Add Some Thai Restaurant

营业中

休息中

今晚一家三口去觀塘，阿囡話要食芒果糯米飯，咁我哋就去工厦吃泰菜嘩！好大感覺好舒服，光線柔和泰國餐廳竟然有黑松露芝士shake shake薯條， 好特別，未見過，但我冇叫曼谷經典手打蝦餅$68, 蝦餅爽口彈牙，又香甜椰青鮮蜆雜錦海鮮 冬蔭功湯，鲜甜酸辣適中，不太辣我喝到西班牙風乾火腿伴肉碎生菜包$78, 竟然有風乾火腿食，咸香味濃，生菜包好食招牌黃金鹹蛋鮮海蝦$128,香脆勁多 鹹蛋黃，夠晒味道泰式無骨诲南鷄$128半隻，皮爽肉滑而嫩酥炸軟殼蟹配金邊粉$118, 軟殼蟹香脆，金邊粉夠料，炒得夠乾身 由煙靭芒果糯米飯， 椰汁不夠甜偏淡，反而朱古力雪糕非常滑也不會過甜，而且有果仁椰青肉嫩鮮甜

同朋友食左兩個鐘，環境格局不錯，食物不俗。今日公眾假期去到，十二點半得我地一張檯，所以冇乜人。一點先開結多人。但都不用等位。服務也不錯。不過如用 open rice 訂檯要儲分，最好提一提。

舊同事從泰國旅遊回來，念念不忘泰菜的美味，當她發現有食泰菜的餐廳就會立刻去試，今天同事就發現有一間工厦的泰國菜餐廳，位於觀塘，名叫Add Some Thai Restaurant，她立刻約我前去陪她試試！餐廳地方雅潔，坐位舒適！鹹蛋黃酥炸海蝦配泰式金邊粉：海蝦彈牙，外層沾滿鹹蛋黃，鹹香味濃郁。金邊粉炒得夠穫氣和乾身！泰式香烤豬手：份量都不少，豬手已去骨，啖啖肉好入味，皮脆有口感，配特製泰式醬汁，味酸帶微辣，十分惹味。伴碟的泰式蝦片脆卜卜，好香口。A.S.T小食拼盤：豬頸肉 ：燒到金黃色，有口感。蝦春卷：外層香脆，內面蝦肉爽口。酥炸單骨雞翼：外脆肉嫩，單骨方便進食。酸辣無骨鳳爪：味道酸甜帶微辣，好醒胃。泰式炸蝦片：香脆可口。炸洋蔥圈(本來是泰式炸蝦餅，可惜已賣晒，改左比炸洋蔥圈)香燒沙嗲豬肉串：都好大串，豬肉入味不會太硬，口感恰到好處，沙嗲汁調味較得適中，好惹味！

今日同閨蜜去食泰國菜，我呢位閨蜜特別鐘意食泰國菜，今次特登帶佢去食好西！呢個係佢地門口，近排母親節佢地好似搞咗活動所以有果d 影相牌！table setting 以木木地嘅質地為主店內環境都幾有去咗泰國按摩店果種feel 都幾relax 幾靚。一打開menu 比呢個吸引咗！因為近排嘅咸蛋熱潮！不過我本來以為係3碗因為見到佢寫個3字，之後先發現原來係3隻 每隻1分為2，所以有6碗。真心份量幾夠！估佢唔到，抵食。食落冇咩咸蛋味，應該係因為黃咖哩味太重。另外就會有埋一小片法式蒜蓉包係碗入面，好味，只係覺得可以多一至兩塊！因為實在太多黃咖哩了，如果就咁飲哂佢又太咸，唔飲又太浪費，因為好味。所以覺得可以多幾塊包！唔記得講，個軟殼蟹炸到好脆，唔錯，唔錯。比大家睇睇近鏡之後叫咗個A.S.T小食拼盤呢個正，份量大種類多。其中最鐘意係豬頸肉，味道醃得剛剛好。點可以唔講下重點嘅蝦餅呢，味道唔錯，應該都算正宗嘅炸蝦餅，係泰國都食過類似嘅味道。另外呢個春卷就正正常常啦！我比較鐘意中式果種有蝦肉的。其實仲有單骨雞翼同，酸辣鳳爪都好味，不過唔記得影近鏡so sad 之後再再再黎一個拼盤！A.S.T 串燒拼盤呢個特

