Add Some Thai Restaurant

营业中

休息中

呢排喜歡去工厦揾食， 價錢對比街舖， 不會平宜了，但是在食材品質上及空間間隔上， 絕對能令你滿意呢 今次的泰國餐廳， 簡稱 AST, 是隱藏於這工廠大厦內的: 厨師推介： 我最愛的黃咖哩咸蛋軟殼蟹 (三隻) 配法式蒜蓉包 軟殼蟹炸得香香脆脆， 分開三小碟， 感覺份量很充足，而且香滑黄咖哩也很多呢， 很超值！ 噢， 蒜蓉包已加到黄咖哩內，但仍保持脆口, 厲害! 泰皇三小拼沙律 ~ 很別緻的小白杯，分別有柚子和蝦， 泰式無骨鳳爪 和 Parma Ham 巴馬火腿。 3種各有特式, ham 有鹹香味, 柚子蝦很清新, 懒人無骨鳳爪醃製得很入味呢! 附上很多生菜, 自己 DIY 份菜包, 寧捨感覺 fresh 和有新意； 有甜酸醬, 又有沙律醬, 鐘意放乜都得, 嘻嘻, 好玩喔! 忘記了還有這盆 AST 小食拼盤: 有手打蝦餅, 春卷, 炸蝦片, 一支骨雞翼, 炭燒豬頸肉 和 無骨酸辣鳳爪 款款都甘好呢, 很飽都努力吃吃吃... 不要浪費啊!見到呢個位置好舒服, 下次要約多幾個朋友再來狂食呢小胃又出動了 有驚喜, 椰子雪榚竟然內藏椰絲粒粒的, 很有嚼勁

同事搵左間好評如潮嘅餐廳，話可以去試試，於是由牛頭角行左去觀塘，為左食，我地究竟可以去到幾盡。Add Some Thai Restaurant 呢間餐廳係駱駝漆第1座9樓，你話方便就真係一d都唔方便嫁啦，唔係同事上網搵真係唔會知道佢嘅存在。入到去見到個招牌，覺得好特別，諗左諗先知原來係Add Some Thai 嘅縮寫，AST，而且望住個A未覺得好有泰文字feel，唔知泰文有無呢隻字嫁呢。舖入面嘅裝潢非常有泰國風情，可能因為係工廈樓底夠高，而且非常寬敞，餐檯同餐檯之間有足夠嘅間距，椅子都夠大夠好坐，俾到私隱度同舒適感我。因為行過嚟都需時，坐定定之後就嗱嗱臨睇Menu，套餐餐牌非常簡約易明，又有泰式冬陰公湯跟，又有熱飲可以揀，加凍飲都只係加$3，而追加嘅小食都只係$12-$38不等。我哋叫咗個芝士黃咖喱忌廉汁焗豬扒飯（ $75 ），一上枱就聞到陣陣嘅咖喱香味，豬扒經過烤焗之後，外皮香酥，而豬扒卻非常juicy! 咖哩配忌廉，口感帶點微辣，大啖飯配汁同豬扒，好滿足。招牌泰式無骨海南雞飯( $78 )，一上檯，見到個賣相就即刻加晒分，平時嘅海南雞飯點會咁有心機同俾咁多野你，蝦餅、配菜、薑黃飯

又來到觀塘，第一次在工廈食泰國菜。觀塘的餐廳多過天上的繁星，但午餐時間總是人頭湧湧，座無虛席，實在誇張。冬蔭公午餐附送一碗湯。落足香料，內裡還有隻蝦，有誠意，不過甜而不辣不太合我口味。泰式奶茶友人的奶茶看似不錯，比港式奶茶深色。香燒沙嗲豬肉串午餐可以追加小食。沙嗲雖然沒有一粒粒花生碎，但味道不錯，幾惹味。豬肉燒得香，都幾大粒，卻保持到肉質不嚡不韌，有驚喜。招牌泰式無骨海南雞飯雞看起來有點乾。勉強可以，不嚡不韌，但不滑不嫩，亦欠雞的鮮味。黃薑飯吃到黃薑的香，比油飯健康得多。蝦片不夠脆。反而喜歡兩件燒菠蘿的多汁，再燒香一點更佳。泰式煎鮮鱸魚 配 香草忌廉意粉有趣地，吃泰國菜竟然配意粉。連煎魚的做法都很西式，皮煎得香煎，魚肉太腍，欠口感。忌廉意粉是典型樓上cafe質素。環境設計得充滿泰國風情，服務亦不錯。

