Babbo Trattoria (已結業)

鮮蝦野菇意大利飯意大利飯硬左少少, 份量細左少少, 香草味濃, 味道不錯煙熏乳酪火腿PIZZA  4個 人 SHARE 一人2件份量剛好 焗得脆, 但又唔會太乾, 火腿味唔會太鹹, 肉質都比較滑既辣味都幾重, 岩晒鐘意辣既朋友窯烤牛肉眼扒(10oz)牛味濃, 肉質好滑, 好耐冇食過咁好食牛扒配菜洋蔥好甜, 薯仔有鹹香誠意推介 迷迭香窯烤馬鈴薯 烤完出黎係好香好香, 薯仔味濃, 但只有少許鹹香, 可以不叫餐廳食物質素唔錯, 又唔會限時趕你走, 而且坐位舒適, 會再幫趁不滿既係MEUN 太重, 洗手間不算太整潔, 希望可以改善一下 

朋友尋找正宗意大利餐，搵到黎呢間餐廳，我哋避開午飯時間，特意下午茶時間再嚟，唔使等位，可以慢慢享受平價意大利菜～呢度地方寬闊，枱與枱之間有足夠嘅空間，唔似一般港式餐廳咁窄... 環境優美，別具風味，仲有個大大嘅酒櫃，嘆番杯仲正～又香又滑嘅忌廉湯，除咗料多，仲係料多～芝士多過沙律菜嘅沙律，都係第一次見，連埋佢塊脆多士，冇得彈～香烤牛仔骨，好香炭燒味，配上辣油及香醋更惹味～菠菜蘑菇煙肉薄餅小巧精緻，菠菜煙肉舖滿全個薄餅～

舊同學因下午休息，所以相約一起午膳。想起上次到銅鑼灣二千年廣場內的Babbo Trattoria ，環境清靜之餘，食物質素也不錯，於是lunch time時間walk in，雖然已有數枱客人，但環境還是安靜的。原來餐廳已換了午市餐牌，食物種類也不同，午市套餐仍包括凱薩沙律、主廚湯、主菜及飲品。首先出場的是南瓜湯，濃濃的南瓜蓉口感濃厚，南瓜料十足。凱薩沙律仍選擇新鮮生菜配香烤煙肉片，味道匹配。主菜是香烤牛仔骨，賣相已很好，簡單配上醃料非常入味。鯛魚炸至乾身香口，沾上忌廉蕃茄醬汁，味道剛好。大家一邊傾談、一邊享受美食，舊同學都說這裡是鬧市中的好地方。

前菜點了Pecorara燉羊麵包及烤牛肚。燉羊麵包主要有燉羊肉，跟洋蔥，芝士混合，配上少許黑椒，再放在麵包上，十分惹味。烤牛肚也是配上麵包吃。醬汁是由蕃茄，芝士及雞蛋煮成。牛肚十分腍，味道濃淡得宜。兩個前菜份量適中，個人也十分喜歡。第一客主菜點了肉醬牛肝菌寬扁意粉，牛肝菌味不算太濃，但醬汁整體味道屬濃厚。第二客主菜為漁夫pizza。Pizza 味道十分特別，pizza底皮薄夠脆，是頂級製作。餡料帶濃烈的魚味及小量魚腥味，愛吃魚生的人會愛吃這pizza.餐廳裝修屬中高路線，感覺與鬧市隔絕。食物高質，價格也不高，在銅鑼灣區實屬抵吃。

