Amitie Kitchen

营业中

休息中

喺尖沙咀諗唔到食咩嘅時候通常都會去H8睇吓有冇嘢啱食，今日就去左Amitie Kitchen，難得冇乜人等位，所以好快就入得～除咗dinner set menu之外，餐廳仲掛咗嘅塊黑板寫咗一啲精選單點，價錢都唔係差好多，所以我哋兩個人就叫咗兩個單點同埋一個set dinner～首先麵包盤就俾咗兩款麵包同埋餅乾，麵包熱辣辣幾好食😋然後沙律都幾新鮮，是日精選餐湯就係栗子忌廉湯，呢個配搭幾特別，栗子味都幾出～至於主菜就叫咗個澳洲400日穀飼和牛牛腹膜柳配日式芥末蜜糖醬，樣相好靚呀～ 調味唔會太濃，而且煮得好腍👍🏻 伴碟仲有個小芝士煙肉焗薯同埋幾款燒瓜，幾有誠意～小食就叫咗火炙半熟吞拿魚伴柚子味噌醬，燒到個外皮帶啲香脆，但係入面就仲好嫩滑，個有子醬就比較香甜，食落去會喊中帶少少甜味，幾特別～另外一個主菜就叫咗最出名嘅海膽蟹肉忌廉汁意粉，基本上每一台都會叫咁制🤣真係好足料，海膽同蟹膏都好香濃，同埋食得到餐廳加咗蟹膏喺忌廉汁入面，所以成個意粉都好香蟹味～ 但兩個人share就唔會太膩，岩岩好👍🏻總括覺得餐廳幾抵食，食材份量多又有品質，價錢都唔會太貴👍🏻

這間位於尖沙咀的樓上黃店，環境不算很大，沒有華麗的裝潢，人手亦不多，但勝在食物質素不俗，專注做好美食吸引食客回訪，屬少數好味的高質西餐黃店。主菜之前，餐廳會提供免費餐前麵包，款式有三款之多，竹炭麵包、牛角包、麵包條，並有牛油及果占選擇，給人一個小驚喜。🌸加拿大海膽松葉蟹蟹膏蟹肉忌廉意粉 $198呈橙黃色的加拿大海膽肉身肥厚，綿密細緻，口感偏黏稠．味道鮮甜幼滑。蟹膏忌廉汁份量同味道，香濃不膩，意粉入口滑溜有咬勁，海膽跟蟹膏愛好者一定大滿足。🌸美國牛腹膜柳 $248小編🐰最喜歡吃牛腹肉，牛腹肉是牛腰脊中最嫩滑的肉，因不常活動，肌肉纖維較幼，脂肪含量較少，肉質軟腍幼嫩，牛香淳樸濃郁。火喉控制得不錯，表面少少煎香，內裡肉質仍保持粉嫩，牛魔王必吃推介。

又黎去尖沙咀食lunch系列, 由中環坐港鐵去尖沙咀揾食，真係好快就到。 重要好多款式任揀。 今日就去左厚福街8號H8 9樓的Amitie Kitchen 食。餐廳地方唔算太大，但環境清靜， 啱哂鍾意靜靜地食lunch的朋友。 餐廳有好多菜式選擇， 真係心大心細唔知食乜。 最後都係簡單單午市套餐+ 是日精選。西西里汁豬頸肉配泰式茄子天使麵明太子雞翼西班牙粟飼豬鞍扒西西里汁豬頸肉配泰式茄子天使麵， 天使麵煮得非常出色， 軟硬度剛剛好， 啱哂我口味， 豬頸肉好有豬味， 重要超級林， 但咬落非常爽口。 精彩。明太子雞翼， 熱辣辣的雞翼， 裡面放滿肉同明太子， 味道帶少少辣， 極之好食。西班牙粟飼豬鞍扒， 呢個是日精選無揀錯， 豬鞍厚切夠大塊， 豬肉味濃， 肉身彈牙， 材料上乘，豬鞍邊位煎到有少少燶邊， 好脆口， 肉連住骨個位置係精華所在， 一定要用手攞住黎食先夠滋味。

