Babbo Trattoria (已結業)

幾位男侍應服務非常周到👍🏻很耐心地照顧我們的需要及推介食物。另外，Pizza十分出色，特別喜歡他們即場人手製作的餅底。環境舒適,無論是情侶還是三五知己都十分適合，絕對是銅鑼灣的綠洲

朋友叫我去食義大利菜我咩都無問就跟左上去上到去覺得 好似係邊個電視節目睇到 餐廳主廚&老闆的訪問餐廳職員落單後問左一下 噢原來真的就是這間記得那個節目 和老闆做左個深情訪問 提到佢的 對廚藝的堅持 又將不同 義國芝士和台灣風味融入義大利菜p.s 老闆是台灣人來的餐廳的空間感好高 每張枱都隔些距離 雖然餐廳係大廈 但裝修得好似 義大利 地面or地牢的餐廳咁餐牌有餐廳的簡介和對pizza 的追求餐廳有好幾個招牌菜 點知朋友一個都無叫來等我試試 她叫了 窯烤蒜味蘑菇鮮蜆盅真係好香 一上來香氣撲鼻 蜆肉比較大隻 白酒用上偏酸的 加熱後仲留有酒味入面加了 切碎的新鮮辣椒仔 約食越辣 加埋牛油 令蜆肉更加甜配食的麵包 加了橄欖油toast 過 點汁食一流美中不足係 麵包太少了跟住叫了一個 比我都唔係好敢試的帕達諾窯烤牛肚茄汁牛肚 面頭有小小芝士碎和鵪鶉蛋加起來令牛肚無咁蘇  加多個pasta 辣味蝦 天使麵麵質柔軟 第一啖都唔係好辣 慢慢食先開始有d辣麵的分量都幾多 條條分明 無黏住 這次幾樣菜都係濃味，香口 和一般義大利菜味道不同好有驚喜

有日朋友無啦啦醒起, 之前係某個節目陳啟泰介紹左間餐廳話係台灣人開O既意大利餐廳佢好想試...咁就叫左我陪佢黎入面又幾有FEEL喎...由於好想知係咪真係陳啟泰介紹果間..我地特登去問個侍應..佢話個MENU 入面有齊個總廚O既故事..除左陳生之外, 仲有幾個節目都介紹過我地都即刻好高興就叫佢介紹兩三個菜式我地試下第一個, 窯烤蒜味蘑菇鮮蜆盅有好多菇得黎,蜆肉好鮮味有淡淡O既酒香仲有幾塊多士比你點汁食...朋友連D汁都想飲埋...第二個,帕達諾窯烤牛肚首先個面有一大塊芝士, 已經令人好開心個牛肚吸哂D 汁, 咬落去D 汁必出黎幾得意最後一個, 辣味鮮蝦天使麵比想像中大碟, 賣相都好靚食落辣辣地, 意粉又幾彈牙正諗住細心品嘗果陣.....冇留意天使麵林得快....不過吸哂D 汁O既天使麵, 又係另一種感覺

Lunch time 想喺銅鑼灣食西餐都算多選擇，不過好多係樓上舖，成日等lift都用左10-15分鐘，好浪費時間。今日同朋友去左鵝頸橋附近二千年廣場間Babbo Trattoria 食，貪佢果度唔洗等lift，我記得以前喺同一個位置食過晚餐（不過就唔記得係咪同一間餐廳）。佢lunch set有8個主菜揀，有意粉有飯有pizza，魚或牛排，每個set 都配凱薩沙律，餐湯，飲品，range $78-$108，價錢尚算合理。我同朋友叫左兩個set share, 一個係慢燉牛小排，一個係pizza mondenese。凱薩沙律及餐湯沙律菜新鮮配一小片香脆法包，加上磨碎嘅cheese喺面，唔係交一般行貨。餐湯係粟米蘑菇湯入，湯入面加左吞拿魚碎，creamy得黎有咬口。慢燉牛小排牛小排似係牛仔骨，燉得好淋，個汁較得岩岩好，有成5-6舊，雖然無意粉喺底，但都夠曬一人份。Pizza Mondenese必食推介！佢係用傳統嘅窯烤爐焗，見有客人落order,就隔著廚房嘅玻璃見廚師搓皮，再放配料，即時入爐焗。我地叫嘅Pizza Mondenese 有grape , 有少少甜，唔會怪之餘，配合埋mixed

