ATUM Desserant (已結業)

今個月好開心，加人工之餘仲出 Bonus ~所以同同事去 Sogo thankful week 掃貨之餘，順便去食甜品！來到 L square 既 Atum，上次揀左畫畫，今次我地每人點一個甜品 =]Drink Menu ~ 選擇都幾多！Dessert Menu 咁岩好多款轉左，但 Menu 未印得切 ~ 職員比我地睇佢地手機既相，我地再點！ 我點左杯多奶既 Rose Latte ~ 勁香，玫瑰花香味！ Dessert 名叫仙人掌～入面有：仙人掌sorbet 、玄米茶汁、仙人掌冰、Meringue ~賣相好靚，我最中意既粉紅色！仙人掌sorbet 同仙人掌冰好冰涼，夏天食就係最岩！玄米茶汁甜甜地，作點綴，幾靚，而 Meringue 好soft 好滑，overall 唔錯 =] 朋友點左杯蘋果汁～ 朋友點左個西瓜冰～入面有：西瓜雪芭、浸西瓜皮、話梅奶凍、芝麻糖粒。賣相都唔錯，西瓜雪芭、浸西瓜皮口味清新、涼快！話梅奶凍好特別，平時出面唔會食到呢個味既奶凍，酸酸甜甜，唔錯 =] Overall 小評： 味道：★★★★★環境：★★★★☆服務：★★★★☆衛生：★★★★★抵食：★★★★☆

今晚超開心 啱啱由sydney番黎嘅朋友特登同我慶祝生日 由於大家都好中意食甜品 於是我地book左食Atum***我地叫左個improvisation for 2嘅甜品畫 係食之前先送左兩枝testtube嘅士多啤梨汁 味道非常清甜 飲完之後感覺好fresh***之後我地就order左一杯signature fruit tea同iced Banana Chocolate 遠遠就聞到fruit tea嘅清香 既濃郁又可以解膩 係甜品嘅好拍檔 若覺得唔夠甜 可以加少少蜜糖至於杯chocolate 除左有香蕉味之外 好surprise唔會係超甜嘅朱古力 反而係有d苦 絕對係我杯茶***畫紙主要有黑色灰色同白色揀 我同朋友就揀左我地最中意嘅黑色 店員會介紹5種唔同顏色嘅醬料 分別係朱古力 芒果 椰子 香芋同士多啤梨 細心詢問完我地有邊隻味唔食之後 就開始發揮佢地嘅創意 利用唔同嘅線條同顏色 再配合唔同嘅甜品同生果 例如朱古力布甸 抺茶麻糬 柑桔啫喱 白朱古力等等 畫岀一幅好有藝術嘅甜品畫***最令我深刻嘅環節就係整雪糕 主要有朱古力同仙人掌味道 店員會主動俾我地試試整 陣陣嘅淡煙慢慢散發岀黎

社交平台成日俾人洗版，今次終於輪到我。店員首先送上粉橙色既welcome drink等大家清一清味蕾。決定點選二人份量既甜品畫improvisation，揀好黑／白／灰「畫紙」後店員就開始動工準備。先問下我地有無特別字／公仔想加畫、有無食物敏感、邊種味道唔鐘意之類既問題。跟住就用香芋／士多啤梨／朱古力／芒果味既果汁醬勾畫甜品既最底層。見店員輕輕一掃，已經好有抽象畫既感覺。之後加入風乾菠蘿碎、士多啤梨脆脆、honey crunch、金桔啫喱、朱古力布甸、抹茶白玉、新鮮藍莓、紅桑莓、朱古力脆片、香蕉奶凍等材料，並用上芒果／綠茶糖霜作點綴。戲肉就係用液態氮打混成竹炭朱古力／仙人掌味道既雪糕。製作過程中，液態氮釋出煙霧的效果，勁有仙氣，店員仲會好鬼馬咁專登係你頭頂hold住鐵碗一陣，等你上半身完全置身係涼涼既迷霧中。最後加入龍鬚糖（勁似金色假髮），表演完成！點睛位係金桔啫喱，味道酸酸甜甜，非常清新，完全平衡整份甜品既味道。甜品畫包2杯咖啡／茶，建議揀花茶因為夠暖胃、可以清下口腔既甜味又唔駛額外加錢 upgrade。店員既畫技毋庸置疑，如果唔係係自己面前製作，真係會以為只係一幅色彩豐富既藝術作品

