Backyard (已結業)

荃灣多左8咪半 食野又多左幾個選擇啦今晚行完宜架 即刻搵個地方醫下肚先見到呢間backyard 氣氛唔錯咁 立馬入去坐底無耐 店員就送上餐包叫左是日晚餐 M6澳牛 跟餐有湯有沙律有甜品先黎周打魚湯 夠晒熱 好多料再黎吞拿魚沙律 有心思喎 吞拿魚大大塊配埋爽甜嘅沙律菜 夠醒胃M6 澳牛 入口好有牛味 肉質嫩滑 配埋薯菜一流另外叫左個芝士漢堡 手打牛肉 夠juicy漢堡除左生菜 蕃茄 芝士外 重有煙肉 勁大個再配埋熱辣辣薯條 好正最尾食埋跟餐紅莓蛋糕 大滿足

為左新屋又要去八咪半買野 一直都唔發覺原來ground floor有間幾靚既西餐廳 今晚就呢到解決啦 樓底好高 坐得好舒服 音樂好好聽一坐低就有熱辣辣既麵包籃送上 有脆麵包條 提子包 法式麵包 好開心佢係配balsamic vinegar and oil 好開胃叫左一個海蝦扁意粉配香辣車厘茄忌廉汁 $158 份量都幾大碟 不過偏辣 西餐好少會有呢種辣 幾新鮮 蝦唔算特別 普通普通 但整體係好食既另外仲叫左一份10oz. 既烤美國頂級安格斯牛肉眼扒配迷迭香汁 $288 牛肉好香牛味 五成熟岩岩好 入面仲係好嫩好多汁 佢配左少少snow peas 車厘茄同埋薯仔 如果可以配mash或者薯條就好嚕

自從荃灣八咪半進駐了一間大型傢俬店（宜X）之後，便帶旺了這一帶人流，無論一家大細，抑或拍拖情侶，行完街睇完傢俬之後，梗係要搵好嘢食，Backyard 就在這商場地下，絕對是不二之選從地鐵站行過嚟都不需要十分鐘，店鋪正門亦有多條巴士線可以直達，確係一個理想聚腳嘅好地方歐陸式的酒吧內在環境，極具型格，食客們都喜歡在這個位置selfie一番特高的樓底及闊落的空間，情侶相約在這裏享受一頓浪漫晚餐，應該是不錯的選擇食物種類選擇亦很多，定時會有不同特選優惠提供餐前小食，面包是免費提供講番正題，今晚我揀咗烤德國豬手，成隻豬手上枱時已經幫你拆埋肉，食嘅時候好方便食過豬手嘅朋友，應該特別喜歡佢嫰滑、帶淋的肉質，唔錯唔錯跟手再order多個鮮肉腸雜菌pizza，同朋友一人一件，傾吓講吓，唔覺意，偷食比例係5:3黑松露牛肝菌意大利飯，出名大胃王的我，唔食啲飯硬係唔夠飽，Creamy嘅醬汁混和香飯，再加上黑松露嘅獨特香味每一啖飯，都散發着淡淡的黑松露味道，還有牛肝菌，好快就俾我哋K.O.哂特別要提，呢度特別多年青人聚腳，就算你暫時沒有另一半，多啲嚟呢度食嘢，相信好快就會搵到你的Mr/Ms Right

weekend or holidays brunch.注意平日係冇既 ！時間分2個時段，一)10:00-11:45am二)12:00-15:00食物：燒春雞份量也足夠，好入味，肉也夠滑。薯條吾好食。兒童歺炸雞件冇乜味，淋的，不好吃。粟米有牛油味，但比較水。薯條同上！兒童歺包一杯橙汁或apple juice.南瓜汁菠菜意大利云吞，汁味道幾好。但云吞感覺同中国云吞分別不大。半自助：drink,有水，熱水，茶，咖啡，(可加檸檬)甜品：waffles, chocolate fountain, fruits, 2款蘇➡好淋，不翠口。沙津三款，推薦食牛肉沙津，牛肉好淋，好fresh.麵包，牛油，多士爐日式帶子邊和海帶，冇味，好難食。凍火煺腸三款，boil eggs,炒蛋，豬柳扒，薯餅➡不翠，淋的。 bacon服務:一点多開始坐滿，但想叫人也找到人。服務員冇乜笑容。今次埋單係一位女waitress,希望佢可以講一句多謝，會令客人更窩口，唔好簽完卡，搞一大堆野，最後比單我一句默不作聲。打电話來book枱，女職員听的，服務還可以，但希望比多点耐性和礼貌的聲音更好。因家人去了toilet,所以我先埋單，

