影片
更多
2017-03-30
1065 浏览
朋友聚舊，原本諗住係收工後搵個地方飲杯野，對方提議嚟呢到，我返緊工亦唔太留意呢間野有咩食，只知道係食甜品同埋位於勁多人問路話搵唔到嘅L. Square (其實係銅鑼灣C出口轉左，麥當勞隔離通利琴行廣告牌樓上)大約18:15上到去就問我地有book位，原來我朋友係無book位嘅，職員叫我地等等，我心諗死啦，係咪full晒要等好耐架，好彩當時仲係好早，未到飯後甜品時間，只係有2-3班人食緊甜品，而職員亦好快就安排到好似bar枱既位置比我地。而身後就係露台啦，可以行出去睇街境一坐低就即刻送上welcome drink跟住問我地嚟過未，然後稍作介紹，主要係分普通甜品或者係甜品畫。我地都係第一次嚟，所以選擇左特別d既甜品畫。(即係餐牌右下角) 甜品畫第一步係問你要咩色畫紙：黑、白、灰，然後問你想加咩字或者鍾意咩公仔。我就講左我鍾意嘅公仔，但憑空想像真係好難劃，所以我搵左個圖比佢照住黎劃，我心諗喺到做都幾大挑戰，跟住問佢黎呢到見工洗唔洗考埋劃畫架，佢話唔洗嘅，搞唔掂可以搵同事幫。睇住佢好認真咁對住我電話入面隻公仔嚟劃真係有d 唔好意思，佢仲問我想唔想試吓劃。劃完之後就開始整生果同雪糕裝飾，佢又好細
大約18:15上到去就問我地有book位，原來我朋友係無book位嘅，職員叫我地等等，我心諗死啦，係咪full晒要等好耐架，好彩當時仲係好早，未到飯後甜品時間，只係有2-3班人食緊甜品，而職員亦好快就安排到好似bar枱既位置比我地。
而身後就係露台啦，可以行出去睇街境
一坐低就即刻送上welcome drink
跟住問我地嚟過未，然後稍作介紹，主要係分普通甜品或者係甜品畫。我地都係第一次嚟，所以選擇左特別d既甜品畫。(即係餐牌右下角)
甜品畫第一步係問你要咩色畫紙：黑、白、灰，然後問你想加咩字或者鍾意咩公仔。我就講左我鍾意嘅公仔，但憑空想像真係好難劃，所以我搵左個圖比佢照住黎劃，我心諗喺到做都幾大挑戰，跟住問佢黎呢到見工洗唔洗考埋劃畫架，佢話唔洗嘅，搞唔掂可以搵同事幫。睇住佢好認真咁對住我電話入面隻公仔嚟劃真係有d 唔好意思，佢仲問我想唔想試吓劃。劃完之後就開始整生果同雪糕裝飾，佢又好細心咁問我地鍾意食d咩、唔鍾意食d咩、會唔會對咩食物有敏感，邊整仲邊介紹而家整緊嗰d 係咩黎同埋比d 我地試食，咁我就好老實不客氣咁話邊d 唔啱我口味，等佢唔好落咁多，相反我鍾意食嗰d 當然就叫佢落多d 啦。
睇佢整完都已經係3-4個字嘅時間，睇住一幅咁靚嘅畫喺我面前誕生真係唔捨得即刻食左佢，下一步當然係影相留念啦，職員仲主動話幫我影，仲話有咩要幫手隨便搵佢得架啦。
不過因為我對影相要求比較高(每個人要求唔同，所以覺得我影得唔靚嘅勿插) ，所以最後我都係選擇自己影。
另外仲叫左個特別d嘅普洱加士多啤梨飲品，我覺得唔錯，冇想像中嘅苦，清清地。
小貼士：各位相機食先嘅朋友影完相同欣賞完就好開始食啦，雪糕係唔等人架
张贴