西餐入面一直鍾情於意大利菜，今次約左朋友係銅鑼灣晚飯，搜尋之下搵到呢間位於二千年廣場的babbo trattoria評語不錯，一於就同朋友黎試下啦餐廳坐位寬敞舒適，食飯飲野都很適合。Menu做得好似一本厚厚的相簿，一睇之下發現原來餐廳係台灣人開的，別有一番風味～先叫左個taleggio芝士鑲蛋佐特製面包，送上黎時侍應會將隻溫泉蛋同芝士撈勻，再用黎點面包食。個面包新鮮焗起，熱辣辣，芝士鑲蛋十分香濃，很美味的一個前菜。見天氣熱，我地叫左個西西里蕃茄冷面。意粉選用左天使面，非常幼身彈牙，配合蕃茄汁食，非常清新～pizza我地就叫左個費倫天拿，薄餅面上有大量的波菜苗、煙肉、芝士及溫泉蛋等，十分香濃，即做即焗的薄餅特別脆身，真是不錯的一頓晚餐

呢個星期食過日式、美式、韓式、台式餐,仲未食意式同法式,點指兵兵......,就食意式啦!Search到2000年廣場有間食意大利菜式的餐廳裝修好有意大利風味餐牌好有心思,用咗結婚嗰啲相簿為菜式做記錄,好似一本精選集由於太精美,圖文並茂,我都睇到好入神!突然傳來香氣......第一款白酒煮蜆和菇 蜆有牛油味,又有兩種菇,分別雞脾菇同冬菇,兩種菇配合蜆一齊煮再加辣汁帶出蜆嘅鮮味,麵包好脆口新鮮,一啲隔夜嘅感覺都冇,將蜆汁淋係麵包上面,好味到覺得麵包太少。 第二款都有香脆麵包,芝士的香氣好濃同茄汁好配合, 入面仲有一啲牛肚,用咗餐廳特有嘅窯烤方法去煮,令牛肚原汁原味,再配合個醬汁, 好濃郁。第三款餐廳用De Cecco嘅意粉,夏天食冷麵有種清涼感覺, 茄汁酸"may may"好開胃, 意粉有少少硬,但係入口感覺適中。

銅鑼灣想坐得舒服 靜靜地食個午餐可以選擇上樓上的店鋪 今日同朋友食了間幾好味的午餐 重點是有質素 價錢也很合理午餐包括凱撒沙律+是日餐湯- 粟米吞拿魚湯 及飲品- 咖啡或茶 是日餐湯是粟米吞拿魚湯 口感creamy 有吞拿魚碎忌廉蛋黃火腿pizza $78 pizza做得幾好味 不是普通的餅乾脆皮 而是用意式傳統及地道的做法 pizza底有咬口 食到麵粉香 忌廉蛋黃火腿材料簡單但已經好好味佛羅倫斯慢燉牛小排 $108 牛小排(=牛仔骨) 燉得淋身容易離骨 又食到牛香味店員特意推介我們食餐排上的帕達諾窯烤牛肚Trippa aL Paddno 烤牛肚其實好少見 幾吸引 下次同朋友食值得一試

見到咁多正評決定今日試下, 餐廳系2000年廣場五樓, Times Square對面超方便. 我地冇預約, 1215到達都可以直接入座，唔洗等xplunch set 包埋凱撒沙律, 餐湯, 主菜(有8款) 及飲品, $78 - $108. 我地叫左三文魚 Risotto 同Pizza Mondenese. Pizza 系即叫即做, 好好. Risotto 個cheese味好出同三文魚好match, 系近期我食過最好食既Risotto <3

