8鍋臭臭鍋 (金巴利道) (已結業)

台灣既臭臭鍋真係一試難忘！臭臭鍋既精髓當然係裡面既臭豆腐～～我真係好中意食架聽到尖沙咀都開左間臭臭鍋，終於抽到時間去試試！排左半個鐘。。終於有得食撞岩星期五晚。。全院滿座！！揀番個靚鍋先我揀左台式麻辣鍋仲可以選擇加白飯定粉絲嘩～好足料喔鍋裡面有臭豆腐，枝竹，花枝丸，鴨血，豬血糕，公仔麵等等。麻辣味超香超濃，忍唔住飲左好多湯。有配料選擇。蒜蓉超讚追加左個鵪鶉蛋。原來用黎打邊爐又幾好味喎 哈哈。仲有枝竹吸埋麻辣湯真係好好味，又要encore!!食台灣小火鍋又點可以少得呢杯台式珍珠奶茶呢一人一鍋真係幾過癮。份量夠食 價錢又合理！不過唔想食完變臭臭身，記得唔好著冷衫，因為真係好吸味

同朋友一齊去打邊爐個陣，好多時候都要花唔少時間決定要邊隻湯底，有人鍾意食辣，有人又唔太舒服想食清啲，好難兩全其美。黎到8鍋臭臭鍋就唔洗擔心呢個問題，因為一人一個煲，所以大家都可以點自己鍾意嘅湯底。入到店內，間隔都算闊落，唔會話好逼，肚餓嘅我地就決定即刻叫野食，我叫咗一個台式麻辣鍋，而朋友就分別叫咗個藥膳鍋、招牌臭臭鍋，同時叫咗啲牛肉同羊肉去淥，同埋鹽酥雞做小食。飲品方面我就叫咗杯蘋果綠茶。等咗無耐，野食就已經送到上黎。不得不說嘅係，呢個台式麻辣鍋辣味十足，開頭可能覺得無乜野，但當你食鍋內嘅料好似蜆、豆卜、以及麵食個陣，將鍋內嘅湯汁一齊食落佢個陣你就會發覺愈黎愈辣，愈黎愈過癮。牛肉同羊肉水準都唔錯，十分之好食。食到咁上下，我已經想搵啲野解下辣同時個口都有啲乾，而飲品都咁啱同時間送上，開頭以為係好似普通餐廳咁送上一杯仔嘅野飲就算，點知竟然係台式飲品台嘅size，質素仲要唔錯。最好，不得不讚嘅就係個鹽酥雞，醃得十分之入味，同時係炸個陣外面好脆又鎖緊肉汁，令人停唔到手。鍾意打邊爐嘅朋友一定要去試下。P.S. 店內冷氣較大，最好帶件外套。

看見朋友在 FB 上分享台灣之旅的美食，尤其是台式臭臭鍋，真的令我很好奇，很想試。於是我上個月一出糧，就搵下香港邊度可以食到台式臭臭鍋，於是俾我搵到尖沙咀的「8鍋臭臭鍋」，仲搵左1個朋友陪我一齊食。我們 7 點多來到，真的很多人排隊，我們等了超過半小時才可以進去。這裡用餐時間是一個半小時，時間都算足夠，我們離開的時候大概是 9 點半，但門口仍然有人排隊。餐廳的座位很多，而座位之間都有適當的空間，還不算太擠迫吧。唯環境比較嘈吵，比較適合和朋友或幾個朋友聚會。這裡的涮涮鍋是一人一煲，不用顧慮同行朋友口味的問題，而且就算係一個人都可以嘗到台式涮涮鍋呢。這裡的涮涮鍋款式和配料選擇相當多，可以用包羅萬有來形容，不論喜歡怎樣口味配菜，吃辣不吃辣，總會選到合意的鍋。既然我很想食臭臭鍋，那今次我便點了這裡的招牌臭臭鍋，可選配小辣，中辣或大辣，而我選了小辣。同時可配白飯或粉絲，選擇都幾多元化。因為朋友不能吃辣，所以叫了這個不辣的香蒜牛肉鍋，材料看來相當豐富呀。而我這份招牌臭臭鍋 (配粉絲, 小辣)，小辣的湯底並不太辣，而是聞到陣陣撲鼻的臭豆腐味，真的大滿足。和朋友同行的好處，便是把我不吃的內臟給朋友吃，

