8鍋臭臭鍋 (金巴利道) (已結業)

第一次衝去這間店時，門口一條長龍，最少要排一小時，於是再想食也放棄了；第二次較早去到這間店，人流不多，坐下後便叫了招牌臭臭鍋，店內播放起台灣出名歌星歌曲，十分悅耳，很快便上菜，但火力不太夠，等湯底滾起都需要多點時間，臭豆腐味道一般，沒有想像中惹味，粉絲未放到鍋裏已經沒有火了，於是叫人加火，邊食邊看到人流不斷增加，愈食愈熱，於是叫了一杯凍水蜜桃綠茶，不能沒有凍飲品，侍應都忙到不可開交，食飽了就直接行去收銀處付款，不等侍應們了！總體味道都算不錯！但當回到公司的那一刻才知道中伏了！肚痛衝去洗手間！

常常在openrice見到這間餐廳高據食評的十大，想拜會一下已有一段日子，有一次經過餐廳看見多人排隊也打消了念頭。這天，見星期一晚，心想應該沒有太多人，所以走去一試！去到餐廳門口已有一條隊像在排隊，查問友人還未可以下班，既然要等就排一排吧！我看了看門口，沒見到有任何指示，到底是先排隊等安排，還是先問職員取輪候票然後等叫數碼呢？這一點我是不清楚的，所以不如先入餐廳找個職員問一問！開了門，職員不多，我站在門口，見有些職員忙著送餐，有些在落其他客人落單，不知如何是好之際見到有一位女職員向我望來，我當然即刻揮手示意，她也給了我一張票，她還說下一張二人枱就是我！我望出門外，其實外面也有為數不少的人在等待，莫非他們全部不是二人用餐？還是他們不知道要先取票？不理會了，我返回門外等待著，等枱之除也等候著友人。因為餐廳是有限時進食，所以定時都有人離開和叫人客入內。而我，由開始等待到入座，也等了45分鐘。當等到有枱時，友人也屈濕我正當前來。所以就算職員說用餐時間只有90分鐘，我也說沒所謂，與其外面等，不如裡邊等。看看餐版，有9種鍋任選，看圖就樣樣都想試，但既然第一次來就叫一個招牌狊狊鍋吧，隨餐可免費選一碗

實在太掛住台灣既美食所以星期五放工後就同閨密去左呢間近排好有人氣既食店黎到門口真係好多人等 要拎飛一邊同閨蜜傾計 傾傾下都唔覺等得好耐揀左招牌臭臭鍋(小辣)同埋佢地原創既南瓜鍋餐牌寫住話南瓜鍋比臭臭鍋重早面世重限量供應 點都要叫黎嚐嚐叫左一杯盆栽奶茶同閨蜜一齊飲盆栽奶茶原來就係朱古力奶茶加左啲Oreo碎係面飲落唔會太甜 有朱古力既香又飲到奶茶味 好出色唔使好耐 有得食啦～ 好香好香臭臭鍋好惹味 入面有好多豚肉片重有大腸 娃娃菜 重有好多料 食極都有當然唔少得緊係臭豆腐豆腐有啲啲臭 但係咁先係臭豆腐麻 好好味下次叫中辣或大辣 因為鍾意食辣既我覺得唔夠辣南瓜鍋好鮮甜 唔會覺得太清淡唔夠味入面都一樣有好多片豚肉 有菜有瓜有肉 好健康南瓜好林好甜 重有芋頭 好粉 吸哂啲湯既甜味兩個鍋都會配飯或粉絲 叫左一飯一粉絲粉絲吸收湯既精華 好入味整體而言 呢度環境唔逼 好熱鬧飲品出色 一鍋入面有哂平時打邊爐會食既野一人一鍋 每個鍋配既食物都唔一樣同人share又得 自己食一鍋又得下次黎必定會叫個麻辣鍋試！

