Backyard (已結業)

平時我有試過依間餐廳嘅lunch，不過都係食 lunch set多，例如餐湯+意粉+飲品。上次屋企人去過依間嘢食晚餐，但係我唔得閑所以冇去。今次我搵左幾個friend同我一齊去試吓食晚飯，幾個男仔當然唔少得飲啤酒啦，試咗佢哋推介嘅手工啤，的確幾特別，有啲花香味。我哋叫咗一份籃青口、兩個Pizza、一個意粉，一個Ribs。老實講，我真係好鍾意食Pizza，而佢哋整得好鬼啱啱好，小小脆厚度適中，所以我極力推介，如果各位去呢間餐廳食飯的話，可以試吓嗰pizza。另外藍青口好新鮮，我有個朋友平時唔係好食青口，但係佢都話正。

荃灣區實在有太多濫竽充數的西餐廳, 唔好以為荃灣人好幸福。在云云之中，我覺得Backyard算是唯一好食和性價比高的，一向是其粉絲，尤其是他們的鮮製薯條，即叫即做才有的薯香和連著薯皮的香脆實在好正。即磨咖啡都好香濃。今天特別等到1：30pm才入座，因為有午市八折，哈哈！點了肉醬熱狗配薯條，送湯和咖啡。套餐送來時，熱狗的肉醬very juicy，但我發現薯條不再是鮮製而是急凍貨色，詢問下，得悉他們改了晚市才供應新鮮薯條。失望之際，侍應説可再給我免費再製新鮮薯條。(咁好？！)新鮮整的好食好多，有薯皮連住，層次口感更豐富！外脆內軟，薯味香濃，真係好正！以客為本而又美味的餐廳真係越來越罕有，今餐61蚊 only, backyard,keep it up! 不過咁今餐食2倍薯條真係好飽

今日係我朋友牛一，平時雖然比較少聯繫，可能係因為大家住得較遠吧~不過無論點講喇，只要我地喺同一片天空之下呼吸著同一城市的空氣，感覺總係特別親切~~今日間餐廳係我朋友揀嘅，入去第一個印象就係舒適乾淨,確實適合我地relax咁食餐飯慶祝一番呢度既侍應好有禮貌，全程都面帶笑容，更能詳細解釋菜式！真係好勁之後靚仔侍應哥哥仲拎咗餐前麵包俾我地，款式有幾款，每款都好鬆軟好香，加埋點上黑醋橄欖油食就更是美味~~呢度既蒜香白酒車厘茄煮蜆真係煮得幾好！無沙無泥腥味之餘，仲食得出好鮮甜，加埋車厘茄既清新微酸帶動下，更覺鮮香！我還點了水果茶同我朋友2份齊齊飲~當中嘅生果全都好新鮮！味道清甜可口，喉嚨好舒適之餘，更覺連日來的疲倦都消除曬。~另外我地仲叫左軟殼蟹泡菜竹炭漢堡配薯條，蟹香同個漢堡都融為一體，烤的香脆，味道啱啱夠，薯條又勁香脆，新鮮出爐無花假，確係好食！

Service is trouble .Tey don't have table when we get there.And they said that they would call us when they ready our table .After that, I can't hear thier call when they called and call back them in one min.And they said they called twice and no answer ,so they given the table to others.I'm so angry about this. They rejected us just an min.We wouldn't go again this restaurant even we are living at next building.

環境不錯, 我們是食晏的, 但百多元的LUNCH SET, 食完好似冇過, 叫7成的牛扒, 結果來了全熟，切都切唔開，　Fish and Chips就只有一塊小魚柳, 完全唔值此價錢, 一定唔會再去~