8鍋喺尖沙咀都算係好出名架啦，因為出名價格中等，提供不錯的火鍋套餐。同本身成條街都係的韓菜好唔同。朋友臨時甩底，得我一個人來，唯有享受一下一個人嘅浪漫。好彩餐廳都一樣預留位置給我。我就選擇咗牛乳湯底，裏面本身已經有好多生蛋，可以放一陣就會變咗熟，不過都唔好放太耐，太耐嘅話鞋左就唔好食。裏面仲有各丸子、水餃等等配搭，分量豐富。而且吸收左牛奶湯底嘅香味，美味之餘又帶點甜香。不過牛奶湯底真係好容易飽，所以一個人本身已經包左一個粉絲或者飯，我就建議睇下自己食唔食得晒先至決定要唔要，費事浪費左人哋啲食物啦⋯我另外想叫咗一杯盆栽朱古力，好大杯，裏面除咗有好多好彈性而且好甜嘅珍珠之外，仲有好多Oreo曲奇碎，好驚喜！不過好似我咁一個人就未必飲得晒啦，兩個人分享一杯都係唔錯嘅選擇。

是日經朋友推介，去左佢公司附近既8鍋臭臭鍋食晚餐。之前都聽朋友講呢間台式火鍋店好受歡迎，我地大概7點去到，店外果然已經大排長龍。雖然等候時間都有少少長，我地大概等左20分鐘，不過食完都覺得非常值得！ 8鍋臭臭鍋提供左9款熱湯湯底，我和朋友就分別揀左蕃茄白豚鍋以及限量供應既原創南瓜鍋。 兩款火鍋都非常足料，我食既蕃茄鍋湯汁好濃烈，蕃茄湯味好夠，調味可以話剛剛好。 蕃茄鍋既湯料種類繁多 ，有白豚肉、豆乾、金針茹、枝竹、豆乾、娃娃菜等等，全部都非常入味。而我地加配既粟米、牛肉片同羊肉片既質素都不錯，羊肉片更加係一啲膻味都冇 ，所以大家去食個時記住要加配! 另外我地仲叫左兩款小食，分別係鹽酥雞和花枝丸。花枝丸就同平時食開既感覺差唔多，唔算太特別。不過鹽酥雞就比左我地幾大既驚喜！鹽酥雞既肉質好鬆軟，食落亦好惹味，口感真係一流！見咁好味，我同朋友之後都忍唔住要再叫多碟食，咁多款小食真係首推鹽酥雞！ 最後又點少得野飲，我同朋友就分別叫左水蜜桃紅茶和桂圓黑糖薑母茶。水蜜桃紅茶既蜜桃味唔算好強烈，但飲落都覺得幾清甜。而朋友飲既薑母茶佢都覺得好特別，飲落唔會話好甜，適合想叫熱飲既人，大家去食都值得嘗

今日放工同同事去左尖沙咀食一人一火鍋~打電話book位係好難架，再等多1個幾月啦，只好自己乖乖walkin啦入去攞左號碼牌之後就考慮下食咩鍋好~有咁多款，每款都好吸引我啊！每人一鍋~ 每個鍋都配有飯或者粉絲，想要食魯肉飯既朋友可以加錢轉。鍋入面有咩配料都寫得好清楚，有唔食既配料記得同店員講啊。另外覺得一個鍋唔夠既朋友可以睇餐牌後面，有追加配料同小食可以點。如果一個大食既女仔（例如我）其實一個鍋再加一杯台式飲品已經好足夠因為一個鍋既配料其實都好多，而且飲品都超級大杯雖然我最後都無點到店舖最出名既臭臭鍋，但麻辣火鍋都好好食

在香港旅游突然想吃火锅，无意间搜到这家店 因为好久没吃过台湾臭臭锅了，于是抱着希望冲了过来。到点时间六点四十左右，排队了十分钟就轮到，点了臭臭锅和麻辣锅加米血糕和百香果绿茶，味道都很不错，吃得饱饱的。推荐！