今日同媽咪係尖沙咀行街，揀左呢間位於厚福街H8 既餐廳食Lunch，我地主要點左意大利飯一起Share！-熊本牛柳粒配蒜香藜麥意大利飯伴牛肉汁$128（午市套餐）呢個午市套餐好抵食，套餐有餐湯、主食、餐飲同甜品，賣相一流，視覺上已經有好感，味道亦唔錯，牛柳好Juicy好香 好林，意大利飯比較上多汁，至於餐湯係栗子湯，濃厚既栗子味，值得推介！-烤燒大啡菇、焗釀飽魚、北海道帶子、虎蝦意大利飯伴龍蝦汁$218賣相亦唔錯，有心思既伴碟，份量超級大份，龍蝦汁既意大利飯，汁料比較多，而海鮮類亦唔錯！-Rose latte $34咖啡味道偏苦偏濃，有些少玫瑰味道。總括嚟講呢間餐廳嘅lunch set性價比高，好大份，味道唔錯！

之前見到勁多人都推薦呢間喺厚福街嘅fusion西餐黃店，聽講主廚係前五星級酒店大廚黎架🤗🤗🔻▪️麵包拼盤🥐🥖點菜有一碟麵包拼盤，分別有三種類型麵包🤗個人覺得最特別係竹炭麵包條，另外仲配左牛油同士多啤梨醬可以搽😊▫️加拿大海膽松葉蟹膏蟹肉忌廉汁意大利面 $198呢個意粉岩哂鍾意蟹味嘅朋友🥖 意粉入面有好多蟹膏及蟹肉，食落有超香濃嘅蟹味之餘，一上枱嘅時候都好大浸蟹味😂🤤而意粉煮得啱啱好，夠爽口同埋好掛汁😍▪️鹹蛋黃醬汁煙肉蘑菇意大利麵 $128卡邦尼意粉加左鹹蛋黃醬汁，超級creamy，口感豐富👍🏻 鹹蛋黃醬汁味道超濃郁，但好在食落唔會太鹹😋 好惹味▫️焗藍芝士煙肉風琴馬鈴薯 $48呢個小食好特別，有啲似芝士焗薯，但藍芝士味道比普通芝士更香更濃郁🥔上面仲有啲脆煙肉粒，好味👍🏻

一講起樓上餐廳可能大家都會覺得未必好食但呢一間餐廳打破咗固有嘅諗法因為係估唔到真係幾好食-先上咗麵包有三款唔同嘅味道 亦都熱辣辣唔錯首先叫咗個焗田螺總共有六粒 覺得好香好重牛油味亦都係因為啱啱焗出嚟嘅關係特別香 另一款前菜叫咗火焰半熟吞拿魚打卡一流 味道亦都幾好有吞拿魚嘅鮮甜味配搭柚子醬至少喺出面食唔會成日見到-平時出去食食得肉多蔬菜比較少所以叫咗個炒椰菜仔因為配煙肉所以椰菜都好重煙肉味特別好食主菜叫咗海膽蟹膏蟹肉意粉成個配搭好好味海膽鮮甜蟹膏香蟹肉甜首推呢個俾大家-食完主菜就到另一個重點甜品叫咗心太軟等候時間會比較長原因係在於每一個心太軟都會特登寫字好有心思 毋忘初心！加油-二想不到樓上餐廳都有美食推介俾大家去試一試

今晚同朋友黎到尖沙咀撐枱腳，H8真係好多野食啊。落完單之後好快就上餐包，有2款包同一款餅乾，配牛油同士多啤梨果醬。啲包味道都唔錯，食完都飽飽地。脆炸軟殼蟹、牛油果漢堡配蕃薯條$168 上枱果陣嚇親啊，因為個burger好巨形，醬ge份量唔會過多，唔會搞到個包淋晒，唔錯。蕃薯條都好多，我地食極都仲有咁haha咸蛋黃醬汁煙肉蘑菇意大利麵$138 係邪惡ge感覺啊﹗不過邪惡得黎又好食，所以唔理咁多啦。咸蛋黃醬非常之多，每一條意粉都掛滿醬汁，兩個人share就剛好唔會太漏。朱古力心太軟伴雲呢拿雪糕 $68 係毋忘初心啊，淨係呢個擺盤已經值100分。心太軟配埋雪糕一齊食無得輸啦。總結，呢間餐廳ge野食味道唔錯，份量亦非常足夠，價錢亦合理，眼見當晚都差唔多坐滿，所以大家黎記得卜定枱啊

