影片
更多
2018-07-24
208 浏览
同事搵左間好評如潮嘅餐廳，話可以去試試，於是由牛頭角行左去觀塘，為左食，我地究竟可以去到幾盡。Add Some Thai Restaurant 呢間餐廳係駱駝漆第1座9樓，你話方便就真係一d都唔方便嫁啦，唔係同事上網搵真係唔會知道佢嘅存在。入到去見到個招牌，覺得好特別，諗左諗先知原來係Add Some Thai 嘅縮寫，AST，而且望住個A未覺得好有泰文字feel，唔知泰文有無呢隻字嫁呢。舖入面嘅裝潢非常有泰國風情，可能因為係工廈樓底夠高，而且非常寬敞，餐檯同餐檯之間有足夠嘅間距，椅子都夠大夠好坐，俾到私隱度同舒適感我。因為行過嚟都需時，坐定定之後就嗱嗱臨睇Menu，套餐餐牌非常簡約易明，又有泰式冬陰公湯跟，又有熱飲可以揀，加凍飲都只係加$3，而追加嘅小食都只係$12-$38不等。我哋叫咗個芝士黃咖喱忌廉汁焗豬扒飯（ $75 ），一上枱就聞到陣陣嘅咖喱香味，豬扒經過烤焗之後，外皮香酥，而豬扒卻非常juicy! 咖哩配忌廉，口感帶點微辣，大啖飯配汁同豬扒，好滿足。招牌泰式無骨海南雞飯( $78 )，一上檯，見到個賣相就即刻加晒分，平時嘅海南雞飯點會咁有心機同俾咁多野你，蝦餅、配菜、薑黃飯
Add Some Thai Restaurant 呢間餐廳係駱駝漆第1座9樓，你話方便就真係一d都唔方便嫁啦，唔係同事上網搵真係唔會知道佢嘅存在。
入到去見到個招牌，覺得好特別，諗左諗先知原來係Add Some Thai 嘅縮寫，AST，而且望住個A未覺得好有泰文字feel，唔知泰文有無呢隻字嫁呢。
舖入面嘅裝潢非常有泰國風情，可能因為係工廈樓底夠高，而且非常寬敞，餐檯同餐檯之間有足夠嘅間距，椅子都夠大夠好坐，俾到私隱度同舒適感我。
因為行過嚟都需時，坐定定之後就嗱嗱臨睇Menu，套餐餐牌非常簡約易明，又有泰式冬陰公湯跟，又有熱飲可以揀，加凍飲都只係加$3，而追加嘅小食都只係$12-$38不等。
黃咖喱忌廉汁焗豬扒飯
$75
9 浏览
0 赞好
0 留言
我哋叫咗個芝士黃咖喱忌廉汁焗豬扒飯（ $75 ），一上枱就聞到陣陣嘅咖喱香味，豬扒經過烤焗之後，外皮香酥，而豬扒卻非常juicy! 咖哩配忌廉，口感帶點微辣，大啖飯配汁同豬扒，好滿足。
泰式無骨海南雞飯
$78
7 浏览
0 赞好
0 留言
招牌泰式無骨海南雞飯( $78 )，一上檯，見到個賣相就即刻加晒分，平時嘅海南雞飯點會咁有心機同俾咁多野你，蝦餅、配菜、薑黃飯、設計、醬汁嘅擺盤非常之講究，先唔講味道，誠意分已經搭救返晒。再講佢嘅味道亦都非常之好味，身為配菜嘅蝦餅，佢都係一個亮點之一，平時好怕食到啲油份好重嘅蝦餅，但呢個蝦餅嘅蝦味係可以喺口入面持續好耐嘅，而且仲要係現炸，喺出邊街你有幾可食得到！薑黃飯見到佢嘅色澤金黃，就知道佢非常之充料，入口feel到淡淡的薑黃味，雞件亦都非常之滑嫩，一入口唔多洗咬就到左胃啦，醬汁亦都非常之值得一讚，酸甜嘅味道得意，點雞食更加開胃！
香脆雞肉洋蔥圈
$12
19 浏览
0 赞好
0 留言
香脆雞肉洋蔥圈（ $12 ），見到佢金黃嘅色澤，就知道佢一定卜卜脆，但卜卜趣不代表入邊一定食得到洋蔥，而呢度嘅洋蔥圈係真係食到大大圈洋蔥係入邊。好感動呀！
餐湯唔係中湯、唔係羅宋湯、唔係忌廉湯，然係正正宗宗嘅泰式冬陰公湯，只能夠講店家真係非常之大方，冬陰公湯嘅配料一啲都唔小，而且我同埋同事嘅嗰碗湯都有跟一隻大蝦，你諗諗如果全場嘅客人每碗湯都係有跟蝦的話，佢煲湯究竟有幾抵飲！
自私嘅我其實唔係太想介紹呢間性價比咁這嘅餐廳，自己私底下袋住，費事以後去嘅時候咁多人去！
张贴