近排好興五顏六色系列，其中荃灣可以稱為集郵地區之王！樣樣野都有唔同色既系列，先唔講野野食有心思，裝修都有富有田園特色，都含有將來我想開 cafe 既元素，認真有品味呀 🏡——————————————————————#海膽帶子意大利飯 $208打頭炮有呢個養眼黃甘甘既海膽飯配呢個一兩塊海膽，上面再搭住橙橙既魚子，成個飯都被海膽汁包圍，海膽汁個味唔係話好海膽，但係個汁都好正，中意啲多汁又濃既飯，帶子味道道幾鮮味，個意大利飯有小硬，頗為正宗，係我中意食既類型 ✌🏿#軟殼蟹泡菜竹炭漢堡配薯條 $128Mr & Ms Burger 期間限定既黑包已經冇左了，想食黑包既朋友可以去呢到食呢，驚奇唔係黑過黑包既黑包，而係有超巨型嚴選軟殼蟹，毫不吝嗇原隻上，有幾大呀，有片有真相呀，仲炸得好鬼死脆，絕對對得住個價錢 🤓#紅菜頭田園三文治配薯條 $108我都係第一次食姣到出汁既包，個包粉到呀，食完黑包又食粉包，叫人情以何堪呀 😳 同行既某人仲係咁影影影，影到愛不釋手，仲狼過愛迪生呀 😨 個包個餡就係正正常常既三文治料，蕃茄火腿生菜芝士沙律之類，價錢係就係定得比較高既，但係想食粉包就要付出多啲喔 keke 😋

前個排既回南天真係令人好唔舒服，成日都覺得周圍都好污槽咁，日開夜開抽濕機都搞唔係好掂咁，連帶埋成個人都好攰咁唔想郁，於是我同阿囡就出左去食d野行吓街精神吓！係唔知去邊下，突然記得老公差唔多收工，於是就去左搵佢食飯，係佢同事介紹下，就去左這餐廳~呢間餐廳環境好乾淨好靚，可能因為早既關係唔算多人，坐低後我地就一輪風咁叫左幾樣食物老公叫既烤美國頂級安格斯牛肉眼扒配迷迭香汁個樣都幾靚！口感嫩滑之餘仲好份味，加埋仲有少量既蕃茄同露筍配菜下食，更感清新，係我同阿囡都覺好好食！第二樣就係阿囡叫既黑松露牛肝菌義大利飯，由於個人不喜食用幹牛肝菌類食物，所以一開始點嘅時候我系拒絕嘅，不過阿囡再三話佢好想食，所以最尾都係叫左，上枱時真係好香，意大利飯亦煮得軟香有口感，加上更吸收了不少黑松露及牛肝菌既清香，確係好食喔~我就點左個鮮蝦凱撒沙律，份量適中，蝦肉爽甜彈牙，菜好新鮮，口感清新飯後仲叫左個朱古力風暴蛋糕，朱古力味香濃，入口即溶，好好食，食到我同阿囡都想叫多份再食添老公既橙汁亦新鮮清甜總結呢餐飯確係幾好食

收工梗係要食好西好獎勵自己喇.. 去左公司附近Backyard食.. 新開睇落又有少少格調.. 餐具排列整齊.. 而且空間感都幾大.. 傾計都唔怕側邊啲枱嘈住聽唔到.. 我很喜歡這種不同種類的麵包.. 會有種好奇感.. 哈哈.. 當然都會有部分唔好食喇.. 不過只要點意大利醋都會挽回點味道.. 麵包上桌還是暖暖的..巴拿馬火腿加日本甜蜜瓜光是聽已經覺得好味吧..! 我平時好怕好咸嘅巴拿馬火腿.. 即使加左蜜瓜都覺得咸.. 呢次食落火腿少少咸加上超甜蜜瓜就更帶出到味道.. 不過側邊的瓜就不太討好.. 味道怪怪的.. 雜菌意大利飯夠juicy.. 飯身軟硬度適中.. 一食落去充滿黑松露味.. 好香好濃.. 真係女生們都會愛上.. 而且亦保留到雜菌嘅鮮味.. 的確十分喜愛這個飯.. 吃到最後飽左都要把它清光光.. 薯條是新鮮炸完就即上菜.. 跟平時快餐店完全無得比.. 而且我更喜歡個脆度同熱辣辣咁食薯條.. 份量都不少.. 建議可3-4個人share都得.. 另外還有軟殻蟹竹炭漢堡包.. 中西合璧.. 炭包食落去都唔覺有什麼特別味道.. 跟普通麵包差不多.. 軟殼蟹都係即叫即整熱辣辣又脆卜卜

