Add Some Thai Restaurant

营业中

休息中

今日同妹妹在觀塘做完美容後就食泰國菜。這間餐廳裝修設計唔錯，很有泰式風情。睇下餐牌都幾多選擇，由於我地太肚餓的關係，就叫了不少菜式。1)泰皇三小拼沙律相當吸睛，份量又夠，沙律有三款，一是泰式鳳爪，酸酸辣辣的，很開胃。二是PARMA HAM 加肉碎沙律，PARMAN HAM配埋沙律菜食一流，唔會太咸，而肉碎包生菜食亦是另一種風味。三是柚子蝦沙律，蝦很新鮮，唔梅，而柚子酸酸的，好味。2)沙嗲豬肉串，豬肉燒得剛好，淋身，沙嗲醬調配得唔錯，幾好食。3)半隻海南雞+黃油飯海南雞一上檯，很吸睛，很大碟，雞肉很多，雞很滑，有雞味，啖啖肉，配埋泰式醬食是絕配。我特意加叫黃油飯，飯很香，夠油份。4)泰式豆瓣醬炒椰菜苗椰菜苗很嫩，豆瓣醬調起菜味，唔會很咸。5)泰式辣椒膏炒蜆蜆炒得好有鑊氣，無沙，少少辣，加埋九層塔，好有泰式味道。6)飲品我叫了咸檸七汽，咸檸有一個甘多，正。我妹叫了椰青，椰青都好飲。成餐飯食得很豐富同滿足。

之前見到雜誌曾經介紹過呢間餐廳，所以趁放假的時候慕名而來。餐廳位於觀塘的一座工業大廈內，主要食客應該都是附近返工的人。由於我是中午時候去，所以menu都係以set lunch為主，價錢合理。我點左炸軟殼蟹配金邊粉。餐湯是冬陰公湯，非常足料，有一隻大蝦同一隻大蜆，味道適中不會過鹹。但主菜令人失望，軟殼蟹由於預先炸好的關係到上碟時已經開始出油，感覺油膩，而且一d都唔熱。金邊粉味道尚可，但亦偏油。唔知道係咪因為食飯時間比較多人，廚房出菜比較馬虎令食物質素參差。

今日選左一間係觀塘工業區既泰菜食飯，由於上一次家人聚會吃飯，聽朋友講去左大角嘴一間又熱又坐的唔舒服既餐館食飯，所以今次就搵間食得舒服為優先既餐聽。餐廳係一期，電梯一黎就可以入，唔洗排長龍，入到餐廳見到D櫈都幾大張，大家都會坐得舒服。但可能我屋企人怕熱，大家都覺得冷氣差左少少，不過都OK啦。台上有D蠟燭既罷設，燈光唔係太光，好似好有FEEL。因為我地10個人，叫到一支骨雞翼岩岩好有10件就唸都唔唸叫左，一人有一件唔洗煩。味道唔錯。其實我都係第一次食泰式野食豬手，個皮有D趣趣地，但又未去到德國豬手既狀況。佢唔係太特別，但因為唔夠10件分唔到，本來想叫多一碟，但加左最後又冇出現就由佢啦。味道JUICE既，但我覺得可以再燒香口多少少。叫左一個拼盤，每樣野一人食少少，肉全部都香~唔會燒老左，味道唔錯，菠蘿都燒得透，好甜。肉有D肥，但口感唔錯，味道中上。如果豬肉同牛肉，牛肉會吸引D囉。佢本身有2款湯，一個係蜆，一個係蝦。但蜆呢個我只能說同我平時飲既唔一樣law不過佢只係上左一個蜆湯，我差唔多食完先記得追另一個湯，咁咪叫佢未煮就由佢啦，跟住佢話要CHECK，點知CHECK左2-3個字都未CHECK到

Soft Shell Crab Pad Thai1. Signature dish of this restaurant2. Crispy, hot and juicy soft shell crab, very enjoyable!3. Pad Thai is comparatively ordinary4. Would love more crushed peanuts to mix with the Pad Thai as I love peanuts5. Lime is great in adding a refreshing flavour to the Pad ThaiThai Snacks Platter1. Popular dish of the restaurant, every table ordered one to share2. Portion is generous, great to fill two tummies3. Spring rolls are fresh hot, stuffing is just so so as it was mainly

