8度餐廳

我們一行七人到餐廳食自助晚餐,因為媽咪及奶奶都至愛自肋餐,原來長者係冇優惠價,所以都要跟正價,冇所謂啦,難得開心嘛!我同奶奶及老公,未夠六點已到達,看見好多食物都好吸引,生蠔係即開的,好鮮味但蠔身就比較瘦一點,我食了二隻便冇再食了.魚生又係好新鮮,三文魚,北寄貝,墨魚都係我嘅至愛,另外還有和牛剌身,但我沒有食到,因為是生的,我怕有一重血淋淋的感覺,但我老公試了二片,佢話都不錯,避風塘抄長腳蟹好野味,我覺得比冷盤的長腳蟹還好食,最可惜我掛住取其他食物,只食了老公給我的一件,當我想取時已再沒有了,因為這抄蟹只出了一次,另蝦餅同羊架都不錯,呢度最出名的芒果拿破崙蛋糕真係好好味,芒果好甜,我媽媽還食了三件! 呢間餐廳食物質素真係唔錯,直得一試!我們食飽後亦都賺不絶口,我老公仲問幾時再黎encore喎! 哈哈..

是日放假, BOOK左位同男朋友6點就黎食DINNER BUFFET, 正價一至四$418加一, 五六日就貴多少少$448加一, 我O係酒店門口睇到牌介紹的, 「春日可持續海鮮」自助晚餐XD, 可持續....笑了六點準時到左, 野食已放晒出黎, 人就未太多(因為我地早呢HAHA, 食到七點凌八點先開始周圍都坐滿人), 坐低左仲可以悠悠閒去個洗手間再出去揀野食, 出到去見到好多好吸引GE食物, 太開心喇生蠔吧: 有師傅長注即開生蠔, 可惜我同男友都唔中意食, 只食一隻就夠了 冷盤:長腳蟹好好味~~剪剪剪, 食食食, YEAH~~冷盤: 除左長腳蟹, 仲有蝦同螺蝦冇味ge, 螺反而好食d! 素翅: 我以為係粉絲沙律~~點知係辣油素翅, 好辣呀, 得個辣字刺身(甜蝦, 三文魚, 北寄貝) & sushi 甜蝦好甜呢, 北寄貝同三文魚都好味!sushi反而唔多, 雖然好食都有dd失望呢熟食: 燒肉眼(好味), 蝦, 避風塘炒蟹, 炸魚仔肉眼好好味喔~~如果你嫌肉眼生左d, 可d淋汁整熟dd再食, yummy!熟食 - 有羊架, 叉燒, 咖哩雞, 豬頸肉etc...羊架(相中右)好食喔 其他都可

10/12/13年同太太去食，諗住星期二無乜人，點知爆晒，仲要好明顯加左位，所以空間上係迫的，如果諗住舒適空間大的朋友，可以搵其它hotel吧!雖然空間細，但基本食物都齊，講返食物，無特別主題，只係promote法國麵包蟹，其實無乜特別，d肉又唔見得好鮮甜，係有d糕囉，我食一隻都無食了，但都幾多人攞，仲要排隊tim, 另有帶子食，但太多人排隊攞，等唔到。。同場有燒牛肉，同羊肉，不錯，牛肉燒得幾好，另外有長腳蟹腳，係幾鮮甜，多人攞的食品，係refill慢d.....sushi都係吞拿魚，三文魚,飽片等基本嘢，同放題quality一樣,一般啦。。。另有d東南亞熱食，乜炒蝦，炒雞肉等，其實唔太差，個乜炒蝦幾spicy,開胃ge。。。但另有咖喱牛，雞，豬等，我tried過牛，好un,唔得。。另有d香港美食，點心，避風塘炒蟹，同一d廣東菜等，食過少少啦，但無驚喜囉,太多了，好難樣樣食鬼晒。。。反而甜品都ok,d cakes唔錯，朱古力cake仔我食左幾種，同埋有hagen-dazs食下ma...788銀2個人，算係咁，btw, hotel係多強國人住,但同場buffet反而無強國人

