Amitie Kitchen

营业中

休息中

今日約左朋友係尖沙嘴食lunch，黎到厚福街呢條尖沙嘴最多好野食之一既街度，簡左一間樓上既西餐廳，Amitie Kitchen.呢度既環境好好，裝修有風格，氣氛有情調！重有好多嘢食選擇！我同朋友每人簡左個lunch set和風牛肉溫泉蛋撈稻庭烏冬 望落好juicy，好吸引，稻庭烏冬好彈牙，配埋和風牛肉同溫泉蛋一齊食，味道口感都一流。柚子味噌北海道帆立貝意大利麵 柚子同味噌既配搭令義大利麵既味道變到好清新，北海道帶子新鮮又大粒！黑松露薯條 最鍾意好脆既細薯條，同黑松露醬係絕配食到舔舔脷！海鹽焦糖爆谷牛奶咖啡 好多cream好多爆谷既特色飲品，同朋友一齊share住食 share住飲，特別sweet啊！

聖誕緊係要食聖誕大餐，同朋友搵咗呢間係厚福街嘅西餐廳，網上仲有得book位唔驚要等位聖誕有特別manual，包咗餐包、餐湯、餐飲、前菜、紅/白酒、主食同甜品，超級豐富餐湯好濃郁嘅薯仔味，加上紅蘿蔔點綴唔錯餐包餅乾條 竹炭包 牛角包 件件都幾好食，最鍾意牛角包，好酥脆前菜有龍蝦配上酸酸哋嘅汁好開胃羊架叫咗7成熟，唔會覺得好騷，啲配菜都有心思，菇上面有紫薯點綴好得意甜品最緊要有merry x mas haha～～

今日下午放假，同老公食個fine lunch先，我哋去左尖沙咀間樓上餐廳Amitie Kitchen。餐廳環境都幾好，感覺乾淨整齊好舒服。Lunch set都幾多選擇，可選餐湯或沙律，飲品及甜品。我哋叫左個牛扒餐同燒春雞餐，另外 +$15多左份餐包。餐包：有牛角酥、餅乾條同竹炭包，牛角酥鬆脆，餅乾條亦夠脆，竹炭包軟熟，加少少牛油無咁單調。是日餐湯：大蒜薯仔忌廉湯口感幼滑，淡淡薯仔味，幾好。泰式西瓜沙律：西瓜好甜，沙律菜配上泰式醬汁酸酸地帶微辣，感覺清新開胃。烤燒阿根廷牛扒(6安士)：賣相幾好，叫左五成熟，肉質比較淋，入口帶肉汁，油脂豐富，配菜有翠玉瓜、茄子、紅黃椒同埋薯仔，牛扒同配菜已簡單調味，好好食。香草蜜糖燒法國春雞(半隻)：春雞燒得幾靚，有光澤又唔燶。雞肉燒到剛剛熟，肉質嫩滑juicy，餐跟意粉，配菜同樣有翠玉瓜、茄子同紅黃椒，整體味道同賣相都唔錯。飲品：老公叫左宇治抹茶紅豆冰 (跟餐+$20)，佢話淡淡抹茶味，紅豆甜甜地，佢好鐘意。我就叫左宇治抹茶牛奶朱古力 (跟餐+$20)，抹茶、牛奶同朱古力mix晒一齊，味道好夾，甜甜地幾好飲。甜品：藍莓芝士蛋糕細細件，口感細滑creamy

厚福街係一個平時諗唔到食乜就會入去揀嘢食嘅地方🤣但H8呢棟都有好多嘢食，平時好少上去🫢🫢入到去餐廳係暗暗地幾有格調餐包會係有牛角包🤣都幾特別！細細地又唔會好飽~· 法國藍青口伴白酒忌廉汁配蒜蓉多士 $158叫咗個頭盤輕食！藍青口無沙幾鮮~配埋個好creamy嘅汁好邪惡🤤🤤藍青口份量都唔少，仲有少少菜可以撈埋食👍🏼· 低溫慢煮法國雞胸日式年糕伴黑松露蕃茄汁 $178呢個好fusion嘅菜式！其實有啲似韓式但唔辣咁~配咗個蕃茄汁又唔會唔夾喎！年糕要沾多啲醬汁，始終係粗粗地唔會太入到味，慢煮雞胸真係食落雞髀肉咁，一啲韌同鞋嘅口感都無· 咸蛋黃醬汁煙肉磨菇意大利麵 $148咸蛋黃醬好香好邪惡🫢但又唔會去到好漏！煙肉同磨菇都好夠~意粉可以掛到好多汁🤤🤤🍽 Amitie Kitchen | 尖沙咀📍 尖沙咀厚福街8號H8 9樓

