8鍋臭臭鍋 (金巴利道) (已結業)

Hotpot buffet are everywhere nowadays but the quality is not as expected always. Tonight we were impressed by the hotpot here with its price, quality and taste!In a very reasonable price, we each got our own pot and food, with very generous amount of ingredients. I had the beef hotpot with satay sauce. It was very rich and delicious!The minced meat rice that came with the hotpot was surprisingly delight!!I also ordered the signature drink in the shop: iced milk tea It was a very nice dining expe

第一次經朋友介紹來到臭臭鍋食一人火鍋，味道濃郁，配料豐富，肉類可彈性選擇，款式都好合適香港。我叫咗個蕃茄湯底牛肉鍋，牛肉新鮮可口，湯底濃郁夠味，配料如相片一樣豐富，粉絲加埋湯底，將湯底味道完全滲入粉絲內，真的很好味，蕃茄湯酸酸甜甜好開胃，再加上特飲(巨峰梳打), 大大杯，幾配合火鍋。對於服務尚可，由於服務員人數少，客流多，等候時間夠為長了少少，那天我跟兩位朋友去到，因為早到，等了大概10分鐘就有位了。服務質素都算不錯。值得推介。

一嚟到鋪頭就被一陣香味吸引，店員好快就攞咗餐具同埋餐牌俾我。鍋物有八款，我同友人分别揀左沙茶牛肉鍋同埋蕃茄八豚肉鍋，另外再加多左一隻滷蛋同一份貢丸，飲品方面就揀咗抹香綠茶同埋青蘋果綠茶。兩款飲品都幾好飲，隨鍋附送嘅餸亦好多。我升級左個滷肉飯，分量不太大，配合埋啲餸啱啱好。味道方面，番茄湯湯底好濃，沙茶湯亦都好沙茶。白豚肉唔算太肥，呢個幾欣賞。值得一提嘅係隨鍋附送嘅粉絲好好咬口，我哋都忍唔住追加多一份粉絲。已＄108嘅價錢就可以有咁多款式嘅餸，性價比算高，值得一試。

本身無聽過尼間野，係放工同事拉我黎食既 6點幾尚早 好彩唔洗等位～ 入到去環境寬敞 座位梳落唔會逼😇我叫左牛奶芝士鍋，好快就黎到啦可以有飯/粉絲選，我就揀左粉絲成個鍋都唔會太濃味（都好彩，因為好怕食到好滯）唔同味既鍋 肉、丸等都會唔同，而尼個鍋基本配料 菜、芝士豆腐、蟹柳、枝竹都有齊 一人份量岩岩好 我另加左金柑桔檸檬梳打，大大杯又酸酸甜甜勁消暑 ☺️☺️☺️🤣最後仲叫左鹽酥雞，不過都係覺得味道唔夠濃 但熱又脆都幾好食架埋單每人大概百幾蚊 又食得飽， 走個陣仲見到出面排到好長龍，所以想食記得早啲去排隊 haha 唔食唔知咁出名呀

呢間台式一人火鍋由開到而家一路都好多人排隊，大家都話好好食...今次有朋友約黎呢間野食..當然唔可以錯失機會喇!!6點鐘去到門口都有成十幾人排緊隊..心諗..死啦..有排排添..但又好好彩最後只係排左20分鐘到就坐低左..係門口個陣4個人已經係到講自己要食咩..最後我當然係揀返佢最出名的招牌臭臭鍋小辣啦!!本宅早年經常毒遊台灣~都食過唔小街頭臭臭鍋...食之前真係有期待可以食返台灣的味道...但...個鍋一上到黎...見到材料係比台灣豐富的...但一上到黎,冇臭臭鍋好濃烈的味道...同埋冇鴨血...飲一啖湯...湯底係沙茶醬湯底，冇其他特別的味道....叫左小辣..辣度係真係小小....如果鐘意食辣的朋友....一定唔可以叫小辣...呢個鍋的特點係..好多肉....最小有6,7片豬肉...對於鐘意食肉的人一定覺得好正..但對於本宅黎講...我係食配料的...就差小小....因為其他配料每樣都係得一兩件.....隨鍋會附送一個飯或者粉絲..本宅當日揀左粉絲....係台灣的粉絲..因為唔似香港個隻一煮就係淋曬...呢個係加分的..總括黎講...呢間鋪頭唔算難食的，但如果話你知要排隊排一個鐘