Atum打破左一般餐廳廚師煮客人食嘅傳統。佢地嘅甜品師傅同客人嘅互動、客人可以參與製作甜品嘅過程同埋同其他客嘅交流，都令我覺得好難忘。餐廳唔算大，用餐嘅地方好似吧枱咁圍住甜品師傅，每一個師傅每次只負責一對客人，直到完成甜品製作。首先我地要係黑色、白色同灰色嘅底片揀一隻，我地揀左黑色，因為感覺上黑色底會突顯出甜品嘅色彩～（純粹個人意見 😆）我地都有見到其他人揀白色同灰色嘅～揀完底片之後，甜品師傅問我地有冇咩想佢畫同埋有咩字想寫，我地寫左啲字係張紙度俾佢，之後叫佢隨心創作😂佢之後就拎左一排醬出黎，俾我地估下係咩味：白色係椰子，黃色係芒果，紅色係車喱子，紫色係香芋，黑色係朱古叻。介紹完之後佢就開始創作啦～～每一次加野嘅時候甜品師傅都會俾我地俾我地試下果樣野同埋問我地食唔食得出係咩味。佢亦都會俾我地唧cream同畫野，等我地參與製作。 佢亦會主動幫我地影合照👍🏻液化氮雪糕出場嘅時候真係好興奮呀～～～望住大碗不停散出涼浸浸嘅白煙，甜品師仲叫我地試下攪啲雪糕，感受下個質感。放埋雪糕同龍鬚糖，成幅甜品畫就完成啦～可以開餐啦！介紹下啲甜品先（希望冇記錯😂）：有蜂巢脆餅，綠茶mochi，好似豬紅嘅朱古叻

朋友有心事，就帶她到這裡吃些特別的甜點吧，吃甜可以令人心情變得輕鬆一些，而且這裡的甜品製作過程又都蠻特別。 餐單沒有轉，兩個人，就依舊點Improvisation($348/2人）啦。 士多啤梨汁，香甜士多啤梨，但如不加糖水會更佳。 以液化氮製作雪糕，很仙景Feel，不過小心不要被那些氮濺到，非常低溫的。 製了左邊的竹炭雪糕及右邊的柚子雪笆，竹炭雪糕味道加了朱古力味，因竹炭本身不會有味道；柚子雪笆則略甜。 除了中間的雪糕之外，左右每邊均為我們準備了：香蕉奶凍，味道香滑，香蕉味濃；柚子啫喱，酸酸美美；綠茶Mochi，煙靭有口感，最適合我這個綠茶控；朱古力布丁，香濃朱古力味，不甜不膩，再沾上菠蘿乾果，味道口感一流。 店員為我倆寫上名字，吃之前當然要拍照啦！ 朋友點了杯柚子飲品，柚子味道清香，不錯。 小妹則點了蕃石榴汁，喝到新鮮石榴肉，但嫌略甜。 可能小妹不是第一次到來，因此沒有特別Wow的感覺，這裡的水準保持，期待會有特破。

今次係第三次黎 ATUM 喇, 忍唔住要分享下~除特別標明外, 都可以成為餐飲~三次都係選甜品畫, 修 art + 讀 fashion 出身嘅我... 三次都有技癢啊~ 鍾意望街嘅我, 好開心背後係個長陽台, 採天然光 開揚好幸福啊~今次嘅 welcome drink 係士多啤梨汁, 賣飛佛!!!條街好熱 上到黎嗰陣我滿身大汗, 飲佢黎 順順喉 回回氣 靜靜心, 等待甜品 啱晒~有黑色白色灰色三種顏色底紙可以簡~我三次都係間黑色, 因為 總係覺得夜空上有顏色特別精彩~開始啦開始啦~今次係由一位甜美妹妹 黎為我地即興創作, 又別有一番感覺~(上兩次都係老闆大哥啊~ ) 開始前有介紹味道, 邊做邊加材料 都會一邊講解~睇住幅畫一步一步精彩, 過程有著投入感啊~用液態氮 即制雪芭~涼涼的,  好有仙境 feel 啊~柑橘味 甜甜酸酸, 配甜品 正合夏天胃口!!!竹炭味 略嫌過甜~ 仲可以寫番自己想要嘅字句 (我見D情侶會寫名, 好 sweet sweet~)加埋龍鬚糖, 口感層次 up 啊~香蕉味奶凍 軟滑好味; 金橘魔芋 QQ 的; 麻薯即點綠茶粉 滿滿綠茶香 煙煙韌韌; 朱古力慕絲 味

