BAKE Cheese Tart (已搬遷) 新店位置

今日去銅鑼灣果間BAKE cheese tart排咗成個鐘,食到好味嘅芝士撻,排幾多個鐘都值得！芝士又夠,芝士又濃,真係食幾多都唔會唔鍾意！值得推介：記得一定要買一打,因為一打好抵！

sogo新開的bake cheese tart，一開已經好多人去朝聖，頭一兩日當然唔敢去啦，驚食白果過左2星期，我先黎。原以爲平日同埋過左甘耐應該無甘多人拉，點知都仲要排隊我大概等左15分鐘就買到，都算好 每人限買6件，排甘耐當然要買6個走啦cheese tart係熱辣辣的，流心超正，外層皮好鬆脆，食落口陣陣芝士味甚出，好香我一口氣食左2個，即刻飽曬

食完飯行過，見條龍唔係好長喎。就心思思排下，試下呢個潮物流心芝士撻。好彩大約排左20分鐘到就排到了，係人排我排既情況下，話咁快就排到。如果要我排成兩個鐘既話，我實唔會排。排到好靚，好吸引，件件都焗到脹卜卜。最期待既時刻出現了，咬落去係牛油曲奇既餅皮，比起平時蛋撻皮好食好多。係似薄脆曲奇果d 味，係厚版。 咬落個芝心，諗住係熱熱既，點知係暖既，未見流心。芝士味都算濃，係有點微酸，但未見特別。另外買多左兩個，雪左先食。雪完質地就似慕絲質地，但有d 實，應該叮熱食會比較好食。$20個，試一次就夠了。

【東京大人気の芝士撻 】東京人氣芝士撻來到香港了！既然是又一人龍店，當然買半打回家一起分享！但是我忍不住即時吃了一個。。。拿起手只是微暖，心知不妙。。。果然沒有流心的芝士，是有點失望，但芝士還是香濃撲鼻。包裝很貼心，放在下層都不會怕弄扁。店員細心提醒最多可放四日，如果在家用焗爐翻熱只需兩分鐘，千萬不可用微波爐！凍食味道似cream cheese。我放了入雪櫃，所以我用焗爐翻焗了五到六分鐘！翻熱後。。。流心呀！不得了~ 還是喜歡翻熱吃多點。

今次挑戰耐心的極限，去排BAKE! 等左個半鐘! 決定買十二個，唔好蝕，屋企人每人兩個。終於排到了，即刻攞個趁熱食，咬左一啖，心底即刻#^$&@#%^¥ 唔熱既!?!?! Sorry , 係連暖都談不上。説好的流心呢????好了，冷靜過後，看食用指南，説最好係室溫時候食，亦可以冷凍或翻熱食。可是我沒有想到，我排了那麼久的撻卻是室溫，而不是剛岀爐的，落差有一百個大，所以很是失望。那幹嘛要等出爐的呢? 空運過來買冷藏的回家自己弄熱它不就好了麼?OKAY, 係我自己要排既! 朋友說如我要吃流心的，可以到附近的7-11叮叮佢，好提議！講番個撻，味道的確不錯，芝士味比半熟工房較溫和，無咁膩 。但size 細一半，餅底有點硬，同唔熱 。總算是吃過了。

排隊約80分鐘，味道可以，個撻好脆，但係可能有啲撻焗好了，已經放了一段時間，無咁熱，凍了少許，如果可以保持熱度，應該好味好多，價錢可以，如果買4件有優惠就最好，限定買6件先平少許。

“Bake Cheese Tart “is a hottest gossip issue for everybody to talk these days. People would love to make a super long queue for over 2 hours just to try the cheese tart which is famous in japan. I was curious and having big interest to try the food magic from this tart.Since my boyfriend mentioned to me and I am kinda free that Saturday, I chose to spend my leisure time to make queue then. HAHA (Such a sweet girlfriend)When I enter Sogo basement around 12:30pm, I can see the queue is long until

無論外表國味道都好好。芝士味都好好香濃！ 不過無下次囉如果要再喺香港嘅話，因為完全明白點解星期六日排到要開走火通道嚟排上樓梯。....全因一班以吹水同天然呆為正職，packing、收銀做副業嘅人👍🏻   其實小小一間店，就咁望，已有兩人負責開紙袋同收銀、一人負責入撻、兩人負責摺開紙盒、一人負責焗撻、再一人負責指揮排隊嘅人行前。想有人龍有noise,都唔洗咁明顯吧~想食嘅話，都係等去日本先吧。

以加好興ge半熟tart!有同事以前曾經排隊排左好耐都買吾到,賣曬.今次再去排,6點幾排,排到8點幾排左粒半鐘終於買到!!!!!個包裝已經好靚好日系,紙盒同紙袋都好靚>///<打開入面,鐽仔都放得好整齊,個盒design得好好,拎走ge過程都吾會整亂整爛d tarts.同埋比起闊盒,我覺得高身窄盒係好拎好多,蛋糕盒比較大,方型,會一路行好易撞到.所以我鐘意佢衣個盒,好拎,又大方得體.入正題先,雖然個tart已經吾熱,不過咬落去依然係軟心!!好似豆腐花咁軟!!個芝士係偏酸的,好香的,口感係非常之滑滑!!個皮,真心好味.繼上編蛋糕食評我話個蛋糕底好硬好碎,今日就比我食到一個正ge底!!!佢係勁香!!勁香曲奇味.個質地係硬的,但一d都吾碎!!我食個時都冇跌到d碎成地都係!!如果好碎的話,其實好麻煩,因為一路食又要顧住d整污糟.一人一個其實係岩岩好,吾會太少又吾會太over.$20一個其實已經好抵試,如果買6個又有得平.值得一試,食過覺得好味可以再試.送禮自食都好~

