Backyard (已結業)

餐廳離公司好近，間中放左工都同同事黎食下，是晚又來啦，哈哈。平日晚上食客不多，我地揀左個入啲嘅枱，貪吹水都唔會嘈到其他人嘛。店員好快送上水及麵包，順便落埋單先。是晚個麵包籃只有一款，是香草包，微溫，點少少黑醋加橄欖油都幾好味。巴馬火腿火箭菜薄餅($158)主菜點了pizza，share食都不會太麻煩。pizza即烘起，熱辣辣有驚喜喎（上次食不太熱……）。餅底很脆，巴馬火腿跟火箭菜也下得不少，鹹鹹地幾好味芝士都下得好多㗎，做到瀑布效果，啱哂我呢啲芝士控。香腸併盤配薯蓉及酸椰菜($108)另一樣叫左香腸併盤，是晚特價好抵嘛。香腸有兩圈加兩條，脆皮腸黎，肉感十足，仲有大量薯蓉同沙律菜，薯蓉混了不少牛油，又香又滑。窩夫串串配三色醬($88)最後仲點埋甜品，窩夫配上朱古力醬，士多啤梨醬同楓樹糖漿，三種醬都夠哂甜好好味，可惜窩夫不是即叫即做，已經放淋了變得有點韌，扣分！食物還不錯，啲位又好坐，放工黎吹水之選。