記得曾到過參加Event，跟蘇玉華一同搓麵包認真好玩，食Buffet還是首趟但真的滿有驚喜呢，先講價錢自助餐成人$458，長者$408，小童$328，於酒店eShop預購或指定信用卡更可享高達8折優惠呢。
那折後只四佰多的自助餐有咩食，等車媽媽帶大家行一圈啦！先係大家關心的生蠔是夜生蠔有兩款選擇一款係法國的Fine de Claire另一款係Pacific Oyster Totten Inlet。
堂煮芝士龍蝦以及燒龍蝦，夠氣勢了吧！
還有邪惡無比的厚切即煎鵝肝和美味燒牛肉。
淨係睇以上幾款亦已經足以回本了，以下的大家都係全賺，先有點心餐廳會輪流供應幾款點心，第一輪係蝦餃之後還會有小籠包和粉果，質素不俗㗎，香口的有泰式咖哩布朗蟹，而惹味的有黑椒牛仔骨，紅酒燴牛肋條，飽肚的雜錦炒飯和香口嘅青咖哩雞。
講到惹味之選有羊扒和串燒墨魚咀，都係必吃之選呀，這可愛圓碌碌的原來係扒豬肉腸嚟㗎，喜愛中式食品嘅朋友千祈咪錯過呢個雜錦冬瓜甫喎，想健康啲食馬拉盞炒椰菜都係唔錯既選擇喔，仲有邪惡非常的煙肉洋蔥忌廉直通粉。😈
呢個忌廉南瓜香香滑滑俞可以一試呢！🎃雜菌炕豆腐看上去好像很濃香呢，這款印度香飯十分吸引我，因為米粒好像有生命的在呼喚我般，吃落都幾爽口㗎！同我哋吃開嘅中國米有好大嘅分別，🍚配飯就當然要有咖哩啦，呢度亦都有多款選擇例如羊肉咖哩，天多利雞肉 同埋咖哩雜菜，聽聞呢度師父係正宗印度籍廚師來的所以味道絕對正宗。
香口炸物真係好引人，真係喉嚨痛都要食呀！呢個係酥炸單骨雞翼味道都幾香脆，而且食得方便，另外仲有炸鱈場蟹腳又係惹味誘人。
喜歡中式食物嘅朋友嚟到呢度都唔需要擔心，因為實在有十分多嘅選擇，例如中式燒味和清蒸海上鮮。🐟
香草魚柳，燒豬頸肉同埋辣椒膏炒蜆，全部都係美味之作。
我哋行返去睇下呢度嘅前菜有啲咩好食先，有幾款涼拌好吸引㗎例如木耳蓮藕，涼拌蜜糖豆，日式螺肉以及燒雜菜，味道都挺不俗呢。
但講到我最愛就係呢款涼拌茄子，味道香辣細緻好吃得我要再添食呢。😋
另外還有煙三文魚和凍肉拼盤。
而芝士拼盤方便選擇亦都十分之多，相信總有一款啱大家口味的。
這兒的沙律區陣容不算十分強大，但有的都是品質新鮮啊。
另外仲我喜歡的新鮮生果，一看見新鮮菠蘿🍍真的開心到飛起，唯一可惜係沒有它好友風乾火腿啫！
差啲唔記得介紹呢度嘅湯品㖭！中式湯係紅棗黨參煲鱷魚肉，啱曬氣管唔好嘅朋友飲，例如久咳不癒的劉X😕，另外西式湯係洋蔥湯，同樣地係水準之作。
凍海鮮方面陣容易都唔輸蝕㗎！有半殼青口，新鮮海蝦🍤，海螺🐚以及鱈場蟹腳。
刺身亦都有不少選擇例如立魚，吞拿魚，三文魚，玉子，北寄貝，鯖魚等等！
但講到罕見的就有這款和牛刺身🐮，車媽媽不吃牛的但見到這個和牛刺身都有點流口水呢😋