其實喺鬧市中隱藏左好多正野, 除左最常見既日式放題刺身居酒屋, 韓式燒烤, 茶餐廳等, 唔計連鎖店, 正宗意大利菜都係比較少見喺時代廣場附近既二千年廣場, 行入地下大堂已經見到水牌上面有好多間餐廳, 上到5樓就係babbo trattoria座位都好寬敞, 可以同朋友飲杯酒吹下水menu 整得好精美, 成本相簿咁樣今次揀左四季(四款口味)pizza, 窯烤蒜味蘑菇鮮蜆盅同埋帕達諾窯烤牛肚- 帕達諾窯烤牛肚 $138 -慢火焗到面頭浸grana padano芝士開始溶化, 由於呢種芝士本身質地較硬, 所以提供到香脆既口感, 牛肚配上濃郁蕃茄醬, 牛肚很爽口感很清新- 窯烤蒜味蘑菇鮮蜆盅 $118 -有雞脾菇有冬菇有野菇, 配埋香蒜同牛油, 本身唔太重味既菇類都比佢地帶起左, 蜆都好新鮮鮮甜而且冇沙, 配幾粒香蔥已夠香味- 四季(四款口味)pizza $188 -薄餅分左4款口味, 感覺好似一個價錢就歎到4個pizza 咁, 好開心好滿足😍餅底好薄好香脆唔油膩, 芝士拉絲感極重👍

假日出外活動，應承了帶小朋友去對面海中央圖書館看書及坐叮叮，順便食大餐，自己好想嘆下啤酒，小朋友又喜歡薄餅。所以即時想到去銅鑼灣既Babbo Trattoria. 呢間意大利餐廳大熱天時，一坐低即刻睇下個drink list, 原來而家多咗好多意大利手工啤酒。一於叫來試下。隨即叫了個Pizza ，呢款smoked salmon pizza認真足料，個pizza 餅底係見住廚師即時隔著玻璃窗搓皮，再放入大火爐內烤製，感覺份外新鮮美味！再叫侍應額外比芝士我地，佢地係即削比你，正！另外再叫了一份小食及意粉：辣汁煮蜆、鮮茄冷意大利麵，兩者都係夏日消暑佳品，小朋友嚷著要飲果汁，乘機再叫另一款手工啤嘆下！滿足的一天！

誤打唔撞來到呢間頗有格調既餐廳， 中午時間無訂位，以為實要等，出奇地即刻有位。 我地坐正係玻璃酒櫃前面， 好有情調🤣。 lunch set 價錢由$78-118 ， 有湯， 有salad , 主菜 仲包咖啡茶， 實在超值。 Soup of the day 吞拿魚洋蔥湯 吞拿魚blend 蓉左， 每啖都有香濃吞拿魚味。Caesar Salad 份量十足， 有兩塊mini toast bread, 用來點湯唔錯。 Main course 酥炸鯛魚佐忌廉蕃茄汁原來有4塊， 炸得唔乾，配埋creamy蕃茄汁 , 食落好juicy ,仲有薯仔配菜， 非受飽肚。佛羅倫斯慢燉牛小排這個不得不讚，1） 份量十足， 一共9件， meat lover 大愛；2）慢燉，令肉質超林，係件件都淋3） 佛羅倫斯汁， 似蕃茄汁加左小小紅酒，非常入味銅鑼灣區，性價比高

星期日在銅鑼灣shopping,收穫滿滿，太開心了！一家三口也有戰利品，但行到腳軟。想起二千年廣場上有一間高質意菜，之前同朋友食過lunch, 今次一於帶兩個大小honey 去試菜。一進餐廳，音樂及環境營造得很有氣氛。六點到，餐廳只有兩三枱客人！先叫了杯Moijito,老公要了啤酒！先來消消暑天氣太太太熱了⋯⋯人人話體感溫度有四十幾度，真的不是好有胃口，向侍應説了情況，有經驗的侍應推薦了一些夏日開胃意大利菜式！辣蒜香煮蜆，配上蒜蓉包，蜆肉幾新鮮同飽滿！食嘅時候聞到好香嘅蒜味辣椒同酒味。鮮茄冷麵呢個真係要極力推薦，好食到不得了！爽口彈牙嘅天使面配上鮮味嘅凍番茄濃湯，一絕！煙熏三文魚pizzaPizza係阿仔話要叫嘅，仲指明要食三文魚！佢嘅pizza餅底好煙銀、有質感！煙三文魚之多，令你覺得好野味！其實七點鐘已經食飽晒，不過再叫多一兩啤酒，喺度涼下冷氣攤唞下！都不失為夏天最好嘅消暑節目！

