8度餐廳

味道:海鮮吧主打即開生蠔及長腳蟹，生蠔見住佢即開，食落非常鮮甜，入口微咸好creamy，長腳蟹好大隻，肉好厚，仲有少少海水味，另外有大蝦、海螺同青口，味道還好。呢度嘅魚生驚喜地新鮮，特別推介甜蝦＆八爪魚，甜蝦細細隻，好嫩口，甜度啱啱好，八爪魚好爽口但又唔會韌，三文魚、吞拿魚＆玉子可以一試。熱食平時少掂，今次試左避風塘炒長腳蟹，咁樣食蟹腳都係第一次，幾香脆可口，辣酒煮花螺好惹味，螺肉幾爽口，唔會話太辣。印度咖喱有羊肉，又幾啱口味喎，羊肉煮到冇蘇味，唔會好似平時印度餐果啲咁辣，最中意配印度拉餅或者薄餅一齊食。罕有鵝肝配黑松露汁，聞起來味道好濃，食起來又唔會話好重口味，好快就沽清，原來係限量供應架! 真好彩~~ 燒牛肉係即叫即切，一片薄薄嘅，肉質厚實。甜品有好多款，款款都好靚，眼闊肚窄之下試左最出名嘅芒果拿破崙＆芒果蛋白卷，果然名不虛傳，custard cream打得香滑細密，甜度啱啱好，雜果jelly個樣好得意，一食果陣覺得味道有啲怪，苦苦地，但食多幾啖，幾種生果同jelly一齊入口，又幾特別喎。服務:waiter帶位&收碟、食物refill算快。抵食:食物種類都幾多，各國美食都有，味道中

食物:-生蠔真係唔得, 唔止唔凍還是暖的, 我已經是在他們剛剛拿出來是取, 生豪唔凍真係好多菌, 請酒店多多注意-雪糕, 因為我見到以下食評所以打過去HOTEL問雪糕情況, 而酒店答覆會轉回hazzan daz雪糕, 但我們昨天去都是沒有轉-V8果汁是就到期才會SPECIAL OFFER, 我看過罐底EXPIRE DATE 是 8/21定8/22,-食物REFILL都OK快-凍蝦有D腥-食物種類都唔算太小味道都ok, 不過全部都係好港式-杏汁糖水真係唔得, 用杏仁霜沖的-羊架 好食地點:團購是有註明宴會廳, 不過我估大家都唔為意, 我都係買左打去BOOK位先知道,不過感覺好怪好似去左飲宴服務:服務都ok, 收牒都好快手P.S.如果真係再有團購我係唔會買, 因為九龍香格里拉平時BUFFET白金卡都係300幾, 又坐得舒服食物又新鮮些同埋係cafe又唔洗宴會廳, 所以以后有buffet 團購我都唔會買無論甚麼酒店

前陣子妹妹看見網站有團購,仲講到獨家做團賺好抵食咁.望過下D食物覺得OK,加上媽媽生日的大日子有得訂枱,於是就訂了這兒作為媽媽生日飯的地方...6時左右便到達,由於之前未來過吃自助餐,所以根本唔識地理位置,只好取出團購COUPON給酒店員工,他帶我們去搭電梯,說到一樓出便是了.一出到電梯有古怪..點解同平日食自助餐地方唔同的,原來是安排了去宴會廳吃..入到去時感覺怪怪的,因為未試過是這般吃自助餐呢由於早到關係,唔算太多人.第一件事去取生蠔,龍蝦仔,青口,蝦和螺...基本上除了生蠔我覺得OK外,螺是好吃外,其它的都好一般,無乜味道的至於沙律,有羅馬生菜,紅葉生菜,薯仔沙律,蘋果菠蘿沙律,車厘子茄,粟米雜椒沙律,煙香早三文魚,翠綠鮑魚雪耳沙律部份沒有吃,因為某些沙律可能太耐無人食,有生水情況出現,我怕肚痛,所以都係望下算數.不過,我有吃翠緣鮑魚雪耳沙律,雪耳爽口,可惜唔夠凍....煙三文魚都OK,如果再肥美D更好湯是日老火湯,都唔知乜湯,因為你完全唔覺得飲緊湯,似係水加鹽,我的妹子還說似煲完雲吞的水,無言..至於意大利雜菜湯,無飲,只因本人一向對紅湯沒有興趣..日式:雜錦魚生有8款:我記得