最開心見到自助餐有無限飲品供應，呢度會有橙汁🍊，蘋果汁🍎同埋菊花蜜🌻🍯，開心死我了。
講完鹹食係時候講甜品，呢度甜品十分之吸引甜魔們要留意留意，雪糕用上Haagen-Dazs而且有Buffet少見的口味如Blueberry，Cranberry等。🍦
另外仲有葡式蛋撻和迷你芝士撻，講真當日實在太飽了所以兩款都冇試，但係後來從甜魔媽媽口中得知這兒的芝士撻味道好出色的，希望下次可再嚐吧。
還有傳統甜品牛油麵包布甸，中式糖水就係看上去起曬沙嘅紅豆沙。
差不多所有自助餐都唔少得嘅朱古力噴泉當然都會有供應啦！
不過這個甜品Corner就更加吸引了。💟
鮮雜果白酒啫喱，外貌出眾之餘吃下味道亦十分出色。
朱古力香蕉蛋糕亦都係出色之作嚟㗎。🍌🍫
法式果味焦糖燉蛋，蛋白梳乎厘。
大家記住記住記住嚟8度餐廳食自助餐，如果冇食過這份芒果拿破崙唔好話畀人聽來過呀！
這件芒果拿破崙包您吃完一件之後會成日掛住佢囉！😚
士多啤梨蛋捲同抹茶蛋糕其實都好出色呢。
喜歡飲酒嘅朋友其實都可以揀選飲品任飲優惠，酒精類飲品只係每位+$85，便可無限享用精選嘅紅白餐酒同埋啤酒🍷🍺，喜歡嗒兩杯嘅朋友絕對值得升級的。
先嘆生蠔是常識吧！Totten Inlet質感較Creamy，帶微微海水味很適合入門朋友，而Fine de Claire半透明的肉質，入口先鹹後甜，甘甜無比。
再例牌來一碟生果前菜，當中菠蘿香甜無渣，芝士軟滑鹹香，仲有涼拌茄子香中帶辣不鞋口，真的好味非常。
而鱈場蟹腳個子不大，但係蟹肉多汁鮮味😋
龍蝦兩食當然必吃啦！燒龍蝦香口不乾，芝士滑溜肉嫩各有味道。
要一提這兒的洋蔥湯十分香甜可口，再飽也值得一試。
平時熱葷不多吃的我亦忍不住取了不少來試，辣椒膏炒蜆沒有一般杰撻撻的口感，蜆肉新鮮，豬腩肉係跟燒牛肉輪流供應的，肥瘦相間的腩肉味道恰好但皮還可再香脆些，但最驚喜的是燒豬頸肉🐷，爽脆彈牙又入味，第一次吃到這感覺超級好吃呀！👍
但刺身亦冇因此被比下去呀，三文魚味道鮮甜，魷魚煙韌有咬口最重要有鮮味不似吃膠，北寄貝亦爽口好吃，忍不住再取了點涼拌茄子香真的十分好味道，而此時點心轉上粉果正合我意，估唔到質素也十分不俗呢，皮爽餡香可惜欠了豆瓣醬啫。
吃至十二分滿足但甜品胃在叫囂，好好好本座快快會餵飽您😕，看見色彩斑斕的啫喱糖忍不了手取了數顆，味道夠香但亦偏甜，鮮雜果白酒啫喱質地軟滑，酒味不算太强老少咸宜，而最正莫過於芒果拿破崙，質地香甜又酥脆，果然係得獎名物呀。💕
最後嘆杯凍檸檬茶消消滯便肚滿腸肥的回家喇，我相信我必定會再來吃自助餐的，餐廳一連的冬至，聖誕節，除夕及元旦日價錢由成人$488-$668不等一點也不貴呢，想在這開心的日子跟家人朋友共聚吃大餐不妨考慮 。
