Amelia Hong Kong

营业中

休息中

weekend去食左個late lunch，見陽光普照又唔太凍所以想轉outdoor，問侍應，佢就話要問下reception，答覆係出面比人book左，所以無得轉…兩人去食但得一份餐具🥵食物水準不錯但等得耐，份量小，當日大概只有兩成客人，侍應行行企企，又行埋一邊吹水，水冇晒都冇人主動加…坐坐下見到對面入嚟無耐嗰台客，可以掉位出outdoor，真係火都嚟埋🥵真係唔知佢咩準則，我入嚟先，見到出面有位但又唔俾我調，其他人又得！？用餐體驗真係好差，價格高，職員質素低，問佢有咩推介答唔出，唔記得咗個餐有冇跟甜品，問佢又話唔知🤔🥵心諗，你係咪喺度做㗎？好明顯係扮緊高級餐廳但基本野都做唔好嘅感覺🥴無下次

人生甘大個仔第一次寫食評，因為真係不吐不快， 食物質素如何見仁見智，反而覺得 基本 西餐禮儀都好似搞唔掂，今日同老婆慶祝結婚週年， 去咗呢間以為情調幾好嘅西餐廳食， 入到去覺得有少少中招， 因為真係好嘈。新年佳節前後點咗個套餐諗住比較簡單啲， 同埋有六道菜， 先$780都化算。 點完餐，奇怪佢冇加餐具都算啦，正常西餐嘅餐包都冇，又算了反正吾吃， 先嚟第一道菜係生蠔，居然叉都冇畀我哋 ， 淨係得檯面 三件餐具， 諗住肚餓用住先啦， 用完之叉，食過生嘢 ，咪放喺碟度 諗住個waiter會攞走埋順便換返啲刀叉啦， 點知 著黑色衫嘅 senior waiter居然可以原支放返低我支叉 喺枱面諗住俾我食第二度菜， 飲完湯嗰陣時 個湯羹放喺個碟度，都照放返落我張枱度，大佬呀， 真係有啲嬲嬲哋， 唔係咁樣暗示叫你換餐具都唔識呀， 如果喺茶餐廳我梗係唔理你啦，但係話曬呢度都係有點門面嘅食肆，仲要senior 係甘樣served 人，真係唔識做人。成餐飯 食咗差唔多個半鐘先食到個main course， 冇咩節奏 ，到上牛扒大鑊到 刀叉 都要我問你攞， 攞到嚟仲要直接擺上我個碟好似茶餐廳嘅擺法真係吹到啤

做咗40幾年人，完全未試過食過這麼超不值不知所謂的晚餐。海港城裏面好多餐廳都食過，諗住今日人多見到呢間餐廳冇人排隊，費事個兩歲BB同個女老婆要排隊等咁耐就隨便入去，諗住去海港城係西餐廳都唔會衰得去邊。一入到去未坐低個位waitress就已經態度奇差，叫佢拎張被bb high chair又唔想攞，講嘢一啲禮貌都冇不知所謂。點咗三個菜，意大利份細到出奇又難食，叫咗個rib，嚟到居然一條骨頭都冇，只係一個正方形嘅肉，成世人都未食過噉嘅rib。餐廳裏面聖誕節一啲裝飾都冇，完全冇聖誕氣氛，真係不知所謂到極點。前後食完唔飽就一定唔夠45分鐘即刻走人去第二間再食過。係完全不之所謂成世人食過咁多嘢去過咁多地方從未遇過咁荒謬嘅餐廳。$1159，呢啲噉嘅餐廳我都唔知點解可以存在。totally utterly ridiculous

第二次嚟amelia。第一次嚟嗰陣覺得OK 㗎。但係今次嚟，真係覺得自己中伏🙄😓。。。忍唔住要寫食評。。。食物水平整體中規中矩(有幾道菜唔係好得)，價錢偏貴，份量較細，性價比唔高，4個人食左$3250，唔緊要。餐廳比較嘈，枱與枱之間距離較窄，都唔緊要。侍應有禮貌，但係廚房同上菜真係好有問題😡我哋weekday夜晚8:10pm落單，催左幾次， 8:40pm左右先上到前菜，之前連包都冇得我哋食。係連湯同火煺都係呢個時間先上到。本身已經肚餓，仲要坐喺open kitchen附近，見住每一碟餸都係煮好左之後放喺枱面等上菜等成10分鐘左右先有人攞。啲嘢食上到枱已經唔係好熱。9:00pm main course未上，已經話last order，唔可以遲啲先落甜品。重點係，廚房嘅廚師不斷除口罩講嘢、食嘢 (見圖)😱。大佬呀，收人咁嘅價錢，仲要open kitchen，唔好咁揚啦。。。佢地仲有個朋友仔無啦啦唔戴口罩行去傾計，喺正啲等上菜嘅食物上面講野😰。望住佢地煮野，加埋咁嘈嘅環境，我感覺自己身處間好旺嘅茶記。。。以後唔會再嚟😑。。。