我係個非常愛食泰國菜的人，基本上每個禮拜總會食一兩次。今次同朋友嚟到位於觀塘區工業大廈內的一間泰國餐廳，朋友話見到雜誌推介話想黎試下。Lunch 時間黎到都幾多人，應該主要都係喺附近返工的人。Menu都算幾多選擇，而且價錢唔貴。我地點左咖喱雞配手抓餅，串燒，蝦餅等。咖哩味道ok有泰國風味，但係手抓餅就令人好失望。手抓餅表面已經見到係反晒光非常油，比一般食到既油膩好多，一食落口完全無任何脆或香口感覺，只係食到一坨麵粉味同油味，食左2口已經完全食唔到落去☹️串燒醬汁幾好味，但係燒得有d過龍肉質有偏乾，蝦餅份量好大好大舊，不過都係偏油膩。雖然泰國菜本身都係重口味，但係對比起其他泰國餐廳來說，呢間用油的份量好似有點兒太多，希望可以改善呢點。

趁今日放假同女朋友去觀塘行下開倉，行行下見肚餓就去左駱駝漆搵野食，見好耐冇食泰國菜就揀左呢間Add some Thai,成個餐廳都好有泰國懷舊氣息，幾舒服。因為第一次嚟，我地揀左個假日二人套餐，餐飲揀左泰式奶茶同龍眼冰，因為我地都未試過泰式奶茶，呢個比我地想像中茶味香濃好多，反而奶味會比較少，啱哂我呢啲茶精，而龍眼冰用7起底，仲好多粒龍眼，正呀！海鮮冬陰公湯第一啖飲落去會覺得偏酸，但原來後勁好凌厲，個辣味係慢慢滲返出嚟，酸酸辣辣真係好開胃！一開始見到隔離枱有呢個好羡慕，覺得好似英式下午茶咁好靚，但原來就係我地套餐入面嘅大拼盤，第一次見泰式版，另有一翻風味！最下層係沙律生果沙律，有菠蘿，柚子同車厘茄，全部都好甜喎！中間係蝦餅同燒雞翼，蝦餅炸得好香好厚身，啖啖肉，雞翼亦都燒得剛剛，皮脆肉juicy!最上層係豬頸肉，春卷同士多啤梨奶凍，豬頸肉好juicy!! 唔似得有啲餐廳咁乾爭爭！春卷脆卜卜但又唔會覺得油，好香口！奶凍係二人餐嘅甜品，我諗應該幾好食，因為我女朋友搶哂嚟食，哈哈黄咖哩豬頸肉配手抓餅見到手抓餅三個字唔洗諗即點！！呢個黄咖哩唔算好辣，椰奶味好香，最重要係手抓餅煎得好好味！！！如果

又嚟到駱駝漆大廈搵食，自從身邊朋友都已經全部離開校園，愈來愈多朋友喺觀塘番工，而且呢度愈開愈多靚餐廳，自然多左好多觀塘飯聚。過幾日就飛泰國，但都仲要食泰菜，朋友話呢個係pre-thai trip餐廳佈置幾relax，好多木同竹包圍我地，卡位有好多咕臣，好寬敞泰。椰青    $45朋友話好夠凍同清甜圓肉杞子香芒茶    $42我飲嘅時候覺得芒果茶味好濃，幾特別而芒果味好真，睇得到有圓肉杞子同紅棗，好啱女仔的飲品黃咖哩鹹蛋軟殼蟹配法式蒜蓉包   $188上枱時聞到好香咖哩味，賣相好靚^^驚訝原來份量咁多。黃咖哩係唔辣的，入面有蛋，好入味。有6件半隻的軟殼蟹，軟殼蟹炸得好脆，唔會好油香燒沙爹雞肉串(兩串)     $36香燒沙爹紐西蘭牛肉串(兩串)     $48 雞肉串一嚟比呀老友食哂…雞肉同沙爹係好夾的，沙爹好香花生味，仲有香茅我食牛肉串半肥瘦，我見介紹話呢度係泰西fusion，呢樣都fusion得唔錯蒜蓉炒通菜    $66兩個人食啱啱好，蒜蓉味好夠，通菜炒得爽椰汁千層糕    $48特登影到好近，真係有好多層，千層糕最突出當然係椰汁香，賣相精緻飽滿，食落煙靭椰汁芒果糯米飯配是日雪糕(