朋友介紹，說8度餐廳的自助餐很抵食！不止有生蠔長腳蟹！更有鵝肝等等美食。單是聽到，已經覺得值得一試！雖說位於土瓜灣，但原來係尖沙咀紅磡等地方，都有免費接駁巴士。咁又幾方便喎~~
黎到食自助餐，主打一定係生蠔！呢度仲要有兩款俾你揀！或者每次要一款都得！即叫即開，絕對新鮮。餐廳會因時節不同有所更換生蠔款式。但有兩款俾你揀，已經強過出面好多啦~~ 
生蠔新鮮而食到有海水味。不會有其他怪味，保持品質高，怪不得咁多人黎呢度食自助餐。
順住個勢去食，發現隔贞有芝士焗龍蝦！足足有我手掌咁大隻！同樣是即叫即焗，新鮮熱辣！
每次排隊，一般是一人半隻，沾滿了香濃芝士。
啖啖肉的口感，絕對是一大享受！
除了海鮮，當然仲有牛扒！
而甜品架，更是讓女仕們興奮起來！
除了切餅款式，還有細細件的小蛋糕款式呢~~
冷盤方面，當然少不了翡翠螺、長腳蟹！
很欣賞這裡的長腳蟹雪味不重，而且不會食咬口一舊舊冰。
食得有長腳蟹的鮮肉味，不錯呢~ 
這裡還有很值得一試的一口芝士撻以及蛋撻，放係保溫箱內！
建議大家快搶芝士撻，很多時自助餐一半的時間就俾人搶晒了！
主角當然係即煎鵝肝！仲要成吋厚！好誇張！
一拎到手，已經香氣四溢啦~~ 流晒口水！
入口即溶，加埋個特製醬汁，可以連食幾舊都唔怕！絕對是頭號推薦！
數數下，唔可以漏的還有刺身。款式有六七款俾你揀，數量選擇多！
還有，這裡的湯也是很不錯的哦！
適逢屋企人生日, 就揀左黎 8度海逸酒店食 Dinner Buffet"*
一黎到就梗係睇下有咩生蠔先啦~~
師傅即點即開, 即刻用水沖洗乾淨就上碟"*
另外凍海鮮款式都幾多, 有皇帝蟹腳, 紐西蘭青口, 蝦及螺"*
Buffet 又點少得壽司刺身呢~~
接著就一定去排隊拎厚厚既鵝肝!!!
仲有另一邪惡食物：芝士香草忌廉汁炒波士頓龍蝦
熟食方面都有好多選擇, 有中式及西式的"*
唔想食咁多肉類既, 都有沙律吧可以自選沙律!!!
飲品方面可以係選擇自助餐裡的橙汁, 蘋果汁等飲品~~~
最後就係攻陷甜品區啦~~~
大家必試佢地既皇牌芒果拿破崙及軟心芝士撻!!!
另外大家記得睇準時間去拎即場焗製既朱古力心太軟啊"*
美國蠔大大隻較脆口, 但我較喜歡法國蠔, 海水味夠, 正!!
香煎鵝肝更獲得全枱稱讚, 夠油潤兼脂香味濃, 沒有筋, 配搭薄脆多士, 令人不知不覺多吃了.
這區是最受歡迎的, 除了煎鵝肝及生蠔外, 還有龍蝦.
凍海鮮沒有龍蝦份兒，但就有即煮大大隻龍蝦, 以白汁去煮, 好惹味!
本來沒有打算吃印度咖喱, 但鄰座食客說必試, 於是就拿了些少, 咖喱雞正喎!!! 以薄餅沾薄荷乳酪醬, 好有趣. 據喬寶寶所說, 印度人不喝湯, 乳酪就是湯了.