見到呢間餐廳主打係五星級酒店前大廚開嘅，而且有好多個好評，所以帶咗媽咪嚟食生日飯。餐前麵包竟然餐前麵包都有三款，仲有牛油同埋jam 。 佢嘅牛角包超級鬆脆，長餅乾就係蕃茄味好開胃。套餐前菜與南瓜湯檸汁醃蝦配牛油果好似牛油果他他咁有好多紅蔥頭令到成個前菜好有咬口好爽，而且紅蔥頭嘅味道有少少辛口。 另外佢仲有一啲檸檬汁醃製嘅蝦粒，令到成到個前菜非常開胃。法國藍青口 大推介食落去藍青口係用新鮮嘅青口，入口超級嫩滑，肉質鮮甜。 佢嘅醬汁應該用咗啲白酒同忌廉再加埋一啲迷迭香調製。 同蒜蓉包非常配合， 成個菜唔會太Creamy。而且青口真係非常新鮮。 意煎黑豬火腿蝴蝶枌伴黑松茄汁第一次食黑松露味嘅意粉而唔係白汁。感覺非常特別，有黑松露味亦都有茄汁味，變到唔會好膩。 而黑豬火腿就係偏鹹，同煎到非常香口。 所以配合返茄底嘅蝴蝶粉，個味道係啱啱好！ 意煙肉、大菇芝牛漢堡配炸薯條芝麻麵包烤到脆卜卜， 咬落去大啡菇非常Juicy ! 上邊仲有一塊厚身嘅煙肉。咬落去啲豬油汁別晒出嚟，再加埋啲牛肉汁。成個包味道好多層次。朱古力心太軟伴士多啤梨雪糕心太軟非常流心，而且熱辣辣。 裏面嘅朱古力醬偏甜，一啖心太軟一啖士

今日12點半去到Amitie Kitchen已經坐滿半間餐廳，好彩有book枱食lunch！之後無幾耐已經坐滿人！🤭我叫左個lunch set.1.餐湯、餐包 +$5餐湯好香濃！餐包有3種口感，鬆軟、鬆化、香脆。👍🏻2.煎阿拉斯加比目魚柳 $158我揀左配薯菜，原來係紫薯、同瓜茄類，好健康！🫶🏻想濃味d既可以點蒜油。比目魚柳既皮煎得香脆。魚肉juicy 嫩滑！3.宇治抹茶紅豆冰 +$20外形靚，仲可以同時飲到宇治抹茶同紅豆冰，正！4.巴斯克芝士蛋糕 $48甜度恰到好處。只係尖尖果度好似有少少燶味。。

厚福街H8大廈一向有好多餐廳，依間樓上西餐好多好評，雖然環境裝修唔算好華麗 但食物有保證，尤其係豬鞍扒，特登平平哋黎食個午餐先😍晚餐亦相當有氣氛，之前都食過相當適合聚餐 慶祝生日等等！14：30前結賬可免加一Amitie Lunch Set Menu▶️Appetizers 前菜是日餐湯或三文魚沙律伴日式洋蔥汁+$15可加餐包是日餐湯是蕃茄牛尾湯，好入味夠creamy又唔會太鹹。麵包有三個款式，+$15好合理👓黑松露野菌煙斗粉 $98煙斗粉有少少似大粒版貝殼粉，幾爽口唔會淥得太淋，比我想像中掛汁，都好濃嘅黑松露味，有菇菌洋蔥，有別於平時好creamy但漏嘅忌廉汁底。評分：7.5/10👓烤燒西班牙栗飼豬鞍扒伴蜜桃莎莎 $168可配白飯／意粉／薯菜成個午餐餐牌最貴嘅一道菜🤣不過係好食👍🏻烤到剛剛好粉色肉嫩juicy，好厚肉足料，唔太多肥邊膏位，岩岩好🤌🏻簡單嘅香草調味同醬汁，已經好夠。配菜竟然有日本番薯粒+菇菌茄子翠玉瓜等，一定夠飽肚！評分：8/10👓Tiramisu coffee 加$15可轉特飲面頭係一層cream灑上可可粉再插上手指餅，味道係濃郁嘅咖啡味，好輕微嘅可可粉味，其實整體味道

