8度餐廳

之前電話預約了晚上6時入座。但早了半小時到達，服務員很有禮貎地表示可以先入座但自助餐6時才開始，抵讚！可能我們早到，起初也沒什麼人。可以慢慢試不同的食物。生蠔：好細隻 即場開 但只有一個服務員慢慢地開 人多時要慢慢等佢開燒牛仔肉：好好食，肉多汁。有燒汁和黑椒汁可選。三文魚刺身：唔夠肥美，不合格。蝦和長腳蟹也很新鮮美味還有很多菜式和甜品也很不錯，但當時只顧吃都忙了影相。朱古力蛋糕很美味，可惜沒有影相。到晚上8時後很多人了，建議早些少入座。總結：食物和服務都不錯，有機會會食多次。

今曰試咗佢個Brunch buffet, 一般酒店buffet有嘅食品佢都有；冷盤有沙律、蠔(無試)、蝦等等；hot dishes 有羊架、燒牛肉、京都骨、新鮮魚、水餃、奄列等等；有厨師即整sushi！甜品有幾款cakes、仲有格仔餅、chocolate fountain等等冷盤選擇不多、加埋都應該無十款，會係較少種類。但本人對冷盤興趣不大，所以我覺得都足夠。hot dishes D curry唔辣，但其他都幾好，選擇同樣唔多，但係都好夠食；要讚嘅係大部份都擺得好整齊，而唔係一堆堆咁由得你夾

同屋企人 親戚提早做冬貪呢度又平又就腳 係正屋企隔離又掛住海逸個名 應該無死既結果好滿意 蠔有兩款 一款係美國 一款係澳洲一款比較creamy 海水味濃d一款比較清甜不過對我黎講兩樣都好食一開始先食一打!食完蠔就食長腳蟹 佢refill完之後有好多蟹鉗每一條都啖啖肉 而且唔係一味死甜 正呀!唯一有樣唔好處既係一台只有一把鉸剪問waiter要多把佢就話佢地都唔夠鉸剪如果成台一齊食蟹 真係爭到打崩頭都似食完前菜就開始食正餐熟食方面唔算好多野 不過都夠食辣酒花螺辣到喊長通粉唔錯不過唔夠熱小龍包普通火雞鞋又無味燒牛肉"un"又鞋泰式炸雞算滑羊架口感幾好 不過唔蘇 我覺得羊要有羊味先叫好食 冷盤既火腿同雞腎幾好食不過鵝肝同煙三文魚既味道就好怪...所有魚生我都無食因為我食完長腳蟹果陣已經無晒赤貝 佢話唔再refill 果陣先8點幾9點 有無早左d最後食甜品雪糕同水果 甜品全部都幾好食如果要揀特別好食 應該就係朱古力cake雪糕得cookie,coffee同vanilla無最好食既stawberry>< 美中不足...至於水果 無咩特別 唔甜環境方面唔錯星期二 唔太迫個場細

生蠔，分即開及一早開定。即開，有鮮甜味﹑海水味，冇苦味。不用落醬汁，只落小小檸檬汁，已經超級好味。必食。一早開定，大隻一點，有點腥。長腳蟹，好鮮甜，必食。鮮果拿破碖，鬆化，必食。其他大路食物：刺生﹑熟食﹑甜品，都吾錯。不過，地鐵吾到，又冇巴士，交通極不方便。若非即開生蠔﹑長腳蟹是回本之作，要＄４ＸＸ一位，吾需要去咁遠的地方。

12月23號同呀爸呀媽&個囡齊齊去食個 Happy Christmas Lunch ar~點知12月頭做 Booking比埋 Credit Card佢12月6號已經過數$500 Deposit... 但無人回覆我Conform我OK未！我分別在12月8，11，15號打去問都係話 fax太多會遲D回覆！直至到我太擔心20號再打去問... 才知道原來佢地搞到錯晒！將我 Credit Card過數放咗落去第2個人嘅Booking！即係就漏咗我Booking ！所以一直都無人通知我OK or Not！唉～算啦！都唔緊要啦～最重要係有位... 老人家有得食又開心！酒店都為此事多比我5%折扣由原本9折加到即85折！唉～又點知埋單時又錯！見到佢計3個大人1個小童...但唔記得打85折！叫佢地Check返Booking嗰邊係有比折架～改完睇到有打折就比Cash埋尾數啦！點知尋晚攞返張單出黎睇... 唉～原來係一錯再錯！張單係改咗有打到折！但係仲連人頭數目都改埋呢由原本3個大人@$278﹠1個小童@$198改完張單後變咗4個大人！點會咁架～見意各位朋友去呢間酒店千萬要睇清楚再睇睇睇...多幾次！！！！