另外, 亦有即製朱古力心太軟, 流啦~ 流啦~ 朱古力醬緩緩流出, 蛋糕外脆內軟, 掌握得挺好啊~
魚生又是另一個驚喜，一起吃的朋友話洲際好食，但當然價錢高昂得多，有三文魚劍魚蟹枊玉子呑拿魚北寄貝馬刀貝油甘魚，仲可以有得選腩位仲要有得任你選幾多種，師傅又好人，我很久沒試過這樣開心吃酒店的壽司counter了。
另外的驚喜，是竟然有和牛刺身，以優質的和牛來造刺身你可以知道有幾勁，食牛見得多，少聽霸氣到和牛刺身，師傅仲要唔駛錢咁供應，冇就fill冇就fill，叫愛任食的你吃得很高興。
如果以一個平到笑的價錢，你可以任食兩種新鮮又美味的蠔，一個是pacific oyster，一個是fine de claire，你點會唔滿足，唔滿足的原因應該是吃得唔夠多吧。
太多好野食的關係，食左兩三轉才換上沙律，清新是自然的，最好是還有很多冷盤，又凍肉又瓜又豆又生果又螺肉，一不小心可以係另一個令你飽的陷阱。
最重要呢到有大大個counter 煮熟海鮮，今晚吃的大大件的龍蝦鉗和龍蝦尾，以芝士為主烹調得引人入勝，我愛龍蝦的瘋狂，在這個菜最能體現，足足吃了一大碟，令我吃咁多你就知有幾好食有幾扺食。
泰式咖哩布朗蟹又是另一搶鏡海鮮，味道惹火，蟹肉雖沒有大大啖，但也叫你吃得快樂。
上半場我講完，我想你冇想過以土瓜灣的八度海逸酒店可以咁多野食，N小姐，我錯了，原來呢度好平好抵食，大約你應該在這裡寫食評，可能你會想有幾平呀，咁誇張，如果N小姐連立法會掉過的午餐肉都可以做過晚餐，咁樣你就知呢一課如何慳家地吃一餐滿載而歸的自助餐一定係攻略。
湯品有中有西，都是悉隨尊便，我試過兩樣都好。
燒味是standard的好，你絕對值得吃，不會浪費肚的位置。
燒腩仔，燒得又脆又乾身又少油份，乾爽得如塗上baby Johnson ，那種美味此處才有，平時在西餐廳二百多a la carte的美味，為你送上。
大大條的蒸魚，絕不能錯過，去得快，但番貨都快，自助餐是此服務，還有什麼好說。
因為萬聖節的special 做了的香辣茄汁肉眼球和蟲蟲茄蓉肉醬意都不錯，不會因theme而草草給你食物，小朋友食得最開心。
那些炒露荀，龍脷枊，串燒和炒蜆都幾好。
生果當然有，唯一的弱點就是選擇小一點。
甜品都有很多基本的選擇，梳乎里燉蛋慕絲乜都有，但最好的是那個芒果拿破崙和蛋白杏仁茶。
葡撻是我的推薦，還有這個雪條，來自馬來西亞的特別美味。
另外，這裡的爆谷也做得好好，食勁飽我們也不停手咁食，絕對是你很容易錯過的遺珠。
還有Haggen Dazs 的雪糕，愛甜的又怎能錯過呢。
總括來說，呢堂滿載而歸的自助餐可以多平，taste of the tea 的這個theme 不用五百，而且在這個link 可以有折扣優惠，你說這課是不是必修呢?
http://eshop.harbour-plaza.com/8degrees/product-category/gift-voucher
家陣食Buffet，動軋六、七百個大洋，仲唔保証有生蠔 (港人至愛?)食，縱使多不甘心，亦要乖乖付鈔。
凍海鮮有青口、蝦、蟹腳與翡翠螺，質素跟坊間大部份的酒店自助餐無異，我還是留力，進攻即煎鵝肝。
看著師傅在煎滿Pan的鵝肝，香氣四溢，急不及待要番件。好很厚身的鵝肝，入口溶化，甘香味美，口感尚佳，如多士可以更脆口，就無得彈。
