798 Unit & Co (已結業)

鍾意食拿破崙, 所以見到dessert menu裡面有拿破崙就二話不說要左佢. 等左15分鐘, 上檯o既係一個filo pastry禮物包? 問侍應, 佢話係拿破崙. 原來佢係用酥皮包住唔同o既cereal同果仁碎, 旁邊再有一pat白朱古力吉士忌廉. 由於唔係傳統o既一層層, 所以口感好單調, 而且忌廉唔夠凍, 食多左有膩o既感覺. 唔好食, 好失望.

看得出有誠意製作,環境一流,好似去外國,可惜水準時好時壞!其實最值得試係甜品,居然有Pavlova(吃creme跟最邊的皮一齊吃就不會覺得太甜),可以打敗好多較出名餅店.希望水準會平均,暫時當食環境氣氛吧~

太多人同雜誌都介紹話呢間野好正,但都係冇乜特別平日夜晚9點幾先上到去, 唔駛等位, 成間舖都唔係全滿, 但己經嘈到好似o係酒樓飲緊茶咁! 可能個樓底太矮既闗係啦!!! menu上面既選擇不多, 3個人食左個雜菌沙律,大蝦angel hair, 鴨腿意大利飯同焦糖燉蛋兩味份量唔算大,3個女仔都叫做剛剛好! 但味道就非常一般... 沙律酸左d, angel hair就太淡, 其他都不過不失啦唯一我想要杯暖水o個陣, 佢地竟然用玻璃杯同一壺滾水serve...咁危險, 玻璃熱得濟爆左都唔知點算?!想搵個地方可以靜靜地食飯傾計既話,記住唔好黎呢間!!!

第二次o黎呢度食喇，第一次o黎感覺好Fresh，因為全部年青人，Open Kitchen好有Home Made Feel，佢o地好似一家人咁(實則係咪唔知呀吓！)。今次o黎服務都進步o左，但就想講講食物o既質素。意粉份量好少，又係大大個碟，細細"住"意粉o個隻，本人就唔係咁鍾意呢o的扮有格調扮有空間感既擺法(純粹個人意見，因為真係食唔飽嘛，哈哈！)，香草露筍意粉略嫌太多橄欖油，好似「章」住個口咁；番茄大蝦天使麵就ok，好有鑊氣；BBQ羊柳就唔夠腍，個汁有o的淡，好似唔係幾夠味。其實整體食物質素尚可接受o既，但仍有空間再進步o的囉，如果唔係就俾人over pricing o既感覺。呢間係有o的design同idea o既餐廳，唔係好grand o個種，而係有o的本地原創o既味道，所以係誠意製作！

此食店環境, 相比厚褔街的其他食肆已經叫做唔錯, 顕然有比心機去design過. 不過, 食物種類,味道就覺得幾一般.加上, 上菜時間出其緩慢, 侍應招呼有待改善,嫌不太親切.希望佢下次可以有番D驚喜俾我地.

雖然門面無裝修,但都爆滿.全場食客都是年青人.香檸蕃茄烤鰽魚$88~整條魚起骨及頭,但沒什味道.羊膝燴意大利飯$88~份量足夠,但味道好淡

此餐廳曾到訪多次，環境不錯，但有點嘈（包括人聲及音樂聲），服務都可以，態度熱情有禮，稍嫌待應們經常好似遊魂咁，經過你面前都見唔到你叫佢落order；食物水準每次皆有"驚""喜"，睇你好唔好彩；唯一特別要彈就係洗手間，個液樽係滿但係液就襟極都唔漏出，都唔知員工有冇用過液洗手！

同朋友三點三, 淨得我們, 好似包場咁包足兩個幾鐘.呵呵呵. 講真去果度都係食佢既靚環境(我只indoor咋). 食物就普普通通啦.服務既好. 不過都有蚊子飛黎飛去啦

和兩位友人約好今晚食飯, 友人甲鎖定798, 佢之前嚟過覺得very good, 所以我地三個平時唔會願意過海飯聚既港島人, 終於破天荒相約尖沙咀.一上到餐廳,感覺好bistro, 燈光暗暗的. 其實我唔介意佢光少少, 因為多人, 樓底唔高再加上室內用料比較"應聲", 所以個人認為光返d反而仲襯個casual feel.菜牌唔多選擇,但包含既菜式都算幾特別.佢寫住summer collection,即係話會季節性地改menu,加分!點了拼盤,mixed mushroom salad及all day breakfast. all day breakfast 做得很好,腸仔/旦/bacon好juicy, 甚至蕃茄都bake/grill得無話乾爭爭. mixed mushroom salad 唔錯, 但唔算太特別, 個汁酸左少少. 拼盤都做得好,尤其串燒.炸物唔太多炸粉,但凍左放入口仍然鬆化,同埋唔油膩.最後,終於講到最大的驚喜:甜品. 我地三個叫了兩個share (友人乙堅稱唔食,但最後都忍唔住食了幾口),一個叫pavlova什麼的, 另一個係banana味的餅(sorry佢地係有正正經經