最近天氣熱辣辣，都冇咩胃口，決定今晚同媽媽一齊食泰國菜。又來到觀塘工廈搵嘢食，呢間餐廳嘅裝修非常有泰國風味，除咗用咗木嘅傢俬之外，仲掛滿好多燈，好有feel。首先要左媽媽最愛既咖喱炒肉蟹配蒜蓉包。黃咖喱嘅味道完全唔辣但係有咖喱香，用黎點蒜蓉包食超正。而肉蟹本身已經炸過，十分香脆，再撈埋咖喱汁夠晒惹味。平時海南雞通常跟油飯，但呢度可以選擇配泰式胡椒雞湯河粉。先講海南雞，雞肉好嫩滑，味道亦唔錯，唯獨有一兩舊骨唔記得咗拆，如果唔係更加完美。胡椒雞湯胡椒味好重，小小辣好暖胃，加埋好滑既河粉，差唔多飲晒半碗湯。之後要左一碟蒜蓉炒椰菜苗，椰菜苗好翠綠，除咗用新鮮蒜頭炒過，旁邊亦都有啲炸乾蒜，加埋一齊食更加香。甜品有芒果糯米飯配雪糕，芒果超級甜，糯米飯亦都好重椰漿香，配合賣菠蘿雪糕，好似去咗泰國咁。加埋杯透心涼嘅菠蘿冰，泰爽喇！

幾時都話觀塘嘅工業大廈係充滿各種特色嘅美食架啦,今次就去咗呢間叫做Add Some Thai 同事食過都話好好食， 10分推介我過去試吓佢哋個logo係咁嘅樣,都幾有泰國feel我哋兩個人總共叫咗三樣嘢食，包括：1. 火腿肉碎生菜包$78第一次食呢種生菜包，覺得好新奇。佢嘅火腿肉數量唔算好多，但鹹香味濃，都算不錯2.曼谷蝦餅三件 $68曼谷蝦餅，雖然話只有三件，但係佢都切開咗，總共係有六件先啱，佢炸到金黃色嘅外表，咬落香脆，肉質彈牙，份量仲要比想像中多3. 黃咖喱雞配手爪餅 $108黃咖喱味香濃可口，又唔算好辣，啲雞肉好滑。配埋手爪餅，堅係好食嘢飲方面我就叫左桑格妮亞 $52呢杯野就咁睇個名都唔知係咩黎，飲落酸酸地，但果香味十足。清新涼快，係炎炎夏日來講係一個不錯的選擇整體來講，呢間餐廳比我感覺係好舒服，位置又唔會太迫，啲侍應都好好服務，係一個閑談嘅好選擇。有少少不足嘅係離開嗰陣地板有啲癡粒粒嘅。

肥仙同馬屎哥是日同美味子去食生日lunch，不過佢哋完全唔諗去邊度食，最後都係美味子自己搵餐廳，想坐得舒服d大家吹下水，唔駛趕住食完就走，又好食既，腦入面就即刻諗起呢間Add Some Thai。餐廳位於工廈入面，位置方便寛敞，同埋有裝修，坐得舒服又適合傾計😀一大班人既話仲有梳化位坐。team lunch 都ok。餐湯係椰子雞湯，lunch set 附送，都幾有椰子味幾清，好過茶餐廳d味精湯🥣泰式胡椒雞湯河- 肥仙話好味。酥炸一支骨雞翼-yummy!單骨啱晒ladies們唔駛食到失儀啦招牌泰式無骨海南雞配黃油飯- 黃油飯都幾香同大份，海南雞亦都中上亦唔太肥，配泰式醬亦都幾夾，好夠食。泰式金邊粉- 份量大，美味子一個人食唔晒，好在有大食肥仙同馬屎哥分擔下；粉唔太濕，惹味，油都唔算太多，抵食👍🏻😋最後，嚟親呢度美味子一定會叫泰式檸檬茶，因為茶味真係好香，好似Earl grey tea咁香，推介👍🏻。美味既時光過得特別快，lunchtime又係時候同我地講拜拜👋🏻。下次會再嚟食過

天氣熱，朋友約食飯都是泰菜，味道酸酸辣辣，夏天食最啱。在附近工作都不知道有這間泰菜館， Add some Thai restaurant, 門面唔算吸引但內部裝修有泰國影子, 竹簾，木的顏色傢俱木器食具都好有泰國 feel，而且地方寬闊，2人枱好大張無骨海南雞半隻處理得好好， 雞皮食落唔肥爽口，雞肉入味，有脆脆蝦片和新鮮波蘿伴碟，可作裝飾又可以食海蝦冬陰功海鮮湯椰汁和香茅味極濃，加上其他香料，大蝦、魷魚圈和青口，非常出色Mango Banana smoothies物如其名，入口真係好 smooth, 新鮮芒果和香蕉加上適量忌廉，好滑口呀馬拉盞炒通菜份量較少，但馬拉盞味道濃郁，惹味泰式鹽燒鱸魚好細心，上枱前已經幫我們把魚皮撕開 ，見到絲絲白肉， 味道鮮美， 配合2種不同醬汁，一個是青檸辣汁，一個是傳統海鮮辣汁，各有不同風味，值得推介芒果糯米飯配雪糕可以當飯又可以作為甜品 ，一舉兩得， 特別一提是那兩球有椰子肉的雪糕，非常好食呢一餐非常滿意，有身在泰國 feel