今日突然間興起想飲茶，某日睇雜誌睇到話8度海逸有得食點心buffet，$118點心任食，平時其他酒樓食晏飲茶,閑閑地平均消費都過百，依家仲有埋炒粉麵飯、甜品任食，一於決定提議同事一齊去試下！ 入到酒店，d裝修好特別，職員個個都好好笑容好nice，有求必應，又幫我地安排左個靚位。入正題啦! 點心嘅選擇有十幾款。蝦餃包得好精緻，皮都幾薄，入口彈牙兼爽口；蟹子蝦肉燒賣，蟹子舖滿粒燒賣；即煎蘿白糕，完全唔油膩，好清甜，唔厚粉，食落去軟綿綿，原來用有機蘿蔔，值得encore! 秘製茶葉蛋醃得好入味，茶葉香料精華滲透晒入隻蛋度。另外推介雞絲春卷、金箔叉燒酥, 好脆, d餡料好豐富又唔會好重口味。炒飯中我最中意欖菜蝦乾瑤柱炒飯，啲飯粒粒分明，滲透晒蝦乾瑤柱嘅香味。甜品有8款，葡撻、斑蘭雪坊蛋糕、芒果moose杯、豆腐花等, 食得出係用心之作。Waiter們做野好快手，不斷為我地收碟同加茶，又問我地d野啱唔啱食，完全感覺到顧客至上嘅感覺。$118咋，一定會再來~

8度海逸好差, 在yahoo團購7折訂購8月3日 (SAT) dinner buffet, 咁諗住平時有85折, 團購7折平少少都好...點知間野好過份...入座竟然不是坐提供buffet 地下的cafe, 而係另外安排1樓宴會廳...好似食"到會"咁, 食物質數差, 食物款式少而又不太好食，又沒有地下cafe提供的鵝肝, 又無新鮮甜蝦, 好多都無....連雪糕都由haagen-dazs轉為勁cheap的雀巢牛奶公司單味, 仲要細細杯得雲呢拿, 朱古力及芒果三隻味, 甜品又超少款式....., 價錢不值團購價$370一位...., 仲要唔包餐飲要另外叫, 一枱10人食到好無癮...我不會再來了。

Thanks to a friend for these delicious cookies.★☆★☆★☆★☆★☆★☆★☆★☆★☆★☆★☆★Chocolate and almond cookies:As you can see, it was loaded with lots of almond in it.Each bite was delicious with a good crunch of almond combined with a strong cocao taste.★☆★☆★☆★☆★☆★☆★☆★☆★☆★☆★☆★Palmiers:Compared to other palmiers, the size of these were much smaller which was good because you can pop them in your mouth without breaking them.They were crisp and buttery with a delicate flakey texture.★☆★☆★☆★☆★☆★☆★☆★☆★☆★☆★☆★

吃了那麼多的酒店自助餐，印象中是從未試過感覺如此不爽....那麼是那間酒店讓我有如此感受呢 ?答案便是.....那一天相約小友的舅父舅母及另外兩位朋友一行六人到來吃週末的點心自助。一早已與小友首先攞位，但與reception道明來意後竟說位置是沒有被訂下 (但明明舅父仔早說已訂的).....及後再與另一位小姐確認一下，卻又說可以了.....未吃之先，已給自己留下一個不好的印象了....初時諗住等齊人先出去拿食物的，不過當聽見侍者說可以開始時，馬上看到一大羣像蝗蟲的東西蜂擁而出去搶糧....當小弟再出去時，所拿到的，就只是一隻空碟.....看到好一些來自外地的西方遊客可憐兮兮的拿着碟子望着那堆被搜掠一空，同樣空空的蒸籠，再看看現在傻楞楞的自己，真有點身同感受....大人可以忍受一下肚子餓，但小孩若等得太久的話那就弊傢伙....而且最弊的便是refill速度是奇慢的，雖有云即叫即蒸是需時的，但很明顯地這裡的效率是出奇地超龜速的，酒店方面似乎是太低估了食客對點心的需求及熱情了....最後過了差不多半小時，我們才能夾到一些東西回來....問你死未 ?性格一向較火爆的舅父仔姍姍來遲，一看到如斯狀