餐廳整體氣氛唔錯，慢慢食唔會有俾人趕走嘅感覺。Menu製作好精美，好似睇緊啲結婚相簿咁。當時同老公order咗 1個冷盤，2個主菜同 2杯飲品。飲品點了Red Wine Mix Berry同麥味啤酒。Red Wine Mix Berry味道唔係咁夾，較為普通。麥味啤酒麥味好香，唔錯。冷盤係西西里鯷魚西蘭花，原本想像會有鯷魚碎灑在西蘭花上，試食第一件食唔出有鯷魚味道，肉眼也看不到鯷魚，找來經理詢問一下，原來此道菜式並非將鯷魚灑上，而是只有鯷魚汁嘅味道。我地表示略淡，沒有鯷魚味。結果經理奉上一小碟鯷魚，俾我地伴食。態度服務認真一流，銅鑼灣區真係好少見。另點了肉醬牛肝菌寬扁意粉，味道濃郁，意粉口感很好。另一主菜係四季pizza, 加埋蜜糖一齊食，份外美味。

今日同朋友喺銅鑼灣時代廣場附近搵嘢食 ,見到有間上網評價唔錯嘅意大利餐廳喺附近，於是就想去試下。 入面裝修幾多特色，外牆係用啲磚砌出嚟，仲有好多吉嘅酒樽放咗喺度。 我哋喺張圓枱度坐低咗，叫咗一個前菜，窯烤蒜味蘑菇鮮蜆盅，同兩個主菜辣味鮮蝦天使麵，同拿波里海鮮pizza. 過咗冇幾耐，窯烤蒜味鮮菇鮮蜆中送上，另外有三個義式法包可以點啲湯，入面有兩種蘑菇同蜆，有少少辣味但味道都幾清新。 之後係辣味鮮蝦天使麵。入面有三隻大鮮蝦，鮮蝦嘅蝦身已經剝咗，所以食起上嚟好方便，辣味同蝦味都好夾，天使麵麵質唔錯。 最後係拿波里海鮮pizza, 店員幫我哋將pizza切成八份，pizza係意大利手拉pizza, 餅底好煙韌鬆軟，海鮮加上蕃茄粟橄欖味道好夾。

以前喺銅鑼灣番過幾年工，就已經覺得喺銅鑼灣食午餐係一件開心事，餐廳選擇多，自然質素好，無咁貴。凱薩沙拉 - 佢啲芝士真係太慷慨，芝士同菜嘅份量一樣咁多，細食啲嘅話淨係食完呢個沙律都夠飽！沙律菜夠爽脆，好味！蕃茄湯 - 最中意佢夠熱辣辣，好多蕃茄蓉，番茄味好鮮甜，叻嫌佢唔夠鹹所以我自己加左啲黑胡椒。佛羅倫絲慢燉小牛排 - 有兩大件牛仔骨，肉炆得好林，蕃茄汁好好味，有好多蕃茄蓉，加分位係佢加左好多沙律菜喺度，食上去無咁滯，如果有兩塊多士可以食埋個番茄汁就更加正！酥炸鯛魚佐忌廉蕃茄汁 - 佢呢個魚真係要抵讚，雖然話係酥炸但係佢冇用一般嘅厚醬粉，相反佢只係搽咗薄薄嘅麵粉，啱啱炸好上枱熱辣辣，總共有四件魚柳，個魚柳用咗大量黑椒同埋鹽去調味，加上鋪喺底嘅忌廉番茄汁，食落去好夾，同小牛排一樣，佢又係加左好多沙律菜，唔會剩係得肉咁悶，抵讚！有一個細心為我想讚一下佢哋，就係佢哋個洗手間，乾淨光猛，仲好貼心咁有牙簽筒買女性用品，相信都唔係有幾多間係銅鑼灣嘅西餐廳可以提供到咁貼心嘅服務！