喺Yahoo團購見到8度海逸酒店有high tea，而且仲要只係$88一位，未計加一。見到價錢都幾平又未食過，所以就買嚟試下。由於有book位加上係平日，所以去到立刻有位坐。環境地方都幾寬敞，已經佈滿聖誕裝飾我地見有冬日特飲，所以冇叫餐飲，加錢叫特飲，我叫了rose peach tea，男友叫了caramel latte，但latte唔記得影，另外，叫了半打生蠔，好似$160左右，價錢都可接受，而且生蠔都很生鮮。到個high tea三層塔，最低層係中式點心，鍋貼餃，炸蝦袋同一件麥樂雞，我真係第一次見high tea有件麥樂雞，唔係咁match，仲要無醬汁點，而本人不太喜歡用油炸的點心，而且兩個點心嘅皮都好脆，食到好大聲，我唔係咁鐘意，中層係煙三文魚開邊三文治，碎蛋三文治，葡撻，三樣都係普普通通，無嘜特別。最頂層就係我最期待嘅甜品，因為聽聞個蜜桃瑞士卷好好味。食落又真係幾好味，唔似出面食開d普通瑞士卷，蛋糕口感都唔同d，另一件甜品係芒果拿破崙同tiramisu，拿破崙個餅好脆，tiramisu都ok，可以接受  而伴碟係聖誕樹造型嘅曲奇，同一個好細個嘅蛋糕 整體最滿意嘅食物係生蠔同瑞士卷

與同事吃自助午餐，因今天我吃素，所以今次主要介紹甜品。其實這裏選擇不多，同事說細生蠔ok，牛扒唔錯、三文魚(非自助)入口即溶、味道一般的有羊扒、羅宋湯、火雞、涼了的小籠包。其餘款式有壽司、荷葉飯、幾款印度及中式熱盤，3款竟然是微暖的包，由於長期烘着，包底微脆；冷盤有蒜蓉鮮冬菇(菇頭淋滑,但只覺鹹味)、青瓜、幾款生果、3款牛奶公司雪糕等。說最好味的甜品有二至三款，芝士蛋糕是有白朱古力在面的那一款，芝士味屬濃，鹹味較重，夠滑，而另一款類似雲石芝士蛋糕，質感似剛提及的一款，沒有什甚味道！另一款好味的是焦糖燉蛋，呍喱嗱味，甜度適中，夠滑，可惜很早已只剩下一湯匙，沒有補充。至於芒果拿破倫，面層鋪滿芒果粒，鬆脆牛油酥皮，有二層吉士，但吉士我嫌不夠厚，相信只有芒果拿破倫及朱古力醬在面的朱古力蛋糕會補充，其餘甜品則輪流供應。普普通通的甜品則是，有芝蔴味蛋糕，夠芝蔴味；紅菜頭蛋糕，面層最紅部分是紅菜頭，偏甜，不吃這層，吃毛士蛋糕(夾雜小粒脆脆)似麥提沙味。另一款是面層鋪滿白碎朱古力及廉忌，跟着是似粟子味的廉忌蛋糕，牛油皮餅底(但不知是否放錯名品牌，說是白朱古力蛋糕)，這款只適合喜歡少甜的人吃，還有朱古力

小弟食過很多酒店的自助餐.但能配得上“窩心服務” 的絕對不多. 土瓜灣8度海逸酒店的8度餐廳絕對是窩心服務的其中一個例子.其中一次餐飲經歷令我畢生難忘.某天和朋友第一次到8度餐廳用饍, 當天是一個dinner buffet, 小弟猶記得當我還未正式踏入餐廳範圍, 已經有一位經理很親切地站在門口歡迎我們, 詢問我們“幾多位”, 這是很多餐廳都沒有的. 除了令我溫暖的服務態度之外, 8度餐廳的優點還不只於此食物方面, 當天小弟和朋友嘗試過幾款BBQ烤的食物, 包括大冬菇, 麵包蟹等, 事關本人十分鐘情燒烤食物, 而8度餐廳配上海鹽的食法更令食物鮮味帶至極致. 小弟惟一認為餐廳應該加設蟹夾, 方便食客, 其他小弟都認為不錯.甜品方面, 小弟必須激讚芒果拿破崙, 只是芒果新鮮又大顆已經值回票價, 個餅底十分酥化, 忌廉不會太肥, 總而言之是一樣招牌甜點, 單憑廚房同事不斷更換新的芒果拿破崙出來已證明了它的受歡迎程度,希望以後會繼續保留吧!

無意中發現有點心自助午餐的存在, 不過只做到15/12/2013 (原來是由20/05/2013開始)；我見價錢優惠(星期一至五 每位HK$118、星期六 每位HK$128) 便打電話去訂位。  酒店位於土瓜灣, 對我們來說是異常不方便, 因此順便問問餐廳那邊我們該如何到逹!   餐廳職員教我們到尖沙咀中間道去搭免費穿梭巴士 (哈~  我還是第一次在香港搭酒店車!! 不讓澳門專美!!)酒店已經作了聖誕節打扮, 大堂裏佈置了一間小木屋, 聖誕老人正從天爬繩準備走入小木屋的煙囪裏, 而小木屋就放滿了不同款式的朱古力可供選購。餐廳外圍也佈置得甚有氣氛...通常酒店自助餐都會包一杯飲品 (咖啡或茶, 檸茶檸水), 不過今次點心自助午餐就可以任飲 ... 香片或普洱 (Buffet 檯那邊都有中式清涼茶供應, 我估計是菊花茶, 因為杭菊味道較多但是好‧好‧好甜)主題是點心自助午餐, 那當然會以一系列自家製精緻點心為主(傳統及創意點心兼備), 不過點心並非即叫即製, 是完全擺放在Buffet 檯上：當日的蒸製點心就有(上下圖)這7款, 分別有: 糯米雞 (糯米飯黏軟, 餡料有雞肉、瘦臘腸片、冬菇碎