#高質樓上西餐#fusion 菜#尖沙咀厚福街一向都多好野💛今日同朋友仔去咗一間高質西餐食個dinner ☺️仲要個大廚係前五星級酒店大廚😍我諗個食物質素都有一定保證🙌一入去餐廳環境都幾唔錯😌都幾乾淨又坐得幾舒服🙃d燈光暗暗地😂幾有情調有好多唔同款式俾你揀😍真係令我地花多眼亂😂而掛左係牆上面嘅餐牌係chef recommendation我哋order 左1個前菜，2個main course🔹餐前餐包🔹係Order 之後，店員會俾一d餐包我地☺️d包好鬆軟而且仲係熱前菜🔹火炙吞拿魚伴柚子味增醬🔹我一直都對火炙吞拿魚情有獨鍾😍加埋甜甜酸酸柚子味增醬一齊食😌個吞拿魚味好fresh 同新鮮🔹美國牛腹膜柳🔹我哋叫左3成熟，煎得外層有少少脆，入面淋身😘而且d肉汁好juicy ☺️一個字正🔹加拿大海膽松葉蟹膏蟹肉🔹呢個必叫之選😘醬汁好creamy☺️而且好重蟹味😌撈埋海膽一齊食，令到意粉鮮味更加突出😄仲要大量都幾碟下👍由於我今次食得太飽，所以冇叫到甜品😃下次再黎會試下個甜品

Amitie Kitchen (尖沙咀)尖沙咀厚福街8號H8 9樓火灸半熟吞拿魚伴柚子味噌醬 (單點) $88吞拿魚新鮮，無雪藏味！一般西餐廳通常以黑白芝麻配半熟吞拿魚～今次第一次食吞拿魚配柚子醬～味道幾夾！非常開胃！Dinner Set 餐湯 : 栗子忌廉湯味道濃郁～入口陣陣肉香味，細問店員先知原來湯頭以雞肉一拼淆煮，難怪質感咁豐富！前菜 : 涼拌蓮藕、炸蠔沙律伴豆腐覆盤子汁涼拌蓮藕經醃製後調味帶微酸，醒胃！炸蠔剛炸好，熱辣辣，香脆，唔腥！沾上味道開胃的豆腐覆盤子汁，非常夾！主菜 : 西京燒比目魚柳、日式醃蘿蔔 $258比目魚柳肉質超級幼嫩～魚肉鮮味、滑口～食落除左白味增醬的甜味～仲有淡淡魚油香！伴碟的日式醃蘿蔔酸酸甜甜～可以平衡下煎魚的油脂感！另有胡麻醬拌沙律菜～醬汁唔會過多～食落清新！蜂蜜蘆薈 (餐茶轉為特色飲品需 +$15 / +$20)蜂蜜入口清潤～唔係死甜嗰種蜜糖！蘆薈粒粒爽口帶清甜～

Amitie Kitchen今日同個舊朋友約食飯，揀個試下呢間西餐。一點完餐店員就送上2份餐包，話係每位都會送👍🏻👍🏻餐包包括有牛角包、竹炭包同竹炭餅，3款都好好食，仲配有牛油同士多啤梨果醬。食完餐包就開始上主角👇🏻火灸加拿大海膽芝士焗松葉蟹膏大啡菇 $88一上枱嚇親，好大份，未見過咁大隻菇😂一切啲菇汁流出來，食落好juicy，大啡菇入面既料好足。加拿大海膽松葉蟹膏蟹肉忌廉汁意大利面 $198忌廉汁濃稠掛面，海膽鮮甜，入面仲有好大條蟹柳、雜菌、蟹肉同蟹膏。美國牛腹膜柳 $248牛柳肉質非常嫩，牛味夠，熟成度煎得啱啱好，亦都好Juice，好味推介！😋配菜仲有南瓜、蕃茄仔同長豆。總括黎講呢間西餐都係幾適合同朋友食吓飯敘舊，大家如果約朋友唔知揀咩餐廳好都可以試吓呢間西餐❤️

今次晚市嚟到呢一間好多Foodie打卡嘅西式餐廳試吓係咪真係咁好味！首先餐廳上咗佢哋嘅前菜餐包，每樣野都好出色！就算乜嘢都唔搽 食物本身嘅味道已經夠好😝我同朋友就分別嗌咗橙汁同埋紅豆冰，兩個都正常發揮！有興趣都可以試吓我就叫咗呢個軟殼蟹漢堡配返薯條軟殼蟹外皮薄得黎又夠脆，番薯條亦都唔會過鹹，推介！！朋友就叫咗呢個五成熟嘅牛肩膜，牛肉味超濃又軟熟！！佢食到停唔到啊最後我哋都加咗個心太軟配雲呢拿雪糕做飯後甜品，店員仲好有心咁寫低毋忘初心總括嚟講係一間臥虎藏龍嘅西餐廳，