一行五人幫朋友慶祝生日揀左食臭臭鍋朋友七點去到已經排緊長龍餐廳規定要齊人先入得 但朋友遲到 我地到左四個都比我地入大慨等左30分鐘就入得去了 我地五個人叫左四個鍋share分別係：招牌臭臭鍋麻辣臭臭鍋芝士牛乳臭臭鍋同埋蒜香臭臭鍋每個人除左湯底 內容都有不同招牌就好似雜錦甘 咩都有 啲豆腐索左啲湯 聞落真係好臭但食落就無問題 好臭個好好食朋友們一致最中意 麻辣鍋真係辣 辣得好過癮同朋有吾係好食得辣的朋友都表示好食有半個麵！呢半個麵吸左啲湯真係好好味另外我地仲叫左個麻辣臭豆腐個人覺得可叫可吾叫 另外仲配左個飯/粉絲我地五個人食四個鍋都好飽最後食剩左啲粉絲 火鍋配料方面特別係豬紅 貢丸好好食 仲有魯肉飯飲品方面：盆栽奶茶 整體今餐十分滿意店員有禮 食物又好食為朋友送上生日蛋糕時仲幫我地播左生日歌

今天女兒要去尖沙咀學韓文，我去接她順便食埋晚餐，經過金巴利道，有間叫8鍋臭臭鍋，門口有多人排隊準備入去食，為什麼叫臭？，女兒説是台灣的火鍋店，味道吾錯，那麼我們就入去試試！多種款式和湯底，我選擇了蕃茄白豚鍋！蕃茄白豚鍋：湯底鮮甜，材料非常豐富，有肉和多種蔬菜等，明火滾住食，熱騰騰味道超正👍，每鍋還可以跟飯或粉絲，我選擇了粉絲，因為粉絲吸了湯汁一起吃很好味！如果還想豐富一點，可以加錢追加火鍋材料，我加了花枝丸，都很彈牙！原味奶茶：台灣式奶茶沒有港式奶茶那麼濃，但奶味香，甜度適中！

上次經過臭臭鍋門口，見倒大排長龍，於是今晚特意早點去試這家台灣很有名氣的台式臭臭鍋。到達餐廳時是六點半未見人龍，可是一到七點，台外排滿了人，所以建議大家要食的話要早點去呀～和朋友兩人都點了餐廳招牌臭臭鍋，畢竟這可是餐廳推介的第一位呀。招牌臭臭鍋有大中小辣選擇，而想過下口癮的我就選了小辣，每個臭臭鍋都可以選擇配飯或粉絲，絕對吃得飽。待餐廳上菜之時，可先根據餐廳對配醬的完美比例調製醬料，分別是3匙豆瓣醬/沙茶醬+2匙鼓油+1匙蒜蓉，喜歡沙茶醬的我則多加了兩匙沙茶醬哈哈，這個完美比例的確好!好!味!和朋友在等上菜時不經不覺用筷子點了很多來吃。終於上招牌臭臭鍋了，招牌臭臭鍋之所以叫招牌臭臭鍋，原因是它的材料有一切「臭」的元素，包括臭豆腐、米血糕、豬大腸、豬紅。除了這些元素，還有豚肉、鵪鶉蛋、沙白、粉絲等等材料，大大鍋的不用怕吃不飽。餐廳調製的完美醬汁，搭配鍋物一起吃，除了好吃，也沒有其它說話好講了。其中我最喜歡的就是米血糕，之前在台灣試過一次不好吃的米血糕，令我對米血糕的印象好差，但餐廳的米血糕一點都沒有騷味，而且煙煙靭靭，我連朋友鍋裡的米血糕都搶了來吃。看見隔離在吃羊肉鍋吃得津津有味，下次一

同朋友打邊爐, 但又唔想揀湯底出現意見分歧, 第一時間會諗起台式火鍋既一人一鍋。今晚我地就經過尖沙咀既8鍋臭臭鍋, 見到店內已經滿座, 而門口更有十幾人排隊等位, 羊群心理下我地跟住排隊務必要入去一試!店內頗有台灣風味既裝修, 雖然係一人一鍋, 但店內完全沒有焗促/油煙感。打開menu, 呢度一共有九款不同湯底同埋食材組合選擇, 價錢都係劃一HK$108, 而且更可自選配搭飯/粉絲。我就揀左呢個鍋試試:【芝士牛奶鍋】HK$108唔好睇佢好似好細煲, 入面其實放左大量食材, 包括娃娃菜、白豚肉、心型魚豆腐、台式貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃。火鍋係用蠟既形式點上小小既火焰, 將火鍋稍為慢慢加熱, 所以唔會怕滾出黎。湯底呈奶白色、而芝士係以一片的放上面, 等待慢慢溶至火鍋中。淡淡既奶味, 濃度岩岩好, 不過芝士味就唔太出。先將生蛋攪開, 就很快出現蛋花。丸類鮮甜略帶彈牙, 最意想不到既係豚肉份量都幾多, 點上邊爐既醬汁, 令味道更加突出。至於香菇、娃娃菜、金針菇、炸枝竹呢D容易吸味既食材, 吸左湯底既精華, 正!當然唔少得粉絲啦, 粉絲額外