臭臭鍋，通常是指有鍋中有臭豆腐的一人份火鍋，而且會由店家烹煮完成後再提供給客人,流行於台灣。聽聞在台灣好出名嘅專門店-(8鍋臭臭鍋)進註尖沙咀，一於喺香港試下台灣極流行嘅臭臭鍋先。招牌臭臭鍋-白豚肉，臭豆腐，台灣貢丸，米血糕，大腸，豬紅,沙白，鵪鶉蛋，蕃茄，榨菜絲，韮菜，金針菇，鳴門卷，炸枝竹，粉絲熱辣辣香噴噴,未上枱已流哂口水。開餐先！湯底好濃味，臭豆腐果然名不虛傳，好食，其他食材非常新鮮，送飯一流。好滿意！8鍋綠茶味道充滿台灣特色，唔太甜,唔錯!最重要係包裝及賣相非常ok,幾靚，讚!總結:HKD100左右 就有咁豐富嘅一餐,的確好抵。味道又充滿台灣氣色，一人一鍋食材款色多，份量又夠，一條冷午餐晚餐嘅首選，讚！

今日見放假就出尖沙咀食台式火鍋不過我覺得店舖有少少難搵, 都搵左一陣先去到佢個餐牌得9種口味可以揀, 但其實都已經可以食勻台灣既味道落左單之後, 等左幾分鐘, 個鍋就送到黎啦佢係一人一鍋咁既形式既, 一望落去, 真係好足料, 好多係台灣食過既火鍋配料都有而且份量都唔少逐樣野食完, 都有少少驚喜, 佢每樣野都無比其他野既味到蓋過, 而且仲好好味最正既係, 佢每個鍋既配料都有啲唔同, 如果同理朋友去, 可以試到其他口味同野食會再去試下其他口味既臭臭鍋

食物一般，只可說是趁下熱鬧，追下潮流。招牌臭臭鍋的配料冇咩特別，以百多元收費，好似唔多抵食。飲品點了百香果綠茶，有茶味又唔會太甜，尚算可以。待應有禮細心，值得一讚。

兩人各自點了沙茶牛肉鍋和香蒜牛肉鍋，味道尚算可以，本來尚以為會不夠飽，結果食妥都還好。唯有投訴的是，裡面的肥牛肉，肥肉真的太多，對健康沒有益。另外，飯店清潔衛生要請店家多注意，裝載醬料的玻璃瓶蓋有餘漬都缺乏店員清潔，醬油瓶身亦感黏黏的，估計很久都缺乏關注，甚至餐桌上也覺黏黏的，希請相關人員予以改善。

聽到去完台北既朋友返黎講，話最近興起食臭臭鍋，最衰我又無假飛唔到去台北，所以即時搵間食臭臭鍋既止止渴先。我份人最講究，所以我就選擇對皮膚最好既芝士牛奶鍋，一捧過黎即時聞到陣牛奶香，仲有大大隻蛋即時打左去個鍋中間，真係睇到流晒口水。坦白講湯底除左牛奶同芝士係無其他雜料，所以相當清，岩晒我養顏。湯料夠晒台式地道，心型魚豆腐，台灣貢丸，蛋餃同鳴門卷等，除左與湯底味道夠襯之外，其中台式貢丸食得出料夠足，唔係非一般以麵粉為主既肉丸，係豬肉味足又彈牙既貢丸。另外蛋餃細細件容易食，以蛋味為主既餃皮，裡面有少許辣既豬肉，幾過癮。仲有主角之一既豚肉片，切成薄片襯有少許脂肪令口感剛剛好滑而不肥，加上豚肉豬味濃，味道浸在芝士牛奶湯，仲有一隻雞蛋增強口感，超讚既配搭啊。唔使飛都可以食到既台式火鍋，好滾動。

慕名而來，失望而回…若說很好味，又談不上，是評論寫得太好，還是質素下降了。食後感…無論是招牌臭臭鍋，或是沙嗲牛肉鍋，(可二選一，配飯或粉絲)都只是一碗有多種食材的台式粉絲湯罷了，特式只是有個明火的小爐托著一小個雜錦鍋，一人一鍋，熱辣辣咁食。用半個鐘巳可食完。然後每人再加一杯味道麻麻哋的台式奶茶。整體只是不過不失罷了。其實不試沒有損失，同行朋友在台灣也食過，確是很好味，但香港只能用合格來形容，若在台灣食過，就不用在香港試了。有比較，會失望的。

