Backyard (已結業)

位於荃灣既中染新城，自從有咗傢俬舖之後，就已經越嚟越旺，今日經過呢間超高樓底嘅餐廳，見到竟然有半自助嘅午餐，而且價錢又唔貴，梗係試吓啦。超高嘅樓底，簡約嘅裝修，有一種放鬆嘅舒適感。自助吧嘅種類好豐富，而且全部都好新鮮，因為人流比較多，而且補給嘅速度都好快，唔會有成日都攞唔到嘢食嘅情況出現。我一見到就已經流晒口水啦，而且佢熱飲方面都有好多，有檸檬茶，檸檬水，奶茶，咖啡，真係應有盡有。班尼迪克蛋配煙三文魚充滿牛油香味嘅軟包，上邊鋪著香滑濃郁嘅流心蛋，真係令我垂涎三尺，玫瑰花形嘅三文魚，真係靚到我唔捨得食，至於沙律方便菜好新鮮，配上沙律汁，味覺一流。烤法國春雞配沙律🥗估唔到原來烤春雞都可以咁美味，佢入味得黎最緊要係一啲都唔乾身，雞肉好嫩滑，就算連雞胸肉都唔會覺得鞋口，肉質充滿水份，真係令我齒頰留香大蝦帶子意粉大蝦爽口彈牙，帶子好大隻，鮮甜可口，而且份量又多，意粉個忌廉汁好香濃，又滑身，軟硬度岩岩好，最緊要嘅係意粉唔會覺得好淋身，佢嘅品質有如高級西餐廳嘅水準，而且價錢實惠， CP值真係好高。

雖然位於8咪半地下既一個小角落,, 但係大大個由樹葉砌成既店名+綠悠悠既樹葉佈置🍃.. 好難留意唔到佢: )餐廳樓底好高呢@0@!! 而且主要都係以木系+樹葉🍃為主題令人感覺好舒服 : )我同朋友1人揀左1個set dinner~🍽已經有齊晒餐前麵包, 沙律, 湯, 主食, 飲品同甜品喇~唔使諗咁多野 可以慢慢享受下呢度既環境^^先送上既係店家自製既三款麵包,,當然係無限refill:卜卜脆+芝麻餐包+提子包🍞個人最愛既係卜卜脆... 又香又脆口^.^ (不過提子包都refill左2轉🙈)沙律1人有1份:> 係吞拿魚千島醬沙律🥗兩大片吞拿魚柳 肥美又煎得香! 可惜既係有少少鞋口呢😔加左黑椒同夾埋千島醬好惹味~~ 但個人覺得醬太多了... 可以少返dd : )仲有水蜜桃呢~ 增添返清甜感❤湯有2款, 分別係羅宋湯同粟米周打湯💛羅宋湯都幾辣下.. 唔食得辣既朋友要小心😂😂不過湯料幾足~~ 都幾多洋蔥同椰菜在內呢!另1款粟米周打湯唔算過甜~ 有好多粟米粒在內!!整體味道都唔錯朋友揀既煎比目魚柳配香辣車厘茄醬$248見到咁厚身咁大條魚真係有驚喜!!性價比高之選🤑 比目魚超厚身多肉兼有咬

現在比較少到荃灣區，因某大家品店進駐荃灣，所以，今天趁著放假去入貨掃完貨後，跟著周圍行下行下，見到有間西餐廳餐廳裝潢簡約時尚，座位寬敞，中間位置可以容納多人，適合大班朋友聚會😊餐廳設有set dinner menu, 有沙律、餐湯，主菜、甜品及飲品，相當豐富吞拿魚沙律吞拿魚鮮味、唔腥，沙律菜十分爽脆，配左千島醬汁，味道更為特出麵包熱辣辣，蘸了黑醋，酸酸地，即時令人胃囗大開今天chef recommendation 喺龍蝦意粉，龍蝦喺我至愛大大隻龍蝦放在上面，肉質雪白，賣相精緻龍蝦好厚肉，新鮮爽囗，啱啱肉，有口感，十分満足意粉軟梗度適中，唔太腍甜品喺homemade, 咬落十分柔軟又唔甜，果味香濃，有水凖