跟朋友團購了HIGH TEA 的TEA SET…. 所以來試試這是一間在舊區的新型酒店 附近環境一般但酒店的裝潢不錯 水晶燈很美 地方乾淨整潔侍應生們的服務很好 有禮服 又有耐性點好了餐飲 過一陣子侍應生就為我們送上TEA SET一個是傳統的英式茶點的擺盆 用了三層架分類擺放一個是用兩個長盆子擺放著 感覺沒那麼豐富最先吃的咸點:: 有三文治和春卷, 味道不錯!!中間的餅:: 有好吃的SCONE – 配上Cream Cheese來吃, 好棒喔!! 還有味道還可以的藍莓Muffle, 口感不太好還有士多啤梨酒雪糕, 不錯! 只是雪糕溶太快~~最後的是Jelly杯, 水果 一般般囉… 沒特別!!

流行o既團購,連tea set都有得賣...見60蚊一個英式tea set...都忍唔住買黎試下啦~~好唔就腳咁黎到8度海逸酒店,唔係一間好高級o既hotel...其實土瓜灣有間酒店真係有d奇怪架...tea set三點開始,我地兩點半去到未可以開始食,好彩都可以比我地坐,叫住杯野飲住先~~ 好攪笑,8度酒店杯水都係8度斜斜地架,特登架?好喇..到左三點,d tea set都出來了...發現周圍台台都係食同我地一樣食個set...團購o既魔力真係大...因為三層盤唔夠關係, 一台每兩份只可以有份有盤,另一份就要用普通碟上..個tea set真係好迷你呀...三層盤都係特別"的骰"呀...有生果啦,好少可tea set有生果,都有少少特別...一個scone, 平時tea多數有兩個,就粉左d,兩件mini 三文治,碎蛋同芝腿,春卷一條, 甜品有三色啫哩杯,蛋糕同雪糕...一人食晒一份set係冇難度,亦都唔需要餓住當正餐咁食...,有杯餐飲,正價係108蚊, 我地而家60蚊都算accectable, 其實個tea都真係削左d...味道一般啦都係抱住團購心態,便便地黎試下...60蚊加埋一,

黎呢度食Birthday Dinner Buffet，氣氛環境一般，但以$330一位酒店buffet，有生蠔長腳蟹等，食物質素算OK～算係咁！*裝潢尚算特色，唯坐位設置有點兒迫，眼看當晚也全場爆滿。*生蠔有為種，一種有人員即開，一種已開好，我覺得人手即開比較淡味。 但總算2款彼新鮮，不過不失＊還有其他冷海鮮，長腳蟹超鮮甜＊其他特式冷盤不錯＊魚生件數多，新鮮，不錯！！＊甜品幾好，SUPRISE是有熱烘烘的“一口萄TART”＊回本之選!！！正!！！

呢期做緊"澳洲和牛刺身及即開生蠔"主題, 有專人即開生蠔, 亦有一半係為心急既人開定, 等人拎, 我2者都試過, 即開生蠔係好咪D, 已開既生蠔會大隻D, 但比較腥, 即開會淡口鮮味D。 澳洲和牛刺身初初就一碟2件, 到後期就一碟1件, 味道都OK, 算新鮮既(解凍得夠, 冇雪味, 哈哈)甜品方面人地話最出名係芒果拿破崙, 的確係幾好味, 而且芒果都好甜, 但我就覺得個酥皮可以再鬆少少就好喇~仲有個燒牛肉, 平時D BUFFET我真係唔係, 又硬又冇味, 但呢間就好正, 好"淋" 又入味~總之整體黎講食物都好掂, 係地方偏僻O左少少, 好在就係佢有免費穿梭巴士, 由尖沙咀既九龍酒店對面上車, 直到8度酒店都係12分鐘, 班次可以上酒店網頁參考

