Backyard (已結業)

平日行過，都話揾日試下，今午终於試到啦，我冇預约，幸好有位，最後一張双人位，餐廳環境都幾好！食半自助餐，自助餐區的食物都算幾唔錯，仲有我喜歡的藜麥沙律，正！又有格仔餅整，食完正餐仲有甜品，very good!我今次揀左右班尼迪克蛋配煙三文魚，扒雜菜蘑菇餅，都好好食，冇揀錯!下次再試其他野食先美中不足是service弱左D，不過又呢個價錢可以食咁富足，已經好好啦！

今曰在荃灣遊走，差不多步入8咪半商場/中國染廠大廈，發現地下左邊有間別緻的餐廳。探頭看看，這間餐廳主要以水泥地，配上淺木式傢俬與白瓷磚枱面，仲有不少的綠色植物作點綴，感覺年輕，又帶一點文青風格。這兒的晚餐定價唔高，只是$218-$318。已經有四道菜，有沙拉、餐湯、主菜、甜點及飲品，認真豐富。先來送上麵包籃。麵包是暖和的：黑糖提子飽味道香甜，芝麻包帶有芝麻香，口感香軟；而麵包條口感脆香，沾上黑醋油，醇厚的酸味中，帶微微的甜，更為滋味風乾火腿哈密瓜沙律這沙律好睇又好食! 沙律以高身透明酒杯盛著，透視著各種材料, 感覺高貴，十分吸引。風乾火腿入口甘香油潤，味道咸香，配上多汁香甜的哈蜜瓜同爽口生菜，十分美味，是一道輕盈又濃味的沙律。餐湯：海鮮周打忌廉湯這海鮮周打湯的確是真材實料！周打湯味道鮮美，內有海鮮粒粒如迷你八爪魚、小蜆、蝦等等，令creamy的周打忌廉湯加添口感。加上湯身濃稠適中，口感香滑，又不會過於膩口，有水準。香煎三文魚配藏紅花刁草汁$268Pan fried salmon fillet served with saffron dill cream這三文魚大大件，煎到魚皮焦脆，肉質

放工後同閏蜜relax傾計食飯，緊係要揀間舒服嘅餐廳！行經過Backyard嘅門口已經吸引左我地，燈光微暗，而且樓底高，環境舒適情調浪漫☺餐前會送上餐包配黑醋，食落仲係暖唔會凍晒乾爭爭，配黑醋食好開胃！😋黑松露牛肝菌意大利飯黑松露味好香！意大利有濃郁嘅芝士味，而且粒粒飯都比鎖住白汁，軟硬亦適中，牛肝菌亦吸收晒飯嘅汁香，食到我地lam lam俐！😋法式烤羊扒配香辣青檸汁外表烤得好金黃，但食落唔會乾身， 而且一啲羊氈味都冇，咬落去仲會有肉汁"必"出黎，非常juicy！我更愛佢嘅醬汁，食落辣辣地，同羊扒味道好夾！軟殼蟹泡菜竹炭漢堡漢堡超大份！！配搭住好多嘅蔬菜、蕃茄、泡菜，加埋炸得好脆身嘅軟殼蟹， 口感層次好豐富， 冇諗到加入泡菜味道係咁夾！ 而且食落又唔會好似平時食漢堡包咁乾身🤩

荃灣新商場8咪半地下有間唔起眼既西餐，今次就去左試下喱間Backyard。當日星期一晚唔太多人，餐廳環境都幾舒適，少少昏暗，可以話係幾有情調～點左佢既招牌菜軟殼蟹泡菜竹炭漢堡，同埋黑松露牛肝菌Risotto、燒豬肋骨第一道送上既係Risotto，黑松露味唔會太過濃，而且d菌類幾好食，飯粒煮得合我地口味，好味第二道係招牌漢堡，店員有問我地洗唔洗切開兩份，非常細心。喱個漢堡加入左泡菜，可能係迎合韓風～之前食過其他軟殼蟹漢堡，佢喱個比較有咬口，唔會太少肉～下次想試下佢其他漢堡第三道係燒豬肋骨。漢堡同豬肋骨都有跟薯條上，略嫌薯條唔夠熱啦～至於豬肋骨都ok，bbq醬味本身好夾，肉唔會太熟，幾好整體黎講喱餐都滿意。不過先食Risotto就有少少滯，如果可以控制下上菜次序會更好；同埋第三道菜隔得比較耐先上，有懷疑過係咪漏單。同埋如果野飲可以跟餐／大杯d比較抵囉～食物係ok既