同爸爸細路一行三人來到呢間泰國餐廳一入門囗～裝修不錯哦 以棕色木系為主 好有泰國feel 睇下menu 。。weekend 下午有一人set （$75-$92）同二人set （$208/2 persons)我地3個人，所以二話不說就order 左1人set + 2人set各一一人餐的冬陰功海鮮湯+三選一小食沙嗲冬陰功冇平時嗰啲咁辣 小食份量好足，有兩大串chicken satay😯，肉質juicy好味道👍🏻睇得出佢都有花心思plating 😂賣相加分二人set 椰青清雞湯好清甜好飲👍🏻👍🏻👍🏻二人set 招牌菠蘿海鮮🍍炒飯好足料！炒飯好味夠獲氣！對菠蘿炒飯總是有一種情意結😂最重要。。係佢都真係有個菠蘿🙈有啲餐廳係冇嫁登登登。。主角出場！二人set 的拼盤high tea 架！唔好理好唔好食先，影相一定好睇哈哈😂炸物出色👍🏻燒豬頸肉有水準泰式金邊粉拼軟殼蟹- 唔記得咗影相，金邊粉係炒得好食嘅，不過軟殼蟹份量有啲少。下次會試海南雞飯,見到隔離枱食好似不錯。總括來講，呢度嘅泰式食物係唔錯！唯一要改善的地方係service，因為入座時都等左好耐先有人帶位，叫waiter 都要wave 好耐先有

一開始已經留個差印象有位待應似唔熟手，但態度尚可，叫咗兩杯咸檸7”走冰”,覆單再三提佢要走冰，最後黎咗都係有冰的。🤦🏻‍♀️我同另一位女待應講返走冰，佢竟然覆我7喜無得走冰。之後態度衰衰咁又拎走咗兩杯咸檸7,走咗冰，真係直接拎走咗d 冰: 1)杯7喜已經溝咗水 2）拎走咗d冰得返三分二杯 3)勁咸有益味—>好難飲🤮即時無再出聲，因為仲有其他餸未到。炒椰菜苗：好咸，我地食完有同待應講，但無回應炒金邊粉/小食拼盤 /冬陰公湯OK名爐燒魚好食，待應仔介紹個汁幾夾。埋單$850-

比一般泰菜清淡，適合一家大細，朋友聚會買相靚，分量多! 上菜快!裝修靚，坐得舒服，工作人員nice值得一試，記得book位，餐廳好Full，唔booking未必有位

今晚又黎觀塘工廈搵食…今次去駱駝漆大廈食呢間性價比高既泰國餐廳一入餐廳…裝修環境令你完全唔覺自己係工廈，以木色做主題…枱、椅同餐都係木造, 加埋柔和燈光, 有泰式氣氛之餘感覺好舒服我地揀左好多野食首先係冬蔭功海鮮湯一客既份量都幾多, 一人飲左兩碗幾既湯, 材料有青口、海蝦、蜆同魷魚圈, 冬蔭功酸辣度適中, 幾醒胃小食拼盤, 貪佢可以試幾款小食且價錢不貴豬頸肉: 大大塊啖啖肉, 肉又嫩酸辣鳳爪: 細細隻鳳爪, 配上酸酸辣辣既醬汁蝦餅: 炸得好夠脆, 入面蝦膠好彈牙蝦春卷: 皮薄餡料足, 配上蛋黃醬, 好夾蝦片: 好脆口馬拉盞炒通菜, 菜面灑上炸香左嘅洋蔥片, 配上惹味既馬拉盞去炒, 好惹味黃咖哩蛋炒軟殼蟹 配法式蒜蓉包一上菜時,,,,嘩…好靚既攦碟…分開六個碗仔，每碗內有一細舊蒜容包同脆卜卜既軟殼蟹, 咖哩汁好濃郁又有蛋香, 將軟殼蟹同蒜容包沾晒D醬黎食….不得了!

放工同朋友食飯，要搵個坐得舒服，傾到計，有甜品食，就腳，又性價比高既餐廳唔易，點知就真係搵到呢間泰國餐廳係觀塘地鐵站B出口行幾分鐘就到，環境有心思之餘仲好有泰國feelsettle down就叫野食冬陰公湯，熱辣辣又開胃，十個讚生菜包，幾好食，配佢個醬食幾特別海南雞配湯河，河粉簡單但出色！牛仔骨，香口小食拼盤，有蝦餅、豬頸肉、雞翼、鳳爪，份量夠，每類平均有4件。佢既咖哩香得黎唔會好辣，配酥餅食就一流加個酥餅都係$15，叫一個有3-4塊，抵呀！千層糕，熱食配椰汁，好味可以encore!