荃灣放工女朋友黎接我，帶左佢去食西餐。見到呢到坐位幾寬敞，design幾好咁就入去食。最喜歡佢用磚黎做台既設計，影相會幾文青幾特別。先黎餐包。冇咩汁點，都夠SOFT既。軟殼蟹泡菜竹炭漢堡配薯條$118見到好多人點，軟殻蟹同泡茶的味道岀奇地夾，薯條好脆，份量多。但都唔會話好JUICY。$148鴨肝醬再配上鵝肝粒🐦完全帶岀左個闊條麵的味道，推介。Cappuccino $ 34咖啡香濃，拉花都好吸引。Cafe Mocha $40朱古力同咖啡的味道都好普通。其實係個環境幾好，但係野食又冇講到咁好食，食一次兩次都OK既。

Set Dinner 🥗燒吞拿魚柳沙律配香橙沙律汁有2塊燒吞拿魚，橙，蕃茄仔係到，加埋個汁真係好開胃😍🥘餐湯加咗黑胡椒都幾香，而且蕃茄味濃😚餐包點黑醋味道亦不錯🍰甜品#煎比目魚柳配香辣車厘茄醬 ($248)😋好味指數：(7.5/10)比目魚嘅皮煎得好香，魚肉十分滑😍食到好香嘅魚油味😋香辣車厘茄醬食落去都幾辣下，不過就好惹味😋#軟殼蟹泡菜竹炭漢堡配薯條 ($118)😋好味指數：(6.5/10)呢個係散嗌嘅~漢堡包麵頭放咗好大舊酸瓜🤔(我最唔中意食🤣)竹炭麵包看到外面脆脆地入面仲軟熟，加埋泡菜味道都幾濃😚如果軟殼蟹大隻啲，會食得比較滿足🤔薯條脆卜卜超好味的🤩#芒果益力多沙冰😋好味指數：(6/10)芒果味唔算重，而且比較易融☹

每次去開宜家就會順道去Backyard，因為坐位夠寬敞，而且人流不多，加上餐廳悠閒風的裝潢，可以坐得舒服自在地用餐，是該區不錯的選擇!喜歡餐廳的「花園」的感覺， 配合木調傢具，別有一番情調餐廳加入晚市套餐，二百多元已包括餐湯、主菜、甜點和餐飲，價格比之前更經濟實惠!燒吞拿魚柳沙律配橙香沙律汁沙律前菜很吸引，烤香半生熟的吞拿魚柳肉質嫩滑，配上帶點酸甜的鮮橙香味，為豐富晚餐揭開序幕!意大利餐廳提供的麵包很吸引，個人最愛bread stick，蘸點對心臟健康有益的橄欖油和黑醋，開胃好味~是日餐湯是加入甘荀粒粒的忌廉湯，忌廉的濃郁度適中，加入打碎了的甘荀粒粒，更覺清新!燒烤牛肝菌火箭菜薄餅本以為素食薄餅會很平凡，奉上卻是色彩豐富的薄餅，新鮮蕃茄和茄醬，配合火箭菜和牛肝菌獨特的香味，滋味吸引。烤紅蝦配龍蝦忌廉汁意大利飯意大利飯粒粒口感很到位，除了大蝦食材，飯中還混和海鮮，意想不到的驚喜呢~精選甜品是朱古力撻超濃的朱古力，入口即溶，雖然已經吃得滿滿，還是忍不住把整個吃掉!很滿足的一頓晚餐，精緻的賣相配合一流的味道，一定要再回來呢～