今日去左呢間開係新商場嘅餐廳, 一坐低就覺得呢到啲裝修好靚, 樓底好高, 好適合一班人chill住咁食野傾計!一坐低佢就上左啲麵包食住先, 啲包配埋啲沙律醋,好好食!我地叫左個青口配番薯條, 超多青口, 個個都大大粒好厚肉, 個汁應該係蒜蓉忌廉嚟, 同個青口都幾夾, 但係我覺得呢碟野嘅重點唔hai啲青口, 而係啲蕃薯條, 啲蕃薯條甜甜地好惹味!!!main dish就係呢個西冷牛扒, 叫左五成熟, 切開個時仲有好多肉汁, 煮得啱啱好, 但係個sauce 就比較普通, 正常嘅蘑菇汁!野飲就叫個呢杯cocktail, 好有果味! 正!

見冇乜差評，所以上星期book枱食晚飯。我book左19:00，19:00前已到，入面只坐左3，4張枱，仲有70%既枱係冇人坐既。Waitress 搵到我個booking之後，叫我坐門口果張枱，我左。咁我問可以坐入面嗎，佢又俾我坐，即係話book枱既道理係同稻香一樣 - 冇留枱，黎到先可以攞位。朋友到就叫野食啦，我地叫左寬條麵同青口。先黎左一籃麵包。。。有D surprise，因為。。。竟然有方包。。。第一次見意大利餐廳會用方包。跟住上寬條麵，呢個係OK既。最後上青口，隻隻個殼都好大。。。但隻隻都營養不良，有D得一條線咁濟。朋友講笑咁話樓上IKEA果D大隻過佢好多，平佢好多。同朋友只有苦笑同食D營養不良青口。加埋1成$200一碟青口，唔值。我地食唔飽都唔敢再叫，坐多陣同就埋單走人。

三個女仔聚會，想搵個靚啲可以坐得耐啲的地方，就揀左呢間。呢個聚會地點真係唔錯，地方大，服務很好，侍應會同你傾下計，關心下你需要。咩都未叫就上左呢個:配橄欖油同黑醋，好清新好味。因為驚太飽，我地只叫了一個set。個沙律造型好正啊！杯的最底有哈蜜瓜粒粒，正!湯係白湯，無咩特別。西班牙火腿佛羅倫斯意大利薄餅，樣就幾靚，但係火腿唔夠突出，無咩特別。另外散叫左一個黑松露牛肝菌義大利飯。個飯好好味，但食唔到黑松露味。又叫左一個魚，忘了是什麼魚，只記得魚肉好“鞋”，太熟了set dinner包左一個甜品，好味啊～草莓味好清新，不太甜，剛剛好。但是，坐得耐真係好辛苦，椅子好硬

餐廳好大，樓底好高！係同朋友聚會既好地方👍🏼.為左呢個三文治而黎架！！紅菜頭田園三文治配薯條 $98係粉紅色三文治呀😍 隻色好靚！一定要相機食先！💓夾有火腿、蕃茄、同少少藍芝士，冇加醬，整體味道算清，健康既感覺🤣幾好食呀，不過如果加醬同芝士片味道會更豐富🤤..蒜香白酒車厘茄煮蜆 $148有好多蜆肉，新鮮👍🏼蒜香味濃郁，有淡淡白酒味，味道都好辣下，冇諗到會咁辣😂..三文魚子帶子意大利飯 $208一上菜聞到超香的，個飯好熱，好濕潤同creamy 🤤意大利飯既咬口適中，帶子吾錯，如果再多啲三文魚子就好喇！🤣