臨去睇演唱會，由尖咀行去紅磡途中，經過呢間長期都好多人的台式鍋物店。上次經過係星期六晚，6pm 已經要等位，最後因為趕時間食唔到…今次係星期日晚730pm，未見爆多人，最後等5分鐘就ok了。叫8鍋因為有8種鍋，每款都超多配料的。配好晒唔駛煩，一個人食都相當夠，唔夠可以散叫配料加落去。先叫一個台式奶茶，好似出面貢茶那種的包裝。味道一般，可能我唔中意太重奶味的，加上冰溶左之後就更加淡…叫左個蕃茄白豚鍋和台式麻辣鍋，連飯/粉絲，每客$108。當然比吉野家貴，但咁多料，仲要乜都有d，食款式和類別都值返。朋友的麻辣鍋要中辣，但真係唔夠辣…試完真係連鼻涕都無滴 XD！我覺得下次可以叫大辣…另外，呢個鍋多d 特別既台式配料，例如米血糕，但濕濕碎唔知去左邊…我好中意我個蕃茄鍋，夠清淡開胃，而且食到勁多菜，感覺健康。唯一的肉類是豚肉，有3-4片勁大片，肥瘦適中，好香甜。本身個鍋已經有煮好左既粉絲，但加埋配餐的粉絲就好夠飽了，吸汁一流。$108 又唔算貴，至少會約friend 黎食（但唔會約friend 食吉野家火鍋嘛）。其實坐得耐既，唔會趕你走，不過個鍋個火弱左d，一般速度食完就熄左…哈哈。

今日因為有朋友生日，所以我哋呢就同佢去咗尖沙咀食八鍋臭臭鍋。入到去座位嘅空間非常大，坐落去非常舒適，而且鋪頭嘅燈光亦都非常適合同朋友傾計。我就叫左一個＄88嘅肉骨茶湯底火鍋，冇諗過配菜非常之豐富有魚蛋，朱紅，芋絲同埋仲有唔同嘅配菜添。咁係湯底來講，肉骨茶味道比較適合香港人口味，唔會話太過濃，因為太濃夏天食嘅時候真係會好頂唔順。我特別鍾意食佢入邊嘅牛丸因為非常之彈牙，而且粟米非常之有咬口，食落去嘅時候越食越開胃。其實一人一個鍋依個諗法真係非常之好，大家始終同朋友都講求衛生架嘛！至於嘢飲方面，綠茶亦都非常之唔錯！臭臭鍋有好多個唔同嘅口味去選擇，除咗肉骨茶仲有沙茶醬，番茄等等，下次應該會再黎食

之前有台灣都見到台灣好出名食臭臭鍋但一直都冇機會食，所以今次返嚟香港一定要試吓！一入到去覺得個環境都幾好坐得幾舒服，事不宜遲就要左個自己最鍾意嘅蒜香牛肉鍋同珍珠奶茶😋😋😋一飲落嗰個珍珠奶茶同普通嘅冇乜分別不過都幾有台式風味。我覺得幾回味係個臭臭鍋，因為好多唔同嘅食材而且住得跟住送埋個好好食嘅肉操飯係一餐好滿足嘅晚餐！當中最好食嘅係佢啲台式丸子👍🏻同一般係冰鮮鋪買到都幾唔同而且好彈牙😝不過令我最驚喜嘅調味料！個蒜香好香但係你唔會覺得有味精；而隔離個沙茶醬 唔會太鹹，都好好食，配上鍋上的食材真係好正！

Sunday afternoon We have lunch at the smelly restaurant around 88$Plus 10%A green or red tea included hot signature milk tea plain tea and ice sky Taiwan style plain tea cold my spicy tai tai hot pot noodles 🍝 Hot Full of beef Soybean curbs Duck blood Some sponge soybean Keep boiling Every one has a stove under his pot Fun smelly mixed pot No spicy Combined with a bowl of rice 🍚 Fish balls Beef slices Very smelly soybean curbs garlic beef clear soup pot A friend can only eat little smelly Not sp