期待左好耐的8度海逸buffet,但竟然未入到去就搞到我呢個有耳水不平衡的小伙子開始頭暈，可能因為配合8度主題的關係所以咁。行到入去，只見人山人海，枱與枱之間好迫，還有的是，我未試過去一個buffet嘈到好似街市咁的，直頭嚇死人，食咩都無胃口。講食那part,老實講，跟海逸其他幾間確實比下去，熱盤唔多，冷盤唔夠，叫做有長腳蟹同生蠔頂住。生蠔好肥美，值得一讚！但長腳蟹我唔夠人快，無食到。牛排異常美味，一啲都唔硬，正！甜品方面要大家失望了，因為不是太好吃，我只係每件試左少少，同埋個頭越食越暈，所以無幾耐就走。地方環境食物黎計，400幾一位係超級唔平，但因為會員關係，有8折，不過都300幾，不會再來了。

這日朋友相約去位於土瓜環的8度海逸酒店內的8度餐廳食午餐。這間酒店四周都是修車行，平日自己真是甚少來到這區呢。本來以為8度只是拿個意頭，因為‘8’是不少中國人喜愛的號碼。來到餐廳後就明白了，無論佈置，以致水杯等都是以8度微微傾側，又幾有趣呢。這裡午市有供應多款套餐，亦有點心自助餐。不過原來點心不是即點即蒸，全部都已經放好在外面的自助餐area保著溫。嗯，那麼我們還是套餐吧。我選了燒汁龍利柳（＄128），而朋友就選了台式牛肉麵。餐還包沙律或餐湯，水果或甜品，和咖啡或茶。是日餐湯是濃蝦湯，不過味道很淡和稀。燒汁龍利柳魚肉煎得皮脆肉滑，不過就魚的味道就吃不出，只吃到濃又甜的燒汁。相對這魚柳，我更愛底下的炸薯角，炸得香脆。朋友同樣對他的主菜台式牛肉麵印象一般，麵條太軟淋，牛肉和湯底味道都很淡。最後甜品是士多啤梨mousse cake，蛋糕做得滑溜又頗香，算不錯。我們都要了凍檸茶，茶味偏淡，朋友說笑就算晚餐飲亦不怕晚上瞓不著。整體來說，這餐的水準來得不及我們預期的好，加上位置有點隔涉，相信再來興趣不大了。不過值得一贊是這裡的侍應們都很主動加水、收碟等，服務亦有禮親切。

近呢幾年都越來越少去食自助餐，事關覺得真係好浪費食物，同埋無左果種要享受食物既心態。今次食都係因為有人生日，去之前都係openrice到check過架，知道佢地有即開生蠔，好吸引喎，不過生蠔算係細，要拎好幾次先夠喉。而佢地既芒果拿破崙都係出名既食品，呢個真係好好味，而且唔會甜到好利害，好適中。

朋友團購買左high tea, 睇在個拿破侖份上一試甜品碟有之前團購過既咖啡朱古力蛋糕, 一早知佢好好好好好味, 香濃味美~~芒果拿破侖, 沒有令人失望, 都係水準之作其他都可以咸點方面, 三文治ok新鮮炸點很油, (當然啊), 可以接受咖啡任添, 雖然咖啡不好喝, 但服務同環境都好好, 超滿意!!!小妹食過好多酒店 high tea , 呢間既性價比好, 超乎期望, 雖然不及洲際文華等, 但絶對比好多酒店水準高, 團購都唔一定冇好野,食完咁耐之後, 都要留言讚番吓~~