今晚同老婆和外母到觀塘工業大廈吃，遲到的母親節飯，上到去環境舒服，燈色柔和，甚有泰國風味外母喜歡吃魚，點了明爐青斑魚$208，平時的泰國餐廳🍴都是用烏頭🐟，但他們卻用上青斑上面還加肉碎，再淋上冬蔭功湯，魚肉鮮甜嫩滑，加上冬蔭功湯酸酸辣辣非常野味泰國餐廳當然要食蝦餅$68，蝦餅香脆夠彈牙，而伴蝶的菠蘿非常甜黃咖喱蛋炒軟殼蟹$188，軟殼蟹夠脆，而咖喱汁非常夠味帶少少甜，好像咖喱炒蟹的咖喱一樣好味，而且是非常新鮮的配搭泰式無骨海南雞$128，肉嫩夠滑，但有微微鶏腥，點了醬汁就不多覺了，Ok外母叫了個椰青清甜，還叫了西貢少女，個名好吸引，內有Passion Fruit,Mint Leaf,Lime酸酸甜甜，非常正要不停地飲

因慶祝母親節及為照顧同行親戚有年幼嬰兒關係，就在親戚住家附近找到了這家以標榜泰菜的工廈樓上菜館一試並事前已訂枱。我們獲安排坐於窗口位置一排長梳化位的長枱，但座位舒適度只屬一般，尤其梳化或因經長期使用後出現承托力不足，坐在梳化的人會不斷傾前跌出梳化。尤其同行小朋友坐下後就不斷下墜使小朋友用不了餐而情願不坐而只可站立。第一印象：裝潢不錯，全店很有香港人感覺上的泰國氣氛，以工廈內的食肆來說算有驚喜。冷氣也充足，店內的枱與枱之間尚算闊落。菜單內容：香港人一般所認識的泰菜都有，串燒、柚子沙律、冬蔭公湯、各種咖喱配搭和特色凍飲等等都有提供，價錢合理。當日點餐：鮮蝦柚子沙律、串燒拼盤、小食拼盤、黃咖喱配香煎新西蘭牛柳、炒蜆、冬蔭公湯。特飲：得得色色、Mango Banana Smoothie、菠蘿冰上菜速度：點菜後，上菜速度頗快，感覺10至15分鐘內全部上齊。食物熱度夠，不似是一早做起等上菜。小食拼盤和串燒拼盤份量算大，頗豐富。其後發生了少少不愉快的插曲，令我們一眾人都對這家餐廳頗有微言。事件1 - 【被加單的「菠蘿炒飯」】事緣我們在用餐一段時間後，侍應向我遞上了一客菠蘿炒飯。我們立刻向侍應表示我們

今日天氣好差，一放工旁沱大雨。諗住去到依間工廈嘅泰國菜，應該都唔會好多人啦。 點知一入到去爆曬場咁濟，心諗真係好食到咁?食完之後又覺得ok喎。 由於係工廠區嘅關係,空間位置都比較寬敞,最驚喜嘅係 室內都裝修都好有泰式特色味道。 泰式小食拼盤真係堅大份，有4塊蝦餅，泰式鳳爪，豬頸肉，青卷同埋雞翼。蝦餅最好食，非常彈牙，點埋個醬汁食特別好味。豬頸肉好淋， 食落去啖啖肉，燒得剛好。 椰青鮮蜆冬陰公湯。味道偏甜，好適合啲食唔到太辣嘅朋友，而且海鮮甚多，有青口，蜆肉，菇類等等，飲落非常過癮。 明爐青斑魚 確係幾好味。青斑魚魚肉好嫩而帶質感，青斑魚唔算多骨，而且肉多。配埋佢酸酸哋嘅執一齊食好開胃。 炒金邊粉配鹹蛋蝦。鹹蛋蝦喺度出名嘅菜式，隻蝦淡淡都有濃濃蛋黃味，而且蝦肉新鮮彈牙，金邊粉炒得唔油，幾好味。

