買我買左半打 我朋友買得一個半打既包裝盒係好貼心 分左2層 逐個分開放 就算放係下層都無有怕一打開個包裝 D芝士香係撲鼻既食左啖 係口入面好濃芝士香 又唔算好漏一定起碼買半打先對得住自己啦話哂排左咁耐 又最少半打先有平HKD20/1HKD110/6

全城追捧嘅芝士撻，今日行過見冇乜人排隊就試吓等一陣等左15至20分鐘尚可接受，之後我選擇買咗6個，當我返到公司急不及待馬上拆開嚟試，味道確實係好好味，不過試便算如果要我排成個鐘去買我絕對唔會，其實無我想像中咁好食可能係我過份期待，留心芝士撻一啲都冇流心有啲失望原來要自己返叮先會流心～

以前想吃乜就會排隊既，漸漸地冇左排隊意慾……每次經過呢到，嗅到香氣四溢既芝士味，每個脹卜卜咁排列整整齊齊，十分吸引！但是一見到條長長既人龍，就依依不不捨咁離開。今天姐路過呢到，佢係芝士迷，佢見條隊不長，可能係平日既早上啦～排左半小時多，終於排到！佢梗係唔執輸，一口氣買12個！太好啦！見到佢有幾種建議食法，常溫食一個，雪櫃食一個，叮熱食一個，冰箱食一個。本人較為喜歡焗熱後的撻，好香，濃厚芝士味，撻皮重牛油香，又脆，但是不易散開，最正係焗後，面上芝士微焦，有塊"衣"咁，入口芝士溶化，軟滑非常之餘又流心！值得試定唔值得，試過你就知。

芝士熱還是很熱熾,足足排咗兩個鐘頭先買到……返到嚟，用焗爐焗返分半鐘，就有流心嘅效果。比起美心嘅芝士撻，bake 嘅芝士用料靚啲，味道層次多啲，芝士味濃啲。首先是微咸，然後食到甜甜哋，之後after taste 帶酸，食完都唔覺得膩！不過餅皮比較普通，冇咩特別。$110 六個仲要排成兩個鐘，其實有啲唔化算，唔駛排咁耐，就好值得一食！

是日去到三點二十五分，排⋯排⋯⋯排到四點二十八分，真係剛剛好1個鐘頭多少少至買到⋯不過好彩SOGO嗰度有冷氣，其實一邊打機、傾下電話一個鐘頭其實都幾宜過。由於一個人最多只可以買12件，所以排咁耐唔好蝕俾佢⋯明知一個人實食唔晒都買夠一打，一件＄20、6件＄110、1打＄220⋯買夠一打當係有少少着數，平少少。當日食拎上手只係有小小微暖，味道鹹鹹地⋯好濃嘅芝士味，個撻皮好脆口⋯一咬落去已經爆哂裏面嘅流心芝士。第二日我用光波爐加熱大概三分鐘到，睇見佢嘅芝士焗到着卜卜⋯加埋佢嘅牛油香味簡直無敵啊。拎上手熱辣辣，我覺得好味過即日個刻食⋯可能因為芝士撻真係要焗到熱辣辣至特別好食。另外佢仲會有一張建議卡，話俾你知凍食同埋熱食嘅方法。