週末搵食見這網上新寵食店離家不遠，下午三四點應該不用排隊吧，去湊湊熱鬧也好。店裏燈光昏暗，配襯牆上一些台灣老照片。火鍋選擇原來只有八款，所以取了這店名，不過每款材料都很多，不愁單調。我們是台菜小吃粉絲，同伴老說想吃沙茶羊肉爐，在香港又常找不到台灣沙茶醬，有聽說過臭臭鍋一直想試，這幾款已夠我們三心兩意了。同伴選了中辣的招牌臭臭鍋，我點了藥膳羊肉鍋，還有滷肉飯和熱招牌奶茶。點菜後我們著緊地集齊沙茶醬、豆瓣醬與蒜茸，如果可以買些回家就好了。飲品先來，這裏的奶茶蠻好喝的，店家解説源自高雄長信名茶，採用全發酵阿薩姆茶，茶韻濃而不苦，茶味充足亦不太甜。招牌臭臭鍋先來，臭豆腐沒有港式的臭，口感嫩滑，眾多材料中較爲少見的有米血糕，煙靭軟糯，跟火鍋一起吃頗特別，還有幾顆蜆呢。藥膳羊肉鍋適合我這種既要吃火鍋又硬要養生的麻煩友，其中翡翠魚豆腐味道不錯，蓮藕爽口，也有素鮑片怪怪的。值得一提的是套餐附上的白飯顆顆渾圓，還有點QQ的口感，跟要加12大元的滷肉飯比一點也不失禮。鍋下的燃料足夠讓湯滾起來卻維持不久。店家用心地列出混醬的完美比例是沙茶醬/豆瓣醬3比豉油2比蒜茸1，但我是個蒜頭怪，下蒜茸太多蓋過了其他味道

行過尖沙咀，朋友話想打邊爐 !咁啱經過呢間鋪頭 見到好多人排隊! 原來係食 臭臭鍋. 睇餐單原來係呢一個特色火煱。 睇嚟唔錯’所以一試！單看餐牌有9款選擇！ 我們點了 酸辣羊肉鍋，飲品叫咗綠茶奶綠。每個鍋嘅食材都唔一樣但係都有白飯同粉絲， 加12蚊可將白飯升為魯肉飯。枱除咗餐具 仲有一系列醬料 畀客人自己調配， 分別有沙茶醬，辣醬，豆瓣醬，蒜泥同醬油餐牌上仲有教你點樣調教嘅你整出好味醬汁。 1茶匙蒜泥2茶匙醬油3 茶匙沙茶醬 沙茶醬或豆瓣醬， 如果鍾意辣嘅可以再加啲辣醬！火鍋好快就上咗枱喇， 個鍋要等一會滾咗先至可以食得， 我點酸辣羊肉鍋， 羊肉唔騷 點上調製的醬汁 味道很夾 。仲有喜愛的凍豆腐木耳 配上酸辣湯味道很好， 食到差唔多再加上 粉絲，粉絲 吸收了酸辣湯的味道，好好味！湯底有蜆肉 帶出湯的鮮甜 ， 而且有大量蔬菜！ 杯飲品 都是有水準之作，綠茶味淡而香，飲落相當清純，比那些專門店賣飲品的更佳，感覺更健康。

朋友介紹尖沙咀有一間叫做臭臭鍋， 原來是台灣出名的食店。 呢間食店喺台灣已經有12年歷史 香港只得一間 係尖沙咀婚紗街行到尾好易搵到。 去到門來已有少量人在排隊！ 在排隊時看見看看餐牌 一共有九個鍋可以選擇。 好快就可以入座啦 ！見到枱上有好多唔同嘅醬油， 分別有辣醬，豆瓣醬，沙茶醬，蒜泥同醬油！ 餐牌 上仲有教你點樣調製出好味嘅醬汁！ 一茶匙蒜泥兩茶匙醬油加三茶匙 沙茶醬或豆瓣醬 如果喜歡食辣再可以加少許辣醬 咁就very good ！我們點咗個沙茶牛肉鍋同芝士牛奶鍋。 每個鍋粉絲和白飯選擇。 十二蚊仲可以升級魯肉飯添！ 飲品叫了 招牌奶茶 同茉香奶茶茶味夠濃，茶味與奶味的比例剛剛好，奶味無掩蓋茶既香味，飲落口感更覺滑溜，質素比貢x的更佳。食品上枱時間好快！ 沙茶牛肉鍋 沙茶味香濃 牛肉脂肪比例平均，食落有滑的口感 ， 而且與湯底的味道幾夾。配菜甚多有鳴門卷， 粟米花枝丸炸支竹牛丸豆腐等等，全部充滿台灣特式，而且份量十分之多！兩個人去食三百蚊到 都係一個唔錯嘅選擇。

