b.o.t.h. by Texas Burger

营业中

休息中

Texas Burger由之前第一間係天后始祖地鋪店已食，之後佢越開越多店，厲害仲進駐大型商場開店。一直都鍾意食burger，所以一直都留意搵burger專門店。知道Texas Burger係荃灣開咗新店，地點放便，商場有得直接拍車，所以決定晚餐去呢度。好鍾意個裝修環境有d綠色植物，好fresh，又有d拱形座位對住落地大玻璃。望下個餐牌，比以前更多完化，唔只漢堡包，仲有其他好多選擇；又有特別為素食人士嘅菜式，照顧周到唔同口味嘅客。以我第一時間睇中咗🍔特級鵝肝牛肉芝士漢堡😋 好大份，個麵包好鬆軟，個鵝肝煎得好香口，塊牛肉鎖住肉汁好好味！！ 另外值得一提嘅係，細微之處見真章👍🏻佢哋將d洋蔥另外側邊分開上，對於我呢啲好驚食洋蔥次次要自己”了”出嚟，呢個安排實在太細心，貼心到令人感動❣️之後我哋叫咗個🦀蟹餅同烤鷄🐓。蟹餅個presentation好有心機，好靚，所以一定要相機食先。賣相靚之外，口感同味道都好味，拍得住酒店級，價錢又抵食。烤鷄烤得啱啱好，外層香脆得嚟又唔乾。總括，呢間餐廳從來冇令我地失望，好滿足，會再幫襯！！

結束忙碌嘅一個星期，放假今日決定好好獎勵自己！搵咗呢間餐廳環境非常之靚 座位闊落 要咗個特級鴨胸牛肉芝士漢堡以及杯Midnight Waltz飲品首先送上 顏色夢幻 飲落夠爽夠解渴 之後我個巨型漢堡包就嚟啦首先畀佢塊芝士吸引左 煮到半溶狀態放係Juicy漢堡上面 中間夾埋我塊份量十足鴨肝 多重滋味 由於patty都幾大下啖啖肉 呢個份量真係好多 一個人食真係好有罪惡感仲要搭配埋熱辣辣炸起薯條 不過正正滿足到我要紓壓嘅情緒呢到員工都幾nice 服務態度好okay

3點幾walk-in 入座 叫左2個餐+額外正價飲品我地沒有為意個餐有跟湯員工亦沒有提及，結果就冇左個餐湯睇返其他食評先知有餐湯or免費飲品 提供究竟係咩服務? 😂 連個餐湯都呃人

核果奶蓋班㦸真係幾正😀除咗味道好之外，個造型都好靚，好適合影相打卡呃like😜份量兩個人share啱啱好！Garfield 由Earl grey,雪糕，同埋wafer biscuita組成，基本上都可以已經當係一杯甜品😊個配搭睇起上嚟好似好甜到漏，但實質唔會過甜，入口口感細滑仲帶淡淡的伯爵茶味👍🏻松露蟹肉蛋白吐司呢個配搭感覺上好清新健康🥰入口啖啖都食到松露蟹嘅鮮味，而蟹肉嘅份量比相像中多好多，十分足料😮蛋白滑得嚟帶d彈牙，口感豐富👍🏻卡爾谷煙燻車打牛肉漢堡芝士配漢堡係完美組合😜麵包夠熱亦熱夠軟熟👍🏻塊漢堡仲keep到啖啖juicy，十分滋味😜薯條香脆可口👍🏻

今日行荃灣廣場見到開咗間新開餐廳同亞女就嚟試吓啦我哋去嗰日係平日3pm 唔使等、即入座因為食咗晏又唔太餓所以嗌左兩個甜品同兩杯飲品試吓呢間餐廳呢間餐廳環境唔錯有大落地玻璃好光猛座位又好寬躺我哋嗌左兩個甜品OK唔錯一個玉桂蘋果卷、賣相唔錯、不過玉桂卷係凍嘅、如果熱就好啲！另外叫左香蕉拖肥，好味😋可以影相Hea下曬吓太陽都唔錯價錢一般可以接受下次可以試吓佢哋all day breakfast 同burgers 先又一新食點啦！