逛完荃灣IKEA後，臨走時見到樓下Backyard有Tea Buffet 供應，所以就來歎個悠閒下午茶。內裡環境寬敞，配合高樓底落地玻璃滲透著柔柔日光，洋溢著小清新田園氣息。逢星期六、日及公眾假期Backyard提供下午茶自助餐，供應時間為下午2:30 - 4:30，收費也只不過是 $88一位，可說是極抵食。不過食物款式就不算多，而且refill的速度略慢。墨西哥脆片可能放久了，不太脆口，雞軟骨串口感太硬韌。雞肉串已經去掉雞皮，入口不會油膩，麻醬雞絲沙律和千島醬薯仔沙律一掃夏日悶氣，醒胃而又可以提起食慾。可惜芝士牛柳意粉和肉丸完全不夠熱，令味道大打折扣。幸好燒雞扒嫩滑多汁，十分厚肉，香腸一咬開爆出肉汁，肯定可滿足食肉獸。這裡的pizza 像是麵包多於薄餅，所以餅底不香脆，反而薯條相當值得推介，剛巧讓我遇上新鮮炸好的，外層金黃酥脆，肉心軟綿細密。由於熱食多數不夠熱，所以凍食的前菜類水準相對穩定。沙律就是穩陣之選，點上黑醋或麻醬特別開胃。cold cuts亦有好幾款，切得薄片，而且味道也不會過鹹。就連芝士都是任食，平時在超市買都不便宜，但在這裡可以任吃，肯定可滿足各芝士控。甜品個人較喜歡芒

餐廳主要採用簡約式設計，並在透明玻璃的窗台前放置了幾盆盆栽，感覺十分舒適。我地一揀好個main course就即刻出去覓食。中，點知原來選擇都唔少架，除左常見既煎蛋、香腸同沙律之外，竟然重有一個格仔餅機同埋chocolate fountain,十分適合一家大細放假過黎開餐。野飲同餐湯都係自助形式～個烤春雞十分大份，總括黎講味道唔錯，肉質唔會鞋身亦唔太乾，配搭黑醋沙律減少油膩感。重點推介：大蝦帶子意大利飯！意大利飯充滿香濃的奶油味，再加上金黃色的帶子，賣相+味道一流！ 題外話，由於個飯岩岩新鮮出爐，侍應姐姐上菜時都提醒我地要小心唔好掂到個碟邊，服務態度非常好！最後整埋個waffle，甜到入心

今個星期六同左朋友去咗semi lunch buffet，環境幾好又闊落，食物選擇多又唔太貴～依個semi buffet選擇都幾多呀，有salad，生果，煎薯餅，炒蛋，腸仔，甜品。最特別既係有朱古力噴泉，配上我喜歡既棉花糖，簡直係絕配。坊間既semi buffet通常好少有朱古力噴泉食，中意食既朋友就記住食多幾串啦！我地叫左烤豬胺架配雜莓汁，充滿藝術既擺盤，簡直係視覺既享受。豬胺烤得一d都唔乾，外表金黃，切落去肉腍而有汁，配上酸酸甜甜既雜莓汁令人食落好開胃。而且，豬胺的份量一d都不少，兩個人share一份，剛剛好，唔會太膩～再叫咗個大蝦帶子意大利飯，一上菜已經好香好重既芝士白汁味，食落仲相當juicy，海鮮都大大粒又新鮮架！最後襯未完semi buffet岀去整埋個waffle！Waffle粉漿調配得宜，倒下粉漿，焗4分鐘。之後再配上我喜歡既花生醬和煉奶，又脆又香既waffle就整好啦！

行完街最正就係搵返間文青餐廳坐下休息下，依間如其名Backyard，入面好多花花草草，地方大坐得幾舒服！野都未叫，有個好nice嘅姨姨上左啲包，有醋油掂住食！白酒忌廉汁煮藍青口配蕃薯條 $188✨啲青口多到就湧岀來，不過最正唔係個量，係啲忌廉汁，我當海鮮忌廉湯咁飲，原汁原味呀！軟殼蟹香草醬意粉 $148✨軟殼蟹通常都冇得輸，不過一般就跟黑松露，今次依個青醬同樣咁香烤美國頂級安格斯牛肉眼扒配迷迭香汁 $288✨頂級就真係頂級，又多汁又嫩！不過冇諗過咁大塊，食唔完呀！Banana Smoothie $40✨大家知道smoothie唔係間間都好味，通常啲泰國越南餐廳會做得好啲，但依間竟然飲到香蕉原味，仲有籽添！好開心呀！