觀塘工厦有好多樓上餐廳🏭，所以近年都好鍾意喺依啲樓上舖搵食🍴，今日就嚟食泰菜。 雖然依間泰菜係樓上舖，但喺openrice食評都好多，over 150個☝️🖐🤲我哋兩條友👫點4樣嘢+2杯飲品，我點嘅時候都擔心食唔晒🗑因為我本身又唔係食好多嘢，但好彩食得晒仲啱啱好🈵️perfect 👍上菜都好快，蒜蓉包🥖落單冇耐就到，睇相以為好少咖喱汁，點知食完4塊包都仲有好多汁剩返🥘，包唔係脆嗰種咖喱幾香，兩樣加埋都幾match😋蒜蓉菜苗隻碟好大，佔1/4張枱，但啲菜得中間一篤🥦🤦‍♀️成$70碟，下次唔叫😡燒豬頸肉🐽切得好薄好大片，味道都ok, 但邊全部都係肥肉，同埋個汁唔係我鍾意嘅魚露汁🐟最後我點剩低嘅咖喱汁😁黃金蝦炒金邊粉🦐，啲黃金太大粒，而且好似冇加任何調味，即係咸蛋黃粒炒蝦，咸蛋黃嘅味完全同隻蝦溝唔埋🌅🔁❌🦐，仲要好油😫間餐廳其實都幾大，位與位之間唔太迫，報置餐具都花過心思，而且有人造小河🤔燈光柔和，多人聚餐，除咗食中菜，依間餐廳都可以考慮吓

放工突然好想食泰國菜，老公又唔想我行咁遠，又上咗駱駝漆的呢間餐廳共晉晚餐。雖然今次唔係坐梳化位，但係坐响水池旁邊，感覺很放鬆。泰式辣椒膏炒蜆雖然是小小的一碟，不過味道辣辣地，幾開胃和惹味。招牌黃金咸蛋鮮海蝦 (6隻)海蝦的表面沾滿咸蛋黃，香脆得來很有咸香，伴埋旁邊的蝦片一齊食真係好搭配。黑松露芝士 Shake Shake 薯條大大盤的薯條，洒滿了黑松露，一齊食用寧舍香，整個口腔都係黑松露味，正~香燒豬頸肉豬頸肉很有光澤，食落好 juicy，點埋旁邊的泰式醬，令到開始半飽的我們又開胃起來。酥炸軟殼配金邊粉除咗軟殼蟹，仲有其他配料伴著金邊粉，有脆口又有軟身，口感很豐富。我們一邊吃，一邊喝著飲品，他喝著他的可樂，而我的就是 圓肉杞子香芒茶，圓肉味突出，中間帶出陣陣的芒果香味。

同事係openrice訂咗位，送25個asia Miles， 不過我地臨時加多左3個人，嚟到先知冇哂大枱，職員叫我地等下，佢盡量安排，最終等左40分鐘先有兩張枱拆開黎坐。我點咗一個泰式海南雞飯，送嘅湯都幾好飲，好似係南瓜湯，冇幾耐個飯都嚟咗， 個飯唔係一般嘅油飯，而係薑黃飯，食落好香， 雞肉就不過不失啦，冇乜特別，唔係話滑，亦都唔係鞋😂反而伴碟嘅炸蝦片好好食呀，新鮮即炸，好脆。 最後仲飲咗一杯凍泰式檸檬茶，茶底比普通檸檬茶豐富， 下次想飲下佢杯泰式奶茶。值得一提嘅係餐廳嘅裝修好特別，中間有一條流動式嘅小河流，第一次見呢