龍蝦也有兩種做法，我會喜歡芝士，即使較漏，也無妨，加多個伊麵墊底仲好。
即開生蠔有兩款，分別是法國代表Fine de Claire，與及美國住麗Pacific Oyster，法國生蠔從來穩陣，反而大隻的美國蠔，更有驚喜。
吃罷以上皇牌食物，飽了一半，但也想繼續我愛的莎樂美腸、火腿和芝士。
熱盤選擇比想像中多，有中式有西式，仲有印度嘢。其中最欣賞的，必要數到羊架，肉質嫩，羊羶味來得恰到好處，絕不似一般Buffet的熱葷。另外，咖喱蟹亦出色，朋友好像吃了三轉。
再講，這裡的燒味，比預期中好，叉燒唔怕韌，仲有油雞食，新鮮出爐的燒肉，更大受歡迎。
呢度既爆谷，真有水準，好想拿回家，睇歐聯時會大派用場。
齊心就事成，夾好每人拿一點甜品，拼湊成慰藉甜胃的最佳禮物。由於臨近萬聖節，當中不乏節日甜點，如南瓜造型的蛋糕，同埋鬼眼的果凍。
然而，個人認為最精彩的，仍是店家的招牌芒果拿破崙，果肉鮮甜，酥皮清脆。再者，士多啤梨蛋卷，輕怡軟熟，同樣得到高分數。
好幸運，回家之時，已停雨，還要多謝朋友車我回去，真係唔話得。
話明用Halloween 做主題，南瓜頭、嘩鬼面具以及蜘蛛網等一系列應節裝飾當然少不了，由大門開始一直佈置到食物區及座位區，充滿氣氛，台灣朋友勁開心。
而阿J就非常欣賞新鮮出爐的原條燒腩仔，肉質鮮嫩無比。
稍稍休息完，係時候試吓其他熱盤，選擇都唔少，等我試吓一口氣講比大家聽有啲咩：泰式豬頸肉、翡翠炒蝦球、香煎龍脷柳、雜錦串燒、香草牛肋條、辣椒炒蜆、馬拉盞炒椰菜、中式點心、韓式炸雞翼、椒鹽比目魚、豉汁炒涼瓜、炒蘆筍、炸薯角，咖喱則有雜菜、牛及雞選擇，而當中我特別喜愛超級香口的泰式咖喱炒麵包蟹，而今晚是以Halloween 作主題，咁當然唔少得搞鬼造型的香辣茄汁肉眼球及蟲蟲肉醬意粉。
係咪好豐富呢？唔好忘記仲有甜品區。熟我嘅人都知我一向唔太好甜品，但8度有幾樣甜品係我必食的。第一樣係以芒果做主題的所有蛋糕及甜品，因為佢哋用的芒果每次都超級香甜，而且每件都用上大量芒果，絕不欺場，加上蛋糕質地鬆軟，真係食到停唔到口；第二樣是這裏的名物拿破崙蛋糕，鬆脆的千層酥配無敵香芒，瞬間被秒清；第三樣是這裏的新鮮爆谷，溫度及甜度適中，每次來我起碼食三大碗；而今次，多咗一樣吸引我食的，就係在Buffet好少見到的雪條，這條雪條並唔係普通貨色，而係好多人去馬來西亞都會大量入貨的名物，台灣朋友就鍾意椰汁芋頭味，真材實料的紫米露味就最合我心水，搞到我冷落了平時最喜愛的Haagen-Dazs雪糕。
大家成晚非常忙碌出出入入攞食物，話咁快就食咗一晚，台灣朋友非常享受，有朋自遠方來，當然由PJ 請客，阿J好醒目醒起可在8 度海逸酒店的網頁預先列印八折優惠劵，折後連加一每人都係四百多元，係咪好抵呢？難怪今晚雖然天氣欠佳，但都接近9成滿，台灣朋友更加已經商量緊離開香港前喺度食多一餐。
即點即開生蠔，有美國蠔同法國蠔兩款~
一到場急不及待取生蠔，每次可取兩隻~
生蠔挺肥美飽滿，入口滑溜溜~此款法國蠔海水味較重，美國蠔比較creamy同甜，個人喜歡美國蠔多點~
除了即點即開生蠔，還有即席煎鵝肝..心心眼中~厚厚的鵝肝，比多士還要厚!!
鵝肝外層煎得金黃、香口，入口溶化，而底層的多士也保持脆度 ~配上特設的黑松露醬汁，先感到鵝肝入口溶化..再來黑松露的回香，一整個搭!!必試!