首次團購自助餐，聽聞呢到自助餐嘅評價都幾高，都有少少期望。似乎酒店特別為左我地呢班團購食客開左個宴會廳，被安排坐正係放冷盤後面個張枱嘩，有生蠔，龍蝦仔，螺，蝦，長腳蟹。啲生蠔好正呀，細細隻但好新鮮，鮮甜！雖然生蠔每次放出黎都好快俾人拎哂，但職員都好快再refill返，好勤力其間職員推介新飲品俾我地，係V8嘅雜果果汁，十蚊五罐咁抵好難唔試噃，不過味道就……少少似藥水味啦天婦羅有廚師即炸，好脆口又熱辣辣仲有好多熟食選擇，有羊架，雪魚，忌廉通粉，蒜蓉大蝦，炒辣蟹等等，全部都好好味！印度咖哩味道唔差不過啲薄餅就麻麻地喇，太林又唔香口泰式炒飯都唔錯，炒到黄金色之餘，仲係粒粒飯，正！甜品方面佢都不停refill, 芒果拿破崙都做得幾好，好多芒果係面，一啲都唔吝嗇，餅底亦做到好脆仲有我最鍾意食嘅麵包布甸，不過佢個面做得差左啲，食落去感覺好油，而下面個部分又整得老得滯。雖然係咁，加上呍喱嗱醬後我都食左唔少 以團購黎講我好滿意，職員都好努力不停咁棒出新鮮嘅食物而到差唔多完結嘅時段，有幾個疑似高層嘅職員都有行出黎睇下食客嘅反應最後都有派意見書俾我地，希望我地可以俾啲寶貴意見, 佢地真係有照顧食客嘅感受，服

屋企人生日飯 食buffet聽同事講8度既野幾好食, 特別係芒果拿破崙, 又有生蠔, 於是一試野食雖然多款唔多, 但全部都係大路野, 樣樣都岩食好過有d 多款超多, 但其實樣樣都唔岩食長腳蟹都幾粗狀多肉, 所以成日比人掃晒...生蠔睇落好似好細隻, 但原來蠔殼都幾深, 所以都唔算好迷你, 而且味道鮮甜, 正!當日有片皮鴨, 好juicy 好味甜品同生果有好多款主角當然係佢 - 芒果拿破崙起初都驚期望太大 怕會失望, 但真係好好食!!好脆好多芒果 吉士又滑 真心推介!!

講起人氣經常爆燈的自助餐「八度餐廳」都是之一，因為每晚都總是爆場，更是要預早打來book 位，喜歡周圍食的我今晚突然心血來潮與一班又是為食的朋友來到Cafe 8 degrees 來食自助晚餐，是晚自助餐的主題是「環球海鮮薈」，由7月1日起至9月30 日，更是正合意喜歡食海鮮的我們，當你進入此酒店大堂時，已經有一種震撼傾斜的視覺效果，大堂內原本是水平的地板、接待處的牆壁、天花、電梯等等都是呈現傾斜的視覺效果，大玩傾斜做gimmick，起初我們都不敢走得太大步，好像慢慢地上斜及落斜因怕站不穩，原來都是我們一番錯覺，平時所見的普遍裝修華麗的酒店真是與眾不同，更讓客人有一個嶄新的視覺體驗，更用傾斜的理念而突圍而出，走的更是型格又時尚路線，這些新鮮的概念更是由香港十大設計師梁景華先生巧妙地設計出獨特的酒店大堂，他曾獲得超過50個國際性大獎，他更被Andrew Martin國際室內設計師評選為全球50大室內設計師，今天可以欣賞到梁景華先生的大膽新穎設計更是讓我們大開眼界。酒店取名為「8度」的構思，源於此酒店近九龍城的舊機場，更讓客人有飛機降落在機場跑道的傾斜「8度」視覺效果，在中國傅統理念中，「八

今天是我Honey的生日,有驚有喜的一晚.我們在雅虎買了6位團購晚餐,我在6時到了大堂cafe取位,唔知什麼,這帶位小姐說:我們沒有你的booking,我好不高興,因為今天是我女朋友生曰,什麼會錯,這位小姐說:你們是不是買了雅虎團購,我回答:是我已經booking了,那時有位四眼高高哥哥有禮地說,我可幫你,他說你們不是在這裏晚餐你們是在一樓晚餐,我真的十分生氣,他便帶同我們一起到一樓,我一看這不是一個酒席用餐的地方,天哬今天是我honey brithday,都沒有辧法,只好入場,一會兒我的honey到了,我看她十分開心,我都放下了大石,她說這兒都不錯,有白色枱布同坐椅,同有水晶燈,好像我們結婚他開心地說,好了我們開始Dinner,我取了一些凍海鮮,生蠔都有海水味正凍蝦可以,凍螺正十分鮮甜,小龍蝦冇吃唔知,可惜沒有長腳蚧,明明樓下是有的,我便問問正在加食物廚師,他說是有的,我們的buffet是東南亞,所以我們改變了,做了避風塘炒長腳蚧,好的我便取了一些回去,good超好味,還有特色東南亞食物都唔OK,這個一定要食水煮牛肉超正有四川風味,因本人是十分愛吃四川麻辡,.到了甜品,一開始就吃拿破