一聽到工廈開倉當然約埋好友齊齊去執筍野咁先係精明消費者，最後梗係滿載而歸一袋袋戰利品啦，又可以順便係度食埋飯，講係呢度真係有好多食肆，唔知關唔關多咗好多寫字樓，好友話想食泰國菜即刻開個Apps查吓，原來係隔離大廈就有得食真方便。入到去又估唔到咁大地方，而且座位夠闊落真舒服，當然點咗幾款人氣美食品嚐下，小食有酥炸一支骨雞翼(10)支$58，雞翼炸得好鬆脆，入口仲係熱辣辣，再點配埋酸辣胡麻汁食落幾惹味。再來有A.S.T串燒拼盤啦$158，已包括有沙嗲豬肉，雞肉同紐西蘭牛柳粒，一次過可以食晒三款肉，首先食番串牛柳粒入口肉質細嫩味香濃，繼續食埋豬，雞燒得一樣咁出色食落啖啖肉，拼盤除左肉仲有菠蘿車厘茄，香燒白菌同泰式炸蝦片夠晒豐富。而另一款係廚師推介A.S.T泰式燒雞半隻$138，燒雞肉質半肥瘦，食到雞皮嘅香脆，雞肉入口好嫩滑燒得啱啱好，點埋泰式酸辣汁食更滋味。食完一輪美食，又點會少咗甜品，有椰汁芒果糯米飯配是日雪糕$68，芒果果肉好香甜，再食番啖椰汁糯米飯已經好滿足，開開心心又品嚐一餐泰國風味。

原本同朋友諗住食韓國嘢，但係間野full晒，唯有轉地點。身處觀塘，諗起同事話有間泰國野好好食，所以我哋嗰晚去食。聽講呢間野成日好爆，我哋果晚早，冇book到位都入到去，如果大家想星期五晚嗰啲時間去，記得book位先至好去如果唔係實冇位。👏🏿環境燈光昏暗，有啲有特色嘅燈飾，而且有泰國氣氛，非常浪漫，建議男女朋友一齊去。但係一大班人呢？果到有長枱可以一齊坐，所以兩三個朋友小聚，男女朋友一齊浪漫晚餐，定係一大班人嘻嘻哈哈呢間餐廳嘅環境都好啱各位。忘了影相😐好鬼肚餓，一坐低就即刻睇餐牌。通常兩個人食嘢我都會叫一個主菜加兩個小食，今晚揀咗海鮮菠蘿炒飯，碳燒豬頸肉，同埋酸辣鳳爪雜菜沙律。間野應該係行精緻路線，睇吓個沙律都用杯裝，我同朋友一人一杯啱啱好。沙律醬有兩隻，一隻係平時泰國餐廳都會有見到嘅魚露，一隻就係沙律醬。為咗減少多餘脂肪吸收，我揀咗魚露😏留意番呢個沙律係辣嘅，好彩係微，我同朋友都接受到。沙律菜非常新鮮，撈埋魚露酸酸甜甜好開胃，仲有冇骨嘅白雲鳳爪，開胃小菜一流。之後嚟咗豬頸肉，豬頸肉調味啱啱好，唔會太鹹。最最重要係非常之淋又唔多油，我覺得呢個豬頸肉點沙律醬非常好食。雖然唔想吸收多餘脂肪，

今晚同朋友約好去觀塘Add Some Thai Restaurant食下泰國野好快店員就安排好入座個環境都幾舒服,幾唔錯今日點左以下幾樣野黃咖哩炒鮮肉蟹配法式蒜蓉包,冬陰功海鮮湯河,泰國小食拼盤泰國小食拼盤--豬頸肉夠林,蝦餅夠脆夠熱,鳳爪酸酸甜甜有口感.春卷都係夠晒脆口香口冬陰功海鮮湯河--有蝦,魷魚,豆卜,個汁都好香口,粉既軟硬適中黃咖哩炒鮮肉蟹配法式蒜蓉包--隻蟹都算大隻,肉質都幾實肉,唔會梅..咬落鮮味十足.個咖哩汁都幾好味,唔算好辣但非常香口配合埋個蒜蓉包黎食真係互相輝影