It’s pet friendly restaurant so I decided to give it a go. After we settle in, been waiting for 30 until we found someone to get our order. The reception was rude. When the appetizer came we split the octopus onto our plate with the sauce on. The waiter did not ask us if we finish yet and just took the plate away. I stopped him to get our plate back because the sauce was still there!!!!! I was really shocked and pushed as this is not the service from an expensive restaurant. Even cha chan tei wi

服務態度差到我是無法忍受,餐牌不清晰,上菜時間長,追單時侍應生、部長、經理都只是唔了一聲就走,追了幾次終於來到上抬,但和我的期望相差好大,再問經理,他一言不發,過了一陣,把餐牌放在抬上,轉身就走,意思是我自己看叫了就是這碟牛肉,埋單時多謝也沒有,怪不得附近的食肆都是大排長龍,這店就一入去就有位,有人說如果你不清楚這店舖好不好,看有多少人在排隊便大概知道,我發誓以後再不光顧這間服務態度、食品質素和價錢完全不成比例的店舖。

性價比極低價錢貴，portion 少得可憐上3個 main 時，我以為上咗3個頭盤隻碟就夠晒大， $4xx 得4粒豬肉食完好似冇食過野咁叫甜品就叫乜冇乜之前講好話可以係甜品碟度寫 Happy Birthday (依樣係依個價位既餐廳是基本吧) 結果上甜品時乜都冇寫同佢地講返之後就收返走碟甜品，但15分鐘都未出得返俾我地，以為佢地整過一碟喇，咁知佢地係另一隻碟度寫，再放返之前果碟係上面你收緊咩價位？可以俾返多少少誠意嗎？上完甜品又唔俾餐具，叫客用手食咩？餐具都未黎，就自動波攞張單黎叫我地埋單，睇黎好趕收工平時都好少打 comment, 不過今次真心NOT recommend 大家去，費事大家食到一肚氣

又到聖誕～～～好耐無出過街，今日出去睇聖誕裝飾順便食飯影咗好耐，終於到咗今日嘅目的地，Amelia我去食飯，當然係坐喺露天位置啦，天氣涼涼哋，好舒服嘆住嘢飲，睇幻彩揈啷啷呢杯嘢個名好似魔法咒語，叫Hakuna Matata，好得意，都好好飲，係菠蘿味嘅Mocktail忌廉黑松露椰菜花湯配温泉蛋🥚隻温泉蛋真係畫龍點睛小食係西班牙加利西亞八爪魚🐙主菜有黑松露野菌意大利米麵，質地好特別然後就係和牛側腹(medium rare)最後係Basque Burnt Cheesecake 食飽飽梗係又要做運動啦，結果去1881影埋相先走

閒日去食，竟然都要等成30 分鐘先出到餐佢地話三文魚係半生熟既，黎到係全熟另一個菜係雞胸配意大利煙肉， 所謂既意大利煙肉只有2 粒， 個汁似豉油…出黎既賣相似係豉油炒雞胸總括黎講， 呢個價錢既lunch, 俾出呢個質素， 真心冇下次

上網見到好多人推介自家製麵包配牛骨髓Bread with Bond Marrow 決定試一試佢牛骨髓放落法包既中間再加上牛油 口感一流麵包唔會太硬 所以唔會好難咬開牛骨髓份量足夠 每一啖包都可以食到骨髓既油香掛住食 食到一半先記得未影相非常推介試依個八爪魚 有椒鹽粉係面 加上特製醬汁 十分惹味依個龍蝦汁意大利粉都十分岀色 龍蝦肉好新鮮 而烹調意粉既龍蝦汁都非常好味 牛小排 都無令我地失望 配上黃芥辣醬 令人食唔停！由於掛住食唔記得影餐廳環境，餐廳裝修好靚 門口仲放住一隻大型Kaws好型格想搵餐廳望到海景又可以品嘗到美食 Amelia 絕對係最好問選擇

與 #小b 找節目真係要周圍發掘下，能夠一齊用餐🍴嘅餐廳🍴加上歡迎寵物進入嘅商場都係考慮之列。.難得可以欣賞下維港嘅景色真係唔錯，若然天氣好其實可以好好享受，不過坐喺呢間米芝蓮嘅餐廳🍴，不停有🚚🚛🛵送貨同外賣🥡，甚至乎倒垃圾等情況，實在唔太想見到，但有得必有失，無乜可能兩全其美🤔.#海港城 繼續推緊購物同餐飲券消費活動，因此可以試試呢間來自西班牙🇪🇸聖塞巴斯提安嘅著名米芝蓮🌟星級食府，主打嘅係意大利🇮🇹風情嘅菜式。———————————————————————————🍽香辣原條龍蝦🦞意大利麵🍝💬確實龍蝦🦞係彈牙，醬汁香辣美味，意粉粗身有咬口，當然價格亦唔平，星級食府嘅價錢，但未算得係星級嘅服務同質素🤔.🍽西班牙🇪🇸橡果黑毛豬，配蜜桃🍑、阿根廷🇦🇷青醬💬咁貴價嘅午餐🥣其實係有期望，賣相同擺盤係精美，但味道未算很驚艷，黑毛豬充滿油份而且鬆軟，青蘋果🍏清新效果中和油膩感，但性價比唔高🤔