這間出名的餐廳，我花了一個半鐘才等到入座，真係等到腳軟，不建議星期五晚做 Happy Friday 的選擇，太多人等啦，而且是火鍋，個個慢慢食，翻桌極慢。晚市食火鍋，不包飲品，要散叫台式飲品，價錢稍貴。但牛奶鍋是特別的，而且配料豐富，我一向覺得自己都幾大食，但佢的份量竟然大份到我食唔哂。湯底好好味，又香。一上枱熱氣騰騰，賣相很好，粉絲吸哂牛奶湯的精華，好好味，牛肉，蛋餃，芝士丸，一次過試到咁多配料，大滿足。

去過台灣一定聽過臭臭鍋，依種加入左臭豆腐的台式火鍋，風味地道，價錢親民，又衛生一人一鍋，聽到臭臭鍋登陸尖沙咀，搵唔到理由唔去試！台式餐廳都好鐘意用木既裝修，大家覺唔覺呢！醬料係台灣直送既，豆瓣醬少辣，沙茶醬香濃，蒜泥較稀身。店內有「混醬」指引，3匙豆瓣或沙茶醬，2匙豉油同1匙蒜泥，係地道既台式配搭。藥膳羊肉鍋，嘩個煲一上枱陣陣藥膳香味，未食已經開胃啦！好多餸，好滿足套餐包埋，可以選飯或粉絲，飯咁平凡緊係選粉絲特別d令外叫左個炸雞粒，調味好好味，近似椒鹽味道，但獨特d既！同埋好滑一d都唔韌！！“正所謂細細粒容易食，但一碟份量都好多，兩個人食都好足夠！

之前聽朋友講話呢間餐廳六點之後門口就開始有人龍，今日等我來驗證一下係唔係咁堅先。天時暑熱一坐低梗係嗌杯凍飲先啦，見佢餐牌上面寫住餐廳所用綠茶嘅茶葉係高雄嘅長信名茶，係精選嘅無發酵茶葉，即刻揀咗個有綠茶嘅飲品，餐廳將佢命名為多多綠， 係用我至愛嘅益力多加上綠茶調配而成，入口先係益力多嘅經典乳酸味道，跟住茶葉蛋嘅清香茉莉花香味就會緩緩咁樣係口腔裏面滲出，用咗靚茶葉，味道果然係唔同啲。涼爽完就可以開始食個鍋喇，由於我鍾意食辣，所以揀咗台式麻辣鍋，裏面嘅材料十分之豐富，多到幾乎連個煲都裝唔唔咁濟，裏面有娃娃菜，牛肉片，麻辣餃，福州魚蛋，豬紅，沙白，米血糕，大腸，魷魚圈，豆腐，金針菇，炸支竹，泡麵，鳴門卷同埋青豆角，要一次過噏哂出嚟真係連氣都喘埋。個鍋嚟到之後滾多一陣就可以先試一啖麻辣湯，嗰陣刺激嘅味道完同我喺台灣食過嘅一模一樣，個麻辣湯味道夠哂開胃；跟手再試一啖牛肉，充滿著香濃嘅麻辣牛味；個麻辣餃好搞笑架，有啲似長條型嘅魚皮餃；沙白粒粒都脹卜卜，入面完全無沙架；而炸支竹同埋泡麵就索盡麻辣湯底嘅精華，我要再嗌多一個泡麵先至滿足；由於我鍾意食淋啲嘅菜，去到差唔多食到一半先至夾嗰啲娃娃菜，青豆角同埋