全村人為左要就 OT 的我，專誠山長水遠來到觀塘食晚飯，唯一要求是要泰菜，豈能不滿足？響觀塘想食泰菜，除了 APM , 原來仲有多個選擇。位置在駱駝漆大廈，一向唔鐘意呢面食，因為D lift 太慢，試過排好耐先食到。但呢間響一座，情況好似好少少，加上晚市少D人排都 ok 。所以我book 左呢間齊齊試下。最近的人竟然最遲，有點不好意思。但入座後，見到餐廳格局都唔錯，好有泰國 feel ，佢哋可能都等得比較 relax, 心裏安落了少少。一坐下來便剛好上菜了，正！ 好鬼肚餓⋯⋯原來佢地都叫左幾多野食。冬蔭公湯：好多海鮮有青口同埋蝦，唔辣比較酸，但飲到好重香料味。無骨海南雞飯 ：呢個good，D雞夠嫰滑有雞味。小食拼盤 ： 豬頸肉、炸蝦餅同埋酸辣鳳爪都好味，但是雞奕和春卷就太乾，no good. 。串燒 ： 串燒豬好味過串燒雞，個醬好得，夠香又惹味。咖哩＋薄餠 ：好味，熱辣辣。炒菜：偏咸，太多汁。軟殻蟹金邊粉： D炒粉太黏太淋，質感一般，味道正常。服務一般啦，人手唔算多，但水杯太細得兩啖所以成日都要揾人撲水，建議換隻大水杯啦！不過餐廳環境真係好good 又真既，價錢算平，大碟。

都話啦,除咗傳統旺區外,我最常到就是觀塘.今次去了駱駝漆另外一期, 先前多数去另外一座較集中多店舖和餐廳逛逛和進餐！上到去,地方頗寬敞, 今次是食泰國菜！8点去到,差不多Full House, 佈罝很整齊,燈光很柔和！檯上有盏燈和銀水壺,很特式！肚餓啦,叫嘢食,不離來過沙律,點了一個柚子大蝦沙律,用個有耳的杯盛上,配沙律醬和泰式醋! 蝦爽,柚子和什菜配上汁醬,果然好味！食泰國嘢,更係要些炸嘢㗎,叫咗炸魚餅,份量和質量都好! 炸得香口和魚肉鬆化！再來沙爹串燒,試了牛和雞, 果然好味,加上很多很濃沙爹汁,好豐富.有魚有肉,加些馬拉盞炒通菜,馬拉盞醬料就係惹味！忘了有個主菜青咖哩豬肉,我鐘意呀!哈哈又吃了一餐好嘢！

其實我真係好鐘意泰國，亦好鐘意食泰菜！鐘意食到連lunch 都成日心思思想搵泰菜食終於呢日有同事陪我癲搵到呢間於工廈內的泰菜 - Add Some Thai!店鋪都幾大，唔會坐得好迫，門口接待的是正宗的泰國人哦！👍🏻午餐menu 除左泰菜亦有意粉牛扒選擇！亦可另外追加小食！咁我地當然係食泰式野啦！跟餐會有黑松露野菌椰汁忌廉湯，濃濃的黑松露味反而沒有很強的椰汁味我地分別要泰式金邊粉配秘制烤蜜糖雞扒金邊粉炒得十分乾身，唔會油淋淋，有咬口沒有太淋身，配的烤雞扒，少少甜十分香口！另外order了招牌泰式無骨海南雞配黃薑飯好大的一碟！十分足料！亦放得美美的！同時配有蝦片及鮮菠蘿！蝦片極脆，好想食一整碟😂無骨海南雞啖啖肉，極滑又有雞味！配上泰式醬汁及黃薑飯同吃令想起泰國哦！有水準之作！跟餐亦同時包飲品，竟然有香港好少見的泰式奶茶！我好掛住呀！茶味好香不太甜！泰國風味！滿足我泰國慾望的一餐！有機會要試吓晚餐！