喺荃灣做完嘢，好肚餓，周圍搵吓有咩好食。見到呢間burger restaurant，好多人食，裝修又靚，幾吸引，於是就入去試吓。餐廳環境真係好靚，仲有一排落地大玻璃嘅位，有梳化，非常舒服。呢間舖頭主打美國墨西哥食物，有burger，nachos，仲有好多小食，送啤酒一流。我哋今次叫咗：1）炸魚薯條2）Texas Burger3）燒牛骨髓Cheese Burger兩個burger都做得好出色，Texas burger好邪惡，有煙肉同埋炸洋蔥圈係入邊。至於個牛骨髓cheeseburger，係幾特別。燒牛骨髓係分開上，我Tweets Burger並唔係普通一個Tweets Burger，佢入邊有herb mushroom，同埋oak leaf，個配搭係幾好味。原本我哋都想叫pancake做甜品，聽講好好味，可惜侍應話要等一個鐘，所以我哋最後冇叫到。建議大家下次你可以叫咗pancake先，咁就唔會失望。

今天在12:29pm在openrice 訂台, 當時餐廳已開放時段預訂 (晚上8:30pm入座), 我亦即時收到電郵確認訂台。但到了5:58pm, 卻收到電郵通知, 我的預訂已取消。我在打去餐廳查詢, 餐廳職員回覆我預訂時間已full, 解釋剛剛先看到我的訂台, 以及不能再安排台給我。即係呢間餐廳的員工係唔會睇 OpenRice booking吧。搞到我臨時要找其他地方。建議大家book完要打多次電話去confirm (不過打得去, 都唔openrice book 吧)最神奇, 到而家我仲見到 8:30pm openrice 有台book。

呢間人氣Texas Burger係荃灣廣場咗分店 B.O.T.H. by Texas Burger, 已經成為小編嘅其中一間飯堂。佢哋除了提供人氣招牌漢堡包之外，仲有全天候供應的美式早午餐及精緻嘅甜品。Bottom line, 佢哋店內風格裝修超級清新，modern帶點工業風嘅風格又有啲綠色小植物，你哋真係可以睇下下面幾張相，我真係驚你哋依家即刻去添啊講經咩！-德州燒烤牛肉漢堡 Texas BBQ Beef Burger 💰138 9⃣炸到酥脆煙肉、炸洋蔥圈、芝士、新鮮生菜同埋獨特德州肉醬，呢個配搭你諗下就知道有幾咁癲幾咁好味！一咬落去牛肉肉汁即刻如泉湧，小編嘅嬌嫩口腔都嚇襯，之後煙肉炸洋蔥圈令到口感更加豐富有層次。小編真係跪地求各位大大記得要order如果唔係真係走晒寶。-精選意大利麵 Daily Pasta / Special 💰128 8⃣新鮮大大隻蜆肉食材已經加分，老實講小編一開始都怯邊個想食到成口沙，之後去醫院洗腎玩咩大佬！真係可以啪心口每一隻蜆都將沙吐得好乾淨。蜆嘅鮮甜卑每一條彈牙意粉吸收晒，小編真係差啲連個碟都lam埋。-Caribbean Passion 💰48 7⃣呢杯野幾

嚟到荃灣廣場3樓就會見到一間排長龍嘅新餐廳就係朗豪坊Texas Burger嘅姊妹店B.O.T.H. 留意返呢到係要排隊入座無得拎籌架今日紅日Lunch時間約咗4個字左右有得入座——————————————————🔸Impossible Beef Burger ($128)落單後等咗3個字左右就到值得一讚嘅係呢到都有Impossible食，滿足到唔食牛肉嘅食客薯條係用咗粗薯條，食落比較有口感漢堡由Impossible Beef、芝士、洋蔥圈、生菜及番茄組成Impossible食落真係同真牛肉無分別架‼️可惜漢堡無乜醬汁味道，做唔出有特色漢堡嘅效果原本仲order咗份pancake，但等咗成個鐘都無嚟最後取消落單，另外唔知係咪新舖關係員工態度感覺唔係太熱情，希望之後服務會有所改善——————————————————B.O.T.H. by Texas Burger (荃灣)荃灣大壩街4-30號荃灣廣場3樓337號舖