第一次試，因為呢度都算係新開，新開有度好，就係就算啲野食一般般，地方環境點都唔會太差。呢度都一樣，雖然地理位置係普通，不但算係咁啦，揸車是有免費泊車，正路的！所以幾好！不過我地見就算是撘巴士附近都有站，所以ok，事實上tokwawan是個方便的地方。去到個lobby就真係一般的，較細，但只睇餐廳環境係幾好的！食物，幾好，講下較重要的，呢個價錢，中午自助餐有生蠔的唔多，呢度有，仲不停refill，雖然未至於好新鮮好有味，但至少唔係唔新鮮！之後有刺身，幾款，三文魚，吞拿魚等，正常味道，吞拿魚都正常係唔係特別好，正常情況下自助餐的吞拿都係一般。。之後呢度有即燒食物，蝦，雞翅，羊，幾好！其他熟食其實算少，但唔明點解有幾款咖喱。。攪笑！甜好，款算多，大概有10款，芒果拿破侖值得一讚，海逸都是出名這樣！呢個價絕對值得一試

第一次就黎食一人high tea, 每人一架好得意最上層是cake 有芒果拿破侖、朱古力cake、仲有兩個唔知咩cake  但最上層整體都好好食中間層是咖喱角、春卷仲有一樣不知名食物 整體一般最下層個蛋撻好Q好食 直得一試的High tea朱古力CAKE有少少酒味, 好鬆軟!最底層個蛋撻仔好似葡撻咁~個STRAWBERRY CUPCAKES 好似細個成日果D蛋糕仔

8度海逸酒店位處土瓜灣九龍城道，可以話喺晌土瓜灣嘅篤篤邊，對區外人位置頗隔涉，不過，小弟家住美孚，有小巴直達酒店附近，咁又變得都幾方便。見佢做緊個團購：「$88 歎【8度海逸酒店】精選高級午餐！美國生蠔2隻或選泰式柚子沙律 + 是日餐湯 + 炭燒肉眼扒或選汁燒三文魚柳 + 咖啡或茶！星期一至六適用！」第一，心諗海逸酒店依個品牌都唔太差，前後都幫襯過幾間海逸系嘅酒店，如九龍海逸君綽、嘉湖海逸、都會海逸，印象都唔錯，尤其都會海逸個自助午餐好食到仲念念不忘；第二，既為4星酒店內嘅西餐廳，水準差整都有個譜；第三，$88就有齊前菜、餐湯、主菜、啡茶，仲無話收加一，加上餐廳一向食埋環境同服務，所以有信心個團購買得過。酒店餐廳一向主打各時段嘅自助餐，不過8度餐廳除一早一晚提供自助餐外，星期一至六都只喺做午餐精選，去到週日及公眾假期先推出假日自助午餐，相信都喺跟位置、人流關係。正因個團購星期六都可以用，所以趁星期六唔使再返工，可以同老婆嚟一齊輕輕鬆鬆嘆番吓！由於個團購大致都定晌一定範圍嘅選擇，所以唔使花太多時間考慮食乜，反而就好奇餐廳仲有咩午餐供應，就問侍應拎咗個餐牌研究一番。套餐形式嘅有「特式午餐精

我個人認為,一間餐廳的服務是十分重要的,就算食物一般但服務好的吧,也會令人留下好印象。相反,食物OK但服務差,我也不會考慮再來。早兩星期和友人來了這裡試這裡的團購下午茶,老實說食物是可以的,但侍應們確實未合格。當日客人不多,我們吃了大概一小時,侍應們足足傾計傾足咁耐,仲要係幾個圍埋傾得大大聲,連高級些穿西裝的都一樣照傾,有個仲傾得開心到講粗口。當然你講粗口唔係問題,但作為一間酒店裡的餐廳,絕對不應該比客人聽到,對不對?我也不是要求你有五星酒店的水準,但也不要好似茶記侍應那樣吧..我諗公司出得團購優惠就係想比客人試試貴公司的水準,希望客人試完下次會再光顧。但試過今次之後,我和友人都決定短期內都不會來了,寧願比貴d去返d有保證的酒店

朋友推介此餐廰自助餐, 是晚一試, 正值龍蝦主題每人憑飛一客雲腿龍蝦湯, 很濃味的湯, 絕不是稀的質地, 真的很美味, 半隻白烚開邊龍蝦尾, 略為過熟, 所以有點難取出, 肉質不會很鮮呢各式刺身是的確可讚的, 真的很新鮮, 很美味, 賣相亦很好!生蠔 - 肉薄但鮮味, 較小型長脚蟹 - 一隻都拿不到, 試過幾次都徒勞無功, 每次見師傅拿出一碟二十多隻的脚, 一放上冰面, 同一班為數4,5人不停地圍著搶, 防範著其他人, 一次又一次都爭不多一隻, 很失望, 有點兒憤怒, 是晚這班客人真離譜幾款美味熱食:- 印度幾款咖喱都不錯, 亦有脆及不及的薄餅- 蒜蓉焗青口, 香口美味- 豉椒龍蝦蚶, 厚肉鮮味, 容易取出- 牛扒carving, 生熟部分除客人點, 師傅切出薄薄一片給客人, 美味甜品:- 芒果拿破崙, 脆皮依然脆, 很多芒果, 果然有實力成為很多人的推介- Haagen Daz雪糕, 三款味道, 獨立小杯裝, 難得服務不差, 職員很有禮很有反應, 是晚真的很不滿意四周的環境, 十分嘈雜, 枱與枱距離很近, 客人多是嘈吵家庭, 搶食的人們, 很失望呢