海鮮區有蝦、蟹腳、翡翠螺、青口..等~
皇帝蟹腳挺大隻，啖啖肉!鮮甜得來帶點海水味~
說到海鮮，不能錯過即炒龍蝦~
龍蝦幾大隻，易於起出龍蝦肉，啖啖肉!
肉質彈牙，配濃濃的芝士香草忌廉汁，香濃美味~
刺身整體都新鮮，不過對住生蠔、鵝肝、龍蝦、蟹腳，刺身突變得不重要XD
食左咁多生冷野，整返碗熱湯~
有多款生果同沙津~
芝士撻
帶微暖溫度，喜歡它撻皮夠脆，芝士味濃，如果芝士饀再流心點就更棒!
豆腐花夠滑溜!更設有糖水及紅糖供自己調味，滿貼心~
芒果拿破崙厚切的芒果肉配滑滑的吉士忌廉，酥皮脆得來入口鬆化，喜歡它鬆化得來又不會咬一口散晒~
焗朱古力心太軟，這個要留意幾時出爐~
雪糕都有兩款品牌選擇 Häagen-Dazs 、Dreyer's~
飲品方面除了包一杯餐飲外，還設橙汁、蘋果汁及涼茶供取，實行可任飲任食~
生蠔有兩款， 法國的Fine de Claire 與 美國的Pacific Oyster，我就較喜歡法國的， 重海水味又夠爽身， 每人每次可取2隻。
行過少少， 有勁搶手既芝士龍蝦， 大大隻鮮甜爽彈。
再行過少少， 有即煎鵝肝， 爆油感十足， 配上黑松露醬汁，更顯惹味。
再來個芝士拼盤，每款試少少已經好回味了﹗
刺身大約有八款，魚生佔3-4款， 最囑目的， 有和牛刺身， 好牛人士不要錯過啊～
凍海鮮有長腳蟹、青口、蝦、螺， 長腳蟹都幾鮮甜多汁， 不錯啊！
還有比餐廳扒餐還要大件的羊扒， 沒有羊羶味， 肉質爽嫩，只略嫌未夠惹味！
果汁無限添飲。
仲有中西湯水，這晚是杞子螺頭燉雞湯，又幾真材實料啊，好滋補。
照顧到不同國藉， 有惹味燒味。又有印度咖哩，甜辣的香氣與味道，就是只用汁伴飯也可吃個飽！
沙律有拌好的，亦有自助的， 蠻多選擇。
熱葷有多達十款， 有豉椒炒蟹、飯麵、魚等， 不過我已好飽了.....
香蕉朱古力蛋糕， 北海道草莓卷、梳乎厘、櫻桃撻、冧酒批等等等等...... 想不到， 自助餐甜品都可以咁正！ 海棉蛋糕做得好鬆軟，而且不鞋口， 全部的甜度都控制得好好！ 不會吃到喉嚨不舒服的感覺。
當然不能錯過芒果拿破崙， 很快便被搶清！ 甜甜的芒果， 鬆脆的酥皮，一口咬下時容易分離， 必吃！
還有葡撻、金黃芝士撻等等，味道不錯，若果再熱一點及有流心狀態就perfect了。
旁邊還有滑溜豆腐花， 有專人為你盛滿一碗 ， 這樣就衛生得多了。
即製心太軟， 都不會太甜太膩，但就要看看是否有運氣拿到個流心的了！
雪糕有哈根大師、 dreyers、韓式雪條。
我不能太生冷， 就來個生果盤好了！
今餐真的吃回本了， 好滿足的同時，已計劃下月再來捧場！
當然兩款都要試啦！
而芒果主題下午茶，都係橙黃色系，選料有心思，包括配芒果粒醬的麥樂雞、惹味芝士撻、黑松露味薯蓉等。
由於時間關係，吃到鬆餅已經涼了，這些層塔下午茶，會有方法改善嗎？
最高這層的糯米包厚肉芒果超好食，好有𡁻口；芒果拿破崙都唔錯。
跟餐附送芒果沙冰同熱飲；夏日鮮果餐就送波蘿沙冰同熱飲。
影片