早幾日walkin冇位。。今日打去訂枱有位。。決定一試自助頭盤，甜品。。。款式吾算好多，但 refill好快沙律，cold cut,炒蛋，腸仔麵包及湯甜品有朱古力噴泉，生果同棉花糖仲有自助格仔餅及糕点主菜因和牛賣哂。我叫左水牛芝士薄餅及春雞薄餅餅底有D麵包feel..芝士味偏淡春雞反而係中春雞 size及味道亦好ok格仔餅水準吾錯。。自己塊餅自己整。。但要等4分鐘(值得等架)仲有杯coffee竟然有驚喜。。ok wor

呢個全新面貌嘅8咪半，竟然有間落地玻璃嘅西餐廳！裝飾都好特別，幾靚！（個人意見，唔想坐金屬凳😅）反而呢間餐廳係我個朋友仔介紹，話上次食話都唔錯，仲幾好service , 又唔會趕生晒！我地無叫餐，散叫叫左個車厘茄大蜆，隻隻都好見，眼卜卜；已經好有海水監味同埋一個軟殼蟹意粉，不過不失！軟殼蟹可以多啲就好啦跟住就烤豬肋骨，呢個好好食，好香好夠肉汁！個醬都同個ribs好夾！不得不提嘅係跟個豬肋骨啲烤薯條，看似自家制的；我同朋有都狂食薯條

中染開左宜家家俬後一直好想去行，但都無時間，過左幾個月終於有機會去行下啦中染同以前唔同哂，多左好多餐廳，人流都係以前好幾倍，眾多餐廳之中我地揀左地下既BACKYARD，見佢環境唔錯，岩哂我地傾計~坐低無耐，侍應為我地送上餐包，其中一款係意大利包中間夾住豐富既蕃茄同肉，食落好香香草味，餡料有PIZZA風味，我地都覺得好好味凱撒沙律 $68揀左個沙律+$25加既煙三文魚份量都好多，沙律菜新鮮爽脆，入面加左D脆煙肉，咸咸香香，香脆又惹味~意式蕃茄醬澮豬肉丸 $68豬肉丸鬆化肉味香，蕃茄醬酸酸甜甜好濃郁，同豬肉丸味道好夾，如果有碗白飯，撈呢個醬都好好味海蝦意粉配香辣車厘茄忌廉汁 $158意粉硬度適中，醬汁酸酸帶微辣，味道好香好CREAMY，加埋海蝦既鮮味，真係唔錯啊

餐廳離公司好近，間中放左工都同同事黎食下，是晚又來啦，哈哈。平日晚上食客不多，我地揀左個入啲嘅枱，貪吹水都唔會嘈到其他人嘛。店員好快送上水及麵包，順便落埋單先。是晚個麵包籃只有一款，是香草包，微溫，點少少黑醋加橄欖油都幾好味。巴馬火腿火箭菜薄餅($158)主菜點了pizza，share食都不會太麻煩。pizza即烘起，熱辣辣有驚喜喎（上次食不太熱……）。餅底很脆，巴馬火腿跟火箭菜也下得不少，鹹鹹地幾好味芝士都下得好多㗎，做到瀑布效果，啱哂我呢啲芝士控。香腸併盤配薯蓉及酸椰菜($108)另一樣叫左香腸併盤，是晚特價好抵嘛。香腸有兩圈加兩條，脆皮腸黎，肉感十足，仲有大量薯蓉同沙律菜，薯蓉混了不少牛油，又香又滑。窩夫串串配三色醬($88)最後仲點埋甜品，窩夫配上朱古力醬，士多啤梨醬同楓樹糖漿，三種醬都夠哂甜好好味，可惜窩夫不是即叫即做，已經放淋了變得有點韌，扣分！食物還不錯，啲位又好坐，放工黎吹水之選。