今日係同另一半的monthsary. 帶佢去聽人講左好耐既畫畫甜品店。book 收工時間比較容易，好在係港島返工。位置唔難搵，係銅鑼灣廣場附近。上到去因為早冇咩人，可以舒服坐bar 台。裝修明亮骨緻，一陣相機食先完全冇問題，店外有露台，可以欣賞下市區景觀。一黎先送我地兩支welcome drink. 今日係士多啤梨汁，清清甜甜幾香。主角當然係2人份improvisation. 師父講解幾生動有趣，食甜品為開心，佢做到為客人帶黎互動及歡喜的感覺。制作非常用心，每一筆，每一個說明都帶動緊我地食欲。砌上畫紙上唔耐，但每一樣糕店都睇得出花時間去完成。想玩兩下既朋友，都可以要求師父留d 空位。飲品推薦signature 水果花荼，食住甜品飲都仍然非常香，完全冇畀甜品奪去香味。沖泡方式似咖啡，未飲睇到都覺得幾花心思。記念日好去處，絕對值得bookmark. 每下都用心落筆，非常美觀。

本身想食TST個間但早成個禮拜BOOK都已經FULL哂 轉場試呢間唔算難搵 都近地鐵站間鋪唔大 個景望出去都幾好一入坐每人都會一個試管裝住既Welcome  drink呢到係按人頭一人一份要一個3人份既甜品畫 跟埋飲品 其中一杯試左Signature Fruit Tea 要另加$35甜品畫一開始有幾隻色嘅枱墊揀 最正路就要左黑色佢地一路做會講自己依家做咩步驟 同埋介紹食材會問我地上面想寫咩或者有冇咩想畫上去想畫個美人魚佢都OK成個過程好互動 會問我地一唔一齊畫 不過我地費時破壞個美感就唔啦佢地都會主動幫我地影相食完可以坐係到傾下計 HEA下有機會再黎

朋友聚舊，原本諗住係收工後搵個地方飲杯野，對方提議嚟呢到，我返緊工亦唔太留意呢間野有咩食，只知道係食甜品同埋位於勁多人問路話搵唔到嘅L. Square (其實係銅鑼灣C出口轉左，麥當勞隔離通利琴行廣告牌樓上)大約18:15上到去就問我地有book位，原來我朋友係無book位嘅，職員叫我地等等，我心諗死啦，係咪full晒要等好耐架，好彩當時仲係好早，未到飯後甜品時間，只係有2-3班人食緊甜品，而職員亦好快就安排到好似bar枱既位置比我地。而身後就係露台啦，可以行出去睇街境一坐低就即刻送上welcome drink跟住問我地嚟過未，然後稍作介紹，主要係分普通甜品或者係甜品畫。我地都係第一次嚟，所以選擇左特別d既甜品畫。(即係餐牌右下角) 甜品畫第一步係問你要咩色畫紙：黑、白、灰，然後問你想加咩字或者鍾意咩公仔。我就講左我鍾意嘅公仔，但憑空想像真係好難劃，所以我搵左個圖比佢照住黎劃，我心諗喺到做都幾大挑戰，跟住問佢黎呢到見工洗唔洗考埋劃畫架，佢話唔洗嘅，搞唔掂可以搵同事幫。睇住佢好認真咁對住我電話入面隻公仔嚟劃真係有d 唔好意思，佢仲問我想唔想試吓劃。劃完之後就開始整生果同雪糕裝飾，佢又好細

一進門Receptionist 小姐很主動上前greeting,甜品師亦很有耐性和盡量跟客人做小互動，應該只有很享受自己工作的員工才可以根據管理層的指示去做吧！難怪當晚都三五成群的(女生為主)當晚welcome drink 是士多啤梨味。是天然味，略嫌單薄，玩味甚濃。這晚的甜點大部分是柑,可惜跟朱古力不太配。起初被問有否食物敏感，還以為有nuts！怎料沒有😩每次先吃柑，很fruity,柑的酸甜和朱古力沒有互相輝映;朱古力味很爭氣，吃它一口便再吃不到其他味道(但朱古力雪糕本身很軟滑濃郁，變相令桌上其他東西有畫蛇添足之感)無論是那種脆脆，都很好吃也挺特別;最差是柚子啫喱，口感太大菜糕了，長得像日式香菓子的不是綠茶果，口感卻很好(不是糯米像蕨餅),不夠甜加點位於中間的龍鬚糖剛好!總結,$348+10%,upgrade飲品人均二百元，一試無妨但難以令人回頭。成品看來很美但實際上，食客吃的都是甜品的配料。而且，差了由麵粉做成的主體，失去動力吃下去了。若Atum能不時轉Menu,希望下次能提供較合味的酸搭，別只考慮顏色的襯托。二百元的甜品，期望不只吃到果茸的味道