早前同朋友去左荃灣呢間都算新既cafe度食晚餐，質素都吾差！重點係佢既環境都幾好氣氛幾令人relax～主要點左三樣野食，慢慢食同朋友慢慢傾！三文魚子帶子意大利飯意大利飯煮得較濕，唔會太乾身，味道濃郁但唔漏，帶子都幾大粒同實，配埋三文魚子整體都好夾。傳統芝士漢堡配薯條好大份，喜歡食漢堡的我就無錯過，牛肉好juicy 一咬落去肉汁咇晒出黎，芝士溶溶地，芝味幾濃厚，同牛肉煙肉溶合左一齊，一啖咬落好滿足。蒜香白酒車厘茄煮蜆喜歡蒜香製成既菜式，好香口，夠晒開胃，加埋白酒去煮蜆，酒味唔太勁可能蒸發左，不過味道都岩岩好，量亦都幾多，因為喺出邊餐廳叫蜆既菜式普遍都比較少蜆肉。附近又有商場，食完個early dinner行下散步都吾錯～

朋友介紹試試早餐自助式，menu自己到cashier處攞，先到cashier俾錢，坐埋位等，餐整好等客人自己取餐，即叫即整。價錢大概$30-$45。試過唔同早餐，覺得煙肉炒蛋牛角包最好，大大塊煙肉、脆脆牛角包加沙津同炒疍。熱狗早餐，包係硬法包，如果唔鐘意包就唔好叫。漢堡扒早餐較貴，雖然漢堡扒味道ok，但size略細蜜糖腸肥大，小朋友鐘意。最鍾意杯咖啡，齋啡濃淡適中、有咖啡香。奶茶都ok，滑、香，不過同茶餐廳港式奶茶比就淡口啲。唯一要留意，制作需時，趕時間唔好試。

餐廳環境清幽，午飯時間都係得2-3枱客，店員有禮貌我地一行四人，揀咗四款set lunch。首先有麵包同餐湯，有麵包條、芝麻包、提子包，微熱，配合無味的醋進食餐湯係洋蔥湯，好creamy，不過對於我唔好洋蔥嚟講，就麻麻地，因為仲有好多煲冧咗嘅洋蔥係入面All day breakfast，無咩特別，係個紅菜頭多士較搶眼美國西冷扒配黑松露汁，無牛味、肉質軟身，要求7成熟但應該over香烤雞扒配香橙燒汁，雞扒有少許騷味，香橙燒汁香橙味不突出

荃灣一向係我同男朋友嘅飯堂之一，今日揸車經過見到中國染廠大廈地下有一間玻璃外牆嘅Cafe，望落唔錯，就決定去試一試。👀估唔到室內空間咁大，樓底相當高，毫無壓迫感。裝潢主打休閑風，白瓷配淺木色，感覺舒適放鬆。☺️侍應端來了一個餐包籃，以及一碟橄欖油黑醋。🥖裏面有甜甜的提子包、充滿芝麻香的芝麻包和脆卜卜的餅乾條。令我驚喜嘅係，呢度麵包質素唔錯，暖暖的上桌，味道不錯。「傳統芝士漢堡配薯條」＄108漢堡包絕對係重量級，配料有煙肉、生菜、蕃茄、蘑菇、芝士、漢堡扒等，非常豐富！🍔包面、包底均烘熱過，暖暖地又軟熟，仲散發出陣陣牛油香，又再一次令我驚歎呢度麵包嘅水準。另一亮點係炸薯條，薯條粗身，連皮係薯仔到切出嚟，炸得非常香口，脆卜卜、熱辣辣，令人食到停唔到口！「三文魚子帶子意大利飯」＄208意大利飯都唔錯，帶子煎得好香，三文魚子喺口中爆開時，油香滿佈，令人回味無窮！而忌廉汁相當濃郁，飯嘅質感黏稠，都值得推介。「朱古力風暴」$68終於到我最期待嘅甜品啦，睇下擺盤幾精緻！🍫🍰蛋糕足足分左四層，第一同第三層都係濃郁幼滑的朱古力，中間係味道較淡的白朱古力，最底下則係一般蛋糕底，層次分明，口感一流。點一份同男朋