一年一度球隊慶功宴昨天在8度餐廳舉行，抱著信心步入餐廳，最後抱著肚皮離開﹗餐廳內部裝潢優雅，提供良好環境予顧客。食物選擇亦夠多，食物質素是我食過多間Buffet以來最高一間等齊人，7點正開始晚餐‥‥‥其中海鮮以生蠔較出眾，有兩款選擇，兩種都鮮甜味美，唯留肚食其他。因此，食左一隻咁大把就收手另外，三文魚刺身亦十分出色，層次分明，又是深得眾人歡心的其中一款。而沙拉在開始都食左少少，幫助開胃。熟食每款都有試，大多都好好食，食得出廚師的心機﹗到甜品方面，亦是種種試一試，當中芒果拿破侖最好食﹗一連食左三件。另外，HD雪糕亦是不可錯過，不過因為太飽，所以只係食左一杯。隊友的食量，我十分佩服

土瓜灣傲雲峰隔離的八度海逸酒店，差不多營業了兩年，聽說他們的自助餐，價錢實惠之外，亦有相當的質素，不過我一向對自助餐興趣不大，雖然距離在下寒舍不遠，但從沒來過。這晚友人在此訂了位，反正是夜沒節目，便來試試。聽友人說，此酒店的自助餐很受歡迎，非提早訂檯不可。果然，晚上七點未到，差不多全場爆滿，在一個位於舊區，兼且不在港鐵沿線的酒店自助餐，是一個奇葩。整間酒店的設計概念，是用上傾斜的設計，餐廳內的柱躉是傾斜，連水杯也是傾斜設計。近月此自助餐是以澳州和牛，和長腳蟹掛頭牌。安頓了之後，便走出去頭盤陣看看，有什麼東西可吃。凍蝦，青口，翡翠螺，是基本動作，但質素一般，青口只有肥厚的肉，但沒甚味道，翡翠螺較爽口，沾些醬油吃也有點鮮味。生蠔是大多人上酒店吃自助餐，兵家必爭之重災區。此生蠔吧有分即開，和一早開定。如果是即開的話，蠔會比較細小一點。品種是什麼就不得而知，但不論是即開與否，生蠔還是有一陣苦味。其中一位友人的生蠔，更積聚了污垢。刺身方面，三文魚沒有吃，吞拿魚和油甘魚，雪得鮮味全無，感覺很硬。反過來的赤貝，鮮味又爽脆。主打澳州和牛刺身，肉質嫩滑沒有渣，和牛的肉味一向不甚突出，這個也不例外。與荵花

母親節當然要宴請媽媽,做個孝順仔啦首選火車站海逸酒店,因食物幾好,地方大,環境唔錯,價錢都OK細妹話訂位由佢負責,錢就我比,OK成交出事了,當曰中午有位小姐至電覆實人數時,才知訂錯酒店,大佬呀!!!土瓜灣得唔得呀?即睇食評啦,都冇信心好唔好母親節四圍都爆,一行五人早少少去到,睇睇什麼環境先,大堂幾靚,但老人家話有少少唔舒服,可能斜左D,入到餐廳,心想中蕉得十幾個客人,先行一轉睇睇食物,都OK,地方唔算大,門囗位小姐有禮貌地帶我們入坐心想母親節都唔爆,好極有限,算把啦,無謂兩老周圉走,都是一動不如一靜首先主攻Oyster,原來係即開,新鮮,要讚,到我至愛魚生,三文魚,甜蝦 Very Good,估唔到D魚咁爽更加估唔到就係到我食蟹爪時才發覺人山人海,天呀D人幾時入來呀,咁多人咪要爭食,即攻魚生,Oyster 排完魚生排Oyster,個肥仔師傅幾得意有禮貌 ,蟹爪就要等,眼見得3位師傅加野,供不應求,要改善由生牛肉到燒牛肉至羊排(爸爸至愛)都有水準,數落熱食都有十幾款(多過尖咀D酒店)咖哩魚旦都有,但點解同其他咖哩分開放架,中式菜比其他酒店多,好味母親大人話炸矮瓜好好食,但到我出去時己轉左肉