要搵好食既泰國菜唔一定要去九龍城既.....最近我就o係觀塘工廈發掘到一間唔錯既新派泰國菜~過一過我既泰國癮***位於駱駝漆大廈,,,,o係地鐵站B出口行兩分鐘就到, 超方便!!!每次食泰國野,,,,我都一定會嗌泰式辣椒膏炒蜆....呢度用既係大蜆, 肥大肉厚, 隻隻都開哂口, 入口鮮甜無沙~辣椒膏好惹味呀!!!!泰式胡椒雞湯河配無骨海南雞一上枱就聞到好香既胡椒味, 唔算好辣**海南雞雞肉嫰滑, 配埋泰式酸辣醬好開胃~黃咖哩香滑雞肉味道香甜, 一D都唔辣~淡淡椰香味, 配埋嫰滑既雞肉, 送飯一流呀!!!泰式豆瓣醬炒椰菜苗口感爽脆!!!醬汁沾滿成片椰菜苗,  非常惹味~西班牙風乾火腿伴肉碎生菜包**好Fusion既配搭....西班牙火腿咸香好味,,,,,不過配埋清新爽口既生菜同埋肉碎一齊放口, 就略嫌有小小蓋過左肉碎既味道~單單剩係包肉碎, 味道反而更加出色!!飲品就嗌左我最愛既椰青....而家咁熱既天氣, 飲啖冰涼清甜既椰青, 真係好爽呀!!!泥緊年尾一定要過泰國走番轉先得**

星期五老公去飲，但happy Friday係唔可以留係屋企嘅～ 咁啱好姊妹都自己一個，即興相約食餐好嘅～好彩7:30到達餐廳，否則就開始要等位啦！餐廳佈置和裝修格局一啲都唔似工業區嘅餐廳，Nice！好乾淨、無油煙味，檯凳落落，最讚係張大背靠椅，坐得好舒服！AST小食拼盤 $138總共6款，每款4件。抵食！蝦餅彈牙，醬汁不是杰撻撻的泰式辣醬，差唔多嘅嘢，不過好味d無骨鳳爪，爽口、夠凍，醬汁好味蝦片，新鮮炸，脆卜卜春卷，足料，炸得夠脆身，不會林咗炭燒豬頸肉，果然有炭味，燒得好juicy好惹味酥炸一支骨雞翼，零舍入味沙爹雞牛豬串燒 $25/35/48每樣兩串，三樣各有千秋，都醃得好入味，帶少少肥，燒完勁香，一啲都唔韌！正！啱晒食肉獸的我們馬拉盞菜苗 $58可惜無晒椰菜苗，下次再試黃咖喱+香燒豬腩肉 $118超正！肉同肥膏一層層！燒腩仔咁！咖哩汁係偏甜，但配手抓餅一樣好味！嘢飲被名字吸引了，兩杯都好飲沙灘小子 $40 帶mint好fresh，粒荔枝又好味西貢小姐 $40 好驚喜用新鮮百香果，勁香泰式辣椒膏炒蜆 $88可能我地係蜆怪，覺得份量可以多啲因為好惹味，唔太辣，啱啱好，無沙，肉又肥美！整

朋友在觀塘工作，大家約左在觀塘的APM商場行街、及到工廠內批發零售找找看，順便食晚飯，又唔想求其在快餐店食，想坐下來聊天。想聽人講：附近的工廠大廈有唔少的好餐廳，想唔到，在廠廈都可以搵到咁有格調的泰國餐廳，當然我地唔放過，一於行入去品嚐一下美食。入到餐廳，地方都好大，排列整齊的餐桌、柔和的燈光、泰式的風情，猶如置身於泰國一樣。餐檯及餐椅都用上木材做，坐的舒適又寬闊。木製餐具，都好有特色。柚子海蝦沙律：用杯盛裝，都幾特別，因我地是兩人用餐，餐廳就用左兩個杯，份量都唔少，裝滿了一整杯、每杯上都有兩隻海蝦、都已脫左蝦殻、只剩下蝦頭部分、都好貼心、海蝦都好大隻、肉質爽口彈牙、還有海水味道。柚子清甜、又多汁，是我的前餐必食前菜。黑松露薯條：意想不到的好食，即叫即炸，夠香口，脆卜卜，除左薯條外，還有薯片，一碟兩食，香濃的芝士、黑松露散發在薯條、薯片上，入口香噴噴、香味在口裹回盪。冬陰功海鮮河粉：香濃的冬陰功湯底，酸甜味中有點辣，辣中帶點鮮味、海鮮用料豐富、帶海蝦、魷魚、蜆、青口、河粉吸收了香濃的濃湯，入口啖啖美味無窮。椰汁三色冰，另類的三色冰，不似平時飲開的蒟蒻三色冰，是用水果代替了，有青蘋果、紅