呢間餐廳必食嘅就係呢款軟殼蟹漢堡🍔用咗竹炭製成漢堡包，食起上嚟帶有少少甜味，麵包軟熟有少許嚼勁軟殼蟹新鮮炸起，原隻上🦀好夠霸氣！軟殼蟹脆卜卜咁，仲有啲蟹肉，夾住番茄生菜牛油果醬,才可以減輕軟殼勼嘅油膩感，做到中和嘅作用😊二泡菜食起上嚟唔會好辣，怕辣嘅朋友都岩食，帶有少許酸酸地嘅感覺🙂後面嘅薯條炸得香脆，唔需要點茄汁已經好有味道😊有啲似食緊薯格咁嘅味！幾鐘意焗大啡菇水牛芝士雞蛋沙律配紅莓醋汁，好適合追求健康嘅你！大啡菇咬落仲有汁bit出黎，好juicy~蔬菜食起嚟都幾新鮮，吾會好老！配紅莓醋汁，更醒胃全日早餐好足料，有芝士腸，腸內有流心嘅芝士，好邪惡又別且特色！紅菜頭多士，粉紅色嘅外表都幾吸引，口感帶點煙軔，甜甜地咁嘅！是黑松露炒蛋嘅松露味就好香，不過又吾會太濃，蓋過蛋味，味道都幾平衡！另外仲有炒蘑菇，蕃茄，煙肉等配料跟餐仲有南瓜湯，飲到南瓜絲，味道吾假，飲完唔會好口乾，應該無點加味調😊甜甜地飲落好舒服芒果smoothie 吾會死甜，而且冰粒打得幼細，吾會溝到芒果味淡哂！吾錯Latte嘅拉花拉得好靚，見到已經好心情❤咖啡味夠香，質素吾錯價錢黎講唔算好貴，而且環境好舒服😍絕對適合閨蜜們黎打

中染新城嘅8米半開左唔少新食肆，今次就嚐嚐backyard。餐廳樓底幾高，小清新路線，木枱木櫈，具田園風味！座位寬敞，間隔清晰，色調柔和。餐前先享受暖笠笠麵包，分別提子包，黑芝麻飽，餅乾條，餅乾脆卜卜。附上一碟橄欖油黑醋享用。點左個Parma ham 密瓜，新鮮蜜瓜配上咸咸的巴馬火腿‧個人覺不需夾一齊食會較佳！軟殼蟹泡菜竹炭漢堡配薯條:如圖所見，賣相十分吸引漢堡巨型，竹炭麵包口感煙韌，軟殼蟹脆卜卜。配生菜、蕃茄、醬汁，以及酸瓜。口感十分豐富。薯條香脆，吾錯烤BBQ豬肋骨沙律菜薯條 肉厚、軟腍入味！bbq醬帶點甜，十分夠味有8條骨，肉質鮮嫩、份量十足，配薯條一籃，最後我們薯條食淨幾條要放棄。最後甜品:朱古力風暴小cake有3層，上下均是軟滑細膩的朱古力，喜愛中間: 白朱古力的甜度不高。

一間餐廳會取名Backyard，環境一定充滿綠化氣息兼夾無拘無束，而位於荃灣8咪半商場的Backyard，樓底高之餘，裝潢亦用是園林系設計，一草一木都令你猶如置身大自然之中。星期六都有Set Lunch供應，不過今天我跟男友就點了Lunch Menu以外的食物。大蜆扁意大利麵 $178多隻新鮮大蜆伴隨著扁意粉上檯，單看外表已覺得很吸引，意粉配上微辣，不會食到面紅耳熱。蜆肉新鮮無沙無石，數起來總共有8大隻，使得這碟意粉鮮味無窮。烤BBQ豬肋骨配雜菜沙律及薯條 $168這份豬肋骨份量相當，連我男朋友也差點吃不完，還好肉質肥瘦得宜，過多肥膏的話相信會超級膩口。外層醬汁酸酸甜甜，味道早已浸入豬肋骨之中，入口鬆軟。薯條連皮炸，食起來份外香口。我跟男友食到十成飽，點杯酸味行頭的smoothie消滯就最好不過了，這杯飲品雖然大杯，不過越飲越覺得清新消暑。