今日同女朋友諗住去銅鑼灣時代廣場睇戲，睇戲之前食個午餐先，我哋行咗去對面羅素街嘅二千年廣場，搵到一間好有情調嘅西餐廳。餐廳入面環境好舒服，佈置好有歐洲嘅感覺，而且仲會播放着意大利音樂，如果食晚餐嘅話應該更加浪漫。我哋首先要咗個小食做前菜，係比較少見嘅燉羊肉麵包小點。烤到脆脆嘅多士上面配上用汁燉煮嘅羊肉口感好好，而且羊肉嘅羶味剛剛好，燉到好淋，加上刨成絲嘅芝士，更香濃。之後我哋就點左一碟鮮墨魚汁意粉。墨魚圈非常爽口彈牙，墨汁食得出好新鮮，但完全唔腥，岩岩好掛喺扁意粉上面。加上有少少辣同酸酸的蕃茄，好開胃。最後比呢頁menu吸引左，要左一個明火現場烤製既pizza。pizza既饀料選擇都有唔少，而我地就揀左牛肝菌烤雞pizza。話係我喺香港食過最好食既pizza真係冇誇張！先講饀料部分，非常足料，烤過既雞好嫩滑完全唔乾，而牛肝菌味好濃，加埋蕃茄仔同芝士，簡簡單單已經好好食。而呢個pizza最值得我欣賞既係批底，佢有平時薄批既脆，而外圍就有厚批既鬆軟，好似食緊意大利包咁，就算冇饀既部分都會想一一食哂！總結呢度既食物環境同服務都好好，而且喺銅鑼灣區價錢都合理，pizza真係必食！

前兩天朋友相約到她在銅鑼灣的公司附近午餐，當然要搵間環境好的餐廳坐下來，一邊傾計、一邊食好嘢啦！今次我們選擇的是位於時代廣場對面的二千年廣場，聽朋友説這間意大利餐廳食物和環境也不錯，於是決定來這裏開餐。餐廳由門口到室內的燈光較為昏暗，頓時給人感覺平靜和要放慢腳步來享受美食。時間剛是中午十二時，客人不多，職員友善地安排卡座位給我們。星期一至五提供午市套餐，有沙律、主廚湯、主菜和飲品一杯。我們分別選擇了紙包綜合海鮮和窯烤忌廉鮮蜆意大利麵為主菜。各類海鮮與番茄醬包在錫紙內，打開時氛香撲鼻，麵包沾上熱辣辣的醬汁，非常惹味。蜆與忌廉和意大利麵煮後加上芝士一起窯烤，味道濃郁。職員溫馨提示要盡快吃，否則涼了便失去了原有的口感。餐後再品嚐一杯香濃的咖啡，整天也充滿了力量。

這這間意大利餐廳喺銅鑼灣,見到食評好吸引, 仲有好多正評,所以就嚟試下.餐廳環境都好舒服,唔係好大,有一個好大嘅,烤爐,好有意大利嘅感覺！有家的感覺凱撒沙律,芝士另外上,Pama ham薄薄的,不會太咸太濃,沙律菜夠fresh,有麵包薄片,好good,芝士碎上,唔濃的！好味道生牛肉他他,份量不少,有芝士同沙律舖係牛肉上面,生牛肉好薄。唔酥同腥,撈埋一齊食就啱啱好的芝士蛋配麵皮,將雞蛋同芝士撈埋一齊,加麵包一齊食,好香同埋也好夾的,麵包好軟綿綿,正呀！窯烤牛肚,用蕃茄醬烤牛肚,很特別的意大利菜,加多士一齊食,多士夠脆,好味的雜菜湯,有一塊多士,湯好多疏菜粒,酸酸地的,幾開胃的磨菇湯唔係攪碎d磨菇,磨菇是切了厚絲的,有鮮味的,好香呀,法包香脆海鮮湯有青口,蝦,蜆,魷魚,好足料,湯也香濃,有d酒味,海鮮鮮甜好味炸飯糰好特別,炸蛋的樣子,入面係芝士飯,味道都幾好,外面炸到香脆,有d汁加埋一齊食,也是幾好好香蒜味,火箭菜好多舖係意粉上面,意粉好多蒜蓉粒,檻欖油也好非常之香,每啖意粉夠彈牙又幼身,好好味牛肋肉好大份，賣相很吸引，切開長條狀，容易食，半生熟，牛肉就是有粉紅色的樣子，配上洋蔥，沙律菜，

