8鍋臭臭鍋 (金巴利道) (已結業)

跟朋友們聚會一行十人試試臭臭鍋，雖然知道需要輪候，但無諗過要等個半鐘。幸好同朋友邊吹水邊等，否則一定走了。呢度是一人一鍋的食法，大約有八種口味，再有小食選擇，我揀了麻辣鍋，因沒有膽量挑戰臭臭鍋怕太臭。份量其實很多，一個鍋之外可再揀跟飯定粉絲，我怕食唔哂所以揀左粉絲，同枱的男生都揀了飯，真能吃！鍋中有日式魚蛋，豆腐，蜆，牛肉，枝竹，公仔麵等等，材料唔算太特別，但湯底勝在夠惹味！唔算太麻，跟台式麻辣鍋最似係夠香！因為一個鍋的份量已經好足夠，所以試不到小食呢！

七點鐘黎到已經勁多人，排晒隊！早知早啲黎啦餐廳無物好特別既裝修，但座位間都唔算太逼，都舒服既！餐廳入面好熱鬧，一人一個鍋，相信冬天黎食會更有氣氛！招牌臭臭鍋完全明白點解呢個叫做臭臭鍋，果然名不虛傳！鍋入面既食材樣樣都係正野！可以一次過食晒街邊最惹味既食物，真係唔叫唔得！首先等我講下入面有啲咩先！份量好足夠，款式都好夠，物都有啲。排名不分先後，有臭豆腐、娃娃菜、白豚肉、貢丸、米白糕、大腸、豬紅、蕃茄、炸菜絲、鳴門卷、炸枝竹、um春蛋等等。個湯底好濃，食物既精華落晒去甘，食物唔洗點醬都好夠味。而呢個相信就係個鍋最臭果件一臭豆腐。豆腐質感唔算好鞋，有臭味，唔點醬食更有風味米血糕，之前未食過，只聽過，今日難得相會，要試試！口感幾實，似係食緊硬左既糯米，無血腥味，幾特別。🤣可以選飯或粉絲叫左杯盆栽奶茶都幾大杯，面頭有曲奇餅碎。唔算太甜，好濃，好味既台式飲品！鍾意台式食物或掃街既你一定唔會錯過呢個鍋，集精髓於一鍋！如果你唔係甘重口味既都可以選其他鍋既，例如牛奶鍋同南瓜鍋等。除傳統火鍋外，又一好選擇！

今日同朋友食lunch行吓行吓黎左呢間8鍋臭臭鍋我呢個火鍋達人梗係拉朋友一齊入黎試試佢～環境都幾舒服，係卡位啊我自己叫了蕃茄白豚鍋同menu個張圖係一樣架，賣相好掂一個人食咁大碗真係好幸福豚肉都幾多，而且好滑！佢仲有真蕃茄！個湯其實幾清甜我自己選左配粉絲索曬成個湯勁惹味！而且好煙un，唔錯唔錯！我同朋友仲加了麻辣餃入面係有dd辣，但都唔係好辣反而我覺得好香，d肉都鮮嫩餃子皮都唔會太厚，唔錯啊！我覺得依家愈黎愈少一人一鍋呢間都算係幾有質素，而且lunch都幾平，可以加錢叫野飲

今次難得出左去尖沙咀，又咁岩做完體力勞動，下午5 點幾已經開始肚餓喇。既然咁難得咁早喺尖沙咀而又咁早開始覺得肚餓，當然要搵番間排隊熱店試下啦！網上睇完一輪，今日決定要去試下台式一人一鍋-8鍋臭臭鍋。5 點行到舖頭門口，入面都有少量嘅人開緊餐，而且又見到佢出面有個牌寫住限時90 分鐘，所以我相信佢到左食飯時間高峰期間應該係會好多人。佢個餐牌有9個鍋可以選擇，本來想叫限量供應嘅原創南瓜鍋，可惜係暫時無，最後叫左一個芝士牛奶鍋同埋一個招牌臭臭鍋。每個鍋仲配飯/粉絲再加一杯飲品， 一個人食一個最好都係好肚餓嘅時候先去。雖然佢套餐包嘅係台式飲品，但係又比正常嘅台式飲品甜度係低d，唔太甜我覺得唔錯wor，都幾解渴。等左一陣就上左兩個鍋，佢唔係用gas 爐，係用酒精啫喱去keep住個鍋嘅溫度。個鍋面嘅材料應該喺廚房入面已經加熱左，唔係單靠酒精啫喱應該有排都未有得食。鍋入面嘅材料都好豐富，臭臭鍋真係有臭豆腐嘅味，而芝士牛奶鍋有芝士同奶嘅”騷”味。本身有d 怕芝士牛奶鍋好會好膩，食到尾的確係有少少呢個感覺。(食到尾已經分唔到係太飽定係真係膩）。兩邊有嘅材料大同小異，最特別係臭臭鍋有雞血、大腸同埋臭豆腐。