果日同女朋友仔上去食飯我地都趕住睇戲所以一坐底無耐就叫野食我地想坐sofa位不過可能係有人book左所以坐左係附近既一張圓有位大大隻既男侍應去service我地佢都幾pro呀幫我女朋友拉位出面d餐廳都好小囉．．．我地叫左果用木板上既拚盤一個沙律同一個扒味道可以接受啦．．．我諗個大隻哥哥可能有所謂幫我地hold野食．．．等我地唔洗咁急．．．成餐飯個時間佢幫我控制得好好我地埋單時都仲有時間唔洗衝住走去睇戲不過佢地有一d可能有分職級因為其中一個四眼既女人（唔知咩職位）佢好多野講周圍行黎行去唔知想點．．又成日行埋黎同我地講唔知咩．．．一陣又問我地去睇咩戲．．咩我地去左邊到行．．講咩佢都自己係到笑．．感覺佢好煩．．好無野做咁．．因為我成晚見到d後生仔，女都好忙．．相信其實好多時夜晚都係咁最後我地走．．我去個洗手間果陣大隻哥哥侍應佢話我知同好忙都帶我去．．佢真係都唔錯既態度，我女朋友仲話下次試甜品，佢就即刻話洗唔洗同我book定位．．．感覺佢真係唔錯但我好希望果位四眼既女侍應生唔好再成日無厘頭咁同人講野．．唔係好多人鐘意同你so so...佢仲有俾到咭片我叫jo xx．．．呢個係我同女朋友覺得唯一

見食評唔錯想來試好耐,入到去覺得裝修唔錯但都算幾嘈...菜單選擇小得出奇,連湯都無既?!點菜後嗰客法包真係...!! 又凍又硬我哋點咗個蒜汁意粉同鴨胸茄子, 個意粉味道ok不過無咩特別, 份量就小得可憐. 個鴨胸茄子d鴨胸超鞋,茄子係無味既!總結係:唔會再去第二次!

10 May 06 (Wed)星期三係平日, 我地大約九點鐘去到竟然full晒, 侍應叫我地留低電話有位打返比我地, 於是我地落去行下街。大約過左十五鐘佢地就打黎問我地仲食唔食, 入到去環境都幾嘈又黑喎, 一睇個menu得咁少選擇, 我地點左個小食拼盤, 意粉同甜品一齊食小食拼盤- 天婦羅味道好淡好多麵粉, 食唔出食緊d乜；炒雜菇好多油, 雞串無雞味係無乜味先岩, 走果陣響門口睇返menu先知佢無比到蟹鉗辣茄子豬頸肉意粉- 辣辣地幾開胃但意粉硬左d, 茄子蓉得好少,少到根本食唔到, 燒肉當豬頸肉仲用好肥既燒肉囉朱古力奶凍- 好濃朱古力味有d果仁響中間, 味道ok啦服務幾好, 侍應好勤力及快手, 成日加水又好快執台喎, 但食物差又嘈...

尋晚我都去左798 食飯哦, 一行三人. 但係... waiter 哥哥無安排餐前法飽俾我地哦... 走既時候亦都無muffin... 因為....漏左？= <環境真的出奇地嘈雜哦... 感到各人說話的聲音都被困在一起... =.=" 裝修方面, 感覺上少少似little italy, 地板用上了黑白格pattern, 都幾得意.食物賣相不錯, 可惜食味只係一般, 不過衡量埋佢既價錢(每款main course 都只係$6x-8x 左右). 其實都好抵食既.

有日無意中發現呢間餐廳, 睇過食評後就一試.第一個感覺係好似類似Fat Angelo"s 格局咁lor,但就暗d, 而且仲有個open kitchen...幾好呀, 好舒服! 都係女仔多wo...但環境的確好嘈!傾計都要大聲d...先麵包, 唔係搽牛油係搽橄欖油, 幾特別,味道唔錯.食物方面: 試個意大利飯同寛條麵,兩個味道都比較淡, 我呢d健康人士就覺得ok,但朋友又未必咁接受到...我一向都好鐘意意大利飯口感, 濕濕地唔乾身, 又有口...賣相又靚,好食呀!寛條麵都good 呀, 用料不俗,睇得出係俾心機整...兩個菜都係六十幾蚊, 物有所值呀.最後係甜品,order 開心果拿破崙同bownie粒配雪糕!前者係第二d地方無見過呢款甜品, 好得意呀, 開心果切成碎粒,夾埋塊酥皮, 又幾好食wo, 後者就試得出呢度甜品係有一手, 一粒粒朱古力蛋糕比一件無咁"漏", 而且d蛋糕整得一d都唔馬夫...整體感覺唔錯, 可能份量細d, 但食埋甜品就應該差唔多啦, 而且服務都好nice, 臨走係有muffin 送ga!!下次再, 希望可以坐得近d 個open kitchen, 睇下佢地煮嘛!

陪心怡換證後行到來附近便試試這個樓上caf憿A 因為食評寫得也不太差。上到去估唔到都好full，但都好彩有兩人枱。打開menu只有散叫沒有set dinner可選擇，單叫的主食都要近六十多完至八十多元，我們分別要了大蝦番茄白汁天使麵及驢魚意大利飯。法包先上，但唔好食，因為又硬又凍，有五件，我只吃了半件就沒興趣。大蝦番茄白汁天使麵及驢魚意大利飯的份量都頗少，男仔一定唔夠食，麵的口感不太好，個汁都一般，而個飯的汁就唔夠creamy，兩樣都係淡味，真係幾失望，以呢個價錢但又冇湯及飲品，厚福街其他的餐廳都好過佢。而個環境都幾嘈，caf擃Y 傾計的地方，但咁嘈真係頗辛苦。試完今次，一下都唔會再來了！