上星期同姨甥女去咗科學館木乃伊，睇完玩完好肚餓， 就帶咗佢去金巴利道嘅 《8鍋臭臭鍋》 打返個台式邊爐。一入餐廳就可以感受到嗰種台式風味，台式臭豆腐嘅香氣彌漫著整間餐廳， 令人有如置身體台式夜市之中。由於姨甥女都食到少少辣， 所以就叫咗個招牌臭臭鍋小辣一齊食。 呢個鍋入面嘅材料非常豐富， 有極具台灣風味嘅臭豆腐粒， 仲有小朋友最鍾意嘅鵪鶉蛋同鳴門卷。 而我最鍾意嘅就係裏面嘅豬紅， 口感爽滑彈牙，又唔腥。 另外仲有大量嘅蔬菜， 非常之健康。 金菇同埋娃娃菜吸收曬臭豆腐湯底嘅精華， 非常入味。另外再加多一個台灣特有嘅科學麵， 即係即食泡麵。 呢個科學麵滾兩下就食得， 口感非常煙韌彈牙， 姨甥女多大嗌要encore。另外呢度仲有幾款自助醬料， 無蒜不歡嘅我當然就最喜歡蒜蓉醬啦， 另外仲有沙茶醬同埋自家調配豆瓣醬， 豆板醬味道帶甜， 甚有台灣風味。另外再叫咗一客小食炸花枝丸$38， 花枝丸炸得金黃香脆， 點埋無人不歡嘅泰式雞醬，份外美味， 花枝丸爽口， 而且一啲都唔會粉， 無論大人細路都咁鍾意。最後就叫咗杯台式特飲【盆栽奶茶】$30， 呢杯盆栽奶茶非常出色， 奶茶採用咗台灣風味， 而且亦唔會太

琴日見完客，自己一個人行街搵野食啦！ 本來想係金巴利道搵間韓國餐廳嘅，點知意外見到呢間台式火鍋，勾起我嘅打邊爐癮臭臭鍋真係臭架！！！ 係臭豆腐嘅味，但無咁強烈嘅。豬肉片大塊好食有豬大腸、豬紅、米血糕同臭豆腐。話說我第一次見到臭豆腐「本人」，平時係街邊都係烤完嘅，當我夾白雪雪嘅豆腐時我無諗過佢食落係臭嘅！！！米血糕都處理得好好，無腥味 唔苦。個煲有好多料，成日撈到唔同嘅驚喜咁幾得意喎又跟餐加$12可以將飯/粉絲轉成滷肉飯。我見其他食評嘅滷肉飯係有肥豬肉嘅，我呢碗就偏瘦，但都好嫩口多汁，成碗都係滿滿嘅滷肉。真係要轉呀各位！！！ 坐我隔離果個客人無轉 都好後悔。金柑檸檬梳打都幾好飲， 酸酸甜甜，最緊要係無乜冰又大大杯餐牌附上醬汁嘅完美比例，我跟住黎整 又真係幾惹味喎！ 但本身個鍋已經好夠味，唔點醬都得呢間真係幾有特色！香港少見，自己一個人黎食都得

係台灣食左一次一人一鍋的臭臭鍋後，好想再食過，同朋友傾完知道香港都有，就即刻決定黎試下！一去到見到人龍好長，不過實在好想再食既關係，決定等到有得食為止XD結果等左一個鐘左右先入到去，結果都算值得既～依幾杯係我地叫左既野飲，都好有台灣風味，比起係貢茶買既好飲！鍋果方面，每一個鍋野食都好多，個人黎講食一個鍋就已經夠哂飽但我朋友話唔夠飽，而加就再加多碟肥牛同鹽穌雞，質素都幾好嫁依餐真係食得好飽，比起出面打邊爐質素好，又可以自己選返自己想食既湯底，幾唔錯，值得試！

前兩日同媽媽一齊黎試試呢間openrice排名頭幾位嘅餐廳究竟有咩咁吸引？見到咁多鍋真係心大心細呀！！好彩menu有提到鍋嘅配料其實每人一鍋係岩岩好的，不過我媽食量細，我就決定叫一鍋再加多點配料。我地叫左酸菜羊肉鍋，小辣。 見到滿滿不同嘅料好興奮仲有隻生雞蛋係入面滾緊。 湯底少少酸，帶有甜味，同平時食米線嘅湯底唔同。羊肉片帶有少少羊膻味，大概有5-6塊，我媽媽同我都好鐘意！所以加多左一客羊肉$48同一客牛肉$48，一客肉都有10幾塊娃娃菜、豆腐都好入味！可揀飯/ 粉絲，或加$12升級做滷肉飯，我揀左粉絲。 粉絲落左一陣就淋晒，加少少湯，好好味！飲品叫左幾得意嘅盆栽奶茶（熱）原來佢係裝係膠杯入面嘅，我打開蓋只見到朱古力奶本來有點o咀，原來好戲沉底了！！ 要用飲管攪攪底部，有好多orea 餅碎 飲落唔錯！唔會太甜建議：假日早d去食就唔洗排隊了！ 我6點到就有位，7點已經full了