今日番完工就黎到位於荃灣8咪半既Backyard食午餐大約1230黎到都差不多滿座呢到樓底特別高，北歐風裝潢令人感覺舒適，就好似去左外國餐廳度假甘先來的是餐包與雜菜湯幾欣賞佢既餐包，有3款，黏黏韌韌、熱辣辣真係好好食隨餐包送上橄欖油同埋黑醋叫左兩個主餐烤紐西蘭羊脾肉配迷迭香汁 （$95）完全係一個藝術品，賣相十分不錯羊肉羶味冇甘濟，烤過後外脆內軟，肉質嫩滑、都是滿滿的肉汁。羊肉偏肥，所以有入口融化的感覺～配菜有烤薯仔、小番茄、粟米同埋長扁豆，份量好足，香草味道亦好濃郁烤原條紐西蘭西冷牛扒配黑松露汁 （$115）取自牛的後腰肉的西冷牛扒脂肪含量較低、較平均肉身煙韌有嚼勁，牛味香濃深刻的褐色網紋，賣相十分誘人!叫左五成熟，廚師掌握火候得啱啱好，讚！

轉左工之後好耐無黎tw...今次過左黎食backyard. 樓底好高，感覺好闊落每枱會先上包同黑醋配olive oil. 一向覺得包簡單配上呢個組合簡簡單單已經好無敵. 如果包再烘熱d 就更perfect laset dinner 都幾吸引，不過價錢相對貴d，所以最後都係散叫.選左軟殼蟹泡菜竹炭漢堡 $118除左原隻軟殼蟹，仲有牛油果醬同泡菜. 竹炭包夠哂搶眼，但之前都試過幾次竹炭包，其實味道同普通包無咩分別牛油果醬味道被泡菜蓋過，而蟹又被泡菜浸腍左. 整體無想像中好食. 反而一邊薯條更有驚喜，連薯皮一起炸得香脆，加上調味好惹味. 難以停手感覺另外order 左個燒豬鞍配砵酒汁$188，plating 好用心精致. sauce 調味都唔錯，一邊有其芥末但味道唔好強烈刺激，應該有另外再調過味. 不過除左最邊邊有d 肥肉既位置口感比較好d，其餘大部分豬鞍肉質比較鞋口. 飲品方面order 左個 mix berry smoothie $40, 比較稀身同偏淡. 如果berries 酸味再濃郁d 會更好第一次見Babycinno $15, 好奇下又唔貴就試下. 上到黎之後就明白點解waiter

喺荃灣成日經過呢間餐廳，見到入邊裝修好靚，又光猛，今日lunch嘅時候就喺餐廳度食。Lunch嘅款式其實都幾多，我同老公每人叫咗一個set ,再加多個pizza ,埋單都係＄400每人送一個餐湯，我哋各點一個紅白湯，再送餐包，雜菜湯酸酸地，好開胃，老公嗰個薯仔忌廉湯好creamy，餐包就不過不失啦蘑菇蘆筍闊條麵配忌廉汁＄78，入邊真係好多蘆筍，闊條麵幾彈牙，本身以為個汁唔係好夠，原來啲忌廉汁喺晒個面底下面，記住撈勻食啊超正，啱晒鍾意多汁嘅人士紐西蘭肉眼扒＄115，我哋點咗七成熟，肉眼扒嘅牛肉味都重，而且份量都幾多，下面仲有薯菜添，不過切細舊少少會容易咬口。pizza salsiccia$138，上面勁多芝士，超開心，佢呢一款係薄底pizza，上邊嘅肉腸帶點蘇味，但係有幾啱我，上面仲有蘑菇，整體來講都不錯我哋仲加左＄25要咗一個西蘭花配芝士醬，本身食落西蘭花似係水煮，但係配合個芝士醬又出奇地好食，唔會油膩，呢個真係值得一試