今日和太太往荃灣backyard食半自助午餐, 我們主菜點了卡邦尼意粉和烤朱鞍架配雜莓汁。卡邦尼意粉忌廉香濃, 煙肉味道剛剛好, 意粉爽口；烤朱鞍架配雜莓汁朱鞍烤得香脆,食落啖啖肉, 肉質好腍有油花, 烤薯和粟米仔爽口, 朱鞍配上雜莓汁食落好開胃；自助區內有湯, 冷盤、熟食和甜品等, 湯有忌廉湯和羅宋湯, 前者忌廉味濃, 湯飲落香滑, 後者羅宋湯辣度適中, 好好飲；冷盤我試了涼拌茄子, 茄子好腍醬汁好醒胃；熱盤有香腸,漢堡扒、火腿和茄汁豆, 香腸,漢堡扒和火腿煎得熱辣辣, 食落啖啖肉, 好惹味；茄汁豆酸甜度適中,食落開胃；甜品我們品嚐了朱古力噴泉, 藍莓芝士餅和焦糖燉蛋；朱古力噴泉朱古力甜度剛剛好, 棉花糖甜度適中；藍莓芝士餅芝士味濃, 食落好香滑；焦糖燉蛋焦糖好香脆,蛋入口香滑, 入口即熔, 甜度適中；水果有西瓜等, 食落新鮮鮮甜。最後每位食客有一杯凍飲, 我選了凍lemon tea, 飲落茶味香濃,lemon酸甜度適中。餐廳座位闊落, 食物款式多,價錢合理, 烤朱鞍架食落惹味有特色, 我和太太食了一頓美味寫意的西式半自助餐。

荃灣中染大廈翻新改名成為8咪半，食肆商舖多咗，亦帶旺咗人流，而位於地面既Backyard西餐廳就恰如其名，成為咗鬧市中既後花園。餐廳裝潢探用歐陸清新風格，木系枱櫈配上綠油油人造植物，燈光柔和昏暗，樓底高座位寬敞給予好大空間感，整體感覺舒適充滿格調打頭陣有麵包盤，長既係脆既面包條，亦有軟身既包！竹炭軟殼蟹泡菜漢堡配薯條 ($118) 竹炭漢堡外型搶眼，黑卒卒既漢堡係幾型漢堡包烘得香脆，軟殼蟹炸得夠香口惹味而且算足料較為驚喜既係加入咗泡菜，微辣味道調和炸軟殼蟹油膩， 配合埋牛油果、蕃茄片、生菜，整體味道及口感層次好豐富帶子三文魚子意大利飯 ($208)飯粒充份咁吸收醬汁所以都幾軟身Creamy，我本身喜歡醬汁較多及濃稠，而今次的確做到醬汁覆蓋整碟Risotto而且忌廉味濃郁，適合我呢啲口味重人士兩大粒帶子煎得剛剛好，外層少少香口而內裡保持到嫩滑鮮甜 三文魚子就令整體味道更為鹹香Parma Ham配哈蜜瓜($98)Parma Ham味道唔算太濃郁，油脂較少，但夾上爽甜多汁的哈蜜瓜都唔錯。Earl Grey ($28)飲品方面嗌咗Earl Grey，用上左D字頭茶包，嘆住茶同朋友慢慢傾計。整體

之前經過呢間餐廳覺得都幾靚已經有興趣一試，今日約開朋友喺附近就一於訂定位啦餐廳環境寬敞，座位舒適，最緊要係佢無限人1.5小時交枱，可以慢慢食慢慢傾先送來麵包，沾上甜甜既olive oil同vinegar, 肚餓程度即是降低Cappuccino $45，咖啡味唔錯，極岩飲Clams with white wine sauce $148, 價錢有點高，但每隻蜆都十分新鮮大隻，sauce 辣得黎好岩食Grilled pork racks with port wine sauce $188, 醬汁調配剛好，ribs 食起黎好惹味，不過太大碟了，兩個人都Ko 唔到佢