在台灣生活過一段日子食火鍋絕對是家常便飯般幾乎每星期都吃返到香港亦會懷念那種特別的味道始終港式打邊爐的湯底跟台式火鍋有分別這間8鍋正好一解鄉愁第一次來先試招牌麻辣鍋不過嫌中辣還是不夠味道下次要叫大辣的會更好料多。味道正。更台的是店家連飲料都跟足台灣多多綠絕對是我最愛飲品必定會再來。

本人最鍾意去台灣短trip 尤其喜愛台式美食今日去完尖沙咀 歷史博物館嘅懷舊玩具博覽展就揀咗喺尖沙咀婚紗街嘅台式火鍋店《8鍋臭臭鍋》以解相思之苦一坐低就梗係要叫返杯台式特飲啦呢杯《盆栽奶茶》$30 上面有oreo碎同港式奶茶唔同 台式奶茶嘅茶味冇咁濃有午夜之紅茶feel 勁好飲飲之前記得要攪勻令每口奶茶都有oreo碎 增添一啲咬口枱上面有四隻醬料分別係沙茶醬 蒜蓉醬 辣椒油 同埋豆瓣醬可以隨個人嘅口味混醬我就最鍾意蒜蓉 所以就將蒜蓉混合咗豆瓣醬呢度嘅豆瓣醬微甜唔太鹹 營造返台灣人嘅口味小食《台式鹽酥雞》$46即叫即整熱辣辣 外層夠晒脆卜卜一咬落去非常juicy 雞肉嫩滑而且有九層塔嘅香氣有台灣feel黎到戲肉 麻辣臭臭鍋啦叫咗個《台式麻辣鍋》$88麻辣鍋有好香濃嘅藥材味 香氣四溢唔會有川式麻辣鍋嗰隻食到麻痺嘅感覺裏面嘅材料非常豐富由其特別鍾意入面個泡麵 好有童年感覺而且入面有有儀式嘅凍豆腐 吸進湯汁仲有爽口乾豬紅 簡直係同麻辣鍋最好嘅拍檔另外加咗麻辣餃麻辣餃的外皮有啲似魚皮餃而裏面的餡料就帶啲麻香食落幾惹味 配埋麻辣湯底就更加正《魯肉飯》加$12 用咗珍珠米粒粒嘅滷肉肥瘦適中 無台灣

臭臭鍋，只聽名字就覺得十分特別。臭豆腐+火鍋幻想中有點油膩。不吃過後其實一點都不油，湯是清甜的（想不到）。不過沒有想像中的特別。鍋以菜為主，有菜，金菇，豬紅，豬肉，米糕（應該是豬血米糕），豬腸，蜆，臭豆腐，粉絲，等等。餐跟飲品，一杯紅茶/綠茶。位置舒適，一點都不狹窄。份量適中。

行完歷史博物館就去搵野食，見到呢間餐廳都幾多人食，價錢唔貴就去試下！入到到已經文到好香既湯味，個個人都有一鍋😊😊好似好正甘！見到餐牌有好多唔同既鍋選擇，食材差不多，我估主要係個湯底有唔同。我想清清地，最尾叫左個牛奶鍋底。芝士牛奶鍋食材除粉絲外已經全部放晒入鍋到，有娃娃菜、肥牛、烏冬、心型魚腐、鮮冬菇、蟹柳、貢丸、蛋餃、雞蛋同嗚門卷等等，大部分材料已經熟透，所以滾起就食得。個鍋黎到時好香牛乳味！飲落奶味唔會話好重，清清地幾甜！個肥牛唔係好肥，唔錯！貢丸爽口，蛋餃同整得幾好，唔會散晒。一鍋都幾大鍋，好多唔同既食物。心型魚腐好彈牙可以選擇飯或粉絲。食火鍋點可以無野飲呢？所以叫左杯招牌奶綠，唔太甜，無紅茶甘大茶味，岩我！大大杯，唔會唔夠飲。如果喜歡珍珠既可加五蚊加配料😁😁