今次嚟試尖沙咀厚福街一間良心又高質嘅樓上西餐廳！⭐️加拿大海膽松葉蟹柳蟹膏忌廉意大利粉 $218呢度係餐廳招牌，果然係一定要嗌！首先賣相好吸引，海膽蟹柳蟹膏份量都好多，食落去係新鮮甜美，加落意粉之後令意粉更加有豐富鮮味，忌廉汁亦都可以充分掛喺意粉上面🤤⭐️紐西蘭肉眼扒 $168呢款係lunch set，上菜嘅時候已經聞到好香，牛扒都好容易咬開，同時帶一啲筋位，牛肉味更加重！配菜都好好食，全部都煮得啱啱好同入味！因為好多餐廳都會忽略咗配菜。⭐️麵包拼盤 +$15麵包拼盤係呢間餐廳嘅特色，佢有三款麵包，其中一款有啲似pizza薄脆，配埋有好多款配料嘅周打魚湯⭐️宇治抹茶紅豆冰

今次食嘅每件嘢，都係驚喜不斷💫！Starter先來個竹炭包，咬落外皮脆卜卜，裏面又軟綿綿，真係話唔出嘅舒服。緊接羅勒香味蜂巢餅乾條，香口得嚟富有層次，食落令人一啖接一啖。法國雞胸，講真，以前食雞胸老實講會啖啖肉板，但今次件雞胸潤滑得嚟又爽彈，跟埋黑松露蕃茄汁，鮮甜得嚟有歷歷口感，日式年糕韌味都啱晒口。黎到甜品，宇治抹茶朱奶，提提個味，朱古力心太軟配雪糕就係深情厚意🍫🍨，朱古力味濃郁得嚟唔會過甜，真係幸福到不得了。今次一試，真係覺得心滿意足，食物質素好過預期，每樣都可以話係巧手做出嘅好滋味，食得出廚師心機大。下次仲想試埋其他嘅菜式，真係迫不及待喇！👍🍴😋

Happy Birthday to my dear Friend兩個女仔食得唔多 叫左2個main + tiramisu coffee + 榴槤cheese cake special cake!Main澳洲牛臉肉 朋友第一次食覺得超好食 好淋 好入味 連同薯蓉都好好味 😋 我之次食過其他都好食 不過呢間水準高脆魚柳牛油果他他醬漢堡包伴沙律菜漢堡包好香 整體唔錯 係乾左少少 可能都係食牛肉juicy啲😂Tiramisu coffee本身都怕咁夜肉訓唔著 但真係好想試就叫左喇外貌吸引 上有好滑既cream 配可可粉 下有濃濃既rum酒咖啡 唔驚訓唔著喇🤣 值得試Durian Fruit Basque cheese cake想試好耐既既斯克榴槤味芝士蛋糕 估唔到係今日既special cake 😂 好彩朋友okay 即叫黎試雖然本人冇好鐘意榴槤但想試好耐 好特別 又真係好食 好香榴槤加濃郁芝士蛋糕 正！整體朋友好開心滿意 話好多謝帶佢試咗間有質素既餐廳品嘗美食 🥰PS: 係openrice 揀咗3間餐廳再俾朋友揀先book 位，冇任何優惠

午市套餐有餐湯或沙律,甜品及飲品餐湯係南瓜忌廉湯,將南瓜蓉打到好碎,食到少少南瓜蓉, 真材實料。泰式西瓜沙律食落真係有泰式感覺,個汁酸酸地,幾開胃。烤燒阿根廷牛扒 ($168)牛扒叫左五成熟,肉質幾軟淋,牛味都幾濃,唔錯。配菜都好有誠意,幾好食,有翠玉瓜茄子紅椒黃椒,分量幾多。香煎阿拉斯加比目魚柳 ($158)比目魚柳分量都唔細,魚皮煎得好香好脆,魚肉仲可以keep到好嫩滑,意粉配上蒜蓉橄欖油醬汁都幾惹味,整體唔錯。牛奶朱古力,賣相幾靚,飲落好滑,不過唔算好濃朱古力味宇治抹茶牛奶朱古力,淡淡嘅抹茶味加淡淡嘅朱古力,ok甜品係細細件慕絲蛋糕

終於有天平日假，第一時間做自己喜歡嘅事情，就係整麵包同去食好野，原來喜歡的事都同食有關，哈！雖然中午來到，但餐廳已有聖誕嘅佈置，好有氣氛。長方形格局，有多張二或四人枱，坐得幾舒服。有午巿套餐和a la carte，午巿套餐包餐湯或沙律、主菜、甜品和咖啡/茶，可加錢轉其他甜品和飲品。是日餐湯係南瓜薑忌廉湯，口感好棉滑，少少南瓜香，薑味較重，有啲辛辣感。午餐menu有十三款選擇，揀咗香煎阿拉斯加比目魚柳6安士配薯菜（$158）。賣相幾得，魚柳白雪雪，肉嫩皮脆；薯菜好豐富，有燒過的茄子、翠肉瓜、紅黃椒，全部都保持得好爽嫩，最鍾意係用了手指蕃薯，粉綿甜美，健康有益，好食！炒煙肉椰菜仔（$48）翠綠清爽，加了腍嫩嘅煙肉同炒，味鹹香，不錯嘅配搭！伯爵茶慕絲蛋糕（$30/跟餐轉）是黑板上的推介，其實仲有多款芝士蛋糕揀添！賣相好驚喜，用心!口感都好幼滑，啖啖伯爵味嘅幽香，味道和口感我都喜歡！宇治抹茶牛奶咖啡（+$15/跟餐轉）入口暖笠笠，味道香滑，啖啖抹茶的甘苦，抹茶控必定鍾意。