下晝同同事慶祝生日 揾左呢間幾有情調既泰國餐廳🍹一入去就被環境色調吸引 好有氣氛食物既賣相很不錯 雞肉串好正 一d都唔鞋 金邊粉好正好足料 豬手生菜包飯 最鐘意生菜包飯 肉碎好足好豐富 價錢都唔算貴 每人都係一百蚊👍🏻

興祝友人生日食嘅晚餐佢提供左一大堆觀塘餐廳作選擇咁呢間泰菜就最唔同佢其他選嘅西餐所以就食呢間啦 上到我地被安排坐左係水道旁真係要小心唔好當普通分隔板而放野上去間野比較暗但就人都唔少全晚都坐無虛席咁 黃咖哩咸蛋軟殼蟹配法式蒜蓉包咁黃咖哩就正常唔太辣嘅不過我地亦都ORDER時再要求盡量少辣所以就唔辣啦個軟殼蟹好脆個咖哩醬都唔錯不過件法包就我覺得佢似意大利包嘅佢仲要一早放左係咖哩當中所以就唔脆啦 串燒拼盤個串燒拼盤好大盤下初頭以為豬/雞各2串但原來係2款名都各2串仲有牛肉串啦, 蘑菇串, 菠蘿蕃茄串, 炸蝦餅全部都好正常 蒜香炒菜苗我可能想像佢會係菠菜苗個類但原來係好似芽菜那種的菜苗不過不失呢 泰式奶茶唔係泰國飲到嘅味 龍眼冰我都第一次試用梳打水沖嘅龍眼冰我唔知係個龍眼蜜嘅問題, 定同梳打水唔夾好似有少少酸味咁囉 整體食物都唔錯,不過光番少少會更好

同閨蜜係觀塘做完facial，我哋最鍾意喺附近覓食。今晚就去咗駱駝漆食泰國嘢。柔和燈光下，配上木枱木椅，仲有吊扇，好有泰國feel先order咗半隻泰式無骨海南雞，雞肉好嫩，好滑，真係好嫩滑，仲去曬骨，啖啖肉，點埋酸酸辣辣既汁，正呀。我哋仲叫咗一碗黃油飯，自製海南雞飯我哋都想食串燒，見個串燒拼盤比散叫抵好多喎，一於就咁。有豬/雞肉各兩串，紐西蘭牛柳粒兩串，熱辣辣，香噴噴，肉質一啲都唔鞋，燒得好香口，加埋個沙嗲醬，一流仲有菠蘿車厘茄/白菌，各兩串。食咗咁多肉食返啲蔬菜，都唔錯。還加上炸蝦片，好脆泰式豆瓣醬炒椰菜苗，呢個泰式豆瓣醬唔辣，反而夠鹹香好惹味，椰菜苗炒得好青綠食泰國嘢最鍾意飲椰青，椰青好清甜，仲可以夾埋啲椰肉。閨蜜話好想食芒果糯米飯，原來呢度仲會有雪糕，雪糕真係有驚喜，有果肉喺裏面㗎。嘆完facial，仲嘆埋泰式風情dinner，今日節目真係太豐富了💟

睇飲食雜誌曾經介紹過，於是慕名而來。環境寬敞雅緻，好適合一大班人聚會。不過如果對食物味道要求好高，就唔好抱有太大期望。假日餐單都好多選擇，配搭款式亦多。如果有選擇困難症，可能就要花D時間先決定到啦😂 我嗌左泰式金邊粉配炸軟殻蟹。餐跟前菜同冬陰公湯，前菜要左柚子菠蘿沙律。沙律菜好新鮮，菠蘿唔係來自罐頭，係新鮮香甜既菠蘿。柚子亦一大舊去埋果衣，可以大口大口食。可惜果坺千島醬太甜，除非好愛好愛卡夫牌千島醬，若然唔係，感覺成個沙律味道被降grade。而冬陰公湯夠足料，有一隻大蝦同一隻大蜆，又加左東南亞獨有既tamarind，味道夠酸夠開胃。可惜主菜就一般般。軟殻蟹雖然脆，但由於預先炸好而變得凍冰冰，且開始出油，仲要加左過多既蛋黃醬，令成隻蟹食落油淋淋，好油膩。而金邊粉味道唔錯，份量又多，但餸料得魚片兩小條，芽菜唔見有。基本上係金邊粉炒金邊粉，加送花生碎，同一小堆芹菜薄條，真係令我大失所望😟泰式奶茶猶有不足，masala 味道夠香，但茶膽完全唔掂，有陣燶味 😕 希望日後會有改善啦