收工就陪同事落左去尖沙咀試婚紗，試下試下已經到左食飯時間啦，就唸住去附近睇下有咩食，見到有間門口好多人等緊，原來係食一人一鍋既火鍋丫，個日仲要凍凍地，所以都唔想行黎行去周圍搵，咁就決定食哩間啦，位於尖沙咀金巴利道77號地舖，好彩我地得兩條友，等左一陣就有位啦，我見其他４位個Ｄ都等左好耐！佢個餐牌Ｄ圖片都幾吸引，每一款我都想食囉真係，一共有九款鍋可以選擇一定有一款岩自己！如果配料唔夠食可以再加錢再加其他架，都好多選擇喔！我就叫左個招牌臭臭鍋，一黎到就香噴噴啦，火鍋內既配料會先煮熟，所以食物一黎到盲可以食啦，我哩個臭臭鍋既配料分別有：豚肉，菜，米血糕，金針茹，炸枝竹，粉絲，鳴門卷，大腸，豬紅等等，其實都真係好多料，湯底味道濃郁，唔洗點醬料都好夠味，真係好有台灣的風味！再點多個鹽酥炸雞，雞件都大件，好香口丫，好味，最鍾意食香口野！我同事就點左個蕃茄白豚鍋，配料有娃娃菜，白豚肉，豆乾，蓮藕，蕃茄，粟米，香茹，凍豆腐，青豆角，金針茹，炸枝竹，粉絲，鳴門卷，椎山，我同事都話個湯底真係好蕃茄，食材亦都好新鮮，佢都話好有台灣涮涮鍋的味道丫，佢仲話下之次同佢未婚夫一齊黎！仲有３款調味醬可以點黎食ＴＩＭ～

最近好hit講緊一班朋友約食飯難過登天，的確專登約好煩，好彩身邊的朋友都鐘意即興，兩三個人食都會出黎今次拋低仲OT緊既大寶，同朋友即興去左呢間臭臭鍋開飯。幸得朋友夠義氣，6點準時黎排隊，所以能夠食到第一輪。放工黎到門口已經大排長龍喇據聞呢間臭臭鍋係由台灣黎，一直都覺得台灣食麻辣鍋出名，估唔到都鐘意食臭豆腐喎！一入店已經聞到臭豆腐味，可惜同行既朋友無人鐘意食臭豆腐，所以無叫到招牌臭臭鍋。Menu都幾多選擇，嗜辣既細寶當然係食麻辣鍋啦，朋友就分別叫左香蒜牛肉鍋同藥膳羊肉鍋，每個鍋既饀料都唔一樣，唔夠可以再加餸，跟飯或粉絲，細寶就覺得跟粉絲比較好食，因為粉絲可以吸晒啲湯，食落好惹味上菜時會跟一個爐，下面係一舊爉，大約燒到20分鐘左右，唔夠可以叫服務員加。麻辣鍋中有娃娃菜米腸、豬大腸、肥牛、公仔麵、墨丸等等，好豐富。本來以為會唔夠飽，點知最後都食唔晒。肥牛唔算太難咬，墨丸都好彈牙，難得地配菜都全部合格！麻辣鍋湯底可以選擇辣度，平時譚仔食開小辣，呢度既小辣比譚仔小辣更唔辣，鐘意食辣既朋友可以試下中辣啊。另外值得一提既係，個湯底好夠味，基本上唔需要再加調味料已經足夠。各款鍋係無跟飲品既，可加$24

8鍋臭臭鍋一早就聽過，不過成日見到條好長嘅人龍就卻步。今日六點幾經過附近，見佢冇乜人就即刻拉埋朋友入去試下啦。 其實佢都有八種鍋揀嘅，咁我哋就揀咗招牌臭臭鍋同埋沙茶牛肉鍋 黎試下啦。 其實佢一個餐只係108蚊，有一個鍋物 ，飯或者粉絲， 仲有嘢飲嘢。冇幾耐呢兩個鍋都到喇。招牌臭臭鍋呢有分難度嘅 ，咁我哋就揀咗小辣啦， 佢嘅配菜呢都有好多，有臭豆腐啦，豬肉，娃娃菜，大腸啦等等嘅，都幾多嘢食。 招牌臭臭鍋當然係食臭豆腐既味道啦，所以鐘意食臭豆腐嘅我真係覺得呢個喎幾正嘅 。而另外嗰個花茶牛肉鍋呢都好好味， 沙茶醬味道好濃，啲配菜吸曬啲沙茶味， 而且塊牛肉都幾新鮮幾有肉味， 所以都明白點解佢成日都排長龍， 因為都真係幾平嘅咁嘅份量嚟講。