今日同朋友黎左呢間泰式餐廳，格調唔似一般見五顏六色既泰式風格，反而屬簡簡單單，有點鄉土化。指定動作飲椰青，清甜解渴，可以幫助解膩。每一款泰式小吃都鍾意，一支骨雞奕、豬頸肉、春卷都非常野味，鳳爪辣中帶甜，最愛既蝦餅肉質彈牙，整得好乾身。冇理由唔食蒜蓉包配咖哩，完美配合，蒜蓉包烤到金黃鬆脆，今次揀左黃咖哩，微辣反而帶出豬肉碎既味道。朋友堅持叫串燒，第一口食牛肉串，So impressive ，串燒牛竟然仲有 juicy 肉汁，一d都唔「銀」，要推介呢個，包你有驚喜。黑松露薯條，真係見到黑松露，連醬都有，想多d黑松露味咪隨意加多d粉或者醬。另一推介，蒜蓉炒菜苗，食左咁多濃味野，佢就係一道清泉，將所有肥既感覺帶走，有少許上湯，引出菜既甜味。飽到上心口都要叫，芒果糯米飯不只，仲要配有椰子蓉既雪糕，芒果甜，糯米飯有咬口，真係出色既甜品。你話好地道既泰式餐廳就一定唔係，不過攪下fusion 都幾有特式，味道仲出乎預料地正，今次冇黎錯。

我不單止識去粉嶺食泰國菜，今晚約左大佬在觀塘食飯，大佬提議食泰菜我當舉腳贊成，搵地方等我黎速上 Openrice 大搜尋，結過經過我分析就去呢間喇！Add Some Thai Restaurant，由觀塘地鐵站步行過去都只不過是六分鐘算方便。簡單竹捲簾掛上清雅燈籠已充滿著泰國氣氛😃泰 · 椰青 $45清甜解渴正好為炎炎夏日來個清爽。先來一個醒胃湯，椰青鮮蜆什錦海鮮冬蔭功 $98椰青比較清甜，配上原本酸辣冬蔭功起了一個中和作用，最適合不能食辣但又想飲冬蔭功湯的朋友，加上彈牙魷魚爽口大蝦，這個椰青鮮蜆什錦海鮮冬蔭功我添了又添😋😋AST 泰式燒雞 （半隻）$138超好食全因嫩滑帶汁一點都不乾身，加上廚師秘制汁醬增強雞肉味道，味道同火喉都掌握得淋漓盡致,我比佢🌟🌟🌟🌟🌟招牌黃金咸蛋鮮海蝦 $128招牌菜果然招牌名不虛傳，黃金咸蛋王咬落咸咸香香，加上彈牙海蝦口感同層次豐盈💫豆瓣炒豆苗 $62豆苗係翡翠苗清新嫩綠配上蒜蓉豆瓣醬同炒少了草青味非常可口。原來泰國豆瓣醬同我們在南貨舖買的有點不同，兩者比較前者咸香一點👍簡單平凡卻突顯了泰國風為我們落單的是位泰國姐姐，我佩服她驚人記性，我又講又問又改她都用

去完駱駝漆大廈 shopping, 順度喺呢度 dinner. 朋友話呢度有間泰國 & 西餐 fusion 餐廳 叫 Add Some Thai. 就試下。工廈內的餐廳環境吾錯，很有 feel, 估吾到星期三晚都幾 full 喎，好彩都有位，吾使等。肚子開始發出信號，快點菜。柚子海蝦沙律。兩個獨立杯子上菜。簡單方便。兩隻大蝦鮮甜、很多柚子，清甜醒胃。蝦餅吾錯，新鮮彈牙，不油膩。份量又多。串燒當然不可缺。香燒沙嗲紐西蘭牛肉串。牛肉粒嫩口，吾勒，有肉汁，香囗。中間夾雜翠玉瓜，中和肉味。還有雞肉串. 燒至外脆，肉身還 juicy. 沙嗲香、味濃，呢度仲有D特色飲品。‘得得色色‘ 喺混合了橙汁、檸檬同 Ginger Beer.味道都特別，薑味不是太濃，反而橙味比較重。