今日適逢新春假期我倆做左最唔浪漫嘅活動就係行荃灣嘅宜家ikea,但原來中染反新再加上IKEA進場後就變成另一個境象，人流多食宿都跟住多，而今日睇中嘅就係西餐廳backyard。餐廳環境寬闊，新派工業格調加上花草裝飾點綴， 感覺都算輕鬆，自在坐底後侍應送上餐包，分為法包同另一種類似茄醬夾餡味道就像pizza，再點少少黑醋都幾好食。凱撒沙律+$25加煙三文魚，總覺得就咁食沙律比較空虛，所以有得加料都選擇加料。海蝦扁意粉，味道微微帶辣有5隻中蝦忌廉汁配上蝦油真係好惹味香煎雪魚配黑松露野菌汁，呢個我個人應為未達標，魚肉略為過熟，汁方面都未能帶出黑松露啲香味BBQ豬肋骨，呢個就好食啦，燒到岩岩熟，肉汁依然保存住 ，甜甜地bbq醬，配埋炸到超脆嘅薯條無得輸啦意式蕃茄醬肉丸，原本行ikea好應該買他嘅肉丸食，就係因為無買到所以要喺度叫份肉丸滿足吓自己，誰不知有意外驚喜，肉丸口感佳至餘，底層嘅薯蓉吸盡肉油同蕃茄醬，熱辣辣咁，完全另一種享受

Backyard 🍽🍤蒜香蕃茄蝦莎莎 🐮黑松露牛肝意大利飯 呢两款我都好中意食呀 !! 👍🏻👍🏻👍🏻 另外老闆推介 :🍕巴馬火腿火箭菜薄餅 軟殼蟹泡菜竹炭漢堡配薯條烤美國頂級安格斯牛肉眼扒配迷迭香汁都正架😋-星期六、日及公眾假期仲有Breakfast & Brunch Buffet：$88

咁多cafe，有時真係花多眼亂，都唔知食邊間好，不過自己對黑色既食物情有獨鍾lol，講緊係竹炭包，依家唔少地方都用竹炭，sell健康，今次食呢間都有竹炭食首先整個餐包先軟殼蟹泡菜竹炭漢堡配薯條$118軟殻蟹🦐同泡茶的味道岀奇地夾，薯條好脆，份量多。鴨肝醬野菌闊條麵配香濃忌廉汁$148🤤鴨肝醬再配上鵝肝粒，完全帶岀左個闊條麵的味道，推介。Cappuccino $ 34咖啡香濃Cafe Mocha $40朱古力同咖啡的味道都好夠，推介。

星期六，帶著2個侄仔來吃西餐，2人都很興奮，叫的菜式當然不是炸就是煎的，先不去想是不是熱氣，他們喜歡就最好啦！1：四式芝士pizzaPizza用4種口味去製造，非常有層次感，濃郁的芝士味，系小朋友的摯愛，吃到停唔到口。重點還是不會很咸呢！芝士很脆口，薄身的pizza果然是最好味的。2：烤德國豬手配薯蓉酸青瓜及酸椰菜烤豬手皮很脆，就是咸了點，只是很肥美，還是挺好吃，還好有酸青瓜和酸椰菜加一些沙律，吃完豬手，再吃配菜，可以感覺沒有那麼膩，還是貼心的！3：軟殼蟹泡菜竹炭漢堡配薯條聽聞竹炭包是很健康的食物，於是我也走上這個潮流，感受一下，吃下去沒有什麼味道，倒是皮脆脆的，熱呼呼的，口感很好。泡菜微辣，非常開胃，非常好味。加上軟殼蟹的香味，這個配搭很新鮮很有創意，又很美味哦！4：炸魚加炸薯條炸薯條是不用質疑的，毫無疑問的好吃，小朋友不吃這個，也不知道什麼才是他們心目中的美食了，炸魚也很美味，皮脆，而魚保持著鮮嫩。整體而言，很滿意侍應的服務態度和整體的環境。