位於尖沙咀嘅8鍋臭臭鍋，係一間超有人氣的台式臭臭鍋專門店。星期六晚飯時段排咗大約十五分鐘。呢間火鍋店主打台式一人一個小火鍋，有多種口味，價錢平均百零蚊，好足料好抵食！！我叫咗個芝士牛奶鍋，芝士牛奶湯好白，少少甜帶少少芝士味，味道特別同濃郁，每款配料都吸收曬湯汁，真係唔錯！！入面有好多丸，例如貢丸，魚豆腐，麻吉燒。全部都好味。最後我地追加左心型丸，見佢心型好靚。飲品綠茶清新唔甜膩，唔苦澀，唔錯，珍珠夠煙靭，好夾好好飲！！

係尖沙嘴睇完戲，行過呢度見幾吸引，於是即刻試下。主打係一人一鍋，有八款鍋俾你揀。一人一鍋份量均配米飯或粉絲，另外加飲品。飲品叫咗蜂蜜綠茶加珍珠，唔太甜，清香解渴，珍珠好彈牙。一人一鍋叫咗香蒜牛肉鍋，蒜頭味濃。材料好豐富有大白菜，牛肉片，蟹籽丸，甜不辣，牛丸，凍豆腐，粟米，金菇，炸枝竹，鳴門卷，豆腐，蕃茄。配料都好新鮮，配埋個湯底啱哂我，好入味。賣單每人都只係百零蚊，好抵食。員工態度好好，會再光臨。

去完尖沙咀做facial,就順便行埋街啦,當日又凍凍地,行到金巴利道見到有間出面企滿哂人,原來係台式打邊爐,每人一鍋,之後媽咪又話凍,心思思想排隊試哩間,咁媽咪想食唯有等一陣啦,我地兩位好快就有位有得入啦,入座起計限時90mins!一共有九款鍋可以選擇，每一款都好吸引好想試丫，價錢都好抵丫，$108 有一碗飯或一豌米粉，二選一，加$12蚊仲有魯肉飯tim丫,因為我超鍾意食魯肉飯,所以點左碗黎試試有冇台灣的味道~我點左個招牌臭臭鍋，真係好多配料丫，一上鍋就食得啦，仲有臭豆腐，真係好香口丫，湯底味道好濃郁，就食個湯底都唔洗點醬啦，整個配搭都好正丫真係，一定會再黎食！魯肉飯真係好正丫，肉碎好入味，真係有台灣地道的風味丫！再點左杯金桔檸檬梳打，調制得好好飲丫！媽媽就點左個蕃茄白豚鍋，配料有娃娃菜，白豚肉，豆乾，蓮藕，蕃茄，粟米，香茹，凍豆腐，青豆角，金針茹，炸枝竹，粉絲，鳴門卷，椎山，而媽媽就點左加粉絲，媽媽表示好好味，真係都好多料，湯底又係好濃郁蕃茄，白豚肉大塊份量又多，夠爽口，媽媽都話好有台灣食涮涮鍋的感覺喔！我地走個時仲好多人，全埸爆滿丫仲要，我下次再同老公黎食先，佢一定好鍾意！

係tst 行完街就係韓國街搵野食,見到好多人係8鍋臭臭鍋排隊，羊群心理， 由原本想食韓國野轉左去食台灣野。餐廳有8個鍋選擇， 仲有一d 特色台灣小食，有3個鍋係有羊， 因為我唔食羊，所以我地就簡左出名嘅臭臭鍋同台式麻辣鍋。枱上有幾種醬料任混合，menu 上有教點樣混醬，但我地都無跟，因為menu 上教3匙豆瓣醬，我個人覺得好重口味。臭臭鍋，湯底好特別，味道夠，仲有好多料， 食材我覺得唔使用醬都入味，仲好食d。雖然叫臭臭鍋，但只有少少臭味，唔及街邊臭豆腐。怕臭嘅朋友都可以試下。台灣麻辣鍋，我朋友覺得無咩特別，同出面嘅麻辣鍋無太大分別，反而覺得我食個臭臭鍋好吸引。麻辣鍋湯底係有少少辣，但唔夠麻，食材都入味，不過不失。叫左杯百香果紅茶，2個人share 1杯岩岩好。