上個月在團購網頁以半價訂購了一磅芒果拿破倫, 9天前打電話去訂, 要母親節那天拿, 怎料那職員( 說流利英語的) 打返比我, 說5月7日&8日兩天的quota已滿, 我不能訂, 我在電話與他理論和爭取了一輪, 他說會嘗試同個chef傾下, 再回覆我, 過了幾個鐘頭, 他告訴我他成功幫我爭取到多一個額, 我當然連番多謝他, 我最後都能夠在母親節當天拿給我媽媽吃, 芒果拿破倫是我媽的至愛, 這個蛋糕真的十分好味, 我覺醒唔止重一磅, 因為蛋糕上面鋪了6大片芒果 (肯定用了3大個芒果), 每一片芒果都勁甜勁多汁, 每一層酥皮都勁脆, 那些吉士又不會太甜, 蛋糕邊又勁多杏仁片, 整體來說, 好好好味, 我覺得好味同抵食過天后那間 Mimosa Patisserie, 不過, 這間酒店偏僻左D, 我在北角碼頭坐船到9龍城, 再行10mins才到, 但我只用了$84 買, 就算坐的士去都抵, 嘻嘻!

呀媽提早同我去食生日飯…咁聽朋友介紹"8度"依間野都唔錯，咁就抱住去試既心態去食啦~!!入座後首先主攻生蠔…點知開蠔c傳每開一隻竟然要先聞一聞先=.=唔係掛...咁樣既做法，je係話d蠔都唔係好新鮮架咋啵=.=拎到返埋位一食-0-冇味...又唔鮮~所以都只係拎左兩次就冇再食啦... 之後到刺身…望落去款式好似好多咁…但係當一款冇哂既時候，係等成半個鐘都唔去添加甜蝦食唔到鮮味~而出奇地食到超甜好似浸完糖水出黎咁...另一主打~和牛刺身都真係好一般囉 (重有丫~拎刺生個d所謂既c傳係超級冇禮貌囉…俾野個客好似掉俾你囉~我都要俾錢架~搞到好似乞衣咁丫)食自助餐都總有一款牛肉食既…望落去都唔差架個樣…重幾吸引tim~點知...一食落口苦到想嘔都唔知咩事~真係超唔掂囉~成晚最見得人既就係個雪糕~我真係未試過去食自助餐會主攻雪糕囉~哈哈…真係咩都要有一次呀~!!望到最後既熱門選擇：(長腳蟹)真係想講...又唔係咩特別既…點降成日都放得咁少出黎…行遲兩步都見唔到有蟹既蹤影囉~總結就係：超級唔掂…(但有樣野值得讚既就係個位開蠔既c傳開足成晚蠔都依然好有禮貌同埋個位巴基斯坦藉既c傳…真係值得加許~

我係透過家人先知有呢間野的存在. 我都唔知土瓜灣開左呢間酒店. 睇到openrice 先知開左間酒店. 人地話好食. 價格都唔便宜. 每人都3百五十幾.. 太貴了~ 起初都想轉第二間. 但有openrice coupon 八五折. 計過同marco cafe差唔到. 咁就訂枱啦.. 早五天前打去訂. 聽電話的人唔多識聽中文要重覆講幾次佢先幫我落Order. 今晚去到土瓜灣. 行入木廠街. 都唔多覺有座酒店. 原來佢外形很不起眼. 不過去到酒店大堂. 又唔失禮. 都幾靚，自助餐環境好寧靜, 位子不迫., 場地幾大. 食物見到都好多款開始了，出到去見到魚生枱. 有五六款魚生. 呢度有. 一檔煮noodle的, 一檔切燒牛肉的.細佬話有點酥. 老豆好Like, 一檔專人即開的生蠔 (係由一個好似阿叉的服務員負責) 家人勁讚生蠔,又大隻新鮮及肥美.熱盤有中西式. 意粉. 飯, 小龍包樣樣齊.總共有十多款~ 不停refill 不停轉款. 味道合乎滿意. 沙律及冷盤小食共有十款. 並擺了多款醬料提供. 一個好大的海鮮檔. 有多款海鮮. 長腳蟹好大隻. 不停供應. 差不多幾個字就有人搬