第一次光顧Amitie Kitchen餐廳Menu有很多不同類型的食物提供一定可以滿足不同客人的需要而且每一道菜都很好吃 所以朋友們麵很滿意令我留下深刻印象的是：- 慢煮加拿大豬鞍- 西京燒都是很出色的菜單

今日約咗朋友去睇聖誕燈，睇完OpenRice食評推介，揀咗呢間樓上西餐廳。兩個人點咗一個頭盤同兩個set dinner，各有特色。自家製黃金蟹餅 👍🏻蟹肉加上鹹蛋黃份量恰到好處，味道獨特，啖啖有蟹肉，鹹蛋黃重手得來又沒有搶蟹肉嘅鮮味，推介兩個晚餐均配以麵包和南瓜濃湯。南瓜濃湯味道濃郁之餘，質地又不會太厚身，不錯。麵包要讚一讚，兩款麵包皮脆內軟，尤其是黑炭麵包更為出色。跟餐前菜亦有兩款選擇：檸檬汁醃蝦拌牛油果牛油果和蝦亦不吝嗇，配埋沙律感覺十分清新巴馬火腿布冧沙律伴紅莓黑醋汁👍🏻唔好以為沙律就冇特色，有幾塊大大片的巴馬火腿，大大碟沙律，道菜嘅精髓，反而係紅莓黑醋汁，完全提升咗沙律嘅層次香煎北海道帶子伴蟹膏意大利飯 👍🏻三隻大大嘅帶子的確很搶眼，意大利飯軟硬適中，食起來就係有一浸好特別嘅味道，原來那股味道是蟹膏。令每一匙意大利飯入口味道有幾個層次。推介辣椒蒜片法國青口㼄燒鮑魚意大利麵菜名已經講出咗有嘅材料，顧名思義有㼄燒鮑魚，仲要有兩隻，四隻法國青口，材料甚多，有很多蒜片，但沒有有濃濃辣口的蒜頭味，口感豐富之餘，椒絲亦添加味道層次。總括嚟講，食物味道與質素值得讚，份量足夠，賣相亦有酒店水準

🍝 Amitie Kitchen 🍷不嬲都想食呢間尖沙咀樓上高質西餐廳餐廳個設計好有氣氛 環境舒適門口仲有個打卡位添餐牌上都好多款食物揀添🐚 法式香草牛油焗田螺 $128田螺比平時食果啲大粒 仲好有咬口加上香草醬同橄欖油令到更加好吃 底層仲有香滑既薯蓉加埋一齊食真係大滿足🍝 晚市套餐 $258餐包+前菜+餐湯+意大利飯🥖 餐包有牛角包/麵包條同好特別嘅竹炭包，可配牛油/士多啤梨醬食🥬 檸汁醃蝦 拌牛油果青瓜/紅椒/蝦/牛油果賣相色彩繽粉 口感豐富 食落幾開胃係覺得個洋蔥味對我黎講辣咗少少🫕 餐湯啲材料都打碎到好幼滑係我鍾意嗰種好濃郁好creamy嘅味道🍚 香煎北海道帆立貝伴蟹膏意大利飯三粒大大粒帆立貝賣相勁吸引帆立貝兩面有少少煎到黃金嘅顏色中間竟然仲保留咗刺身級鮮味同口感而蟹膏意大利飯加上芝士碎真係無得頂👍🏻份量仲多兩個女仔分都夠食🥤 宇治抹茶紅豆冰 $38 (跟餐+$20）身為抹茶控忍唔住加錢叫咗杯宇治抹茶紅豆冰嚟飲杯飲唔會有個陣假甜味香濃抹茶加埋甜甜地紅豆帶有自然甜甜地 又帶啲茶味 超夾!!! 🍘 甘栗紫薯餅 $48濃郁嘅紫薯味加上切成細細粒嘅栗子又增加左口感個人覺得個栗子味多少