午餐時段去食，揀了lunch set, 叫了龍蝦意粉和雞，環境係唔錯既加上服務又幾好，野食都好快黎。前菜有包，湯和沙津，包有驚喜，帶點香草味配埋南瓜湯係perfect. 主食方面，份量比較細，不論雞或意粉。雞係嫩滑，加埋檸檬同埋個醬好正，而意粉都好食，個質感硬硬地，龍蝦汁都幾濃郁，係真係太細份，好快就食完，而且價錢都唔係算便宜，今次用海港城coupon食先比較抵，只試一次便夠了，可以不用再去，除非想食環境啦。

同事 farewell 要和他食餐好，地點由佢決定位於Ocean Terminal Amelia by Pauli Airaudo 是他的心水，也是我一直想去嘅高級餐廳。餐廳以米芝蓮總廚Pauli Airaudo立名，可見其號召力不凡。行入餐廳內，面積寬敞舒適，Modern 之餘亦不失其高雅的環境，感覺是走 Causal Fine Dinning 路線，Open Kitchen 是近年的大趨勢，感覺食客和廚師們可以拉近距離。平日午餐不會太full house , 但係最好先預約。當日天氣唔係咁熱所以我哋決定咗坐戶外chill 吓。午餐共有九款選擇價錢由$138至到$408各午餐也提供Home made bread 、Soup and Snack of the Day 麵包是自家製 ，拎上手都係暖的，有誠意。口感類似脆口嘅粗麥包。「南瓜湯」口感濃稠，幼滑如絲，甜度適中，我超喜歡。「車厘茄沙律」以車厘茄、洋蔥碎伴橄欖油，略嫌過份簡單。主菜奉上之前我們選了另一款頭盤「木炭燒八爪魚配泡菜蛋黃醬」擺盤簡約而不失霸氣，我估計八爪魚先用汁煮方法處理再以木炭氛燒，只要用力輕輕一切，已經可以感受其軟稔度

相公大人生日，好好吃一頓的藉口來了。因為疫情已多時沒有回到南歐老家，所以早早鎖定了這家可飽覽維港景致的新派意菜解解饞。其中最令人驚喜的絕對是烤牛骨髓，那豐腴飽滿的脂肪簡直不要太邪惡！有人說，香烤脂肪是天上美食，這一口一口停不下地吃下去，配上獨有香料，心中不禁想，果然是至理名言。八爪魚不用說是最吸晴之選，外脆內軟的質感，咬下去還帶點濃縮海鮮水份，讓相公大人忍不住拿起餐牌再看一次是否慢煮食物,醬汁也顯功力。Caserecce也是童年回憶，但已經由當年傳統的烏魚子進化成現在的鱘魚子，海鮮味含蓄了但精緻了，pasta 濃郁而al dente。大力激賞兩杯飲品，層次夠豐富，幸好最後都點了。

久久聽聞呢間由米芝連星級廚師主理既歐陸菜餐廳，有維港靚景，户外坐座仲可以帶埋寵物一齊用餐，決定試一試佢本來book 左outdoor , 但因為夜晚真係好涼好大風，reception 靚女好細心問我哋會唔會想坐番indoor, 有sofa位比我哋👍🏻餐廳入面環境好舒服，開揚加上大大個open kitchen 可以望到厨房，一入餐廳大部分員工都好自覺有善咁同你講 welcome，第一印象已經加左分😛👏🏻頭盤叫左Burrata Salad，本來平平無奇既 Burrata 加左合桃牛油汁同nuts完全昇華左，原來咁夾咁好味，呢個絕對係驚喜之作，一定要試🤩👍🏻👍🏻👍🏻我同朋友都係”包人”，所以叫左呢個 Farmer’s bread，上枱熱辣辣脆卜卜，外脆內軟，加埋牛油溶左入去高密度既麵包，再配埋Burrata salad, 呢個頭盤好美滿🤤🤤好！主菜叫左黑毛豬，上網見到除左short rib 呢個就係熱門之作，豬肉肉質好鮮嫩，有時我好怕食豬因為會柴皮，但呢個好林，個士多啤梨蜜桃威士忌醬汁好醒胃龍蝦係我至愛😍 點可以唔叫龍蝦pasta 呀!! 自家製 Pasta 做到 Al Dente，龍蝦彈牙