難得同中學同學一聚，這家Texus 🍔 Burger 環境寬敞，有不少的綠色植物🤣女孩子一看會喜歡的類型德州燒烤牛肉漢堡這位朋友是漢堡狂迷，上次她試過牛骨髓漢堡，表示非常滋味。今次再試這燒烤牛肉漢堡，牛肉味香濃不在話下，配上卜卜脆的洋蔥圈和燒得焦香的煙肉後，再淋上一大層芝士醬，成件事非常有畫面🤩松露蟹肉蛋白吐司蟹肉蛋白真係啖啖肉，勁香蟹肉味，店家都幾重手😂都係$138 ，我同朋友都大呼抵食😋吐司有不少配料，有菜、蘿蔔絲、紅椒粒和洋蔥等等，豐富😁核果奶蓋班㦸奶蓋軟綿綿，配上烤焗過的合桃、糖漿和奶蓋後，不會過甜👍🏼👍🏼再加上士多啤梨、藍莓等等，這個必點😁

食店: B.O.T.H. by Texas Burger @荃灣張梁點餐👦🏻🧒🏻 1）$138《德州燒烤牛肉漢堡》評分（10分滿分）：9️⃣食評💬：呢個手工漢堡好足料😍一啖咬唔晒🤣兩圈洋蔥圈、煙肉夠脆、牛扒又大又厚好jucy！嗰BBQ sause酸酸甜甜好惹味，為成個包畫龍點睛！兩塊包亦算乾身唔會太濕～薯條新鮮炸出嚟夠熱夠脆，仲包一杯紅茶，成個burger餐性價比好高！2）$138《松露蟹肉蛋白吐司》評分（10分滿分）：8⃣食評💬：一大片黑麥包Toast上面舖滿新鮮蟹肉同蛋白，配上白松露油，簡直係錦上添花！蟹肉鮮甜，啖啖肉真係大滿足🤤套餐都係包一杯紅茶，整體都係高質！舖頭幾大，店内環境幾靚，配上落地大玻璃採光度十足！無論係幫人打卡定幫食物打卡都靚，成個感覺好懶洋洋🤣瞓到晏一晏嚟呢到食個brunch夠晒chill～B.O.T.H. by Texas Burger (荃灣)荃灣大壩街4-30號荃灣廣場3樓337號舖👉🏼港鐵荃灣B1站或荃灣西站E2出口行10分鐘👈🏼

週末同友人在荃灣行街行了整個下午，晚餐時間來到這間在荃灣廣場開業不久的餐廳食!餐廳環境開揚，有著落地大玻璃，感覺很舒服!餐牌上有多款食物可以選擇，小食、burger、主菜等。墨西哥香烤玉米棒，用上一整條粟米，粟米粒鮮甜爽脆，粟米上塗滿芝士碎、辣粉和香草，再灑上青檸汁，酸酸辣辣十分開胃!墨西哥手撕豬肉三文治，這款三文治用上拌入墨西哥醬的手撕豬肉、芝士、菠蘿、炸豬皮和生菜!麵包鬆軟，手撕豬肉酸酸辣辣，十分開胃，加上有鮮甜多汁的菠蘿肉，還有很少在三文治內見到的炸豬皮，口感十足!薯條已灑上辣粉，粗薯條外脆內軟十分惹味!燒骨髓牛肉芝士漢堡，非常特別的配搭，漢堡扒是手打漢堡，所以質感不錯!燒骨髓上面有還有芥末椰菜花，可以減去骨髓的油膩感!Espresso Tonic，這杯飲品咖啡味很濃，帶有酸味，凍冰冰幾解渴!Hawaii Beach，這杯飲品用上桃、菠蘿和梳打製成，有淡淡的桃味，感到很fresh!