星期六想去行下Ikea打發下時間，順便去樓下既餐廳食個bruch，想chill咗過個悠閒既星期日，於是黎呢到黎個semi buffet.最平百零蚊已經有個餐，仲要包出面既buffet，有小食,湯,甜品,沙律,飲品等，非常豐富!buffet既選擇非常多，沙律亦都有三款，另外有火腿,腸,煙肉,芝士等等，又豐富又有營養!點餐後，大家都各自裝了自己想吃的，我自己整碟都是沙律，我自己食咗成碟，味道非常好，而且都唔會覺得飽。呢個大蝦帶子意大利飯共有兩隻煎至金黄色既帶子同三隻大蝦，非常鮮甜，個飯充滿奶油香，而飯粒彈牙。另外，仲叫咗個豬鞍，豬鞍下有豐富既配菜，豬鞍肉質嫩滑，切開呈粉紅色，外表煎至金黄，食落亦帶有豐富肉汁，整體質素很好。套餐包一杯凍飲，叫了杯凍檸茶，糖漿另上，而茶味夠濃。

Backyard系附近黎講系一個相當唔錯既選擇，尤其系佢賣$118元起既西式半自助午餐，絕對系平靚正之選!隨便揀一個主菜就可以任飲任食沙律吧出面既野飲&食物，冷盤有數款火腿，沙律&藜麥，熱盤都有幾款，例如煙肉及火腿等，仲有羅宋湯/ 忌廉湯，朱古力噴泉及自製窩夫等等。烤法國春雞配沙律 ($148): 成隻春雞都幾多肉，以lunch黎講算系幾rich。香料份量幾多，醃到春雞相當入味，仲有微微香辣，都幾香口惹味。肉質okay唔會鞋。烤豬鞍配雜莓汁 ($158): 豬鞍幼嫩軟腍，脂肪比例稍高，肉味一般，中規中矩。甜品方面，仲可以自己動手自製窩夫，倒下窩夫醬焗四分鐘左右就岩岩好，之後可以自己加花生醬，朱古力醬同煉奶等等。

每次坐車經過愉景新城的話,必定會經過這間西餐廳,他就在中染新城IKEA的地下鋪,但從來都沒有吃過,所以一於趁這一天晚上來試了他的晚餐因為朋友都介紹過他味道不錯,性價比高.最煩惱的時候就是點餐,最不煩惱的事情就是點套餐五款選擇,要飽要唔飽,任君選擇南瓜忌廉湯雞仔黃色的南瓜忌廉湯比其他西餐廳的忌廉湯更重奶香味,不會吃到絲毫南瓜蓉或南瓜粒些少香草作點綴；若然不喜歡濃烈的南瓜香味,可以選配雜菜湯.燒吞拿魚柳沙律配橙香沙律汁視覺滿分的前菜,放上了兩塊吞拿魚片,是少有的做法,吞拿魚不腥,下面墊了新鮮沙律菜,入口爽口清新；配上自家調配沙律汁,酸酸甜甜,非常開胃.烤牛肝菌羊肚菌火箭菜薄餅薄餅餅底不是薄批,是非常飽肚之選,熱熔芝士覆蓋着牛肝菌和羊肚菌,這兩種都是屬於菇菌般香口,材料多（最怕食薄餅唔夠餡料,食晒啲餡仲未食晒個包）.烤紅蝦伴龍蝦忌廉汁意大利飯龍蝦膏味道滲透着味蕾的每一條神經線,湯底煮得好,令意大利飯入味非常,而且飯粒質感適中,配合香港人口味,盡量減少飯的米骨；伴隨紅蝦兩大隻,多肉彈牙.奇異果柚子芝士蛋糕甜品永遠是最好的完結。是日甜品挺特別,沒有奇異果味,卻加入了奇異果的果子,吃到更多的是柚子