男友應承幫我去買芝士撻...襯住星期6佢就一朝早sogo未開門就去排, 根據佢所見, 佢前面已經有好多人排, 而後面既人龍更長得驚人... 芝士撻: size比半熟工房細, 撻皮無咁脆, 芝士表皮顏色無咁平均 , 芝士味比半熟工房有層次dd...檸檬味都有...流心都做得好好 ...不過個人喜愛食熱d既...所以拎左去焗, 而焗完都仲係有流心...價錢個到雖然平左, 買6個仲可以平10蚊, 但計埋味道就覺得有d唔值 ...最後想講句雖然係多人排, 而且難買, 但真係唔覺得係咁好食...所以我會選擇半熟工房!!

每個星期六都要在銅鑼灣上課，3號風球下，原定的飯局取消了，突然多出一晚的時間，便到SOGO 排隊一嚐這風靡全港港女的芝士撻。到達時立即尋找龍尾，從龍頭開始，不斷走，足足圍繞了SUPERMARKET一圈。因為跟朋友一起排，聽歌傾計，時間過得很快，大概排了一個半小時，終於到我們了。本身不是甜魔，加上看過一些食評，說不值一排，所以只點了一盒6個。排了這麼久，急不及待拿出一個品嚐。咬下一口，芝士是半溶狀態的，曲奇底十分鬆脆。本以為芝士餡是以忌廉芝士製成的，但原來是以酸忌廉味道為主，所以吃下一個也不覺膩，加上曲奇底比坊間的撻較厚，所以芝士餡的份量不算太多，整體的比例完美。可能一開始沒有抱著太大期望，所以覺得加倍驚喜。朋友都說我吃下這芝士撻，整個人都開心起來，的確吃了美味的食物是會令人心情愉快的。我們把餘下的拿回家給家人品嚐，不好甜的家人起初都說只吃半個試試看，但最後卻吃下一整個，就連平常一口芝士也不吃的UNCLE也吃了一個，可見芝士撻的魅力。

最近，人人食芝士鐽由無咩興趣變到好想食今日，路經銅記，單看人龍，以為排30分鐘已經買到哇！最後足足排左120分鐘。(oh my god)排呀排呀 ！等呀等呀！終於行到受保護區域，即係企到去芝士鐽的玻璃櫥窗旁邊了初想買2個試試，最後等左咁耐，一於買6個吧XD「價錢$20/1個 $110/6個」即買即食！外層有一層薄膜，咬一口流心芝士想湧出黎，芝士味道濃，帶酸酸的，感覺一點也不膩喔，內餡好滑好creamy ，鐽皮鬆脆，絕配！用上小麥汁、 牛奶 、蛋制作的芝士鐽，相當回味。食法可以有四種- 即買即食- 放入雪櫃，會似芝士蛋糕- 放入冰箱，會似雪糕- 用多士焗爐焗番熱，變番外脆內軟邪惡又美味的芝士鐽，難怪日本盛行已經有三年多，一下子便一人清左3個，下次再黎，希望等待時間可以縮短啦（奢望中）

自從杜如風介紹過東京既芝士撻之後, SOGO不經不覺就引入左, 仲大排長龍, 所以從來無諗過有得食, 因為我受唔到排幾個鐘食野. 點知有日老闆買左返黎食, 我就可以一嘗.先睇表面, 焗到好金黃, 細細地似蛋撻SIZE, 而拎出黎果下都聞到好香既芝士味. 一啖入口, 非常非常濃烈既芝士味, 芝士好軟滑, 不過質感就似葡撻果D. 個餅底係似蛋撻果D, 幾香牛油味, 個人都鍾意呢類餅底, 實得黎夠鬆化.整體 芝士怪會非常非常鍾意, 因為芝士味真係好濃. 而我唔係芝士怪, 所以試下就滿足LU.

行開cwb 同朋友食完dinner 記得sogo 半熟cheese tart仲未close 去踫下運氣 睇下仲有冇一去到 條龍好長啊問龍尾個姨姨 佢話至少等一個鐘 好吧 就當食完飯消化下🙈果然等咗一個鐘 真係輪到我地啦 $20/1 $110/6 結果買咗6個 真心好貴lol 但一食 真心好好味 不過唔太熱 半熟程度十分理想 食到一半 芝士漏出黎 一定要食得快手d 芝士味道濃 唔會太漏 即刻想食多個

好耐無睇TXB，所以唔知杜如風介紹呢cheese tart～朋友話開頭果一個星期好似最少要排2-3個鐘，每日限量3000個，每人限買6個，有日佢夜晚6:00pm去到已經sold out～好彩有好同事買，同事係sogo排咗個幾鐘，所以我先有機會試～初初睇個樣咁普通，心諗有乜咁特別；我唔鍾意食cheese，點知食完一啖就知幾好味喎！！ 個cheese完全唔溜，雪凍咗個質感好軟熟但仍有口感似雪糕，隔咗一日先拎返公司食個撻依然鬆脆香口，難怪咁多人排隊我想再食但唔會排囉～ 如果餐廳我會等兩三個鐘，但如果只係攞走一個撻，無咁嘅耐性排～