B.O.T.H. by Texas Burger荃灣大壩街4-30號荃灣廣場3樓337號舖難得今日放假出左黎荃灣行街，有一排無黎過荃灣廣場啦，發覺原來多左好多新餐廳離遠已經見到呢間餐廳感覺好chill, 所以一於入黎試下。。入到黎坐得已經覺得好舒適，座位闊落，而且週邊用左好多植物裝飾，而且最側邊係一大排落地大玻璃，如果日頭黎幫襯，有埋陽光直射入餐廳，肯定好正🌞雖然meun 入面既選擇唔算好多，但係樣樣都好似好吸引好正，真係幾難揀呀焗芝士玉米薄脆---餐廳好細心，分別有素食版$98同埋肉碎版$118供客人選擇, 我就當然係揀要有肉啦，粟米片炸到脆卜卜，而重點當然係個醬汁啦，非常惹味加埋肉碎，口感一流呀德州燒烤牛肉漢堡---巨型既漢堡非常足料，入面分別有煙肉，炸洋蔥圈，芝士，生菜，厚切既牛肉，配合埋惹味既BBQ醬，真係perfect match呀另外，仲有青瓜同埋 熱辣辣既薯條伴碟核果奶蓋班戟--- 軟綿綿嘅厚切班戟，加埋濃郁香甜既奶蓋，仲有藍莓，士多啤梨，蜜桃。。。 用黎做飯後甜品就最適合啦

新店速遞 今次介紹呢間唔算開左好耐 但已經好多人幫襯既cafe✨樓底好高 加埋落地玻璃窗令成間野好開揚 加埋用綠化同木既元素做主調 又有少少工業風同超舒適既座位 直頭集所有打卡位於一身🪵兩份主食都足料兼好味 當然定價都有少少進取 但整得好有心機 煙三文魚多士仲有流心蛋同cream cheese等等 而黑麥多士又唔會太硬(๑˃̶͈̀o˂̶͈́๑) 牛肉burger既牛肉juicy而唔膩 食完啱啱好😍份pancake好多人推薦 不過對我同朋友而言就正常發揮啦 但肉桂同奶蓋味都好香～不過新開張總有甩漏 例如想嗌手撕豬肉同milkshake都話賣哂 然後我地order份pankcake等左一個鐘 我都好耐冇試過等一個鐘既野食 但員工好好態度 都值得嘉許既🥲我會再encore呀 下次可以試impossible beef 不過大家記得訂位 openrice都訂得‼️

荃灣新開西餐，以 burger 🍔 為主，一入去就知店主係裝修方面落咗唔少心機，用左好多綠色植物，多角度都可以係打卡位！仲有送餐湯同無酒精飲品可半價優惠！食物方面除咗有 Burger 仲有一啲意粉、牛扒、甜品，選擇都好多好廣！但我哋今次都係試返 burger 類，選咗一個 Carr Valley beef burger 煙燻車打牛肉漢堡 故名思意係用咗煙燻過嘅車打芝士，個漢堡包係製作過程中都有再烘過，所以出到都嚟成個包都熱辣辣！個漢堡扒都算多汁唔會乾，令整體感覺都唔錯！仲有個薯條跟，都係新鮮炸起，所以等餐時間會耐啲！不過有上到嘢飲先，可以飲住嘢飲同餐湯慢慢等下！另外仲叫左個 Pork al Pastor Sandwich 墨西哥手撕豬肉三文治，呢個三文治個包唔係我哋平時食開嘅，似係啲麥包嚟，加上用獨特醬料調味嘅手撕豬肉真係好惹味，越食越好食😋！如果唔係大食嘅人呢個份量都應該夠飽！