呢日提早收工，梗係要食甜品慶祝下。同事介紹話呢間好味，一於試試！ 估唔到平日下晝5點上到黎竟然要等位，不過等左十分鐘就有坐，不過就唔係坐吧台，冇得睇完甜品師傅整甜品。 我地一人叫左個甜品set ，係包埋飲品。選擇都幾多，係啲字仔好淺色好細隻，睇得有啲唔方便。等左十五分鐘就有得食，講真，真係超級靚！！ 就算我呢啲麻甩女睇到，都突然化身少女不停影相。味道當然都幾好，話哂都成百五蚊食個甜品，真係有啲唔捨得！ 味整體道唔算太甜，亦好有驚喜，最鍾意係餐廳有個小露台，下午陽光射入室內真係感覺幾悠閒幾舒服！

講開食物，我一向都支持味道係最重要，如果唔係搞咩花式/環境幾優越都係無用，但如果能夠兼顧味道之餘，再配合額外嘅附加價值，令人賞心悅目，當然係要加分加分啦，同寶寶慶祝結婚周年記念，當然唔可以馬虎，好快就鎖定左lee 間特色甜品餐廳，以饌入畫，就係睇下lee d 花神可以幫佢加幾多分。睇過關於餐廳嘅訪問，佢係以正餐嘅態度去經營甜品，希望客人當佢地嘅甜品係正餐咁食，但我勸大家唔好信，記住食左野先上去，如果唔係會餓死。建議大家可以饂個麵，咁就唔怕喧賓奪主。除左甜品畫，佢都有其他cake 之類嘅野，但第一次來無理由唔試。一開始佢會俾兩杯test tube welcome drink 你醒醒味蕾，之後佢有白色/灰色/黑色嘅畫紙/枱墊俾你揀，然後就開如作畫，其實成晚最大嘅快樂就好睇畫師同客人嘅互動，我地果個心情就普普，又無叫我地一齊畫，不過我地都無所謂，好彩佢主動幫我地影相d 位就幾好。同埋記住提佢寫野，如果你有message 想加落幅畫。睇住成幅畫成形係好開心，成件事好靚，特別係用液態氮整雪糕時煙霧彌漫，好有feel，最後幅畫又靚，呃like 一流，配料同醬都幾好味，但你同時又好清楚果d都唔係貴嘅

My first time and brand new to experience to come across this kind of art dessert master piece in Hong Kong. And it literally impressed us a lot. Constructing a lively and jaw dropping picture with all kind of desserts in front us, and it also taste stunning. Especially the rich chocolate budding and refreshing juice jelly!!

朋友話銅鑼灣有間甜品店好高級，甜品師會即興畫一個獨一無二既甜品，既然姐妹叫到，緊係一齊去下啦 ~ !menu有得簡要咩風格 特色飲品 石榴汁，包裝真係好特別bo，一啖仔，唔係好夠，不過係甜品前掉下味就幾好既~甜品師用唔用既果jam畫左d畫，有芒果、朱古力、芋頭之後就擺左細細件既甜品，芋頭果凍、朱古力慕絲、綠茶糯米糍，仲有菠蘿干，金桔果凍朱古力慕絲就好濃郁既朱古力味，最中意就係呢個 ~!金桔果凍就好清甜 ! 重頭戲黎啦 ! 分子雪糕 ! 甜品師係你面前親自整，搞下呢到搞下果到，個汁就變成個個分子雪糕!竹炭朱古力味用紅莓味，朱古力味真係不得了，直頭好似食緊朱古力 ! 紅莓味就酸左少少 !甜品師寫左我地個名落去，一個獨一無二既甜品 ! 

友人慶生, 想過一個特別的時刻員工有善,地方淨潔,環境優美,有藝術氣息IMPROVISATION$348/For Two點餐完畢後,收到WELCOME DRINKS專人為你即場主理的,親自為你講解,亦有亙動時間,可自由發揮創作難忘而獨特的用餐經驗.