今日同呀媽行完尖沙咀，佢話天氣有啲涼想食火煱甘話。上網搵就搵到呢間，見到都有好多鍋可選擇，呀媽又揀到岩食既，加上尖沙咀食野，呢個價錢一啲都唔貴，就黎試下！坐底無耐，呀媽就揀左藥膳羊肉鍋。一上枱就味到好大陣既藥味，其實都幾香既。個個鍋入面大部分食物都熟晒，滾多陣就食得！藥膳鍋入面有啲物？包括有羊肉、蓮藕、豆卜、魚丸、鳴門卷、粟米、冬菇同金針菇等。一個人食晒都真係超飽！而我就叫左蒜香牛肉鍋。黎到時又係超香！呢個湯只色較清，但好夠味。材料有貢丸、豆腐、粟米、魚腐、蟹籽丸、牛肉蕃茄等等。我幾中意呢個鍋，因為蒜好香，但食完又唔會口臭果種食材都新鮮，豆腐滑，粟米甜一個鍋可以簡飯或粉絲，粉絲唔洗加錢架！滖開幾多，吸晒鍋底啲精華，好入味！桂圓黑糖薑，好濃，好重薑味，喜歡薑味的朋友一定喜歡！有幾種醬料可點，如蒜蓉、辣椒，但我覺得食物都好夠味，唔洗點點。得閒可同朋友一齊黎臭臭

多多綠，餐廳用密封嘅膠杯嚟裝住啲飲品，咁就衛生又方便啦，又唔怕倒瀉喎，認真抵讚。多多綠即係益力多加綠茶，呢度個綠茶嘅味道特別出，果然好似佢餐牌上所講咁樣，散發出自然嘅茉莉花香味，絕對唔係出面啲珍珠奶茶舖所能夠比較。鹽酥雞，外皮炸得香脆，一口咬落，雞脾沒有半點多餘的脂肪，啱哂一啲怕肥嘅妹豬，最屈機嘅係雞肉嘅口感，完全未食過鹽酥雞嘅雞肉可以嫩滑到咁嘅樣，就算喺台灣都未試過，如果個底可以索咁啲油先至拎出嚟相信會更加好。招牌臭臭鍋，材料非常豐富，有娃娃菜，白豚肉，臭豆腐，台灣貢丸，米血糕，大腸，豬紅，沙白，鵪鶉蛋，蕃茄，榨菜絲，韭菜，金針菇，名門卷，炸支竹同埋粉絲， 薄切嘅白豚肉口感嫩滑，一啲都唔會覺得肥膩，娃娃菜金針菇炸支竹同埋粉絲就索盡湯汁嘅精華，份外好味，大腸經過鹵製，喺濃湯之下都依然食得到嗰陣鹵水嘅香味，沙白新鮮清甜，完全無沙架，最重點係個臭豆腐，夠哂臭，令人完全恍如置身喺台灣嘅夜市一樣。跟餐嘅白飯加12蚊轉咗個魯肉飯，滷肉半肥瘦，脂肪令到口感更加細膩，配埋煙韌嘅台灣米，本應唔錯，唯獨是係調味方面可以重手少少。圖為星期日下晝五點半，我哋啱啱坐低嘅時候，當我哋走嘅時候只係六點九，店外面已

第一次來呢度食佢係主張一人一個台式鍋有8個鍋加一個南瓜湯厎既限定鍋比你揀 Dinner: 鍋+粉絲/飯=$108我就覺得材料都大同小異最大分別係湯底同你食唔食辣or豬牛羊我叫既係🍴芝士牛奶鍋有少少失望 芝士味同牛奶味都無好出 白豚肉都幾好食 佢裹面跟左烏冬既 我就覺得配烏冬吸引過粉絲啦🤔朋友叫既係🍴香蒜牛肉鍋感覺比我叫果個香我諗呢度都係要食返啲嘢味啲台式啲會出色啲😂不過呢度嘅員工真係好nice👍🏻