第三次到呢間酒店食buffet,服務仍然保持水準,照舊早到5分鐘,一去到就安排入坐,坐定定等開餐,第一輪都係生蠔,凍蝦,蟹腳即開生蠔比較細隻,但好新鮮,唔知點解每次嚟呢間buffet,都好似無乜人食生蠔,唔使排隊,真奇怪,蟹腳就多人攞,但補充比較慢成日見到得啲冰喺度,蟹腳同凍蝦都鮮甜,蟹腳唔會好咸,跟住當然係刺身,三文魚,甜蝦同赤貝都係buffet中少見,但甜蝦較細隻,但師父絕不手軟,每次都有8-10隻,熱葷我又無乜興趣,試咗,煙鴨胸,切得太厚,但味道OK,呢期主題情迷龍蝦,點解我淨係見到炒龍蝦鉗,仲有每人送一份上湯龍蝦,味道真係一般,如果為咗龍蝦而嚟肯定劣評甜品唔使講,呢度至出名嘅芒果拿破侖,好多芒果肉真係好正,點樣好食法真係自己試過先知仲有個燕窩白朱古力心太軟,成匙羹燕窩,不過心太軟真係太甜,反而個蛋白杏仁茶幾好,我都飲咗幾碗,其它甜品都可以一試,今次多咗免費任飲橙、蘋果汁,餐後仲有杯飲品

由於有兩位同事升職, 所以一行12人去食lunch set一個set $128 有四款選擇(因為同高層去食, 唔好意思影相, 所以圖片欠奉)一開始waiter就serve with餐包 有暖暖的法國麵包同埋餐包湯就係紅湯 不過frankly speaking, 幾重味精...(因為之後好口渴)main dish order左牛扒, 我嫌黑椒汁太辣搶左牛肉香味不過medium就做得幾好...凍檸茶同cheese cake都頗一般 (後來聽返同事講, 今日個quality係差左少少...之前一直都好好)最最最推介的是special order by colleagues:芒果拿破崙蛋糕 真係好好味! 賣相又好~上層芒果有3大塊厚厚的唔在講, 下面4層cream同埋酥皮整得好好, 食完都唔會膩, 仲有一種清新感覺 nice lunch dessert for the day*

果晚係我媽咪果邊有個親戚攪婚宴，8 時入席。所以我哋就 7 點左右，喺 1 樓嘅 VIP 房。之後所有賓客就排隊同一對新人影相。期間……我哋見到有 D 賓客拎咗 D 好靚嘅 Cup Cake 入嚟食，於是我就問個侍應喺邊度有得拎，佢就話喺門口有張小食枱。跟住我哋就出咗去拎喇！因為我哋真係好肚餓呀！ 食完件 Cake，都仲未食得囉！結果……要 9 點鐘先食得嘢，簡直餓到想死。喺每味餸上菜嘅時候，就會先放喺另一張枱上面，由侍應平均分配喺碟上面，之後再拎俾賓客。一開始就食乳豬。一大塊肥肉喺度，好多油。然後就食「西芹珊瑚蚌」。全部都「凍冰冰」嘅。之後食「杏花球」，成粒嘢完全一 D 味道都冇，極之差！跟住就到「西蘭花炒魚塊」，碟餸又係凍嘅，完全冇味道。再嚟就係「紅燒竹笙雞絲翅」，只係得少少暖暖地。而其他嘅嘢食仲有：「翡翠鮮鮑片」、「清蒸大海斑」、「金牌脆燒雞」、「幸福伊府麵」同埋「鮑汁海皇燴飯」，整體以上全部嘢食一致都凍嘅，而隻燒雞就勁多油，勁肥。到咗最後……就有碗「蓮子百合紅棗茶」（係唯一一樣覺得好嘅），同埋「笑口棗」。