今日去左銅鑼灣找老友吃午餐，老友介紹了在二千年廣場商業樓上的餐廳「Babbo Trattoria 」是吃意大利菜，餐廳午市以做套餐為主，套餐包有凱薩沙律、主廚湯、主菜及飲品，價錢在銅鑼灣來說都是經濟的。餐廳裝潢有點像酒吧的感覺，歐陸風格為主，燈光柔和坐位與坐位之間都很寬闊。凱薩沙律：一絲絲的鹹香Grana Padano芝士口感非常軟綿幼配上沙律菜好爽脆加埋餐廳自製的沙律汁酸酸味味好清新醒胃。主廚湯：忌廉南瓜湯，南瓜好清甜好香。菠菜蘑菇煙肉Pizza $78 薄餅是餐廳的招牌菜之一，餐廳廚房有一個火山石烤爐，烤出來的薄餅微焦，薄身賣相不錯，薄餅口感好鬆軟同煙韌，芝士味道很香濃，菠菜蘑菇煙肉餡料都很豐富。香辣蕃茄雞肉斜管麵 $88斜通心粉，雞肉，辣椒，洋蔥，大蒜，番茄醬烹調而成的，估不到雞肉都有很多份量，第一淡食落去已感受到夠香辣加埋番茄味道好惹味。餐飲即磨咖啡

今日去開銅鑼灣行街，就順道係個邊搵食。我們揀了times square附近的二千年廣場之Babbo Trattoria去食意大利菜。餐廳𥚃面闊落，燈光較昏暗。凱撒沙律佐帕爾瑪火腿＄138這個凱撒沙律面鋪滿芝士碎。內𥚃有生菜，火腿和麵包碎。挺清新。Babbo’s特制鮮墨魚汁意大利飯＄198這個墨魚意大利飯粒煙韌。有不少魷魚鋪在飯面。肉醬Pizza餃子＄198店員端上來時讓我們先影相。一隻餃子狀的pizza漲卜卜，似好好味。我們影好相後，店員把pizza切分成四塊，每塊均等size。pizza𥚃面很多肉醬，味道也很好。

Babbo Trattoria 是開飯網的人氣熱店，主打意大利佳餚。因地點方便，小編也會不定時造訪享用午餐。 「凱撒沙律」及「南瓜湯」一拼送上。這份「凱撒沙律」最特別之處，是面上佈滿一絲絲雪白的格拉娜 • 帕達諾芝士 (Grana Padano Cheese)，大大豐富了沙律的味道。相比之下，「南瓜湯」的出品十分平實，未能帶來驚喜。主菜方面，挑選了相對特別的「紙包綜合海鮮」。海鮮款式有海蜆、青口、魷魚、鮮魚及海蝦。廚師先以橄欖蕃茄汁燴煮海鮮出味，再置於鍚紙袋內烤焗。打開鍚紙袋的一刻香煙四散，鮮豔的茄紅色亦十分搶眼。在云云海鮮當中，小編喜愛軟彈的魷魚及結實的海蝦，尤其在酸溜溜的茄汁浸潤下，更易引出海鮮的鮮味。隨紙包海鮮附上麵包一份，質感偏向煙韌，在吸滿湯汁後則口感剛好。Babbo Trattoria 的菜餚普遍不俗，水準穩定，難怪能成為開飯網的人氣熱店之一。

今天約了朋友吃午餐，朋友帶了我上去一間意大利餐廳。餐廳燈光相對昏黃，環境很雅緻，很有情調。點了個麵包小點，上面有羊肉及芝士碎，羊肉並不羶，配上脆口麵包，很香口。奶油蛋黃海鮮寬扁麵，海鮮有蜆、蝦及墨魚等，蝦及墨魚非常爽口，而寬扁麵很彈牙，有嚼勁，配上奶油蛋黃醬，十分濃稠幼滑。煙熏乳酪火腿薄餅，用的是拿坡里pizza，餅底雖薄，但很柔軟，很有彈性。配上水牛芝士、羅勒葉、紅椒、黃椒、火腿等，很惹味。邊享受美食，邊談天說地，十分悠閒。