今日約左朋友在荃灣，大家都想食西餐，佢就帶左我去backyard好鐘意呢到樓底高又寬敞，微微的燈光，簡單舒適的環境，令人好relax今晚叫左2個dinner set, 餐前的麵包配意大利醋風乾火腿哈蜜瓜沙律~用雞尾酒杯盛着沙律，賣相好靚，即時加分，on top放左2大片parma ham和新鮮沙律菜，在底部放左好多切左粒粒的哈蜜瓜，再加上用哈蜜瓜打成的mousse, 感覺真係好fresh什菜湯~材料好充足，所以蔬菜都切成小粒，湯味好濃忌廉湯~好滑好creamyMain course ~ 燒春雞扒配泰式紅咖喱~$248外皮燒得好香，內裏雞肉還很嫩滑，好juicy!泰式紅咖喱也很惹味廚師推介~鮮白露筍鹅肝意大利飯~$288意大利飯有好濃郁的cheese味，每一粒飯都被好creamy的白汁包着差不多每食一口都有切成粒狀的白露筍，最精彩還是那塊厚厚的鹅肝，有好濃的鹅油和鵝蘇味，好正好好味咬每一口都是享受，估晤到用這個價錢可以有這個質素的鹅肝甜品是朱古力蛋糕，看得出厨師在擺設方面也下過功夫食埋甜品飲埋餐茶，呢一餐真係大滿足我覺得用這個價錢可以食到這麽有質素5道菜的西餐，真是物超所值

今晚約左個friend撐枱腳起荃灣開飯去左想試好耐既backyard呢到食晚餐都唔算好貴而且一坐低就會先上餐包暖暖地幾好食朋友要左個三文魚dinner set 我就要左軟殼蟹泡菜竹岸漢堡配薯條Dinner set 既火腿哈蜜瓜沙律造型幾特別第一次食哈蜜瓜既沙律都幾fresh幾開胃餐湯要左忌廉青口湯飲落口感好rich但又唔會漏抵讚！三文魚柳厚身煎得外皮香口 內裡嫩滑食落魚汁爆哂出黎配埋個sauce藏紅花刁草汁幾好食配菜有薯仔有各種瓜同豆食完幾滿足軟殼蟹漢堡好大份 有成隻手掌咁大裡面有大量蔬菜同泡菜 食落有好多種味道同口感軟殼蟹炸得香脆 同泡菜一齊食出奇地夾食完個漢堡都飽左一大半薯條炸得金黃脆口 正！跟餐甜品～朱古力幕絲食落好滑好creamy 唔會太甜太漏加多左個New York cheese cake 芝士味香濃芝士控唔可以錯過！呢到環境都幾舒服食物質素又唔差推薦比大家！

趁住放假就跟母親大人過黎荃灣呢邊行下街，扮下孝順仔。可惜天公不造美落左成日雨，於是就揾左黎BACKYARD食個LUNCH跟手過隔離愉景新城閒逛。入座時間剛好食到呢度嘅LUNCH BUFFET，所以各揀左個MAIN COURSE就出自助區揀野食了。任食選擇都好多，多士／煎蛋／沙律／生果／芝士火腿等應有盡有，最驚喜係有部格仔餅機，可以自由配搭心水味道。因為跟母親大人都好鐘意食格仔餅，所以一黎就整定兩底先。因為都要四分鐘先焗好架。朱古力噴泉都可以係LUNCH食到，真係好少見。覺得配生果就麻麻，最夾都係綿花糖。小蛋糕就無咩特別，但母親大人好鐘意食。紅莓汁配豬胺。唔係講笑豬扒差不多有成個五蚊銀咁厚，體積非常巨大。伴菜有新薯／紅蘿蔔／青豆／翠玉瓜等，非常豐富。起初以為咁厚嘅豬扒會煎到好鞋／乾身，但切落又唔覺喎，豬扒都幾腍身雖然邊邊位有啲乾，但中間部分就啱啱，配上紅莓汁及黃椒汁去中和返豬嘅油膩感，唔錯。分量之大兩個人SHARE就剛剛好。帶子大意大利飯。帶子煎得好嫩仍然軟滑無過火。意大利飯食落奶滑香郁芝士味都香，整體食落都唔算HEAVY，但就適合最後先食因為都幾飽肚。麻醬茄子小食。作為開胃小食幾好，微