尖沙咀哩邊真係有好多特色西餐廳，今次就同朋友黎到哩間，哩到既佈置用心，臨近萬聖節仲有特色佈置。餐牌上面亦唔少選擇，而且點餐後店員會送上餐包，有牛角包、竹炭餐包同竹炭麵包條，三款都唔錯，配有牛油同士多啤梨果醬。🍄火炙加拿大海膽芝士焗松葉蟹膏大啡菇 $88/pc大啡菇非常大粒，咬落去相當Juicy，上面既料好豐富，亦好香蟹膏味。🍝加拿大海膽松葉蟹膏蟹肉忌廉汁意大利麵 $198意粉夠creamy掛汁，而且軟硬度適中，上面仲有蟹柳、蟹肉絲同海膽，意粉裏面仲有唔少雜菇，啱晒外菇人士。🥩美國牛腹膜柳 $248第一次試牛腹膜柳，估唔到幾有驚喜！肉質粉嫩，牛味濃郁，食落仲要有肉汁，另配有南瓜、蕃茄仔同長豆。整體黎講，餐廳食物唔錯，去開尖沙咀又想搵西餐食既話，哩間餐廳都係一個唔錯既選擇。

高質西餐今日約左朋友尖沙咀行街 所以去左厚福街到食野 朋友想食餐廳餐廳雖然唔大 但都坐得舒服同埋乾淨Menu方面有好多菜式揀 我地最後就叫左三樣野share食餐廳送ge 餐包入面有三款包 查埋果jam一齊食都幾好食法式香草焗田螺本身好中意食 所以見到有就即叫左 田螺上碟時熱辣辣 好香香草同牛油味田螺size 都大粒 薯蓉夠香同滑好食👍🏻值得讚ge係餐廳好細心 會跟埋個夾同細叉 拎到我地食得好方便 同埋好衞生加拿大海膽松葉蟹膏蟹肉忌廉汁意大利面見好多人都叫尼個 所以我地都叫左黎試個賣相好靚 好吸引海膽都算大舊 同埋好鮮甜我地食完海膽同蟹肉後 就將蟹膏撈均 啖啖麵都食到蟹膏味 正👍🏻脆炸軟殼蟹牛油果漢堡碗蕃薯條個burger 好大個 一人食一半都夠食味道唔錯 如果再多d牛油果就好蕃薯條炸得好脆 同埋好甜 好好食整體尼間餐廳都幾好 食物有質數 價錢合理服務都好好 waiter 好主動fill水👍🏻 如果去開尖沙咀 可以一試👍🏻

《Amitie Kitchen》厚福街一向好鬼多嘢食，今次同朋去左呢間樓上西餐廳！見到佢都幾滿座幾多人食！🍭餐包有牛角包、黑芝麻包同蔥香脆片～ 暖暖地，就算唔點jam 都幾好食！另外發現牛角包點jam 幾夾！鹹鹹甜甜咁好味☺️🍭脆炸蕃薯條($58)擺得好靚～ 蕃薯條係幼身，配上黑松醬～ 幾岩口痕食，一食就停唔到口～ 🍭火炙半熟吞拿魚伴柚子味噌醬($88）🍭法式香草牛油伴田螺($118)吞拿魚份量精緻，切得厚厚地身，燒到外面熟入面生～ 個汁柚子味出，幾清新！田螺充滿香草味，啲薯蓉都幾正！🍭加拿大海膽蟹肉蟹膏忌廉意大利麵($198)呢個大推呀！必點！海膽唔臭已經好難得同加分，佢仲要有埋蟹肉蟹膏呢啲咁惹味既嘢😍 而且份量唔少，啖啖都食到！撈埋意粉一齊食真係好香口好正！🍭朱古力心太軟伴雲尼拿雪糕($68)好鍾意食心太軟，呢個切出嚟係有流心😍 不過略嫌苦左啲，好岩配雪糕一齊食！

同個朋友好耐都冇出過黎，所以揀咗呢間西餐食～餐包連餐包都有幾款🤣包括黑芝麻軟包，牛角包，蔥香脆片。我覺得黑芝麻麵包配牛油係最好食！另外牛角包同脆片就配士多啤梨果醬最夾～因為可以中和到個咸味☺️加拿大海膽松葉蟹膏蟹肉忌廉汁意大利麵 $198呢個真係必點！好大舊蟹肉同海膽係意粉面頭，食得出好新鮮。醬汁都比較濃郁，亦都有少少海鮮味。但我建議撈埋一齊去食會令到個麵更有海鮮嘅鮮味😋田螺薯蓉 $118田螺味道幾有青草味炸番薯條 $58一上碟嗰時食落有啲太油，但係攤凍咗OK火炙半熟吞拿魚伴柚子味噌醬 $88心太軟配雲呢拿雪糕 $68