每年一度嘅花展又開始咗啦今日約朋友過銅鑼灣嗰邊打算行花展, 行之前梗係要叉叉電先 ,約咗喺銅鑼灣地鐵站出口等經過2000年廣場, 見到水牌 有間Babbo Trattoria 意大利菜就試下新嘢啦.服務員殷勤招待我們入座之後並介紹有什麼特色好味的set lunch, 服務態度一流.他為我們介紹了一款紙包海鮮配pizza麵包,車厘蕃茄汁底配搭海鮮好鮮甜, 配埋 pizza包, 包質好煙韌有口感絕配 別一個是忌廉鮮蜆肉意粉, 他說這個意粉特別之處是炒好後再鋪上芝士然後再焗,口感層次會好唔同. 意粉一上枱就示意我們趁熱享用, 因為芝士口感趁熱食先可以有層次, 真係冇介紹錯, 面頭芝士焗得好香口又煙韌 , 內裏意粉忌廉蜆汁好creamy, 意粉質地好爽口,真係冇介紹錯好好味

好耐無食pizza 啦！於是上網搵下銅鑼灣邊度食pizza好味太多選擇 今次先選擇這家位於plaza 2000 5/F 既西餐廳～本來想打電話訂位 因為周六 怕沒位 但電話接不通 於是就walk on lah.入到去 右邊係吧台 左邊係餐桌 燈光暗淡 好有feel打開menu, 有冷盤 ，pizza, beef, pasta, dessert and risotto,好多野選擇 選擇困難證既我同男朋友用左15分鐘才想到點什麼我們點了三文魚pizza, 咸咸地既salmon 同pizza 又幾夾上面呢個係用左garlic onion sauce 整既鮮蝦野茹意大利飯，好好味牙 是最好的味蕾享受！有下次！！

XO仔因為一個清酒節，中午連續食咗三日快餐，講真食到有少少驚。難得週四有人請食晏，所以務必要食西餐轉一轉，老友記就揀咗喺小肥公司附近間「Babbo Trattoria」食意大利餐。之前黎食晚飯都已經寫過好評，明顯對餐廳各方面都好滿意，包括闊落舒適o既環境。細佬成千度近視，好多時都會因眼力唔係太好而忽略餐店內o既細節。如果唔係身邊好友提到，真係唔會留意到牆上原來掛滿金石良言。店子午市以做套餐為主，每客包有凱薩沙律、主廚湯、主菜及指定飲品。據悉，外賣冇加一之餘仲可享減$10優惠，聽落玩得過喎。凱薩沙律：沙律爽脆醒胃。主廚湯：忌廉南瓜湯清甜得黎唔溜。窯烤忌廉鮮蜆意大利麵（$88）：忌廉鮮蜆意粉熱辣香濃。蜆隻鮮甜肥美，食完數一數就知有成六隻咁多。菠菜蘑菇煙肉Pizza（$78）：薄餅乾巧鬆軟，雖則無肉，但其芝士濃而不俗，飽肚得黎一啲都唔溜滯，感覺好健康。凍齋啡：意外地凍齋啡屬極濃貨式。熱檸水：細佬都係第一次見熱檸水會跟一粒方糖喺隻匙羮上，認真搞鬼。

今日在銅鑼灣放工，就順便在這邊食埋晚飯先。朋友講起二千年廣場有間比較正宗的意大利菜餐廳，決定就上黎試下。餐廳入面唔算太多，但客人比較多。佩柯拉拉燉羊麵包小點，羊肉切成細粒，加上特式醬汁煮得入味，配上烤過的香脆多士一齊食，味道頗夾帕達諾窯烤牛肚，牛肚份量多，很淋身，蕃茄醬的份量都很多，焗得相當入味，表面仲有一隻雞蛋，焗得剛好熟，都可以點多士食煙熏乳酪火腿pizza, pizza 底厚，煙韌，焗得香脆，芝士味濃，材料多，火腿同青椒份量多，新鮮。