今晚同媽媽黎到荃灣一間西餐廳，入面環境設計好有特色，好似一個花園咁，令人身心舒暢！入到去店員先送上熱烘烘嘅餐包之後見到豬手做緊特價，就點一份黎食烤德國豬手配薯蓉酸青瓜及酸椰菜 $178好食到我自己食左一隻豬手😍一開始已經唔理形象手拎起舊骨咁咬😂調味無落好多鹽，原汁原味唔會過咸🙈而肉質保持著嫩滑juicy😋重點係好多筋肉🤤食豬手最正就係可以大啖食豬筋，滿滿的骨膠原✨脂肪都被烤走了，得返層薄到似紙嘅酥脆豬皮🤩食肉獸大滿足😝依家做緊優惠 $238->$178伴碟仲有天然薯蓉同沙律菜😚最怕烤到乾爭爭嘅豬手🤨呢間推薦大家去食👍🏻烤BBQ豬肋骨配雜菜沙律及薯條 $168好大份嘅豬肋骨啊😍最鍾意啖啖筋肉🤘🏻豬肋骨肥瘦適中，肉質夠腍，唔會韌😋口感勁juicy🤤BBQ醬調味好惹味開胃，食到最後先覺得有點咸🙈薯條沾左粉再去炸，特別香脆！入面又好淋~份量足夠3-4人分享，大家可以happy share~凱薩沙律配大蝦 ($68+20)係清甜嘅沙律菜，除左自己去菜市場買，真係無乜幾可係出面食到咁新鮮嘅菜！加$20要嘅大蝦，味道烤得咸香，口感爽脆！沙律醬仲要帶有龍蝦醬味，唔知叫咩但好好食Babyccin

自從有咗宜家傢俬，中染大廈就變得活化起來，好多食肆進駐，呢間西餐就係一個好成功嘅例子！放工如果想happy hour又或者想同同事食一餐開心嘅晚餐，呢度絕對係好選擇，有好多手工啤酒，可以嘗試！呢度裝修幾好，一入去經過一個吧枱，可以點手工啤酒，行前少少就係餐廳，我星期一去食，人流唔算多，可以靜靜地同朋友傾計！我哋兩個叫咗set dinner, 先上兩個湯，我叫左雜菜湯，裏面有好多雜菜，豐富嘅維他命C ,老公叫咗南瓜湯，南瓜蓉好香，配合忌廉好滑，我哋兩個都好滿意！通常set dinner salad都好難食，俾幾條菜就算，所以我哋都唔好太大期望，點知上嚟係吞拿魚沙律，吞拿魚半熟狀態係最好食嘅，二沙律汁酸酸甜甜，係廚師自己調校，味道特別好！我一向鍾意食pizza ,而最近食太多肉，所以選擇一個素食pizza ,烤牛肝菌羊肚菌火箭菜Pizza，估唔到咁juicy，個皮好薄，咬落好脆！老公係食肉獸，當然係食扒啦！佢叫咗一個烤原條澳洲M6和牛配牛肉濃汁，五成熟牛肉係最滑嘅，佢嘅醬汁好濃郁，濃厚嘅牛肉味，加上雜菜嘅新鮮，成件事好和諧！而且擺得好靚，眼睛同口腔都充滿快感！

今日中午同朋友嚟咗中染大廈食嘢，聽佢講呢度有半自助餐非常之吸引，食物非常豐富，除了有基本的紅白湯、麵包和沙律等等，估唔到仲有薯餅、炒滑蛋、煙肉、漢堡扒。。。任食添! 甜點仲有牛奶布甸，焦糖布甸同埋泡芙，好想試哂佢地睇過餐牌後我哋發覺價錢好合理， 不不不！這不是晚市的價錢嗎？ 怎會覺得抵食呢？ 完全是因為吸睛的自助吧地方環境很大， 種滿了草，有綠草如茵的感覺。 還拿了一些薯仔沙律火腿和凱撒沙律 羅宋湯很有水準，雜菜量很多，啖啖都是酸酸的什菜。朋友點了一份​和牛漢堡配薯條＄148 賣相很不錯，漢堡是會流汁的，非常正。 有一塊足量的牛肉漢堡和大量生菜蕃茄。而我就點咗​慢煮豬胺架配雜莓汁，豬胺的口感非常軟熟，肉質還很有彈性，非常美味。配菜有烤原個薯仔、粟米仔、車厘茄和荷蘭豆。 飲品方面我們點了一杯青檸梳打和新鮮水果茶。比較可惜嘅係飲品跟餐冇半價，要跟主菜單的價錢，不過還是我們口癢吧，外面提供熱茶和咖啡都是免費的。吃得太撐的關係我們都沒有去拿牛奶布甸哪些甜品。。 總括言而食物質素高之餘仲要好抵食，下次一定會再來。