尋晚同老公去呢間open rice 上好評如潮的台式鍋，去到差唔多7點，場內已差唔多滿席，但好在唔使排隊即有路，點餐外才發覺門外已出現人龍。好在我地早d過到黎開飯不同如之前食的港式一鍋邊爐，佢係一鍋上，但內已經有齊材料，如果覺得唔夠就另買火鍋配料，本身想加牛肉，但現場見其他人都冇另加就決定等d野食般度再決定。我點左個招牌臭臭煱加粉絲，中辣，老公叫麻辣煱，另加12蚊轉肉燥飯，再加杯蜜桃茶28蚊。煱內每樣食材都簡單，但個湯底有特色，而且一人一煱，方便快捷。 本身所有食材已經煮熟，用煱上只是keep warm 同有feel d, 咁樣客人唔會坐好耐，自然可以做多幾轉生意湯底係靈魂，超好味，配料普通。但百幾蚊又飽肚，香港已經好難搵

班frd成日話要去食咩臭臭鍋, 我個陣成日都唔明點解一間餐廳要sell自己D野食臭, 咁樣好咩? 約左成個月終於就到時間去食, 一去到我見到鋪頭出面排曬長龍真係呆左, 即刻問我D frd而家潮流係咪興臭, 佢地竟然一個不屑既嘴臉答我話呢間野好出名嫁你識D咩呀, 我真係唔敢相信。等到我就黎餓死終於到我地, 我個陣塊面已經黑曬同我D frd講, 如果唔好死你地就死得。一入到去即刻覺得呢間餐廳冇對唔住佢個名, 個陣"臭"味真係充斥住成個環境, 加埋我等左成半個鐘勁, 真係好想快D試下到底佢食落有幾臭, 見佢餐單有好多款鍋, 除左佢個招牌臭臭鍋, 仲有好多其他款例如係台式麻辣鍋, 芝士牛奶鍋, 藥膳羊肉鍋等等。我第一次食緊係要試下佢個招牌鍋啦! 佢D鍋都幾豐富, 除左有肉有菜, 仲有其他好似係大腸呀米血糕呀粉絲等等。D配料原全吸收曬湯既精華, 食落佢個味道真係冇得彈。我仲升級左要個魯肉飯, 個飯同我係台灣食個D飯既味係一樣, 夠曬地道。除左我地自己一人一鍋, 我地仲嗌左其他配料同小食, 有羊同牛肉片啦, 麻辣臭豆腐啦, 炸花枝丸等, 最值得推介既一定係鹽酥雞! 咁同底個味係點? 我只可以同你講

從彌敦道走進金巴利道，經過一批婚紗店，走到盡頭是食肆林立之地，中西日韓美食應有盡有。這晚獨自用餐，決定到>>>8鍋臭臭鍋<<<來一客「自私火鍋」。這是來自台灣的美食，其招牌臭臭鍋以台式臭豆腐作招徠，所以店內氣味甚濃，對此在意的話或宜三思。 餐廳供應九款火鍋，各有特色，這次冰所選擇的是限量供應的原創南瓜窩(HKD108)。 這個南瓜鍋是餐廳台灣總店鎮店之寶，比臭臭鍋更早推出，每天大廚以原個南瓜肉炮製，極具特色。雖說是一人火鍋，但配料極之多，當中除了南瓜，還包括娃娃菜、青豆角、珍珠筍、西蘭花、芋頭、沙白、香菇、蕃茄、赤目魷魚、貢丸、鳴門卷、白豚肉、粉絲及炸支竹。每款火鍋均可配白飯或粉絲，當刻不太肚餓，故點了粉絲。各款食材中，冰最喜歡富咸香的赤目魷魚。 整個火鍋配料很是雜錦，南瓜香味挺不錯，適量沾些調味料(餐廳建議是三匙沙茶醬/豆板醬+兩匙豉油+一匙蒜蓉)，火鍋料的味道更佳。 飲品方面，冰選擇熱的盆栽奶茶(HKD30)。奶茶甜度適中，加入餅乾碎，口感很有趣。比較失望的是以外賣紙杯盛載，未能從旁邊仔細欣賞盆栽之美，而且熱飲杯蓋卻配搭粗飲管，結果是